၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေး ဥပဒေစကားဝိုင်း အပိုင်း(၅) နိဂုံး

========================================
နေပြည်တော် အောက်တိုဘာ ၁၅

ဦးသန်းအောင်။ ဟုတ်ကဲ့ပါခင်ဗျာ၊ ဆရာ ဖြည့်စွက်ဆွေးနွေးသွားတဲ့ အတွက်လည်း ကျေးဇူး တင်ပါတယ်။ ဆရာ ဒေါက်တာ မနန်တူးဂျာအနေနဲ့ရော ဘာများဖြည့်စွက် ဆွေးနွေးချင်တာ လေးတွေရှိဦးမလဲ ခင်ဗျ။

ဒေါက်တာမနန်တူးဂျာ။ ကျွန်တော်နည်းနည်း ဖြည့်စွက်ဆွေးနွေးချင်တာက တိုင်းရင်းသား အခွင့်အရေးမှာ ယခင်ပြဋ္ဌာန်းခဲ့တဲ့၊ သုံးစွဲခဲ့တဲ့ အခြေခံဥပဒေများမှာမပါတဲ့ တိုင်းရင်းသား အခွင့် အရေးတစ်ရပ်လို့ ဆိုလို့ရတဲ့ အချက်တစ်ခု ဒီလက်ရှိအခြေခံဥပဒေမှာ ပါနေတယ်။ အဲဒါ ဘာလဲဆို တိုင်းရင်းသားရေးရာဝန်ကြီး ခန့်အပ်နိုင်တဲ့ အချက်တစ်ခု ဖြစ်ပါတယ်။ ဒါလည်း ထူးခြားတဲ့ တိုင်းရင်းသား အခွင့်အရေးတစ်ရပ်လို့ မှတ်ယူလို့ ရပါတယ်ဆိုတာကို ကျွန်တော် ဖြည့်စွက် ပြောကြားလိုပါတယ်။

ဦးသန်းအောင်။ ဟုတ်ကဲ့ပါခင်ဗျာ။ ဒေါက်တာ အင်ဒရူးအနေနဲ့ရော ဘာများ ဖြည့်စွက်ဆွေးနွေး ချင်တာလေးတွေ ရှိသေးလဲခင်ဗျ။

ဒေါက်တာအင်ဒရူးငွန်ကျုံးလျန်။ သဘာဝသယံဇာတ အရင်းအမြစ် ဝင်ငွေခွဲဝေရေး၊ နောက်ပြီးတော့ ကျေးလက်နဲ့ မြို့ပြဖွံ့ဖြိုးမှု ကွာဟချက်တွေကို လျှော့ချနိုင်ရေးအတွက် ဒီသဘာဝတစ်ခုကိုပဲ မကြည့်ဘဲနဲ့ ထပ်ပြီးတော့ တစ်ဆင့်ကြည့်ဖို့က လူသားအရင်းအမြစ် ဖွံ့ဖြိုးတိုးတက်ရေးပဲ ဖြစ်ပါတယ်။ ဒီကိစ္စမှာ လက်ရှိ ၂ဝဝ၈ အခြေခံဥပဒေမှာ ပညာရေးနဲ့ ကျန်းမာရေးနဲ့ ပတ်သက်တဲ့ဟာတွေ အများစုဟာ ပြည်ထောင်စုရဲ့ ဥပဒေပြုခွင့်၊ ဒါမှမဟုတ် လက်ရှိတည်ဆဲဥပဒေအရ ပြည်ထောင်စုအစိုးရ အဆင့်ကနေ ကိုင်တွယ်တဲ့ဟာတွေ များပါ တယ်။ အဲဒီတော့ ကျွန်တော့် အမြင်မှာတော့ ကျွန်တော်တို့ရဲ့ အနေအထားနဲ့ကိုက်ညီတဲ့ တိုင်းရင်းသားတွေ၊ ကျေးလက်မှာနေတဲ့ လူတွေရဲ့ တိုင်းဒေသကြီးနဲ့ ပြည်နယ်ထဲကလူတွေ တဖြည်းဖြည်းနဲ့ ဒီဟာကို အခုချိန်ကနေ ပြောင်းပြီးတော့ ဥပဒေပြုဇယား (၂) ထဲမှာ ပြောင်း၊ ဒါမှမဟုတ်လို့ရှိရင် တိုင်းဒေသကြီးနဲ့ ပြည်နယ်ရဲ့ လုပ်ပိုင်ခွင့်ထဲမှာ တဖြည်းဖြည်း ပြန်ပြီးတေှာု့ Incrementally ပေးသင့်တယ်လို့ ကျွန်တော်ယူဆပါတယ်။ အဲဒီလိုမလုပ်လို့ရှိရင် မြို့ပြနဲ့ ကျေးလက်ဒေသက ဆင်းရဲချမ်းသာကွာဟမှု၊ နောက်ပြီးတော့ ဖွံ့ဖြိုးမှု ကွာဟမှုတွေကို တိုက်ဖျက်နိုင်မှာ မဟုတ်ပါဘူး။

ဒုတိယအချက်အနေနဲ့ ပြောချင်တာက ဇယား(၁)၊ ဇယား(၂)မှာ ဇယား (၂)ကို တိုင်းဒေသ ကြီးနဲ့ ပြည်နယ်တွေကို လုပ်ပိုင်ခွင့်ပိုပြီးတော့ ပေးသင့်တယ်လို့ ယူဆတဲ့အချက်တွေ ဖြစ်ပါ တယ်။ အဲဒီလို မပေးခင်မှာလည်း ခုနက ဒီလိုပေးပြီးတော့ တကယ်တမ်း အလုပ်မလုပ်နိုင်တဲ့ ဟာတွေကိုလည်း အလုပ်မဖြစ်အောင် အဟန့်အတားဖြစ်နေတဲ့ တည်ဆဲဥပဒေတွေကိုပါ တစ်ခါတည်း နှစ်ခုစလုံး အခြေခံဥပဒေလည်း ပြုပြင်ရင်း၊ လိုတိုးပိုလျှော့လုပ်ရင်းနဲ့လည်း တစ်ဖက်မှာ တည်ဆဲဥပဒေကို အနှောင့်အယှက်ပေးနေတဲ့ ဒီဥပဒေလေးတွေကိုလည်း ပြုပြင်ရင်း၊ နောက်ပြီးတော့ ဇယား(၅)မှာလည်း တိုင်းဒေသကြီးနဲ့ ပြည်နယ်တွေက ကောက်ခံ နိုင်တဲ့ အခွန်အတုတ်တွေကိုလည်း သူတို့ဘဏ္ဍာငွေ ပိုပြီးတော့တိုးလာအောင် နည်းနည်း ပြန်တိုးပေးဖို့တော့ လိုပါတယ်လို့ ယူဆပါတယ်။ အဲဒီလို တဖြည်းဖြည်းနဲ့ သွားတယ်ဆိုလို့ရှိရင် ၂ဝဝ၈ အခြေခံဥပဒေကနေ ကျွန်တော်တို့ကို ခင်းပေးထားတဲ့ ဒီမိုကရေစီလမ်းကြောင်းဟာ ဆက်ပြီးတော့ လမ်းကြောင်းမှန် လျှောက်နိုင်မယ်လို့ ထင်ပါတယ်။ အဲဒီလို မဟုတ်ဘဲနဲ့ ဒီလမ်းကြောင်းကို ဖြတ်တောက်ပြီးတော့ နောက်လမ်းကြောင်း အသစ်တစ်ခု ထွင်မယ်ဆိုလို့ ရှိရင်တော့ ကျွန်တော်တို့မှာ တော်တော်ကြီးမားတဲ့ ပြဿနာတို့၊ စိန်ခေါ်မှုတို့၊ အခက်အခဲတို့
ကြုံတွေ့ရလိမ့်မယ်လို့ ယူဆပါတယ်။

ဦးသန်းအောင်။ ဆရာ ဖြည့်စွက်ဆွေးနွေး သွားတာလည်း ကောင်းပါတယ် ခင်ဗျ။ ဆက်ပြီး တော့ ဆရာဦးကျော်ဝင်း ဘာများဆွေးနွေးချင်တာလေးများ ရှိသေးလဲခင်ဗျ။

ဦးကျော်ဝင်း။ ကျွန်တော်တို့ နားလည်သလောက် ဆိုရင်ပေါ့။ အခြေခံ ဥပဒေတစ်ခုနဲ့ ပတ်သက်ရင် လက်တွေ့ အလုပ်လုပ်ကြည့်ရင်းနဲ့ ရှေ့ဆက်ဖို့ အဟန့်အတားဖြစ်နေတယ်၊ အခက်အခဲ ရှိနေတယ်ဆိုတာမျိုးတွေ တွေ့ရင်တော့ ညှိနှိုင်းပြင်ဆင်သင့်ပါတယ်။ ကျွန်တော် ဥာဏ်မီသလောက် စဉ်းစားကြည့်တော့ သွားနေတဲ့အပြောင်းအလဲက သုံးပွင့်ဆိုင်ပေါ့၊ နိုင်ငံရေး ပြုပြင်ပြောင်းလဲမှု၊ စီးပွားရေး ပြုပြင်ပြောင်းလဲမှုနဲ့ ငြိမ်းချမ်းရေး ဖြစ်စဉ်ပေါ့။ ငြိမ်းချမ်းရေး ဖြစ်စဉ် ရှေ့ဆက်ဖို့ဆိုရင်တော့ ဆရာ ဒေါက်တာတူးဂျာတို့၊ ဒေါက်တာအင်ဒရူးတို့ ပြောတဲ့ ထဲလည်း ပါပြီးပါပြီ။ ပြည်နယ်နဲ့ ဗဟိုအစိုးရအကြား Power Sharing တို့ Resourse Sharing တို့ ဒါလေးတွေကိုတော့ အကျေအလည် ညှိပြီးတော့ သဘောထားကြီးကြီးနဲ့ ညှိနှိုင်းကြရင် ပိုပြီး အဆင်ချောမယ် ထင်ပါတယ်။

တပ်ကိစ္စကျတော့ ဒီနေ့သွားနေတဲ့ အပြောင်းအလဲကို ကတိမ်းကပါးဖြစ်စေတဲ့ အဟန့်အတား ဖြစ်စေတဲ့ အပြုအမူတွေ ကျွန်တော်လည်း အခုထိတော့ မတွေ့ဘူး။ အထူးသဖြင့် ကျွန်တော် သတိပြုမိတာက ဒါလည်း လွှတ်တော်ထဲ ရောက်ပြီးမှပါ။ တပ်က တပ်ရဲ့ရပ်တည်မှုက ဘယ် နိုင်ငံရေး ပါတီတစ်ခုနဲ့မှ သိပ်မပတ်သက်ဘူး။ သူ့မူနဲ့သူ သွားနေသလိုပဲ။ အဲဒါလည်း လွတ်လပ်တဲ့ Professional Institution ဖြစ်ဖို့အတွက်ကျ အလားအလာကောင်း တစ်ခုလို့ မြင်ပါတယ်။ ချုပ်လိုက်ရင်တော့ လောလောဆယ် တပ်ကိစ္စ ၂၅ ရာခိုင်နှုန်းကိစ္စက အဆောတလျင် ကိုင်စရာလည်း မလိုသေးဘူး။ ကိုင်လည်း မကိုင်သင့်ဘူးလို့ ထင်ပါတယ်။ အကုန်လုံး ချုပ်လိုက်ရင်တော့ ဒါတော့ ကျွန်တော်တစ်ဦးချင်းနဲ့ပဲ ဆိုင်ပါတယ်။ ကျွန်တော်တို့ တစ်သက်တာအတွက်တော့ အခုကြုံနေတဲ့ အပြောင်းအလဲလို စိတ်ကူးတွေနဲ့ မျှော်လင့်လို့ ရတာမျိုးကို ပွင့်ပွင့်လင်းလင်းပြောရရင် ကျွန်တော်တစ်ခါမှ မကြုံဖူးဘူး။ အဲဒီတော့ ဒီဟာလေး ကိုတော့ တန်ဖိုးထားစေချင်ပါတယ်။ အထူးသဖြင့် ဒီအပြောင်းအလဲကို ကတိမ်းကပါး မဖြစ် စေချင်ဘူး။ ဘာကိုပဲဆုံးဖြတ်ဆုံးဖြတ်၊ လက်ရှိအပြောင်းအလဲကို ကတိမ်းကပါး မဖြစ်စေဖို့ ဆိုတဲ့ဟာလေးကို သတိချပ်ထားရင် ပိုကောင်းမယ်ထင်ပါတယ်။ နောက်ဆုံး ကျွန်တော် ဖတ်ဖူးတဲ့ စာသားတစ်ခုပါ။ ဒီမိုကရေစီ အပြောင်းအလဲမှာ ပြဿနာများနိုင်တဲ့၊ မသေချာမရေရာနိုင်တဲ့ ကိစ္စတွေကို သိပ်အာရုံ မပြုမိပါစေနဲ့၊ ဒါတွေကမစပါနဲ့၊ အကျိုးရလဒ် သေချာပေါက် ရနိုင်မယ့် ကိစ္စတွေကို အာရုံစိုက်ပါ။ ဒါကစတာ ပိုသင့်လျော် ပါတယ်ဆိုတဲ့ စကားပါ။ ကျွန်တော် အဲဒါလေးကိုလည်း ဖျတ်ခနဲသတိရမိတယ်။ အဲဒီတော့ သဘောထား ကြီးကြီးနဲ့ အမြော်အမြင်ကြီးကြီးနဲ့ လုပ်ကြရင်တော့ ကျွန်တော်တို့ မျှော်လင့်သလို ဖြစ်မယ် ထင်ပါတယ်။

