စာရေးဆရာ ကိုအောင်ဆန်း အပိုင်း (၁ဝ)

သခင်အောင်ဆန်း၏ ကိုယ်ရေးရာဇ၀င်အကျဉ်းနှင့်
နိုင်ငံရေးလှုပ်ရှားမှုများအား
မှတ်တမ်းတင်ထားချက် အမှတ်(၅)

ထုတ်ပြန်သောနေ့စွဲ ၁ ရက်၊ ဇန်န၀ါ၇ီလ၊ ၁၉၄၁ အမှတ်(၅) သခင်အောင်ဆန်း

အဖအမည် ။ နတ်မောက် မှ ဦးဖာ

မွေးရပ်။ နတ်မောက်

မွေးနှစ်။ ၁၉၁၅

ယခုနေရပ်။ အမှတ် ၇၆၊ ရေကျော်လမ်း၊ ရန်ကုန်

အလုပ်အကိုင်။ မရှိ

ပုံသဏ္ဍာန်များ။

အရပ်အမြင့်။ ၅ ပေ ၅ လက်မ

ကိုယ်နေဟန်။ ပိန်သည်၊ ကိုင်းသည်

ဆံပင်။ နက်၊ ရှည်၊ နောက်ပြန်ဖြီး ဘယ်ခွဲ၊ တစ်ခါတစ်ရံသာ သပ်သပ်ရပ်ရပ် ဖြီးထားသည်။

မျက်ခုံး။ သေးသွယ်သည်

မျက်လုံး။ ညို၍ကျဉ်းသည်

နှာဖူး။ မြင့်၊ ကျယ်၊ နောက်ဘက်သို့ အနည်းငယ်ယိုင်သည်

အမြင်။ ကောင်းသည်

နှာခေါင်း။ ဖြောင့်သည်၊ နှာဝဖျားကျယ်သည်၊ အတွင်းဘက်သို့နှာရောင်ကောက်သည်

ပါးစပ်။ စိစိပိတ်ထားသည်၊ နှုတ်ခမ်းထော်သည်

သွားများ။ သန့်ရှင်း၍ ပုံမှန်ဖြစ်သည်။

လက်ချောင်းများ။ ရှည်၍ တွဲကျသည်။

နားရွက်များ။ ကြီးသည်၊ ကားသည်၊ နားထင်အသားများသည်

မျက်နှာ။ ဘဲဥပုံ မေးကျဉ်းသည်

အသားရောင်။ ဗမာတစ်ယောက်အတွက် မမည်း၊ မဖြူ သာမန်ဖြစ်သည်။

မုတ်ဆိတ်။ မရှိ

နှုတ်ခမ်းမွှေး။ မရှိ

ထူးခြားချက်များ။ စကားပြောမြန်သည်၊ ခေါင်းငုံ့ကာ လမ်းမြန်မြန်လျှောက်တတ်သည်၊ လုံချည်တိုတို ၀တ်သည်၊ သုန်သုန်မှုန်မှုန် အမူအရာရှိသည်။

ဝတ်နေကျ။ ရိုးရိုးဗမာအ၀တ်၊ တစ်ခါတစ်ရံ ဗလေဇာအင်္ကျီဝတ်သည်။

ကောင်းစွာမှတ်မိကြသော အရာရှိများ။   ရန်ကုန်မြို့ ဗမာပြည်ရာဇ၀တ်မှုခင်းစုံစမ်းဌာနမှ အင်စပက်တော် ဦးစိုးမြင့်၊ ဆပ်အင်စပက်တာခေါ် ရာဇ၀တ်အုပ်မောင်ငွေဆိုင်၊ မောင်မောင်သစ်၊ မောင်လှမောင်၊ အိပ်စီ-မောင်သန်းညွန့်၊ မှုခင်း။

ကိုယ်ရေးရာဇ၀င်အကျဉ်း။   နတ်မောက်မြို့တွင် ၁၉၁၅ ခုနှစ်တွင် မွေးဖွားသည်။ ၁၉၃၈ ခုနှစ်တွင် ရန်ကုန် တက္ကသိုလ်မှ ဘွဲ့ရသည်။ တက္ကသိုလ်တွင် ဆူပူလှုပ်ရှားရာ၌ သူခေါင်းဆောင်ခဲ့သည်။ ၁၉၃၆ ခုနှစ် တက္ကသိုလ်သပိတ်ကို သူစည်းရုံးခဲ့သည်ဟု အကြီးအကျယ် သံသယဖြစ်ခဲ့ရသည်။ ၁၉၃၆-၃၇ ခုနှစ်အတွက် တက္ကသိုလ်သမဂ္ဂ ဒုတိယဥက္ကဋ္ဌအဖြစ် ရွေးကောက်တင်မြှောက်ခံခဲ့ရသည်။ ဗမာနိုင်ငံလုံးဆိုင်ရာ ကျောင်း သားသမဂ္ဂ၏ ဥက္ကဋ္ဌအဖြစ်လည်း ရွေးကောက်တင်မြှောက်ခံခဲ့ရသည်။ ဤတာဝန်များကို ထမ်းဆောင် နေစဉ် အင်္ဂလန်၊ ဆွစ္စလန်၊ ဘယ်လ်ဂျီယံ၊ ပြင်သစ် စသောနိုင်ငံများမှ ကျောင်းသားသမဂ္ဂများနှင့် အဆက် အသွယ် ရခဲ့သည်။ အမျိုးသားနေ့၊ အုပ်ချုပ်ရေးသစ် တိုက်ဖျက်သောနေ့ စသော များစွာသော နိုင်ငံရေး ဆန္ဒပြပွဲများ တွင် အတူတူတွဲဖက်လုပ်ကိုင်ရင်း သခင်များနှင့် ရင်းရင်းနှီးနှီးဖြစ်လာခဲ့သည်။ သူ၏ ဟောပြောချက် များသည် နယ်ချဲ့စနစ်ကို ရှုတ်ချပြစ်တင်ရေးနှင့် အရင်းရှင်စနစ်ကို ရှုတ်ချပြစ်တင် ရေးများသာ ဖြစ်ခဲ့သည်။

