Monday, August 5, 2013

"အင်ဒိုနီးရှား ဗုဒ္ဓဘာသာ ဘုရားကျောင်းမှာ အသေးစားပေါက်ကွဲမှု ဖြစ်ပွား"

Posted by ရွှေသတင်းသစ် , at 2:54 PM

အင်ဒိုနီးရှားနိုင်ငံ မြို့တော် ဂျာကာတာက ဗုဒ္ဓဘာသာ ဘုရားကျောင်း တစ်ကျောင်းမှာ တနင်္ဂနွေည က အသေးစား ပေါက်ကွဲမှု ဖြစ်ပွားခဲ့တဲ့အတွက် ၀တ်ပြုနေသူတစ်ဦး ထိခိုက်ဒဏ်ရာ ရခဲ့ပါတယ်။

ဂျကာတာမြို့တော်အနောက်ပိုင်း အီကာယနာဂဟ ဘုရားကျောင်းမှာ ဖြစ်ပွားခဲ့တာဖြစ်ပါတယ်။ဘုရားကျောင်းအတွင်း ၀တ်ပြုနေကြချိန်မှာ ကျောင်းရဲ့အပြင်ဘက် မှန်တံခါးအနီး လက်လုပ်ဗုံးလို့ ယူဆရတဲ့ ပစ္စည်းတစ်ခု ပေါက်ကွဲခဲ့လို့ ၀တ်ပြုသူတစ်ဦး ဒဏ်ရာ အနည်းငယ်ရခဲ့ပြီး၊ ပျက်စီးမှု အနည်းအကျဉ်းရှိခဲ့ပါတယ်။

ဒုတိယ ပစ္စည်းတစ်ခု ကတော့ မီးခိုးတွေသာ ထွက်နေပြီး၊ မပေါက်ကွဲခဲ့ဘူးလို့ ရဲတပ်ဖွဲ့က ပြောပါတယ်။
ပေါက်ကွဲမှု အား အလွန်ပျော့တဲ့အတွက် မှန်တံခါး ကွဲရုံလောက်သာ အပျက်အစီးရှိပြီး၊ ၀တ်ပြုသူတစ်ဦး လက်မှာကွဲရှ ဒဏ်ရာသာရခဲ့တယ်လို့ အမျိုးသားရဲတပ်ဖွဲ့ ပြောခွင့်ရသူကပြောပါတယ်။

အခင်းဖြစ်ပွားရာနေရာတ၀ိုက်ကို ဗုံးရှင်းလင်းရေး တပ်ဖွဲ့က ရှင်းလင်းနေပြီး၊ ပေါက်ကွဲမှု ရဲ့လက်သည်တရားခံကို ရဲတပ်ဖွဲ့က စုံစမ်းရှာဖွေနေ ပါတယ်။
မြန်မာနိုင်ငံ ရခိုင်ပြည်နယ်မှာ ဖြစ်ပွားခဲ့တဲ့ ဘာသာရေး လူမျိုးရေး အဓိကရုဏ်းတွေကိုအကြောင်းပြုပြီး အင်ဒိုနီးရှားမှာရှိနေတဲ့ အစ္စလာမ် အစွန်းရောက် စစ်သွေးကြွအဖွဲ့ဝင်နှစ်ဦးက ပြီးခဲ့တဲ့ မေလအတွင်း ဂျကာတာမြို့က မြန်မာသံရုံးကို ဗုံးထောင်ဖို့ကြိုးစားခဲ့ကြရာမှာ ရဲက ကြားဖြတ်ဖမ်းဆီးမိခဲ့ပါတယ်။
အီကာယနာဂဟ ဘုရားကျောင်းဟာ ဂျာကာတာမြို့မှာ အကြီးဆုံး ဘုရားကျောင်းတွေထဲက တစ်ကျောင်း ဖြစ်ပါတယ်။

အခုလို ပေါက်ကွဲမှု ဖြစ်ခဲ့တာကြောင့် ဘာသာရေးဆိုင်ရာ မငြိမ်မသက်မှုတွေ ပေါ်ပေါက်လာမှာ မဟုတ်ဘူးလို့မျှော်လင့်ကြောင်းလည်း ဘုရားကျောင်း ကပြောပါတယ်။

RFA Burmese
categories

သင့်ရဲ့ အီးမေးလ် လိပ်စာ ရိုက်ထည့်ပါ

ရွှေသတင်းသစ် အွန်လိုင်းမီဒီယာ မှ သင့်အီးမေးလ်သို့သတင်း နှင့် ကဏ္ဍအားလုံး ပိုစ့်အသစ် တင် တိုင်း ၊ အရောက် ပို့ဆောင်ပေးသွားပါမည်။

0 comments to “"အင်ဒိုနီးရှား ဗုဒ္ဓဘာသာ ဘုရားကျောင်းမှာ အသေးစားပေါက်ကွဲမှု ဖြစ်ပွား"”

Post a Comment

Subscribe to: Post Comments (Atom)
 
. | © 2013 by ရွှေသတင်းသစ် and - | Powered by Shwe New News