ဦးသန်းအောင်။ ဆွေးနွေးသွားတာတွေ ကြားလိုက်ရတဲ့အခါကျတော့ ဆရာတို့ဆွေးနွေးတဲ့ အပေါ်မှာ ဘာသွားထပ်ပြီး တွေ့လိုက်သလဲဆိုတော့ အားလုံးခြုံကြည့်လိုက်ရင် ကျွန်တော်တို့ နိုင်ငံမှာ ဖွဲ့စည်းပုံအခြေခံဥပဒေဟာ ဒီနေ့ထိဆိုရင် သုံးခုရှိသွားပါပြီ။ ၁၉၄၇ ခုနှစ် ဖွဲ့စည်း အုပ်ချုပ်ပုံအခြေခံ ဥပဒေကလည်း သူ့အကြောင်းတရားနဲ့သူ လွတ်လပ်ရေး ရရှိဖို့အတွက် ရေးဆွဲခဲ့တဲ့ ဥပဒေပါ။ ၁၉၇၄ ခုနှစ် ဥပဒေကတော့ ကျွန်တော်တို့နိုင်ငံကို ဆိုရှယ်လစ်စနစ်နဲ့ ချီတက်မယ်ဆိုပြီးတော့ ရေးဆွဲခဲ့တဲ့ဥပဒေပါ။ အခု ၂ဝဝ၈ ဖွဲ့စည်းပုံ အခြေခံဥပဒေကတော့ လူတွေက ဆိုရှယ်လစ်စနစ်ကို မကြိုက်ကြတော့ဘူး။ လက်မခံကြတော့ဘူး။ ဒါကြောင့် ပါတီစုံ ဒီမိုကရေစီစနစ်နဲ့ သွားမယ်ဆိုပြီးတော့ ရေးဆွဲခဲ့ကြတာပါ။ ကျွန်တော်တို့နိုင်ငံ သမိုင်းကို ပြန်ကြည့်လိုက်တဲ့ အခါကျတော့ ဖွဲ့စည်းပုံအခြေခံဥပဒေ သုံးခုစလုံးဟာ သူ့အကြောင်းတရား နဲ့သူ ပြည်သူတွေကနေ ပြောင်းလဲချင်တဲ့စိတ်တွေ ပေါ်လာပြီး စနစ်တစ်ခုကနေ တစ်ခုကို ပြောင်းချင်တဲ့ ဆန္ဒတွေပေါ်လာပြီးတော့ ပြောင်းလာတဲ့ အနေအထား၊ အသစ်ရေးလိုက်ရတဲ့ အနေအထားမျိုး ဖြစ်ပါတယ်။ ၁၉၄၇ ခုနှစ် ဖွဲ့စည်းအုပ်ချုပ်ပုံ အခြေခံဥပဒေဆိုရင် (၁၅) နှစ် လောက် လက်ခံကျင့်သုံး လိုက်ရပါတယ်။ (၇၄) ခုနှစ် ဖွဲ့စည်းပုံအခြေခံဥပဒေ ဆိုရင်လည်းပဲ (၁၄) နှစ်လောက် လက်ခံကျင့်သုံးလိုက်ရပါတယ်။ အခု ၂ဝဝ၈ ဖွဲ့စည်းပုံအခြေခံဥပဒေက သုံးနှစ်တောင် မပြည့်သေးပါဘူး။ အမှန်အတိုင်း ပြောရရင်တော့ ဒီမိုကရေစီ လမ်းကြောင်းပေါ် မှာ စပြီးတော့ လျှောက်လှမ်းနေစ၊ နိုင်ငံဖွံ့ဖြိုးတိုးတက်အောင် ကြိုးပမ်းနေတဲ့ သုံးနှစ်မပြည့် သေးတဲ့ ကလေးတစ်ယောက်နဲ့ တူပါတယ်။ သုံးနှစ်ဆိုတာဟာ လမ်းလျှောက်တတ်ခါစ အရွယ်ပါ။

အခုအချိန်မှာ ဒီဖွဲ့စည်းပုံအခြေခံဥပဒေကို ဖျက်လိုက်ပြီး အသစ်ရေး လိုက်မယ်ဆိုရင် သုံးနှစ် သား လမ်းလျှောက်တတ်ခါစ ကလေးတစ်ယောက်ရဲ့ ခြေထောက်ကို ရိုက်ချိုးလိုက်သလိုများ တူသွားမလားလို့ စိုးရိမ်ပါတယ်။ စောစောကလည်း ဆရာတို့လည်း အဲဒါကို ပြောသွားပါတယ်။ ဖွဲ့စည်းပုံအခြေခံဥပဒေနဲ့ ပတ်သက်ပြီးတော့ အဓိကက ဒီဖွဲ့စည်းပုံအခြေခံဥပဒေမှာပါတဲ့ ပြဋ္ဌာန်းချက်တွေနဲ့ ပတ်သက်ပြီးတော့ ဒီနေ့အထိ အပြည့်အဝအနှစ် သာရပေါ်လွင်အောင် အကောင်အထည် မဖော်ရသေးဘူးလို့ပဲ ကျွန်တော် မြင်ပါတယ်။ အခုမှ လုပ်ကိုင်တုန်း အနေအထားပဲ ရှိပါတယ်။ ဖွဲ့စည်းပုံအခြေခံဥပဒေကို အကောင်အထည်ဖော်တဲ့ အဖွဲ့အစည်း တွေ အနေနဲ့ ဖွဲ့စည်းပုံ အခြေခံဥပဒေမှာ ပါတဲ့အချက်တွေကို ပြည့်ပြည့်ဝဝနဲ့ အကောင်အထည် ဖော်မှလည်း ဒီ ဖွဲ့စည်းပုံ အခြေခံဥပဒေရဲ့ အနှစ်သာရဟာ ပေါ်လွင်ပါတယ်။ နိုင်ငံနဲ့ပြည်သူ အတွက်လည်း အကျိုးရှိပါတယ်။

အဓိကကတော့ ဖွဲ့စည်းပုံအခြေခံဥပဒေကို အကောင်အထည်ဖော် ဆောင်ရွက်ကြတဲ့ အဖွဲ့ အစည်းတွေ အနေနဲ့ ဒီဖွဲ့စည်းပုံ အခြေခံဥပဒေမှပါတဲ့ ပြဋ္ဌာန်းချက်တွေကို အတိအကျ လိုက်နာပြီးတော့ ဆောင်ရွက်ဖို့ လိုပါတယ်။ မဆန့်ကျင်မိဖို့လည်း လိုပါတယ်။ ဒါကတော့ နိုင်ငံတိုင်းကို ပြန်ကြည့်လိုက်ရင် ဖွဲ့စည်းပုံအခြေခံဥပဒေကို အခြေအနေ အချိန်အခါအလျောက်
လိုအပ်လာရင် ပြင်ရတာချည်းပါပဲ။ မပြင်ရတဲ့နိုင်ငံဆိုတာ မရှိပါဘူး။ ပြင်သင့်ရင်တော့ ပြင်ရမှာပါ။ အသစ်ရေးတယ်ဆိုတာဟာ အန္တရာယ်အလွန်ကြီးပါတယ်။ ပြင်ဆင်ခြင်းအားဖြင့် ကျွန်တော်တို့နိုင်ငံဟာ လက်ရှိလျှောက်လှမ်းနေတဲ့ ဒီမိုကရေစီလမ်းကြောင်းပေါ်မှာ တည်တည် ငြိမ်ငြိမ်၊ အေးအေးချမ်းချမ်းနဲ့ ဖွံ့ဖြိုးတိုးတက်အောင် ဆောင်ရွက်သွားနိုင်မယ့် အနေအထား တွေ အများကြီး တွေ့နေရပါတယ်။

အခုဆိုရင်လည်း ဒီခေါင်းစဉ်နဲ့ပတ်သက်ပြီးတော့ ဆရာတို့ဝိုင်းဝန်း ဆွေးနွေးခဲ့ကြတာဟာ တော်တော်လေးလည်း စုံသွားပါပြီ။ ပြည်သူတွေ အနေနဲ့လည်း ဖွဲ့စည်းပုံ အခြေခံဥပဒေနဲ့ ပတ်သက်ပြီးတော့ မသိသေးတာကိုလည်းသိ၊ ဗဟုသုတတွေလည်း တိုးပွားရရှိကြမယ်လို့ ယုံကြည်ပါတယ်။ ဒီလို မအားလပ်တဲ့ကြားထဲက လာရောက်ပြီးတော့ ဆွေးနွေးပေးကြတဲ့ ဆရာဦးသောင်းညွန့်၊ ဒေါက်တာမနန်တူးဂျာ၊ ဒေါက်တာအင်ဒရူးနဲ့ ဆရာဦးကျော်ဝင်းတို့ကို ကျေးဇူးအထူးတင် ရှိပါကြောင်း ပြောကြားလိုပါတယ်။

ဖွဲ့စည်းပုံအခြေခံဥပဒေဆိုသည်မှာ နိုင်ငံတစ်နိုင်ငံ၏ အသက်ဖြစ်ပါသည်။ ပြည်သူများအားလုံး အခြေခံဥပဒေအကြောင်း ကျယ်ကျယ်ပြန့်ပြန့် သိရှိစေရန်အတွက် ဥပဒေစကားဝိုင်းကို ရွေးချယ် ဆွေးနွေးတင်ပြခြင်း ဖြစ်ပါသည်။

မြန်မာ့အလင်းသတင်းစာမှ ကူးယူဖော်ပြသည်။

Read more →

၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေး ဥပဒေစကားဝိုင်း အပိုင်း(၄)

========================================
နေပြည်တော် အောက်တိုဘာ ၁၅

ဦးသန်းအောင်။ ဆရာဦးကျော်ဝင်းက ကျွန်တော့်ကိုဆွေးနွေးဖို့ တိုက်တွန်းလာတဲ့ အတွက် ကြောင့် ဖွဲ့စည်းပုံအခြေခံဥပဒေကို အသစ်ရေးကြမလား၊ ပြင်ကြမလားဆိုတဲ့ အကြောင်းအရာနဲ့ ပတ်သက်ပြီး ကျွန်တော်သိထားသမျှလေးကို ဗဟုသုတနဲ့ ဥပဒေရှုထောင့်ကနေပြီး ရှင်းပြချင် ပါတယ်။ ဖွဲ့စည်းပုံအခြေခံ ဥပဒေမှာ ဆရာဦးကျော်ဝင်း ပြောသွားတဲ့အတိုင်း ဖွဲ့စည်းပုံ အခြေခံ ဥပဒေ ပြင်ဆင်ခြင်းဆိုတဲ့ အခန်း၊ အခန်း ၁၂ မှာ ပါပါတယ်။ ပုဒ်မ ၄၃၃ ကနေပြီး တော့ ပုဒ်မ ၄၃၆ အထိ ရှိပါတယ်။ အခုပြောနေကြတာက ဖွဲ့စည်းပုံအခြေခံ ဥပဒေကို အသစ်ရေးကြမလား၊ ပြန်ပြင်မလား ပြောနေကြပါတယ်။ ဖွဲ့စည်းပုံအခြေခံ ဥပဒေထဲမှာ အသစ်ပြန်ရေးဖို့ဆိုတဲ့ ပြဋ္ဌာန်း ချက် မပါရှိပါဘူး။ ပြင်ဆင်ဖို့ ပြဋ္ဌာန်းချက်ပဲ ပါပါတယ်။