၃၀၊ စက်တင်ဘာ ၁၉၃၈ နေ့တွင် သူ ဥပဒေတန်းတက်ရောက်သင်ကြားနေသော တက္ကသိုလ်ကောလိပ်မှ ထွက်လာခဲ့သည်။ ဗမာနိုင်ငံလုံးဆိုင်ရာ ကျောင်းသားသမဂ္ဂဥက္ကဋ္ဌအဖြစ်မှလည်း နုတ်ထွက်ခဲ့သည်။ တိုင်း ပြည် အကျိုးစီးပွား အတွက် ထိထိရောက်ရောက် ဆောင်ရွက်နိုင်ရန်နှင့် ထိုသို့ ဆောင်ရွက်ဖို့ အချိန်ပိုရရန် သူတက္ကသိုလ် မှ ထွက်ခဲ့ခြင်းဖြစ်ကြောင်း သတင်းစာတိုက်များသို့ ကြေညာချက်တစ်ခုပို့ခဲ့သည်။ သူသည် ဗဟိုဌာနချုပ် တို့ဗမာအစည်းရုံး၏ တွဲဖက် အတွင်းရေးမှူးအဖြစ် စတင်ဆောင်ရွက်သည်။ ၁၉၃၈ ခုနှစ်မှာပင် အထွေထွေအတွင်းရေးမှူးအဖြစ် ဆောင်ရွက်လာခဲ့သည်။

ဇန်န၀ါရီလ ၁၉၃၉ ခုတွင် ရန်ကုန်တွင် အထွေထွေမငြိမ်မသက်ရှိမှုနှင့်ပတ်သက်ပြီး ရန်ကုန်မြို့ အရေးပေါ် လုံခြုံရေး ဥပဒေအရ ဖမ်းဆီးခံရပြီး ၁၅ ရက် ထိန်းသိမ်းခြင်းခံခဲ့ရသည်။

၆ ရက်မှ ၉ ရက်ဧပြီလ ၁၉၃၉ နေ့အထိ မော်လမြိုင်တွင် ကျင်းပခဲ့သော ဌာနချုပ်၊ တို့ဗမာအစည်းအရုံး၏ စတုတ္ထအကြိမ်မြောက် နှစ်ပတ်လည်ညီလာခံ၌ လုပ်ငန်းကိစ္စများ စီစဉ်တကျဆောင်ရွက်ရန် သူ့တာဝန်ဖြစ်ခဲ့ သည်။ အလုပ်သမားရေးဆိုင်ရာ၊ တောင်သူလယ်သမားရေးဆိုင်ရာ ဆုံးဖြတ်ချက်များနှင့် စစ်ကြီးတစ်ရပ်ဖြစ် ပေါ်လာခဲ့လျှင် ဗြိတိသျှတို့အား မကူညီရန်ဆုံးဖြတ်ချက်များကို တို့ဗမာအစည်းအရုံး၏ အထွေထွေအတွင်း ရေးမှူးအဖြစ် သူ့ကို ပြန်လည်ရွေးကောက်တင်မြှောက်ခဲ့ကြသည်။

၁၃ ရက်၊ ဧပြီလ၊ ၁၉၃၉ နေ့တွင် သူသည် ကျိုက္ခမီ၌ အရင်းရှင်စနစ်။ နယ်ချဲ့စနစ်တို့ကို ပြစ်တင်ရှုတ်ချ သည့် တရားတစ်ပွဲဟောပြောခဲ့သည်။ ၂၀ ရက် မေ ၁၉၃၉ ခုတွင် ကျောက်တန်း၌ တို့ဗမာဝါဒကို သူရှင်းလင်းဖွင့်ပြဟောပြောခဲ့သည်။

မေ၊ ၁၉၃၉ တွင် သူ့အား " မီးတုတ်ဗိုလ်" များ၏ သင်တန်းတွင် ပို့ချပေးရန် တာဝန်ပေးခဲ့သည်။ မီးတုတ်ဗိုလ် များ၏ တာဝန်များမှာ ၀ါဒပြန့်ပွားရေးလုပ်ငန်းများလုပ်ရန်နှင့် စွန့်စွန့်စားစား လုပ်ဖို့ အကြောင်းများ ပေါ်ပေါက်လာပါက လုပ်ကြရန်ဖြစ်သည်။