အသစ်ရေးကြမယ် ဆိုရင်လည်းပဲ အကြောင်းတရား (၃)ရပ် အပေါ်မှာ အခြေခံပြီးတော့မှပဲ ဖွဲ့စည်းပုံအသစ် ရေးလေ့ရေးထ ရှိပါတယ်။ ပထမ အကြောင်းတရားက ဘာလဲဆိုတော့ နိုင်ငံတစ်နိုင်ငံကို တပ်မတော်က အာဏာသိမ်းလိုက်တယ်။ နောက်လက်ရှိ ဖွဲ့စည်းပုံအခြေခံ ဥပဒေကို ဖျက်သိမ်းလိုက်တယ်။ အဲဒီအခါမျိုးမှာ အသစ်ရေးရတော့တာ။ ဒုတိယ အကြောင်း တရားကတော့ လက်ရှိအစိုးရကို ပြည်သူတွေက မကြိုက်ကြတော့ဘူးဆိုရင် ဆူပူအုံကြွမှုတွေ ဖြစ်လာတယ်။ အစိုးရကို ဖြုတ်ချတယ်။ ကြားဖြတ် အဖွဲ့အစည်းတစ်ခုက အုပ်ချုပ်ရတယ်။ အဲဒီမှာ ဖွဲ့စည်းပုံ အခြေခံဥပဒေကို ရေးကြရပါတယ်။ နောက်ဆုံးတစ်ခုကတော့ ပြည်သူတွေ က လက်ရှိရှိနေတဲ့ စနစ်၊ နိုင်ငံရဲ့ အသွင်သဏ္ဌာန်ကို ပြောင်းချင်တယ်။ ငြီးငွေ့လာကြပြီ။ စနစ်ဟောင်းကနေ စနစ်သစ်တစ်ခုကို ပြောင်းချင်ပြီ။ ပြည်သူတွေရဲ့ တညီတညွတ်တည်းသော ဆန္ဒနဲ့ပေါ့လေ။ အေးချမ်းတည်ငြိမ်စွာနဲ့ ပြောင်းချင်လာတဲ့ အခါကျတော့ ဖွဲ့စည်းပုံအခြေခံ ဥပဒေကို အသစ်ပြန်ရေးပြီး ပြောင်းကြတယ်။

ဒီအကြောင်းတရား (၃)ရပ်ကလည်း ကျွန်တော်တို့နိုင်ငံရဲ့ သမိုင်းကြောင်းမှာ ပြန်ကြည့်ရင် တောင် သာဓကအနေနဲ့ တွေ့နိုင်ပါတယ်။ ဒီဖွဲ့စည်းပုံအခြေခံအသစ်ကို ရေးကြမယ်။ ပြင်ကြမယ်။ အသစ်ရေးရင် ဘာတွေလိုအပ်ချက်တွေနဲ့ စိန်ခေါ်မှုတွေရှိနိုင်သလဲ။ ပြင်ဆင်ရင် ဘာလိုအပ်ချက်တွေ ရှိမလဲ။ စိန်ခေါ်မှုတွေရှိမလဲ။ ဘယ်လိုအကျိုးအပြစ်တွေ ရနိုင်မလဲ ဆိုတာနဲ့ ပတ်သက်ပြီးတော့ ဆက်ပြီးတော့ ဆွေးနွေးပါမယ်။

အသစ်ရေးတော့မယ်ဆိုရင် ဘာလိုအပ်လာလဲဆိုတော့ ပြန်လည်ပြုပြင်ရေး၊ ပြောင်းလဲရေး အတွက် အဲ့ဒီကာလအတွင်းမှာ ပြည်သူတွေရဲ့ အများသဘောဆန္ဒကို ရယူဖို့ လိုအပ်လာတယ်။ တကယ်လို့များ အများသဘော တူညီမှုမရဘူးဆိုရင် နိုင်ငံမတည်မငြိမ်မှုတွေ ဖြစ်လာမယ်၊ ကာလတွေ ရှည်ကြာတတ်ပါတယ်။ ဥပမာအားဖြင့် ကင်ညာနိုင်ငံကို ကြည့်လိုက်မယ်ဆိုရင် ကင်ညာနိုင်ငံမှာ ၁၉၉၇ ခုနှစ်ကနေပြီးတော့ ၂ဝ၁ဝခုနှစ်အထိ အဖြစ်ဆိုးနဲ့ ကြုံခဲ့ပါတယ်။ နောက်ဆုံး ၂ဝဝ၈ ခုနှစ်မှာ သူတို့နိုင်ငံမှာ အကြမ်းဖက်မှုတွေ ပေါ်ခဲ့တဲ့ နမူနာလေးရှိပါတယ်။

နောက်တစ်ခါ အသစ်ရေးတော့မယ်ဆိုရင် အသွင်ကူးပြောင်းရေး ကာလတစ်ခု လိုပါတယ်။ အဲဒီ့အသွင်ကူးပြောင်းရေး ကာလကလည်း ပဋိပက္ခနည်းရင် မြန်ပေမယ့် ပဋိပက္ခများရင် ကြာတတ်ပါတယ်။ နောက်တစ်ခုက အသွင်ကူးပြောင်းရေး ကာလအတွင်းမှာ တရားမျှတမှုနဲ့ ပြန်လည် ရင်ကြားစေ့ရေးအတွက် လုပ်ငန်းစဉ်တွေ လိုအပ်သလို ဖွဲ့စည်းပုံအခြေခံဥပဒေ မူကြမ်းကို ရေးတဲ့အခါမှာလည်း ဘက်လိုက်မှုကင်းကင်းနဲ့ မျှမျှတတလုပ်ဖို့ လိုပါတယ်။ အဲ့ဒီလိုမှ မလုပ်ဘူးဆိုရင် ကျွန်တော်တို့ အောင်မြင်မှု မရနိုင်ပါဘူး။ နိုင်ငံရေးမတည်ငြိမ်မှုတွေ ဖြစ်တတ်ပါတယ်။ ဥပမာအားဖြင့် လက်ရှိဖြစ်ပေါ်နေတဲ့ အီဂျစ်နိုင်ငံကိုကြည့်ရင် အဲဒီ့ပုံစံပါပဲ။ နောက်တစ်ခုက ဘက်စုံပြီးပြည့်စုံတဲ့ ပါဝင်မှုမျိုး လိုပါတယ်။ ပြည်သူတွေရဲ့ လိုလား ထောက်ခံမှုမျိုး လိုပါတယ်။ နောက်တစ်ခါ ကျွမ်းကျင်ပညာရှင်တွေရဲ့ အထောက်အကူတွေ လိုပါတယ်။ ဒါဟာ လိုအပ်ချက်တွေနဲ့ စိန်ခေါ်မှုတွေပါ။

အသစ်ရေးမယ်ဆိုရင် အကျိုးထက် အပြစ်က များပါတယ်။ အကျိုးကတော့ သိသာတဲ့ ပြောင်းလဲမှု ဖြစ်ပေါ်မယ်။ နောက်တစ်ခါ အဲဒီ့လို ရေးတဲ့အခါ ပြည်သူတွေရဲ့ လိုအင်ဆန္ဒနဲ့ ကိုက်ညီအောင် ဆောင်ရွက်နိုင်ရင် ပြည်သူတွေရဲ့ ထောက်ခံမှု၊ လိုလားမှု အပြည့်အဝရရှိမယ်။ နောက်တစ်ခါ ပြောင်းလဲနေတဲ့ ခေတ်အခြေအနေနဲ့ ထင်ဟပ်ပြီးတော့ လုပ်ကိုင် ဆောင်ရွက် နိုင်မယ်။

ဒါပေမယ့် အပြစ်ပြန်ကြည့်လိုက်တဲ့အခါ အကျိုးစီးပွား၊ အတွေးအခေါ်၊ လူမှု စီးပွားတွေ ကွာဟချက်ကြီးမားတဲ့ လူ့အဖွဲ့အစည်းမျိုး ဖြစ်နေတဲ့အခါကျတော့ အဲဒီ့မှာ မတည်ငြိမ်မှုတွေ ဖြစ်လာနိုင်တယ်။ ဒါ့ထက်ဆိုးတာက နိုင်ငံရေး မတည်ငြိမ်မှုတွေ၊ အကြမ်းဖက်မှုတွေ ဖြစ်လာ နိုင်တယ်။

အဲဒီအခါကျတော့ စစ်ဘက်ကနေပြီး ဝင်ရောက်စွက်ဖက်ရတဲ့ ကိစ္စမျိုးတွေ ပေါ်လာတတ် ပါတယ်။ နောက်တစ်ခါ ငွေကုန်ကြေးကျတွေ များလာမယ်။ အချိန်ကာလတွေ ကြာလာမယ်။ အဲဒီ့လိုကြာလာတာနဲ့အမျှ ကျွမ်းကျင်မှု လိုအပ်ချက်တွေလည်း လိုလာမယ်။ ဒါ့ထက်ဆိုးတာက အသွင်ကူးပြောင်းတဲ့ ကာလအတွင်းမှာ ဖြစ်ပေါ်လာမယ့် အခက်အခဲတွေ အများကြီး ကြုံတွေ့ နိုင်ပါတယ်။

ဒါက အသစ်ရေးရင် တွေ့ရမယ့် ဆိုးကျိုး၊ အပြစ်တွေ ဖြစ်ပါတယ်။ ဖွဲ့စည်းပုံ အခြေခံဥပဒေကို ပြင်ကြမယ် ဆိုရင်ကော။ ဒါကတော့ အခုလက်ရှိဖွဲ့စည်းပုံ အခြေခံဥပဒေမှာ ကျွန်တော်တို့ အခန်း (၁၂) မှာပါတဲ့ ပြင်ဆင်တဲ့နေရာမှာ လိုက်နာရတဲ့ သတ်မှတ်ထားတဲ့ အချက်တွေကို လိုက်နာဖို့လိုသလို အဲ့ဒီမှာ သတ်မှတ်ထားတဲ့ ဆန္ဒမဲအရေအတွက် ထောက်ခံဆန္ဒမဲရဖို့ လိုအပ်မှာ ဖြစ်ပါတယ်။

နောက်တစ်ခါ လွှတ်တော်အတွင်းမှာ အချင်းချင်းသဘောတူညီမှု ရအောင် သဘောထား ကြီးကြီးနဲ့ စိတ်ရှည်ရှည်နဲ့ထားပြီး စည်းရုံးရမယ့်၊ ညှိနှိုင်းရမယ့်၊ နိုင်ငံရေး ရင့်ကျက်မှုလေးတွေ လည်း လိုပါတယ်။ ဘဏ္ဍာငွေ လိုအပ်ချက်ရှိမယ်။ ကျွမ်းကျင်မှု အထောက်အကူတွေ လိုအပ်တာတွေရှိမယ်။ ဒါတွေက လိုအပ်ချက်တွေနဲ့ စိန်ခေါ်မှုတွေပါ။ အဲ့ဒီတော့ ပြင်ဆင်တဲ့ နေရာမှာတော့ အကျိုးနဲ့အပြစ် ပြန်ကြည့်လိုက်တဲ့ အခါကျတော့ သူက အပြစ်ကနည်းပါတယ်။ အကျိုးရှိတာ များပါတယ်။ ဘာဖြစ်လို့လဲဆိုတော့ ဖွဲ့စည်းပုံအခြေခံ ဥပဒေကို ပြင်ဆင်တဲ့ အခါကျတော့ အချိန်တိုအတွင်းမှာ ပြင်ဆင်တာကတော့ ပြီးသွားနိုင်မယ်။ ဒါဟာ လွှတ်တော် တွင်း ကိစ္စဖြစ်နေတာမို့ ပြင်ဆင်တာ အချိန်တိုအတွင်းမှာ ပြီးသွားနိုင်တယ်။ အသစ်ရေးတဲ့ နေရာမှာ ကြုံတွေ့ရမယ့် အကြမ်းဖက်မှုတွေ၊ နိုင်ငံရေး မတည်ငြိမ်မှုတွေလည်း မတွေ့နိုင်ဖို့ ပိုပြီးတော့ များပါတယ်။ အေးအေးဆေးဆေး တည်တည်ငြိမ်ငြိမ်နဲ့ တစ်ဆင့်ပြီး တစ်ဆင့် ပြောင်းလဲသွားနိုင်တဲ့ အနေအထားတွေနဲ့လည်း ကြုံနိုင်ပါတယ်။

နောက်တစ်ခါ ပြင်ဆင်ဖို့အတွက်ဆိုရင်လည်း ပုဒ်မတစ်ခုချင်းအလိုက်ပဲ ဖြစ်စေ၊ အခန်း တစ်ခန်းချင်းစီ အလိုက်ပင်ဖြစ်စေ၊ အချင်းချင်းပြေလည်အောင် ညှိနှိုင်းပြီး အပေးအယူ သဘောနဲ့ ညှိနှိုင်းကြရင် လွယ်လွယ်ကူကူနဲ့ ပြင်ဆင်တဲ့နေရာမှာ ဆောင်ရွက်လို့ လွယ်သွား နိုင်တဲ့ အနေအထားတွေ ရှိပါတယ်။ ဒါကြောင့်အသစ်ရေးမလား၊ ပြင်ဆင်မလားဆိုတာနဲ့ ပတ်သက်ရင် ပြည်သူတွေကို သိစေချင်တာက အသစ်ရေးတယ်ဆိုတာက ဆရာဦးကျော်ဝင်း ပြောသွားသလို၊ ဆရာ ဒေါက်တာအင်ဒရူး ပြောသွားသလို အန္တရာယ်ကြီးတဲ့ အလုပ်တစ်ခုပဲ ဖြစ်ပါတယ်။

ပြင်မယ်ဆိုရင် ဖွဲ့စည်းပုံအခြေခံဥပဒေမှာပါတဲ့ ဥပဒေက ပြဋ္ဌာန်းပေးထားတဲ့ ပြင်ဆင်ရာမှာ လိုက်နာရမယ့် အချက်ကလေးတွေ ရရှိအောင် ညှိနှိုင်းပြီး၊ ဆွေးနွေးပြီး နိုင်ငံရေးရင့်ကျက်မှုနဲ့ လုပ်သွားကြမယ်ဆိုရင် ကောင်းသွားမှာ ဖြစ်ပါတယ်။ ပြင်ဆင်ရင်းနဲ့ပဲ ဖွဲ့စည်းပုံ အခြေခံ ဥပဒေကြီးဟာ တဖြည်းဖြည်းနဲ့ အားနည်းချက်တွေ မရှိတော့ဘဲ အားသာချက်တွေနဲ့ ပြည့်စုံသွားနိုင်တဲ့ အနေအထားမျိုး ရှိနိုင်ပါတယ်။

ကျွန်တော့်အနေနဲ့ကတော့ ပြင်ဆင်တာနဲ့ ပတ်သက်ပြီးတော့ ဆရာဦးကျော်ဝင်း ခုနက ပြောသွားသလို အသစ်ရေးမလား၊ ပြင်ဆင်မလားဆိုတဲ့ အပိုင်းလေးကို ဥပဒေရှုထောင့်မှ အမြင်လေးကို တင်ပြဆွေးနွေးတာပါ။ အားလုံးလည်း ဆွေးနွေးပြီးပြီဆိုတော့ ဆက်ပြီးတော့ ဆရာဦးသောင်းညွန့်ကို ထပ်မံဆွေးနွေးဖို့များ ရှိသေးလား၊ ရှိသေးတယ်ဆိုရင် ဆွေးနွေးပေးဖို့ မေတ္တာရပ်ခံအပ်ပါတယ်။

ဦးသောင်းညွန့်။ တက်ရောက်လာတဲ့ ပုဂ္ဂိုလ်ကြီးများက ကိုယ်တွေ့ကြုံလာခဲ့တဲ့ အတွေ့အကြုံ လေးတွေအပေါ်မှာ အခြေခံပြီးတော့မှ ဆွေးနွေးသွားတာဟာ နိုင်ငံတော်အတွက် အကျိုးဖြစ် စေမယ့် အခြေအနေကို ဖန်တီးနိုင်အောင် ဆွေးနွေးသွားတာ ဖြစ်တဲ့အတွက်ကြောင့် အင်မတန် မှ ကောင်းမွန်ပါတယ်။ စောစောက ဦးကျော်ဝင်း ဆွေးနွေးသွားတဲ့ ဖွဲ့စည်းပုံအခြေခံဥပဒေမှာ တပ်မတော်ရဲ့ အခန်းကဏ္ဍနဲ့ ပတ်သက်ပြီး လွှတ်တော်တွေမှာ ၂၅ ရာခိုင်နှုန်း ပါဝင်သင့်တယ် ဆိုတဲ့အချက်နဲ့ ပတ်သက်ပြီး ပြည့်ပြည့်စုံစုံ ဆွေးနွေးသွားတာ ကောင်းပါတယ်။

၂၅ ရာခိုင်နှုန်း ပါဝင်မှုနဲ့ ပတ်သက်ပြီး အမျိုးသားညီလာခံ ကျင်းပစဉ်ကတည်းက ဒီအချက်နဲ့ ပတ်သက်လို့ လေးလေးနက်နက် စဉ်းစားခဲ့ကြပါတယ်။ စဉ်းစားတဲ့အခါမှာ အချက်နှစ်ချက် အခြေခံပြီး စဉ်းစားခဲ့ကြပါတယ်။ နံပါတ်တစ်အချက်က ကျွန်တော်တို့နိုင်ငံရဲ့ ယနေ့ရှိနေတဲ့ အခြေအနေ အရပ်ရပ်အရ ဖွဲ့စည်းပုံအခြေခံဥပဒေထဲမှာ လွှတ်တော်ဖွဲ့စည်းမှု၊ အုပ်ချုပ်ရေး အပိုင်းမှာ တပ်မတော် ပါဝင်သင့်တယ်လို့ တော်တော် လေးလေးနက်နက် စဉ်းစားပြီးတော့မှ အခြေခံမူတစ်ရပ်အနေနဲ့ ချမှတ်ခဲ့တယ် ဆိုတာကို ပြောလိုပါတယ်။

နောက်တစ်ချက်ကတော့ တပ်မတော်ဆိုတဲ့ အင်စတီကျူးရှင်းကြီးဟာ ကျွန်တော်တို့နိုင်ငံ လွတ်လပ်ရေးသမိုင်းမှာ အင်မတန် အစဉ်အလာကြီးမားတဲ့ တပ်မတော်ဖြစ်ပါတယ်။ ဒီ တပ်မတော်ကို စတင်တည်ထောင်ခဲ့တာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ကိုယ်တိုင် ဖွဲ့စည်းပြီး တစ်ဆင့်ပြီးတစ်ဆင့် လက်ဆင့်ကမ်းပြီးတော့ လက်ရှိအခြေအနေအထိ ရောက်လာတဲ့ ဒီတပ်မတော်ဟာ နိုင်ငံမှာပေါ်ပေါက်လာတဲ့ အခက်အခဲတွေ၊ ပြည်တွင်း၊ ပြည်ပ ပြဿနာတွေအပေါ်မှာ ဖြေရှင်းဆောင်ရွက်ခဲ့တာ ဖြစ်ပါတယ်။ တပ်မတော်မှာ တိုင်းရင်း သားတွေ အားလုံး တူညီစွာ ပါဝင်ဖွဲ့စည်းထားပါတယ်။

တိုင်းရင်းသားတွေအားလုံး ဖွဲ့စည်းထားတဲ့ တပ်မတော်ကြီးဟာ နိုင်ငံတော်ကို တကယ့်အရေး ကြုံလာတဲ့အခါတိုင်းမှာ ကာကွယ်ခဲ့တဲ့ အစဉ်အလာ ကြီးမားတဲ့ တပ်မတော်ကြီး ဖြစ်ပါတယ်။ ဒါကြောင့် ဒီလိုအခြေအနေတွေကို လျစ်လျူမရှုသင့်ဘူး ဆိုပြီးတော့ ဆွေးနွေးကြပြီးတော့မှ ဒီအချက်နှစ်ချက်ပေါ်မှာ အခြေခံပြီး အခြေခံမူတွေချတဲ့အခါ တပ်မတော်ပါဝင်ရမည်လို့ ပြဋ္ဌာန်း
ခဲ့ခြင်းဖြစ်ပါတယ်။ လက်ရှိ ၂ဝဝ၈ ခုနှစ် ဖွဲ့စည်းပုံအခြေခံဥပဒေအရ လွှတ်တော်အသီးသီးမှာ တပ်မတော် ကိုယ်စားလှယ်တွေ ပါနေတယ်။ ပါနေတဲ့ ကိုယ်စားလှယ်တွေဟာ ဒီမိုကရေစီ နိုင်ငံ ထူထောင်တဲ့အခါမှာ၊ ဒီမိုကရေစီကျင့်စဉ်ကို ဖော်ဆောင်နေတဲ့အခါမှာ တပ်မတော် ကိုယ်စားလှယ်တွေက ကပျက်ကယက်လုပ်ခဲ့ခြင်း ရှိခဲ့သလား။ အခုထိမရှိခဲ့ပါဘူး။ သူတို့ဟာ လည်း လက်ရှိအခြေအနေမှာ တပ်မတော်သည် ဒီမိုကရေစီကို လိုလားသော တပ်မတော်လို့ မြင်ပါတယ်။

ဒါဟာ အချက်တစ်ချက်ပါ။ တပ်မတော် ကာကွယ်ရေးဦးစီးချုပ် ကိုယ်တိုင်လည်း ဒီမိုကရေစီ လိုလားပြီးတော့ တဖြည်းဖြည်း ဖြေလျှော့ဖို့ ပြောဆိုခဲ့တဲ့ အချက်တွေလည်း ရှိပါတယ်။ တပ်မတော် ပါဝင်မှုနဲ့ ပတ်သက်လို့ အခြေခံဥပဒေမှာ သုံးထားတဲ့အသုံးအနှုန်း စကားအသုံး အနှုန်းကလည်း ၂၅ ရာခိုင်နှုန်းအထိဆိုပြီးတော့ တဖြည်းဖြည်းချင်း လျှော့ချသွားလို့ရအောင်၊ သို့သော်စဉ်းစားဖို့က အခြေအနေနဲ့ အချိန်အခါဆိုတာ ရှိပါတယ်။ လက်ရှိ အခြေအနေနဲ့ လက်ရှိ အချိန်အခါမှာတော့ တပ်မတော်ရဲ့ ပါဝင်ပတ်သက်မှု ရှိနေသေးသင့်တယ်လို့ ပြောလို ပါတယ်။

နောက်တစ်ခုက ဒေါက်တာတူးဂျာ ဆွေးနွေးသွားတဲ့ ကိစ္စလေးတွေ၊ နောက် ဒေါက်တာ အင်ဒရူး ဆွေးနွေးသွားတဲ့ ကိစ္စလေးတွေ၊ Self Determination ကိုယ်ပိုင်ပြဋ္ဌာန်းခွင့် ဆိုတာ ကလည်း ဥပဒေဆိုတာဟာ အခြေခံ ဥပဒေရော၊ တည်ဆဲဥပဒေရော အားလုံးဟာ it is the living law အမြဲတမ်း ရှင်သန်နေရမယ်။ အခြေအနေနဲ့ အချိန်အခါပေါ်မှာ မူတည်ပြီးတော့ ပြင်သင့်ရင်လည်း ပြင်ရမယ်။ ဖြည့်စွက်သင့်ရင်လည်း ဖြည့်စွက်ရမယ်။ ဒါတွေဟာ အားလုံး တိုင်တိုင်ပင်ပင် ညှိညှိနှိုင်းနှိုင်း ဆွေးနွေးပြီးတော့ သဘောတူညီချက်နဲ့ လုပ်လို့ရှိရင် ပြင်လို့လည်း ရတယ်။ ဖြုတ်လို့လည်း ရတယ်။ ဖျက်လို့လည်း ရတယ်။