ဇွန်လ၊ ၁၉၃၉ တွင် သူ၏ လုပ်ဖော်ကိုင်ဖက်များနှင့် ညှိနှိုင်းပြီး ဗဟိုဌာနချုပ် တို့ဗမာအစည်းအရုံး၏ " တို့ဗမာဝါဒနှင့်စည်းမျဉ်း" ပြန်လည်ပြုပြင်ရေးသားခဲ့သည်။ ၄င်းကို ဗမာနိုင်ငံလုံးဆိုင်ရာ တို့ဗမာ အစည်း အရုံး အမှုဆောင်အစည်းအဝေးတွင် အတည်ပြုခဲ့သည်။

၁၄ ရက်၊ ဇူလိုင်၊ ၁၉၃၉ ခုနေ့တွင် နိုင်ငံခြားဆက်ဆံရေးဌာနကိုပါ တာဝန်ခံလုပ်ကိုင်ရန် တာဝန်ပေးသည်။

၁၇ ရက်၊ သြဂုတ်လ၊ ၁၉၃၉ ခုနေ့တွင် မည်သည့်စစ်ပွဲတွင်မဆို ဗမာများက ဗြိတိသျှတို့အား မကူညီရန် နှင့် အကယ်၍ စစ်ကြီးဖြစ်လာခဲ့သော် ဗြိတိသျှတို့ထံမှ လွတ်လပ်ရေးကို ပြန်လုယူရန်အလေးအနက် ထပ်မံ ဖော်ပြသော ကြေညာချက်တစ်ရပ်ထုတ်ခဲ့သည်။

၂၇ ရက်၊ သြဂုတ်၊ ၁၉၃၉ နေ့တွင် ရန်ကုန်မြို့ သိမ်ဖြူရပ်ကွက်၌ တောင်သူလယ်သမားများကိစ္စကို ဘာမျှ ဆောင်ရွက်ပေးခြင်းမရှိသည့် ၀န်ကြီးချုပ်ဦးပု၏ အစိုးရအဖွဲ့ကို သူပြစ်တင်ရှုတ်ချဟောပြောခဲ့သည်။

၂၉ ရက်၊ သြဂုတ်လ၊ ၁၉၃၉ နေ့တွင် ဌာနချုပ်ဗဟိုတို့ဗမာအစည်းအရုံး အရေးပေါ်အစည်းအဝေးသို့ သူ တက်ရောက်ခဲ့သည်။ ဗြိတိသျှတို့အား ဗမာနိုင်ငံကို စစ်အတွင်းသို့ ဆွဲမသွင်းရန် တောင်းဆိုသော ဆုံးဖြတ် ချက်များချခဲ့ကြသည်။

စက်တင်ဘာ၊ ၁၉၃၉ ခုမှစ၍ နိုင်ငံအနှံ့ ဗမာ့လက်ရုံးတပ်(အပျော်တမ်းတပ်)များ ဖွဲ့စည်းတည်ထောင်ရေးကို သူအထူးအာရုံစိုက်လုပ်ကိုင်ခဲ့သည်။

၂၃ ရက်၊ အောက်တိုဘာ၊ ၁၉၃၉ နေ့တွင် ဗဟိုဌာနချုပ်တို့ ဗမာအစည်းအရုံးသည် အဖွဲ့တစ်ခုအဖြစ်ပါဝင် နေသော ဗမာ့ထွက်ရပ်ဂိုဏ်းခေါင်းဆောင်များ အစည်းအဝေးသို့ သူတက်ရောက်ခဲ့ပါသည်။ ထိုအစည်းအဝေး၌ ဗမာ့ထွက်ရပ်ဂိုဏ်းဝင်များသည် ရာထူးလက်မခံပါဟု ကတိများပေးကြရန် တိုက်တွန်း ကြောင်း ဆုံးဖြတ်ခဲ့ကြသည်။

၁၁ ရက်၊ နိုဝင်ဘာ၊ ၁၉၃၉ နေ့တွင် ပုသိမ်ထောင်အတွင်းရှိ အထူးလိုလားချက်များ မရရှိသဖြင့် အစာငတ်ခံ တိုက်ပွဲဝင်နေကြသော သခင်အကျဉ်းသားများ၏ တောင်းဆိုချက်တို့ကို မလိုက်လျောဘဲရှိနေသည့် အစိုးရ အားကန့်ကွက်ရန်နှင့် ပြည်သူ့လွတ်လပ်ခွင့်များကို ချုပ်ချယ်လျက်ရှိခြင်းကို ကန့်ကွက်ရန် မိမိတို့ အရပ်ဒေသ များ၌ အစည်းအဝေးများပြုလုပ်ဖို့ အစည်းအရုံးခွဲများသို့ သူညွှန်ကြားချက်တစ်ရပ် ထုတ်ပြန်ခဲ့ပါသည်။

၁၂ ရက် နိုဝင်ဘာလ ၁၉၃၉ နေ့တွင် သခင်များသည် ဗမာ့ထွက်ရပ်ဂိုစ်း၌ ပါဝင်နေခြင်းသည် လွတ်လပ်ရေး ရရှိရန်အတွက်ဖြစ်ကြောင်း ရန်ကုန်မြို့ ကြည့်မြင်တိုင်၌ကျင်းပသော အစည်းအဝေးတစ်ခုတွင် သူရှင်းလင်း ပြောဟောခဲ့သည်။ ၃ ရက်နှင့် ၅ ရက်၊ ဒီဇင်ဘာ၊ ၁၉၃၉ နေ့များတွင် " ပါတော်မူနေ့"နှင့် အမျိုးသားနေ့များ ကျင်းပရန် သူစီစဉ်ခဲ့ပါသည်။