ဒီတော့ ခုနက ကိုယ်ပိုင်ပြဋ္ဌာန်းခွင့်နဲ့ပတ်သက်လို့ ၂ဝဝ၈ အခြေခံဥပဒေမှာ ဥပဒေပြုစာရင်း၊ ဥပဒေပြု ဇယားဆိုပြီးတော့ ဖော်ပြထားတာလဲပါပါတယ်။ ပြည်ထောင်စုဥပဒေပြုစာရင်း၊ တိုင်း ဒေသကြီးနဲ့ ပြည်နယ်ဥပဒေပြု စာရင်း၊ နောက်ပြီးတော့ ကိုယ်ပိုင်အုပ်ချုပ်ခွင့်ရတိုင်းနဲ့ ကိုယ်ပိုင် အုပ်ချုပ်ခွင့်ရဒေသ ဥပဒေပြုစာရင်း။ ဒါတစ်ပိုင်း၊ နောက်တစ်ပိုင်းက တိုင်းဒေသကြီးနဲ့ ပြည်နယ်တွေ ရပိုင်ခွင့်ရှိသော သယံဇာတနဲ့ ပတ်သက်တဲ့ အခွန်အကောက်တွေ၊ လုပ်ပိုင်ခွင့် တွေ၊ ဒါတွေဇယား တစ်ခု ပါပါတယ်။

ဒီတော့ဒါတွေဟာ အားလုံးညှိညှိနှိုင်းနှိုင်းနဲ့ ဘယ်ကိစ္စဖြင့် ဗဟိုက ပြဋ္ဌာန်းတဲ့ဥပဒေဟာ တိုင်း ဒေသကြီးအတွက် လုပ်လို့ ကိုင်လို့မရဘဲ ဖြစ်နေတယ်။ ဥပမာ-စောစောက ပြောသွားတဲ့ ကျောက်မျက် ကိစ္စ၊ ကျောက်မျက်ကိစ္စ ဆိုလို့ရှိရင် လုပ်လို့မရဘူး။ ကိုင်လို့မရဘဲ ဖြစ်နေတယ် စသည်ဖြင့် အဲဒီလို ဖြစ်နေလို့ရှိရင် ဒါလေးတွေကတော့ အားလုံး ညီညီညာညာနဲ့ သဘောထား ကြီးစွာနဲ့ပေါ့လေ။ အရေးအကြီးဆုံးကတော့ သဘောထားကြီးဖို့ အရေးကြီးပါတယ်။ သဘောထားကြီးစွာနဲ့ ညှိနှိုင်းတိုင်ပင်ပြီးတော့ လုပ်လိုက်ရင် သိပ်ခဲယဉ်းတဲ့ ကိစ္စမဟုတ်ဘူးလို့ ကျွန်တော့် အတွေ့အကြုံ အရ အဲဒီလို မြင်ပါတယ်။

တိုင်းဒေသကြီးနဲ့ ပြည်နယ်တွေမှာ ကိုယ့်ခြေထောက်ပေါ်ကိုယ်ရပ်တည် နိုင်အောင်တော့ ရှိသင့်တယ်။ အဲဒီလိုရှိဖို့အတွက် သူတို့မှာ သူတို့ဒေသမှာရှိတဲ့ Resources တွေနဲ့ ပတ်သက်လို့ သူတို့ရပိုင်ခွင့် ကလေးကိုလည်းပဲ အားလုံးညှိနှိုင်းပြီးတော့ အတိုင်းအတာတစ်ရပ်အထိ ဘယ်လောက် ဘယ်မျှ ယူမယ်ဆိုတာလေးတွေ ဆွေးနွေးလိုက်လို့ရှိရင် ဒါတွေဟာ မဖြစ်နိုင် စရာ အကြောင်းမရှိဘူးလို့ ကျွန်တော်တော့ မြင်ပါတယ်။ တိုတိုပြောရရင် လိုတိုးပိုလျှော့ ပေါ့လေ။ အဲဒီလို လိုတိုးပိုလျှော့ လုပ်ခြင်းအားဖြင့် အခြေခံဥပဒေကြီး တစ်ရပ်လုံး အသစ်ဆွဲ ကြစို့ဆိုတဲ့ အမြင်ထက် လိုတဲ့အပိုင်းလေးတွေကိုပဲ စိတ်ရှည်လက်ရှည် သဘောထားကြီးစွာနဲ့ ပြင်ဆင်သွားကြစို့ဆိုလို့ရှိရင် နိုင်ငံတော်အတွက်လည်း အကျိုးရှိမယ်။ ပြည်သူတွေအတွက် လည်း အကျိုးရှိမယ်။ တိုင်းဒေသကြီးနဲ့ ပြည်နယ်တွေ၊ အထူးသဖြင့် ပြည်နယ်တွေပေါ့လေ၊ ပြည်နယ်တွေအတွက် သူတို့လိုလားတဲ့ လိုလားချက်တွေရယ် ပြည့်စုံလိမ့်မယ်လို့ ကျွန်တော့် အနေနဲ့ အဲဒီလိုသုံးသပ်ရရှိပါတယ်။ ဒါလောက်ပါပဲ။


နိဂုံးပိုင်းဖြစ်သော အပိုင်း ၅ ဆက်လက်တင်ပြပါမည်။

မြန်မာ့အလင်းသတင်းစာမှ ကူးယူဖော်ပြသည်။

Read more →

၂၀၁၅ ကို အာရုံစိုက်ပါ

( My warning for all, the Voice weekly today issue )

better to focus on the bird in hand than on those flying in the sky .

အခြေခံဥပဒေ ပြင်ဆင်ရေးက အသစ်ရေးဆွဲရေးအယူအဆရဲ့ ရှေ့ကို
တဖြည်းဖြည်းရောက်လာပါတော့မယ်။ လက်ရှိအနေအထားမှာ ပြင်ရေး၊ သစ်ရေး ငြင်းခုံမှုကလည်းပါးလျားလာနေပါပြီ။ လက်တွေ့ကျသော ချဉ်းကပ်မှုများ
အားဖြင့်သာ ထိရောက်သော အလုပ်များကို ဖြစ်ပေါ်စေနိုင်ပြီး လိုရာခရီးလည်း ပေါက်မြောက်နိုင်မယ်ဆိုတာေ ခါင်းအေးအေးနဲ့စဉ်းစားမိတဲ့အချိန်မှာ လက်ခံလို့ ရနိုင်ကြမယ်ဖြစ်ပါတယ်။ပြင်ရေး သစ်ရေး သွေးဆူပွဲက ရပ်လုနီးအခြေအနေရောက် လာတာ ကျွန်တော်တို့ ကံကောင်းတယ်လို့တောင်ပြောရမယ်ထင်ပါရဲ့။

ဒါပေမယ့် လူထုကို ကျယ်ကျယ်ပြန့်ပြန့် ထိထိရောက်ရောက် မေးမြန်းဆွေးနွေးမှု
မပြုနိုင်ကြဘဲ အလွန် ကျဉ်းမြောင်းလှတဲ့ဘောင်တစ်ခုထဲက ဆောင်ရွက်လို့ ( စမ်းသပ်ကြည့်လို့ ) ရလာတဲ့ ရလာဒ်တစ်ခုကိုကိုင်တွယ်ပြီး လူထုကတော့ ပြင်ဖို့ဆန္ဒရှိနေပြီ၊ အခုပြင် အကုန်ပြင် ဆိုတာမျိုး လည်း ဖြစ်လာနိုင်ပါသေးတယ်။ ဒီလိုဖြစ်လာရင်လည်း နိုင်ငံရေးဖြစ်စဉ်ကြီးအတွက်
နောက်ထပ် ကြီးစွာသောအဟန့်အတားတစ်ခု ( obstacle )သေချာပေါက်ဖြစ်လာနိုင်ပါသေးတယ်။
တပ်မတော်သား၂၅ရာခိုင်နှုန်းနဲ့ ပြည်ခိုင်ဖြိုးကိုယ်စားလှယ်အများစုရှိနေတဲ့ လွှတ်တော်များကနေ ဘယ်လောက်အတိုင်းအတာအထိပြင်ဆင်ရေးကို လိုက်လျောနိုင်မယ်ဆိုတာ ခန့်မှန်းပြောဆိုဖို့ရာ
မလွယ်လှတဲ့ကိစ္စဖြစ်ပါတယ်။

ကျွန်တော်တို့ စိတ်ရှည်လက်ရှည်နဲ့ လက်တွေ့ကျကျဝိုင်းဝန်းကြိုးစားအားထုတ်ကြမယ်ဆိုရင် ၂၀၁၅ မှာ ဆုံမှတ်တစ်ခုကိုရောက်ရှိမှာဖြစ်ပါတယ်။ အဲဒီဆုံမှတ်ဟာ ဒီမိုကရေစီ သေချာပေါက်ဖြစ် တော့ မယ်ဆိုတဲ့ အာမခံချက်ကိုရဲရဲပေးနိုင်တဲ့ ဆုံမှတ်ဖြစ်နိုင်ပါတယ်။

၁။ ပြည်ခိုင်ဖြိုးပါတီ အာဏာရပါတီအဖြစ်မှ အတိုက်အခံပါတီအဖြစ်ရောက်ရှိနိုင်ခြင်း။

၂။အတိုက်အခံပါတီများက နည်းလမ်းတကျ လုပ်ကိုင်ဆောင်ရွက်ကြလျှင် အစိုးရဖွဲ့နိုင်၊ လွှတ်တော်ကို လွှမ်းမိုးနိုင်ခြင်း။

၃။ တိုင်းရင်းသားလက်နက်ကိုင်အဖွဲ့အစည်းများနှင့် တပ်မတော်အကြား သဘောတူညီမှုမှာ သိသာစွာတိုးတက်ဖြစ်ပေါ်လာနိုင်ခြင်း( သို့မဟုတ် ) ငြိမ်းချမ်းရေးကို အတိုင်းအတာတစ်ခုအထိ
တည်ဆောက်ပြီးစီးနိုင်ခြင်း။

၎။ နိုင်ငံတော်၏ စီးပွားရေးမှာ ယခုနှင့်နှိုင်းစာလျှင် များစွာထူးခြားကောင်းမွန်သော
အနေအထား တစ်ခုသို့ အခိုင်အမာ ရောက်ရှိနေနိုင်ခြင်း။

၅။ ကျန်ရှိနေသော အစိုးရနှင့် လွှတော်သက်တမ်း နှစ်နှစ်ကျော်ခန့်ကာလအတွင်း နှစ်ဘက်စလုံးက
အားသွန်ခွန်စိုက် အားထုတ်ကြိုးပမ်းကြမည် ဆိုပါက ဒီမိုကရေစီရေးနှင့်ပတ်သက်လျှင် အရေးပါဆုံးအခြေခံလိုအပ်ချက်ဖြစ်သော တပ်မတော်နှင့် အတိုက်အခံတို့ကြား နားလည်မှု ယုံကြည်မှု တစ်စုံတစ်ရာသော အတိုင်းအတာသို့ရောက်ရှိအောင်ဆောင်ရွက်နိုင်ခြင်း
စတဲ့ အချက် ငါးချက် ဆုံမယ့်နိုင်ငံတည်ဆောက်ရေးအတွက်ကြီးမားတဲ့တိုးတက်မှုကို အားဖြည့်ပေးနိုင်မယ့် ဆုံမှတ်တစ်ခုဟာ ၂၀၁၅ မှာကျွန်တော်တို့ကို စောင့်ကြိုနေတာဖြစ်ပါတယ်။

အခြေခံဥပဒေ ပြင်ဆင်ရေးကို အလောတကြီး နဲ့ တောင်းဆိုမယ် ကြိုးစားမယ်ဆိုရင်
အဲဒီဆုံမှတ်ကို ရောက်ဖို့ဆိုတာ သေချာပေါက် ပြောလို့မရနိုင်ပါဘူး။ ဒီကြားထဲမှာ
အခြေခံဥပဒေကို ပြင်ဖို့ လုံးဝ ကြိုးစားလို့မရကြောင်း သက်သေပြပြောဆိုနေတာမဟုတ်ပါ။ ချင့်ချင့်ချိန်ချိန်နဲ့ လုပ်ကြကိုင်ကြဖို့ ဆိုလိုရင်းဖြစ်ပါတယ်။ ဘယ်အတိုင်းအတာ ပြင်ဆင်လို့ရမယ် ဆိုတာသေသေချာချာ လေ့လာဆန်းစစ် ညှိနှိုင်းတိုင်ပင်ကြဖို့ ဆိုလိုရင်းဖြစ်ပါတယ်။

အခုလောလောဆယ် NLD က လုပ်နေတဲ့ လူထုနဲ့ တွေ့ဆုံ ဆွေးနွေးသဘောထားရယူတဲ့ကိစ္စမှာ NLD က ပုဂ္ဂိုလ်များပြောဆိုတာရှိပါတယ်။ တပ်က အာဏာကိုအခြေခံဥပဒေအရ အသာစီး ရယူ ထား တဲ့ သဘောမျိုးပြောဆိုတယ်လို့ နားလည်ရပါတယ်။ ဒီမိုကရေစီစံနှုန်းဖြစ်တဲ့ လူထု
အာဏာသဘောတရားလုံးဝမရှိကြောင်းဆိုလိုတယ်လို့ နားလည်ရပါတယ်။

ကျွန်တော့်အနေနဲ့ ဒီအချက်ကို လုံးဝသဘောမတူပါ။ တပ်က အခြေခံဥပဒေနဲ့ပတ်သက်လို့ ဆုံးဖြတ်ပိုင်ခွင့်ကို ပါဝင်ရယူထားတယ်ဆိုတာ မှန်ပါတယ်။ ဒီမိုကရေစီနဲ့မကိုက်ညီတဲ့ အခြေခံဥပဒေဆိုတာလည်းအမှန်ပါပဲ။ ဒါပေမယ့် စံနှုန်းတွေနဲ့ တိုင်းတာချိန်ထိုးရင် အပြည့်အဝ
ကိုက်ညီမှုမရှိခြင်းသာဖြစ်ပြီး လူထုအာဏာ ( people power )လုံးဝမရှိဘူးဆိုတာ လုံးဝမမှန်ပါ။
လက်ရှိအခြေခံဥပဒေကို ခွဲခြမ်းစိတ်ဖြာတဲ့အခါမှာ ဆန္ဒစွဲတွေ ၊စံနှုန်းစွဲတွေ ခနလေး ဘေးဖယ်ပြီး ယထာဘူတ ကျကျ ကြည့်မယ်ဆိုရင်

၁။ တပ်က ပြင်ဆင်ခွင့်နဲ့ပတ်သက်ရင်( အရေးကြီးတဲ့ )ဆုံးဖြတ်ရေးပါဝါ( power to decide) ကို ယူထားပါတယ်။

၂။ ဒါပေမယ့် အုပ်ချုပ်ရေးပါဝါ ( power to govern ) ကိုတော့ လူထုကိုပေးအပ်ထား တယ် ဆိုတာ ရှုင်းရှင်းလင်းလင်းမြင်နိုင်မှာဖြစ်ပါတယ်။

ကျွန်တော်လို သာမန်နိုင်ငံရေးလေ့လာသူတစ်ယောက်က ဒီလောက်လေးရှင်းပြရုံနဲ့
သဘောထားတင်းမာသူတွေ တစ်ခါတည်းလက်ခံသွားမယ်လို့ မယုံကြည်ပါ။ ဒါပေမယ့် အများပြည်သူနဲ့ နိုင်ငံရေးလောကမှာ ရှိတဲ့ ဒီမိုကရေစီလိုလားသူအားလုံး စဉ်းစားကြည့်ဖို့
မီးမောင်းထိုးပြခြင်းသာဖြစ်ပါတယ်။ ဘာကြောင့်ဒီလိုပြောရသလဲဆိုတော့ ဒီမိုကရေစီဆိုတာ လူထု အုပ်ချုပ်ခြင်ြး ဖစ်ပြီးတော့ လက်ရှိအခြေခံဥပဒေအရ အတိုက်အခံတို့ ကြိုးစားရင် အနိုင်ရတဲ့အခါ
ဥပဒေပြုရေးနဲ့ အုပ်ချုပ်ရေး ( အစိုးရဖွဲ့ရေး) ကို လူထု ကိုယ်စား လူထုကိုယ်စားလှယ်များက သေချာပေါက်ဆောင်ရွက်နိုင်တာကြောင့်ဖြစ်ပါတယ်။ လွှတ်တော်များမှာ အမတ်နေရာ ၇၅ရာခိုင်နှုန်းအနက် အများစုကို အနိုင်ရရှိရင် အတိုက်အခံအစိုးရဖွဲ့နိုင်ပါတယ်။ တရားဥပဒေ ကိစ္စများကို စိတ်ကြိုက်ဆောင်ရွက်နိုင်ကြမှာဖြစ်ပါတယ်။ တပ်အနေနဲ့အုပ်ချုပ်ရေးမှာ ဝန်ကြီးနေရာအချို့ဝင်ယူထားတာကလွဲလို့အရပ်သားသမ္မတဟာ သူ့စိတ်ကြိုက် ကက်ဘိနက် ဖွဲ့နိုင်ပါတယ်။ တိုင်းပြည်တည်ငြိမ်နေသရွေ့ တပ်က ဘာမှ ဝင်ရောက်စွက်ဖက်မှာမဟုတ်တဲ့အပြင်
အရပ်သားသမ္မတရဲ့လက်အောက်မှာ ကာကွယ်ရေးဦးစီးချုပ်က အခြေခံဥပဒေနဲ့ အညီ နိုင်ငံတော် ကာကွယ်ရေးနဲ့လုံခြုံရေးတာဝန်များကိ်ုထမ်းဆောင်ပါလိမ့်မယ်။

ဒါကြောင့် လက်ရှိ အခြေခံဥပဒေ အရ လူထုမှာ ဘာပါဝါမှမရှိဘူးဆိုတာတော်တော်လေး ပညာမပါ တဲ့ သုံးသပ်ချက်သာဖြစ်ပါတယ်။ ကျွန်တော်တို့ လောလို့မရပါဘူး။ ဒါ သိပ်ကိုသေချာပါတယ်။
သိပ်အလောတကြီးလုပ်ရင် လက်ရှိအနေအထားကိုတောင် ဆက်ထိန်းထားဖို့ အာမ
မခံနိုင်တာ အသေအချာပါ။ အရင် အာဏာရှင်စနစ်အောက် ပြားပြားမှောက်နေရတဲ့လူထုမှာ ဘာမျှော်လင့်ချက် ၊ ဘာ ဆုံးဖြတ်ပိုင်ခွင့်မှမရှိတာနဲ့ ပြန်နှိုင်းယှဉ်ကြည့်ပါ။ လက်ရှိတိုးတက် ဖြစ်ထွန်းမှုတွေဟာ ဘာမှထူးခြားမှုမရှိဘူးလို့ပြောရင်တော့ ဒါ တော်တော် အမြော်အမြင်မဲ့တဲ့
တွေးခေါ်မှုဖြစ်ပါတယ်။

ဒီတော့ အားလုံးက ၂၀၁၅ ကို ပိုပြီးအာရုံစိုက်သင့်ပါတယ်။ ကျွန်တော်တို့ဒီမိုကရေစီကို တက်လှမ်းနိုင်မယ့် ထူးခြားတဲ့လှေခါးထစ် တစ်ထစ်က ၂၀၁၅မှာ ရှိနေပါတယ်။
နောက်တစ်ခုက အခြေခံဥပဒေပြင်ဆင်ရေးထက် ပိုပြီး သေချာခိုင်မာတဲ့ လက်တွေ့ ကျ တဲ့ ဒီမိုကရေစီရေးအတွက် ထိထိရောက်ရောက်လုပ်ဆောင်နိုင်မယ့်လုပ်သမျှ အရာထင်နိုင်မယ့်
၂၀၁၅ ရွေးကောက်ပွဲကို အာရုံစိုက်ကြမယ်ဆိုရင် ကျန်နေတဲ့ နှစ်နှစ်ခွဲကာလမှာ ထိပ်တိုက် တွေ့မယ့်ကိစ္စတွေ လျော့နည်းနိုင်မှာဖြစ်ပါတယ်။ တပ်မတော်အနေနဲ့နှစ်ပေါင်းများစွာ အချိန်ယူရေးဆွဲထားတဲ့ အခြေခံဥပဒေကို အလွယ်တကူချက်ချင်းလက်ငင်း ပြင်ဆင်ပေး ဖို့ဆိုတာ
အတိုင်းအတာတစ်ခုအထိပဲဖြစ်နိုင်ပါတယ်။

နောက်တစ်ခုက တပ်မတော်ကလည်း ဒီမိုကရေစီနိုင်ငံတော်တစ်ခုနဲ့ ကိုက်ညီတဲ့ တပ်မတော် အဖြစ် တဖြည်းဖြည်း တည်ဆောက်ယူနေတာကို ထည့်စဉ်းစားကြပါ။ လွှတ်တော်က ၂၅
ရာခိုင်နှုန်း နဲ့ ဝန်ကြီးနေရာ သုံးနေရာကလွဲရင် ဘယ်အုပ်ချုပ်ရေးကိစ္စမှာမှ မပါဘဲ နေလို့ ရအောင်ပြင်ဆင်တည်ဆောက်နေတာအမှန်ဖြစ်ပါတယ်။ လူထုနဲ့စည်းလုံးချစ်ခင်တဲ့ တပ်မတော်အဖြစ်ေ ရွှ့ယူနေတယ်ဆိုတာလည်း ငြင်းလို့ရတဲ့ကိစ္စမဟုတ်ပါ။ တပ်ဘက် အရပ်ဘက် ရင်ကြားစေ့ရေးကို ပြောနေဆိုနေရင်း တပ်နဲ့ထိပ်တိုက်ဖြစ်မယ့်ကိစ္စများကို
လုပ်မိနေတယ်ဆိုတာလည်းနိုင်ငံတည်ဆောက်ရေးအတွက် မကောင်းလှတာအမှန်ဖြစ်ပါတယ်။ လက်ရှိအခြေခံဥပဒေကဒီမိုကရေစီနဲ့ကိုက်ပါညီပါတယ်လို့ တပ်ဘက်ကရော ပြည်ခိုင်ဖြိုးပါတီကပါ
ပြေသံဆိုသံမကြားဖူးပါ။ ဒီမိုကရေစီစနစ်နဲ့ကိုက်ညီအောင်တိုင်းပြည်ကိုဖြည်းဖြည်းချင်း တည်ဆောက်ယူမယ်ဆိုတာ နှစ်ဖက်စလုံးရဲ့ခံယူချက်ဖြစ်သင့်ပါတယ်။

ဒီတော့ ၂၀၁၅ ကို အေးအေးချမ်းချမ်းနဲ့ အရောက်လှမ်းကြပါ။အခြေခံဥပဒေပြင်ဆင်ရေးကိစ္စကိုလည်း ဒီကြားထဲမှာရသလောက်လုပ်ပါ။
ပြင်ဆင်ရေးကို လုပ်ချင်ရင် အရေးအကြီးဆုံးက တပ်နဲ့ ထိတွေ့ပါ။ ဆက်ဆံပါ။
နားလည်မှုတိုးပွားအောင်လုပ်ပါ။ညှိနှိုင်းတိုင်ပင်ပါ။စကားပြောဆိုကြည့်ပါ။

သူတို့ကမှ စကားမပြောတာဆိုရင် လက်ခံနိုင်စရာမရှိပါဘူး။ သူတို့မပြောရင် ကိုယ်ပြောဖို့ ကြိုးစားပါ။ ကိုယ်က နိုင်ငံရေးသမား၊ သူတို့ကစစ်သားပါ။ စစ်သားဆိုတာ တောင့်တောင့်ကြီးနေတတ်တဲ့သဘာဝရှိပါတယ်။ မျက်နှာထားတင်းပါတယ်။
နိုင်ငံရေးသမားတွေဆိုတာက ပျော့ပြောင်းညင်သာရှိဖို့လိုအပ်တယ်လို့ထင်ပါတယ်။
အနည်းဆုံး လွှတ်တော်များအတွင်း စတင်ထိတွေ့ပြီး နားလည်ယုံကြည်မှုရတဲ့အထိ
တက်လှမ်းနိုင်ပါတယ်။ တပ်နဲ့ နားလည်မှုမရဘဲ ပြင်ဆင်ရေးကို တွန်းလုပ်နေရင်
ဘယ်လိုမှ ရလာဒ်မရှိတဲ့ ပုစ္ဆာာကို တွက်ချက်နေသလိုဖြစ်ပါလိမ့်မယ်။