ဒီဇင်ဘာလ ၁၉၃၉ မှ ဇန်န၀ါရီလ ၁၉၄၀ အထိ သူသည် ဗဟိုဌာနချုပ် တို့ဗမာအစည်းအရုံးဝါဒ ဖြန့်ချိရေး လုပ်ငန်းတို့ကို အပြင်းလုပ်ခဲ့ပါသည်။ မန္တလေးမြို့၊ မုံရွာမြို့နှင့် အခြားအရပ်များတွင် တို့ဗမာဝါဒကို အကျယ် ဖွင့်ဟောပြောခဲ့ပြီး ကွန်မြူနစ်ဝါဒအတွက်လည်း ဟောပြောပွဲများ ပြုလုပ်ခဲ့ပါသည်။ ဟောပြောပွဲတက်ရောက်ကြသူများအား စစ်ဖြစ်လာလျှင် လွတ်လပ်ရေးရရှိအောင် အခွင့်အရေးကို အရယူ ကြဖို့ တိုက်တွန်းဟောပြောခဲ့သည်။

၁၃ ရက်နှင့် ၁၄ ရက်၊ ဇန်န၀ါရီလ၊ ၁၉၄၀ နေ့များတွင် တောင်ငူမြို့၌ ကျင်းပသော ဗမာနိုင်ငံလုံးဆိုင်ရာ တောင်သူလယ်သမား အစည်းအရုံးညီလာခံသို့ သူတက်ရောက်ခဲ့သည်။ လယ်မလုပ်သောသူများ လက်ဝယ်ရောက်ရှိနေသော လယ်မြေအားလုံးကို လျော်ကြေးမပေးဘဲ အစိုးရကသိမ်းယူရေး၊ အချို့သော နိုင်ငံရေး အကျဉ်းသားများအား အစိုးရက "ခ" အတန်း အခွင့်အရေးများ မပေးဘဲ ထားသည်ကို ပြစ်တင်ရှုတ်ချရေး၊ မိမိတို့၏ အင်အားကိုပြသည့်အနေဖြင့်ဆန္ဒပြပွဲများ စည်းဝေးပွဲများ ပြုလုပ်ရေး အစရှိသော ဆုံးဖြတ်ချက်များကို ချခဲ့ကြပါသည်။ သူ့ကိုလည်း ဗမာနိုင်ငံလုံးဆိုင်ရာ တောင်သူလယ်သမား အစည်းအရုံး၏ အလုပ်အမှုဆောင်တစ်ဦးအဖြစ် ခန့်ထားခဲ့ကြပါသည်။

၁၄ ရက်၊ ဇန်န၀ါရီ၊ ၁၉၄၀ နေ့တွင် ကိုယ့်မင်းကိုယ်ချင်း (လွတ်လပ်ရေး)သည် ဌာနချုပ်ဗဟို တို့ဗမာ အစည်းအရုံး၏ ပန်းတိုင်ဖြစ်ကြောင်း တောင်ငူမြို့၌ သူကြေညာခဲ့သည်။

၂၂ ရက်၊ ဇန်န၀ါရီလ၊ ၁၉၄၀ နေ့တွင် ရန်ကုန်စီရင်စု၊ တို့ဗမာအစည်းရုံး အထွေထွေ အတွင်းရေးမှူး သခင် စံထွန်းလှအား ရန်ကုန်တွင် အာဏာဖီဆန်ရေး လုပ်ငန်းများလုပ်ရေးအတွက် ပြင်ဆင်မှုများပြုလုပ်ရန် သူညွှန်ကြားခဲ့ပါသည်။

၂၆ ရက်၊ ဇန်န၀ါရီလတွင် ရန်ကုန်မြို့ မြေနီကုန်း၌ ကျင်းပပြုလုပ်သော အစည်းအဝေးတစ်ခု၌ သူဟောပြော ခဲ့ပါသည်။ အစည်းအဝေးတက်ရောက်ကြသူများအား ယခုစစ်ကြီးအတွင်း၌ ဗြိတိသျှတို့ထံမှ လွတ်လပ်ရေး ကို ပြန်၍ရယူရန် စည်းလုံးညီညွတ်ကြဖို့ သူမေတ္တာရပ်ခံခဲ့ပါသည်။

၂၆ ရက်နှင့် ၃၀ ရက်၊ ဇန်န၀ါရီလနှင့် ၁ ရက်၊ ဖေဖော်ဝါရီနေ့များတွင် မန္တလေးမြို့ သံဃာတော်များ၏ ညီညွတ်ရေးကြိုးပမ်းမှုအတွက် ကျင်းပသောအစည်းအဝေးများသို့ အခြားအဖွဲ့အစည်းအသီးသီးမှ ကိုယ်စား လှယ်များနှင့်အတူ သူတက်ရောက်ခဲ့ပါသည်။

၂၅ ရက်၊ ဖေဖော်ဝါရီနေ့တွင် ဗမာ့ထွက်ရပ်ဂိုဏ်းက ဦးစီးကျင်းပသော လူ ၆၀၀ ခန့် ပါဝင်သော စီတန်းလမ်းလျောက် ဆန္ဒပြပွဲတွင် သူပါဝင်ခဲ့ပြီး အဓိဋ္ဌာန်စာတမ်းကို ခေါင်းဆောင်များကိုယ်စား ဖတ်ကြားခဲ့ ပါသည်။ အလုပ်သမားများ၊ တောင်သူလယ်သမားများ၊ ကျောင်းသားများ၊ အမျိုးသမီးများတို့သည် စည်းရုံး ညီညွတ်ကြလျက် မိမိတို့၏ အသီးသီးသော တိုက်ပွဲငယ်ကလေးများကို လွတ်လပ်ရေးအတွက်တိုက်သည့် တိုက်ပွဲအရေးတော်ပုံကြီးအဖြစ် ပေါင်စည်းလုပ်ကိုင်သွားကြမည်ဟု အဆိုပါ အဓိဋ္ဌာန်ချက်တွင် ဖော်ပြပါရှိ လေသည်။

၁၉၄၀ ပြည့်နှစ် မတ်လ ၁၂ ရက်နေ့တွင် ရမ်းဂါးမြို့၌ ကျင်းပသော အိန္ဒိယအမျိုးသားကွန်ဂရက် နှစ်ပတ် လည်အစည်းအဝေး (Indian National Congress, Ramgarh) သို့ တက်ရောက်လေ့လာရန် ရန်ကုန်မှ အိန္ဒိယသို့ ထွက်ခွာလာခဲ့ပါသည်။ ကွန်ဂရက် အစည်းအဝေးပြီးသည့် နောက် အိန္ဒိယပြည်နယ် အသီးသီးသို့ သူခရီးလှည့်လည်ခဲ့ပါသည်။ ၂၉ ရက် မတ်လ ၁၉၄၀ နေ့တွင် ဒေလီမြို့ ဟိန္ဒူကောလိပ်နှင့် ဗမာပြည်သူတို့က ဗြိတိသျှနယ်ချဲ့စနစ်ကို ဆန့်ကျင်တိုက်ပွဲဝင်ရာ၌ မိမိတို့နိုင်ငံ၏ လုပ်ငန်းအချင်းချင်းပေါင်း စပ်ပေးသွားနိုင်ရေးအတွက် နည်းလမ်းများရှာဖွေရန်ဖြစ်ကြောင်း ပြောခဲ့ပါသည်။

၁၉၄၀ ပြည့်နှစ် မတ်လ ၃၀ရက်နေ့တွင် အနောက်မြောက်နယ်စပ် ပတ်ရှဝါပြည်နယ် (Peshawar) သို့ သူရောက်ခဲ့ပြီး ဆာမိုင်ကယ်အို ဒွိုင်းယား (Sir Micheal O'Dawyer) ကို လုပ်ကြံသတ်ဖြတ်ရန် စေ့ဆော်ပေးခဲ့သော စိတ် ဓာတ်ကို သူချီးကျူးကြောင်း ထုတ်ဖော်ပြောဆိုခဲ့ပါသည်။ ၁၉၄၀ ပြည့်နှစ် ဧပြီလ ၂ ရက်နေ့တွင် (Lahore) မြို့၌ လွတ်လပ်ရေးကို အကြမ်းမဖက်ဘဲရနိုင်မည်မဟုတ်ကြောင်း သူပြောခဲ့ပါသည်။

၁၉၄၀ ပြည်၊ မေ၊ ၁ ရက်နေ့တွင် သူရန်ကုန်သို့ပြန်ရောက်ပါသည်။

ဇွန် ၁ ရက်၊ ၁၉၄၀ တွင် ဟင်္သာတစီရင်စု ဇလွန်မြို့တွင် သူ အစည်းအဝေးတစ်ခု၌ ဟောပြောခဲ့ပါသည်။ ပြည်သူများဆင်းရဲဒုက္ခအတိကြုံတွေ့နေရခြင်းမှာ ဗြိတိသျှနယ်ချဲ့စနစ် အရင်းရှင် စနစ်တို့ကြောင့်ဖြစ်သည် ဟု ပြောနိုင်ကြောင်းနှင့် ဗြိတိသျှတို့၏ ချယ်လှယ်ညှဉ်းပန်းမှုအကြောင်းကို အကျယ်တ၀င့် ရှင်းလင်းပြောကြားခဲ့သည်။ ဗြိတိသျှတို့သည် ဗမာပြည်သူတို့၏ တကယ့်ရန်သူအစစ်ဖြစ်ကြောင်းကိုလည်း ပြောခဲ့သည်။

စစ်ကြီးနှင့် ပတ်သက်၍ ပြောရာ၌ ဂျာမနီသည် စစ်နိုင်ရန် သေချာသလောက်ဖြစ်နေ၍ ဗမာ နိုငငံသည် မင်းမဲ့နိုင်ငံဖြစ်လာနိုင်ဖွယ်ရှိနေကြောင်း၊ လွတ်လပ်ရေးအတွက် တိုက်ပွဲဝင်ရန် အခွင့်ကောင်းကြီး ပင် ဖြစ်ကြောင်း သူကထောက်ပြခဲ့ပါသည်။ ယခုအခါတွင် အာဏာဖီဆန်ရေး တိုက်ပွဲဝင်ရန် ဆုံးဖြတ်ပြီးဖြစ်၍ ထိုလုပ်ငန်းအတွက် ရန်ပုံငွေများကောက်ခံလျက် ရှိနေပြီဖြစ်ကြောင်းလည်း သူကြေညာပြောဆိုခဲ့ပါသည်။ ဤဟောပြောချက်များအတွက် သူ့အားရာဇသတ်ကြီး ပုဒ်မ ၁၂၄(က)အရ တရားစွဲ၇န် သဘောတူအမိန့် ရယူခဲ့ပါသည်။