၂၀၁၅ ဆုံမှတ်ဟာ လက်ရှိရထားတဲ့ အခြေအနေကောင်းများကို တစ်ဆင့်မြှင့်တင် ပေးနိုင်ရုံမျှမက အတိုက်အခံတို့ နိုင်ခဲ့ရင်လူထုပါဝါလည်း အသက်ဝင်နိုင်တာဖြစ်လို့ အခြေခံဥပဒေ ပြင်ဆင်ရေးကို တတ်နိုင်သလောက် ဖြစ်နိုင်သလောက်အားထုတ်ရင်းနဲ့၂၀၁၅ ကို အာရုံစိုက်ကြပါလို့ တိုက်တွန်း ပါရစေ။ ။


ပိုက်တင်

Pite Tin Facebook စာမျက်နှာမှ ကူးယူဖော်ပြသည်

Read more →

၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေး ဥပဒေစကားဝိုင်း အပိုင်း(၃)

========================================
နေပြည်တော် အောက်တိုဘာ ၁၅

ဦးသန်းအောင်။ ဟုတ်ကဲ့ပါခင်ဗျာ။ ကျေးဇူးတင်ပါတယ်။ ဒေါက်တာ အင်ဒရူး ဆွေးနွေး သွားလိုက်တော့ သယံဇာတနဲ့ ဘဏ္ဍာငွေခွဲဝေမှုနဲ့ ပတ်သက်ပြီးတော့ ဘယ်လိုခွဲဝေ သင့်တယ် ဆိုတဲ့ အမြင်လေးကို ကျွန်တော်တို့ မမြင်သေးတဲ့ အပိုင်းတွေလည်း အများကြီး တွေ့ရပါတယ်။ ပြီးတော့ ဖွဲ့စည်းပုံအခြေခံဥပဒေ ပြင်ကြမလား။ အသစ်ရေးကြမလား ဝိဝါဒကွဲပြားနေတဲ့ အပေါ်မှာလည်း ဆရာအမြင်လေးကို ပြက်ပြက်ထင်ထင် မြင်သာ တယ် လို့ ကျွန်တော် ယူဆပါတယ်ဆရာ။ ဆက်လက်ပြီးတော့ ဆရာဦးကျော်ဝင်း အနေနဲ့ ၂ဝဝ၈ ခုနှစ် ဖွဲ့စည်းပုံအခြခံ ဥပဒေမှာ ပါဝင်တဲ့ လွှတ်တော်အသီးသီးမှာ တပ်မတော် ကိုယ်စားလှယ်၂၅ ရာခိုင်နှုန်းပါဝင်နေမှုနဲ့ ပတ်သက်ပြီး လက်ရှိအနေအထားအရ ထားရှိ ရမယ့် သဘောထား အမြင်လေးနဲ့ ပတ်သက်ပြီး ဆရာရဲ့အမြင်လေးကို ဆွေးနွေးပေးစေ ချင်ပါတယ် ခင်ဗျာ။

ဦးကျော်ဝင်း ။ ကျွန်တော် ဥာဏ်မီသလောက် ဆွေးနွေးကြည့်ပါမယ်။ ဒီကိစ္စပြောရရင်တော့ ကျွန်တော်တို့ တိုင်းပြည်တစ်ခုတည်း ကွက်ဖြစ်တာ မဟုတ်ဘူးလို့ ထင်ပါတယ်။ တစ်ကမ္ဘာ လုံး အတိုင်းအတာနဲ့ ဖြစ်တဲ့ကိစ္စဖြစ်ပါတယ်။ သမိုင်းနဲ့ချီပြီး ပြောရရင် ကမ္ဘာပေါ်မှာ ကမ္ဘာ စစ်ကြီးတွေ မတိုင်ခင်ကတော့ တပ်မတော်ဆိုတာ Professional Institution လွတ်လပ် တဲ့ အဖွဲ့အစည်းတစ်ခုပါ။ Political Metric ရဲ့ အပြင်ဘက်မှာလို့ ပြောလို့ရပါတယ်။ သို့သော် လက်တွေ့မှာ ကမ္ဘာပေါ်မှာ ကမ္ဘာစစ်ကြီး နှစ်ကြိမ်ဖြစ်လိုက်တော့ တိုင်းပြည်တိုင်း အတွက်က လုံခြုံရေးသည်ပင် နိုင်ငံရေး ဖြစ်လာပါတယ်။ အဲဒီတော့ တပ်မတော် ကိုယ်တိုင်ကလည်း Political Institution အဖြစ် ပြောင်းသွားတာလည်း ရှိတယ်။

ဒါက ကျွန်တော်တို့ ကြိုက်ခြင်း၊ မကြိုက်ခြင်းနဲ့ သိပ်မဆိုင်ဘူးလို့ ထင်တယ်။ အခြေအနေ ကိုက ဒီလိုဖြစ်လာကြတာ။ စစ်ပြီးခေတ်ရောက်တဲ့အခါ ဒီကိစ္စက တော်တော်များများ အများကြီး စဉ်းစားရမယ့်ကိစ္စ ဖြစ်တယ်လို့ ထင်ပါတယ်။ နိုင်ငံရေးမက်ထရစ်ထဲမှာ ထဲထဲ ဝင်ဝင်ပါလာတဲ့ တပ်မတော်ကို ဘယ်လိုနေရာချထားကြမလဲ၊ ဒီမိုကရေစီနဲ့ သဟဇာတ ဖြစ်အောင် ဘယ်လိုလုပ်ကြမလဲ၊ ဒီကိစ္စနဲ့ ပတ်သက်ပြီး ကျွန်တော် လက်လှမ်းမီ သလောက် ပထမဦးဆုံး ထွက်တဲ့ကျမ်း၊ ဒီကျမ်းလို့ပြောနိုင်တဲ့ ၁၉၅၇ ခုနှစ်က ထွက်တဲ့ စာအုပ်ထဲမှာ အဲဒီမှာ ဂျပန်နဲ့ ဂျာမနီသွားတဲ့ လမ်းကြောင်းဖြစ်ပါတယ်။

သူကတော့ စစ်ဝါဒကို ပြန်လည်ခေါင်းထောင်မလာရေးဆိုတဲ့ ရည်ရွယ်ချက်နဲ့ တပ်မတော်ကို Political Metric အပြင်ဘက်မှာထားတဲ့၊ တတ်နိုင်သလောက် မဖွံ့ဖြိုး အောင် ရည်ရွယ်ချက်ရှိရှိ လုပ်ထားတဲ့ သဘောရှိပါတယ်။ စောစောက ဖက်ဆစ်ဝါဒ၊ စစ်ဝါဒ ပြန်မပေါ်ရေးဆိုတဲ့ ရည်မှန်းချက် အောင်မြင်ပေမယ့် လုံခြုံရေးဘက်က ကြည့်ရင် ဂျပန်ရော၊ ဂျာမနီရောဟာ စစ်အေးခေတ်တစ်လျှောက်လုံးမှာ လုံခြုံရေး အားအနည်းဆုံး ဖြစ်နေတယ်။ ကိုယ်ပိုင်လုံခြုံရေး အင်အားမရှိဘဲနဲ့ အမေရိကန် ထီးရိပ်ကို တစ်ဖက်သတ် မှီခိုနေရတဲ့ အနေအထားရှိပါတယ်။ အကျိုးဆက်အနေနဲ့ သူကစီးပွားရေးအရ ဆူပါပါဝါ အဖြစ် တတ်နိုင်ပေမယ့် တကယ်ဆူပါ ပါဝါအဆင့် နှစ်နိုင်ငံစလုံး ရောက်မလာဘူး။

တပ်ကို လွှတ်လိုက်တဲ့ Autonomous Institution တစ်ခုအနေနဲ့ ထားသင့်တယ်။ အဲဒီဘောင်ထဲမှာပဲ အမေရိကန်ရဲ့ ပေါ်လစီမှာ ဒီ Impact တွေ တော်တော် ပါတယ်လို့ ထင်ပါတယ်။

ကျွန်တော်နားလည်သလောက် ပြောရရင် အမေရိကမှာ Election နဲ့ မဟုတ်ဘဲနဲ့ Official Organization အရ ခွင့်ပြုထားတဲ့ အဖွဲ့အစည်းသုံးခု ရှိတယ်လို့ ထင်ပါတယ်။ တစ်ကတော့ တပ်မတော်၊ ပင်တဂွန်ပေါ့။ နောက်တစ်ခုကတော့ ရှေ့နေချုပ်၊ နောက်တစ်ခုက ဗဟိုဘဏ်ဥက္ကဋ္ဌ၊ အဲဒါက အမေရိကန်ဖွံ့ဖြိုးတိုးတက်မှုမှာ အားသာချက်လို့ သုံးသပ်ကြ တာတွေလည်း ရှိတယ်။ ဒါက တပ်ကိုဘယ်လိုနေရာချထားမလဲ ဆိုတဲ့ဟာပေါ့။ အဲဒီစာအုပ်ထဲမှာ ကျွန်တော်တို့ လွတ်လပ်ခါစ ဖွံ့ဖြိုးဆဲနိုင်ငံတွေအတွက် တိုက်ရိုက် သက်ဆိုင်တာ သိပ်မတွေ့ဘူး။ ကျွန်တော်တို့ကျတော့ ဒီ့ပြင်နိုင်ငံတွေရဲ့ တပ်မတော်တွေ နဲ့ကို မတူဘူး။ ကျွန်တော်တို့ရဲ့ တပ်မတော်တွေက အမျိုးသား လွတ်လပ်ရေး လှုပ်ရှားမှုနဲ့ အတူ ပေါ်ပေါက်လာတာတွေ များတယ်။ ကျွန်တော်တို့နိုင်ငံရဲ့ တပ်မတော်ဆိုရင် ၁၃ဝဝ ပြည့်မှာ သန္ဓေတည်တယ်၊ ဘီအိုင်အေ ခေတ်မှာ စမွေးဖွားလာတယ်။

ဖက်ဆစ်တော်လှန်ရေးနဲ့အတူ အရွယ်ရောက်တယ်။ စဖွဲ့ကတည်းက Volunteer ပုံစံ ဖြစ်တယ်။ လွတ်လပ်ရေး ရတဲ့အခါမှာလည်း ကျွန်တော်တို့လို နိုင်ငံတွေမှာ ပြည်တွင်းစစ် တွေနဲ့ ကြုံရတယ်။ စစ်ဖြစ်နေတဲ့ တိုင်းပြည်တစ်ပြည်မှာဆိုရင် တပ်မတော်ရဲ့ အခန်း ကဏ္ဍက အရေးကြီးတယ်။ ကျွန်တော်တို့ အိမ်နီးနားချင်းတွေ ပြန်ကြည့်ရင် ထိုင်းပဲဖြစ်ဖြစ်၊ တောင် ကိုရီးယားပဲဖြစ်ဖြစ်၊ အင်ဒိုနီးရှားပဲ ကြည့်ကြည့်၊ တိုင်းပြည်တွေရဲ့ အပြောင်းအလဲမှာ တပ်မတော်ရဲ့ အခန်းကဏ္ဍက ထဲထဲဝင်ဝင် ပါနေတာ တွေ့ရတယ်။ သူတို့လည်း ဒီလိုပဲလို့ ထင်ပါတယ်။

ဒါပေမယ့် ၁၉၈၉ ခုနှစ် နောက်ပိုင်း တိတိကျကျ ပြောရရင် ဘာလင်တံတိုင်း ပြိုပြီး နောက်ပိုင်း ပညာရှင်တွေ သတ်မှတ်တာက အပြောင်းအလဲ သုံးခုဖြစ်လာတယ်၊ တစ်ကတော့ ဒီမိုကရေစီစနစ်ဟာ တစ်ကမ္ဘာလုံး သဘောဆောင်လာတယ်၊ နိုင်ငံ အားလုံးက ဒီမိုကရေစီစနစ်ကို ဦးတည်လာတယ်။ နှစ်ကတော့ ဆိုဗီယက်ကွန်မြူနစ် ဝါဒ ကျဆုံးသွားတယ်။ သုံးက စစ်အေးပြီး သွားတယ်။