သူသည် သီဟိုဠ်နိုင်ငံမှ သမာသမတ် (ကွန်မြူနစ်)ပါတိ Lanka Samasmajist (Communist) Party ၀င် သီဟိုဠ်အမျိုးသား အေ၊ စီ၊ ၀ီရသကေရ (A.C. Weeraskera) နှင့် အဆက်အသါယ်ရရှိပြီး ထိုသူအားဂုဏ်ပြု သည့်အနေဖြင့် ၁ ရက်၊ ဇွန်လ၊ ၁၉၄၀ နေ့တွင် ဌာနချုပ် ဗဟိုတို့ဗမာအစည်းရုံး၌ လက်ဖက်ရည်ပွဲတစ်ခုတည်ခင်းခဲ့သည်။ ၁၉၄၀ ပြည့်၊ ဇွန်လ၊ ၁၂ ရက်နေ့တွင် ၀ီရသကေရကသီဟိုဠ် နိုင်ငံ တော်ကောင်စီဝင်ဖြစ်သော သီဟိုဠ်သမာသမတ်ပါတီကော်မတီအဖွဲ့ဝင်ဒီ၊ ပီ၊ အာဂုဏ၀ါဒ (D.P.R. Gunawardana)ထံသို့ စာတစ်စောင်ရေးပို့ရာ၌ သခင်အောင်ဆန်းသည် ဌာနချုပ်ဗဟိုတို့ဗမာ အစည်းအရုံး မှ အတိုးတက်ဆုံးသော အဖွဲ့ဝင်တစ်ဦးဖြစ်ကြောင်း ဖော်ပြပါရှိပါသည်။

၂ ရက်၊ ဇွန်၊ ၁၉၄၀ နေ့တွင် ဇလွန်မြို့၌ ကျင်းပသော ဟင်္သာတစီရင်စု တို့ဗမာအစည်းအရုံး နှစ်ပတ်လည် ညီလာခံတွင်မူ မိန့်ခွန်းတို့ကို တစ်ခုပြောကြားခဲ့သည်။ ဗြိတိသျှတို့ စစ်ပွဲတိုက်နေရခြင်းကို အခွင့်ကောင်း တစ်ရပ်အနေနှင့်အရယူပြီး လွတ်လပ်ရေးအတွက် ထိထိရောက်ရောက် လုပ်ကိုင်ဖို့ အရေးကြီးကြောင်းကို အလေးအနက်ပြောပြခဲ့သည်။ ထို့နောက် တို့ဗမာဝါဒကို သူရှင်းပြပြီး လာရောက်နားထောင်ကြသူများအား တို့ဗမာအစည်းရုံးကို အားပေးထောက်ခံကြရန် တိုက်တွန်းခဲ့သည်။

ထိုည ထိုနေရာ၌ ကျင်းပသော နိုင်ငံရေးတရားပွဲ၌ ပရိသတ်အား တို့ဗမာအစည်းအရုံးကို အားပေးထောက်ခံ ကြရန် တိုက်တွန်းပြန်ပါသည်။ အစည်းအရုံးဝင်များသည် လုံးဝလွတ်လပ်ရေးရရှိဖို့ အခွင့်ကောင်းကို ထိထိ ရောက်ရောက်အသုံးချလျက် လုပ်ကိုင်နေကြသည်ဖြစ်ကြောင်း ပြောဟောပါသည်။

၁၉၄၀ ပြည့်နှစ်၊ ဇွန်လ၊ ၃ ရက်နေ့တွင် ဟင်္သာတစီရင်စု ဇလွန် ပုလိပ်ဌာနပိုင် ဒေါင့်ကြီးတွင် တရားတစ်ပွဲ ဟောခဲ့ပါသည်။ မကွေးတိုင်းမင်းကြီး၏ ဒါဘာပွဲ၌ (၁) သူတို့၏ အရပ်ဒေသကို ဗမာပြည်ထဲထည့်သွင်းရန်၊ ၉၂) အမျိုးသားများအား အင်္ဂလိပ်-မြန်မာ ၂ ဘာသာ ပညာသင်ကြားပေးရန် နှင့် (၃) ဆပ်ဒီဝီဇံအတွင်း တို့ ဗမာအစည်းအရုံးများ ထူထောင်ခြင်းကို မနှောင့်ယှက်ရန် တောင်းဆိုခဲ့၍ ကန်ပက်လက်ဆပ်ဒီဝီဇံမှ ချင်း အမျိုးသားများ အဖမ်းခံကြရသည်ဟု ပြောပြပါသည်။

၅ ရက်၊်ဇွန်လ၊ ၁၉၄၀ နေ့တွင် သူ့ကို တက္ကသိုလ်အုပ်ချုပ်ရေး အဖွဲ့ဝင်အဖြစ်ဖြင့် တက္ကသိုလ်ကျောင်းသား များက အပြိုင်အဆိုင်မရှိ ရွေးကောက်တင်မြှောက်ခဲ့ပါသည်။

၁၅ ရက်၊ ဇွန်လ၊ ၁၉၄၀ နေ့တွင် တက္ကသိုလ်သမဂ္ဂခန်းမ၌ တက္ကသိုလ်ကျောင်းသားများသမဂ္ဂက တင်မြှောက်ထားသော တက္ကသိုလ် အုပ်ချုပ်ရေး အဖွဲ့ဝင်တစ်ဦးအနေဖြင့် တက္ကသိုလ် ကျောင်းသားသစ် များအား မိန့်ခွန်းတစ်ရပ်ပြောကြားခဲ့သည်။ ကျောင်းသားသမဂ္ဂ၏ ရည်ရွယ်ချက်များကို ရှင်းလင်းပြောပြပြီး မကျေနပ်ချက်၊ နစ်နာချက်များရှိလျှင် သူမှတစ်ဆင့် ပြောပြနိုင်ကြောင်း၊ သူ့အနေဖြင့် ကျောင်းသားများ အကျိုးစီးပွားကို သူအတတ်နိုင်ဆုံး ကြိုးစားဆောင်ရွက်ပေးမည်ဖြစ်ကြောင်း ရှင်းပြခဲ့သည်။

ချောက်-သခင်ဖိုးလှကြီး၊ မြင်းခြံ-သခင်မေအောင်နှင့် မန္တလေးသခင်လေးတို့ထံမှ နဂါးနက်အသင်း၏ ဌာန ချုပ်ကို မြင်းခြံမြို့မှ မန္တလေးမြို့သို့ ရွှေ့ပြောင်းခြင်းနှင့်ပတ်သက်၍ စာတစ်စောင်ပေးခဲ့ပါသည်။ သူတို့က တိုင်းပြည်အတွက် အသက်ပေးဆောင်ရွက်မည့် သူရဲကောင်းတစ်ဦးလိုအပ်နေရာ သခင်အောင်ဆန်းသည် ထိုသူရဲကောင်းပင်ဖြစ်သည်ဟု ယူဆကြောင်း အသင်းအပေါ် သစ္စာစောင့်သော ကျောင်းသား ၅၀ စုပေး မည်ဖြစ်ကြောင်း စာထဲတွင် ဖော်ပြထားပါသည်။ ဗြိတိသျှတို့ကို အင်္ဂလန်သို့ ပြန်ခေါ်ယူမည်ဖြစ်၍ မိမိတို့ လုပ်ငန်းကို အပြီးသတ်လုပ်ကိုင်ရန် အချိန်ကျရောက်လာပြီဖြစ်ကြောင်း ထကြွကြရန် အချိန်ကောင်းဆိုက် ရောက်လာပြီဖြစ်ကြောင်းဖြင့် ၄င်းစာကို အဆုံးသတ်ထားပါသည်။

၁၉၄၀ ပြည့်နှစ်၊ ဇွန်လ၊ ၂၉ ရက်နေ့တွင် တို့ဗမာ အစည်းအရုံးခွဲများသို့ သခင်ခေါင်းဆောင်များကို ဖမ်းဆီး နေခြင်းကို ကန့်က်ွသည့် အစည်းအဝေးပွဲများ၊ ဇူလိုင်လ ပထမပတ်အတွင်း ပြုလုပ်ကြရန် ညွှန်ကြားချက် တစ်ရပ်ထုတ်ခြ့ပါသည်။ ဥပဒေငြိစွန်း၍ သခင်များ၏ ပဉ္စမအကြိမ် ညီလာခံ၏ ဆုံးဖြတ်ချက်များကို ဖတ်ကြားရန် အသင့်ရှိကြသော လူ ၁၀၀၀ ခန့် ရှာဖွေစုဆောင်းကြရန်လိုကြောင်း၊ ထိုဆုံးဖြတ်ချက်များကို အပျံ့နှံ့ဆုံးပျံ့နှံ့အောင် လုပ်ရန်လိုကြောင်း စွန့်စွန့်စားစား အနစ်နာခံပြီးလုပ်ကြမည့် အစည်းရုံးဝင်များ စည်း ရုံးသိမ်းသွင်းရန်လိုကြောင်း၊ ဗမာ့လက်ရုံးတပ်များ ထူထောင်ရန်လိုကြောင်း လွတ်လပ်ရေး ရန်ုံငွေကောက် ခံကြရန်လိုကြောင်း ခေါင်းဆောင်မည့်သူများအတွက် သင်တန်းများဖွင့်လှစ်ပေးရန် လိုကြောင်း အစရှိသည် တို့ကိုပါ ထိုညွှန်ကြားချက်တွင် ဖော်ပြပါရှိပါသည်။

၂၉ ရက်၊ ဇွန်လ၊ ၁၉၄၀ နေ့တွင် သူ့အား ၁ ရက် ဇွန်လ ၁၉၄၀ နေ့က ဇလွန်မြို့၌ ဟောပြောခဲ့သော အစိုးရ အရေးယူနိုင်သည့် ဟောပြောချက်အရ ဟင်္သာတမြို့ ပထမတွဲဖက်တရားသူကြီးက ဖမ်းဆီးရန် ၀ရမ်းထုတ်ခဲ့ ပါသည်။ သူချက်ချင်းဆိုသလို ပျောက်ကွယ်သွားပါသည်။ နောက်ပိုင်းတွင် သူ့အား တရားစွဲဆိုရန် အမှုကိုပိတ်လိုက်ပြီး ဖမ်းဆီးရန် ထုတ်ထားသောဝရမ်းကို ဖျက်လိုက်ပါသည်။ သူ့ကို အကြီးအကျယ်ထောက် ခံနေကြသော တက္ကသိုလ်ကျောင်းသားများ မကျေမနပ် ဆူပူလာမငများ တိုးတက်လာခြင်းသည် ထိုအမှု ပိတ်လိုက်ရခြင်း၏ အကြောင်းတစ်ကြောင်းဖြစ်ပါသည်။ သူ့ကို ၁၉၄၀ နှစ်ကုန်အထိ ခြေရာခံ၍မရပါ။ သူတရုတ်ပြည်ရောက်နေကြောင်း ရရှိသောသတင်းများက ညွှန်ပြခဲ့ပါသည်။ တစ်ဦးသော သတင်းပေးက သူ့အား တရုတ်သူလျှိုတစ်ဦးဟု သံသယရှိသဖြင့် အေမွိုင်မြို့တွင် ဂျပန်တို့က ဖမ်းဆီးလိုက်ပြီဟု ပြောပါ သည်။

၁၉၄ နိုဝင်ဘာလထဲတွင် သူသည် တက္ကသိုလ်အုပ်ချုပ်ရေး အဖွဲ့ဝင်အဖြစ်မှ နုတ်ထွက်လိုက်ပါသည်။ ၁၉၄၀ ပြည့်နှစ်၊ နိုဝင်ဘာလ။ ၂၆ ရက်မှ သတင်းစာတိုက်များသို့ ပေးပို့သော သတင်းတွင် သူ ဤသို့နုတ်ထွက် လိုက်ခြင်းမှာ နိုင်ငံရေးလုပ်ငန်းများဖြင့် မအားအောင်ဖြစ်နေသောကြောင့်ဟု ဖော်ပြပါသည်။

သူ၏ ရိုးသားဖြောင့်စင်းမှုနှင့်စပ်လျဉ်း၍ သဘောထားများ ကွဲလွဲကြပါသည်။ သူ၏ အယူအဆများသည် မှန် သည်၊ အလွန်စိတ်အားသန်စွာ ယုံကြည်သူဖြစ်သည်ဟု အချို့က ပြောကြပါသည်။ တခြားသူများကလည်း သူသည် စိတ်တိုပြီးအပြစ်ပြော၊ ဘုပြော၊ ဘောက်ပြောသာ ပြောနေပြီး ဆူပူလှုံ့ဆော်ရေးသည် အကျိုးရှိ သောအလုပ်ဟု ယုံကြည်နေသူဖြစ်သည်ဟု ပြောကြပါသည်။ မည်သည့် အယူအဆသည် မှန်စေတော့၊ သူ သည် ဌာနချုပ်ဗဟို၊ တို့ဗမာ အစည်းရုံး အထွေထွေအတွင်းရေးမှူးအနေဖြင့် အလွန်ကြိုးစားလုပ်ကိုင်သူဖြစ် သည်။ တို့ဗမာ အစည်းအရုံး၏ ထုတ်ပြန်ချက်များကို သူကိုယ်တိုင် ရေးသားခဲ့ပြီး ၄င်းတို့တွင် ဖော်ပြပါရှိသော သဘောအယူအဆများနှင့် ညွှန်ကြားချက်များမှာ သူ၏ လက်ရာများပင်ဖြစ်ရန်ရှိပေသည်။ တို့ဗမာအစည်းအရုံးသည် ယနေ့ ကြောက်စရာကောင်းသော ဖျက်ဆီးရေးလှုပ်ရှားမှုကြီးအဖြစ် ကြီးထါား ရောက်ရှိလာခြင်းမှာ အများအားဖြင့် သခင်အောင်ဆန်းနှင့် အခြားသခင်တို့ကြောင့်ပင်ဖြစ်သည်ကို သံသယ ဖြစ်စရာမရှိပါ။ (၁၉၄၀ နှစ်ကုန် အထိ ပြုစုထားသည်)

အမှတ်(၅)

ထုတ်ဝေသောနေ့စွဲ ၁ ရက်၊ ဇန်န၀ါရီ ၁၉၄၂

ရန်သူတော်စာရင်းဝင် အမှတ်(၅)၏ နောက်ဆက်တွဲသမိုင်း

သခင်အောင်ဆန်း

သခင်အောင်ဆန်းဘယ်မှာရှိသည်ကို ယနေ့အထိ အတိအကျ မသိရသေးပါ။ သူသည် ဂျပန်ပြည်တွင် ရောက်နေပြီဟူသော ခိုင်မာလှသော ကောလဟလသတင်းများ ဖြစ်နေပါသည်။

၁၉၈၇ ခု၊ ဇူလိုင် စစ်ပြန်မဂ္ဂဇင်း၊ ဗြိတိသျှအစိုးရ၏ ရန်သူတော် အမှတ်(၅) သခင်အောင်ဆန်း