ဒီလို အခြေအနေသစ်တွေ အောက်မှာ တပ်တွေဘယ်လိုပြန်ပြီးတော့ နေရာချကြမလဲ ဆိုတဲ့ ခေါင်းစဉ်ကလည်း Current Affair လို့ထင်ပါတယ်။ တစ်ချိန်ကတော့ စစ်အေးရဲ့ အထွတ်အထိပ် ကာလပေါ့။ ၁၉၆ဝ ပြည့်လွန် နှစ်ကာလဆိုတော့ ကျွန်တော်တို့ နိုင်ငံတွေတင် မကပါဘူး။ လွတ်လပ်ခါစ နိုင်ငံတော်တော်များများ နိုင်ငံတွေမှာ စစ်ဘက် အာဏာသိမ်းမှုတွေ ရှိခဲ့တာကိုး။

သို့သော် အခုစစ်အေးလွန်ခေတ် နောက်ပိုင်းရောက်တော့ တပ်ကို Professional Institution ဖြစ်အောင် ဘယ်လိုနေရာချကြမလဲ။ ဒီကိစ္စတွေကလည်း အတော် အရေးကြီးလိမ့်မယ် ထင်ပါတယ်။ သိပ်မကြာသေးခင်က ဖတ်ရတဲ့ စာအုပ်တစ်အုပ်ဆိုရင် ဒါနဲ့အများဆုံးသက်ဆိုင် ပါတယ်။ အဲဒီ စာအုပ်ထဲမှာ ကျွန်တော်တို့နဲ့ တော်တော် အသွင် သဏ္ဌာန်တူတဲ့ အာရှနိုင်ငံတွေနဲ့ လက်တင်အမေရိကနိုင်ငံတွေရဲ့ အပြောင်းအလဲတွေ လည်းပါတယ်။ ရည်ရွယ်ချက်ကတော့ တပ်ကို Professional Institution ဖြစ်အောင် ဒီမိုကရေစီနဲ့ သဟဇာတ ဖြစ်အောင် ဘယ်လိုနေရာချထားကြမလဲ ဆိုတဲ့ကိစ္စတွေပေါ့။

အားလုံးသိတဲ့အတိုင်းပဲ ကျွန်တော်တို့က တပ်မတော်အစိုးရ ကနေပြီးတော့ အရပ်ဘက် အစိုးရပြောင်းရေးအတွက် လိုအပ်ချက်အရ ၂ဝဝ၈ ခုနှစ် ဖွဲ့စည်းပုံအခြေခံဥပဒေ ပေါ်လာရ တာကိုး။ သို့သော် အဲဒီမှာ အငြင်းပွားကြတဲ့ ပြဿနာတစ်ခုကတော့ ၂၅ ရာခိုင်နှုန်းပေါ့။ ဒါကလည်း စောစောက ဟာတွေနဲ့ ဆက်စပ်ပြီးတော့ လိုအပ်ချက်အရကိုက တပ်က Political Institution ဖြစ်တယ်။ နောက်တစ်ခုက ကျွန်တော်တို့ တိုင်းပြည်မှာ အခုထိလည်း ပြန်ပေါ်နေတာ လက်နက်ကိုင် အင်အားစုတွေထဲက အင်အားအကြီးဆုံးလို့ ဆိုရမယ့် ဗမာပြည် ကွန်မြူနစ်ပါတီတော့ မရှိတော့ပါဘူး။ အဲဒီအနေအထားမှာတောင် လက်နက်ကိုင် အင်အားစု ပေါင်းလိုက်ရင် တစ်သိန်းအထက်မှာ ရှိတယ်လို့ ကျွန်တော် ကြားဖူးတယ်။ လူဦးရေနဲ့ အချိုးချကြည့်ရင် လက်နက်ကိုင် တိုင်းရင်းသားတွေ တော်တော် များနေသေးတဲ့ တိုင်းပြည်ဖြစ်ပါတယ်။ ဒီအချိန်မှာ တပ်က လုံခြုံရေး အကြောင်းပြချက်ဟာ ကျွန်တော်တို့ ကြိုက်သည်ဖြစ်စေ၊ မကြိုက်သည်ဖြစ်စေ ဒါဟာမှန်းလို့ တော်တော် ခက်တယ်ပေါ့။ နောက်ပြီး နှစ်ပေါင်းရာစုနှစ် တစ်ဝက်လောက် အဆက်ပြတ်နေတဲ့ ဒီမိုကရေစီစနစ်ကို ပြန်အသက်သွင်းရတာ။ Constitution အသက်ဝင်တာ ကလည်း အခု နှစ်နှစ်ခွဲ လောက်ပဲ ရှိသေးတယ်။ လ ၃ဝ သာသာလောက်ပဲ ရှိသေးတယ်။ အပြည့်အဝ Function မဖြစ်သေးတာလည်း ဝန်ခံရမှာပဲ ထင်တယ်။

နိုင်ငံတော်သမ္မတကြီး ပြောတဲ့အထဲမှာလည်း ပါပါတယ်။ ဒီပွတ်တိုက်မှုတွေ ရှိနေဆဲဆိုတာ။ ကျွန်တော်တစ်ဦးချင်း အမြင်အရတော့ Constitution ဟာ အပြည့်အဝ Function မဖြစ်သေးတာနဲ့ပဲ ဆိုင်မယ်ထင်ပါတယ်။ ဒါက ဒုတိယအချက်ပေါ့။ နောက်တစ်ချက် ကတော့ ကုန်ခဲ့တဲ့လပေါင်း ၃ဝ ကိုပဲ ပြန်ကြည့်။ စိန်ခေါ်ချက်တွေက မျှော်မှန်း ထားတာထက် အများကြီးပိုများတယ်။ ဒီလိုအခြေအနေမျိုး အောက်မှာ တပ်မတော် ကိုယ်စားလှယ် ၂၅ ရာခိုင်နှုန်းကို ဖယ်ရှားရေးဟာ ဘယ်လို စိန်ခေါ်မှုတွေ ဖြစ်စေနိုင်မလဲ။ နောက် Constitution ဆိုတာဟာ ရေးဆွဲတဲ့ ကာလတစ်ခုမှာရှိတဲ့ နိုင်ငံရေး အင်အားစု တွေအားလုံး အလုပ်လုပ်လို့ရအောင် ကြားအဖြေ တစ်ခုကို ထားရတဲ့ အခြေအနေ တစ်ခုလို့ ထင်ပါတယ်။ အဲဒီတော့ ဒီမိုကရေစီ နှုန်းစံတွေနဲ့ ကြည့်ရင်တော့ လိုအပ်ချက်တွေ ရှိကောင်းရှိမှာပေါ့။ ကျွန်တော်တို့ကိုပဲ မကြည့်နဲ့။ ဒီနေ့ ဒီမို ကရေစီ အရင့်ကျက်ဆုံးဆိုတဲ့ အမေရိကန် နိုင်ငံကိုပဲကြည့်ရင် ဒီမိုကရေစီ စံအရကြည့်ရင် အားနည်းချက်တွေရှိမှာပဲ။ လူ့ယဉ်ကျေးမှုနဲ့ သိပ်မအပ်စပ်တဲ့ ကျွန်စနစ်တောင် ရှိသလောက် ရှိခဲ့သေးတာ။

ဒါကြောင့် ၂၅ ရာခိုင်နှုန်းသော တပ်မတော်သား ကိုယ်စားလှယ်ကို ထည့်ထားတာလည်း လိုအပ်ချက်အရ ထည့်ထားတာလို့ မြင်ပါတယ်။ တစ်သက်လုံး ရာသက်ပန်ထည့်မယ့် အနေ အထားမရှိဘူးလို့ ကျွန်တော်နားလည်ထားတယ်။ ဘာကြောင့်လဲဆိုတော့ ပြန်ဖတ်ကြည့် တော့ ပြည်သူ့လွှတ်တော် ဖွဲ့စည်းပုံထဲမှာ ၁၁ဝ ထက်မပိုသော တပ်မတော်သား ကိုယ်စားလှယ်ဆိုပြီး ပါထားတယ်။ ၂၅ ရာခိုင်နှုန်းထက် မပိုသောဆိုတော့ ဒါဟာ အလွန် ဆုံးပါဝင်မှုပဲ၊ ဒီထက် မပိုတော့ဘူး၊ လိုအပ်ရင် လျှော့ချင်ရင် လျှော့သွားမယ့်သဘောလို့ ယူလို့ရမယ် ထင်ပါတယ်။

အမျိုးသား ညီလာခံ ကာလကလည်း ကျွန်တော်မှတ်မိနေတာ တစ်ခုချင်းက တစ်သီး ပုဂ္ဂလ ကိုယ်စားလှယ်က တပ်မတော်သား ကိုယ်စားလှယ် ၂၅ ရာခိုင်နှုန်း ဆိုတဲ့ဟာကို လက်ရှိတော့ လက်ခံပြီးတော့ တဖြည်းဖြည်းနဲ့ အခြေအနေကြည့်ပြီးတော့ လျှော့ချမယ် ဆိုတာ ဆွေးနွေးခဲ့တာ မှတ်မိနေပါတယ်။ သိပ်မကြာသေးခင်က တပ်မတော် ကာကွယ်ရေး ဦးစီးချုပ်ကလည်း ဒီသဘောတွေ ပြောခဲ့တာရှိတော့ ဒါတွေက တဖြည်းဖြည်းနဲ့ လျော့သွား မယ့် အခြေအနေ ရှိတယ်လို့ ထင်ပါတယ်။ လောလောဆယ် လျှော့ချဖို့ ဖြစ်နိုင်၊ မဖြစ်နိုင်။ အခုလက်ရှိ အခြေအနေအရတော့ သိပ်များစောနေဦးမလား။ တစ်ချိန်မဟုတ်၊ တစ်ချိန် တော့ ရှိလာနိုင်ပါတယ်။ လျှော့ချဖို့ဆိုရင် ကျွန်တော် စဉ်းစားမိသလောက် အခုရှိနေတဲ့ ပြည်တွင်းစစ်ရပ်ဖို့ လိုတယ်။ တိုင်းပြည် ငြိမ်းချမ်းရေးရဖို့လိုတယ်။ ဘာဖြစ်လို့လဲဆိုတော့ နိုင်ငံရေးလိုအပ်ချက် ညှိယူရတာ တော်တော်လျော့သွားမယ်။ နံပါတ်နှစ်ကတော့ လက်ရှိ ဖွဲ့စည်းပုံအခြေခံဥပဒေ အပြည့်အဝ Function ဖြစ်အောင် ဝိုင်းကြိုးစားရဦးမယ်ထင်တယ်။ ကျွန်တော်တို့ ယဉ်ကျေးမှု အရကြည့်ရင် ယုံကြည်မှုက အားနည်းတော့ မြန်မာ့နိုင်ငံရေး သမိုင်းမှာ မကွဲဘူးတဲ့ နိုင်ငံရေး ပါတီမရှိဘူး။ ဂိုဏ်းဂဏသဘော မကွဲကြသည့်တိုင် ပွတ်တိုက်မှုတွေကတော့ အများကြီး။ ဒီအချိန်မှာ Balancing Power အင်အားချိန်ခွင်လျှာ ထိန်းနိုင်တဲ့ အဖွဲ့အစည်းတစ်ခုရှိဖို့ မလိုပေဘူးလား။

နောက်တစ်ချက်ကတော့ ဒီမိုကရေစီ ရင့်ကျက်လာတာနဲ့အမျှ၊ Constitution Function ဖြစ်လာတာနဲ့အမျှ ဒီ ၂၅ ရာခိုင်နှုန်းသော တပ်မတော်သား ကိုယ်စားလှယ် လျှော့ချရေးဟာ ဖြစ်ကောင်းဖြစ်နိုင်တယ်လို့ ထင်ပါတယ်။လောလောဆယ်က စောသေးတယ်လို့ ထင်တယ်။ အခြားမလိုလားအပ်တဲ့ ဘေးထွက်ဆိုးကျိုးကို ဖိတ်ခေါ်သလိုလည်း ဖြစ်သွားနိုင်တယ်လို့ ထင်ပါတယ်။ ဒါက ၂၅ ရာခိုင်နှုန်းနဲ့ပတ်သက်လို့ ကျွန်တော်ရဲ့ နားလည်ချက်ပါ။ အိမ်နီးချင်းတွေ ပြန်ကြည့်ရင်လည်း ဒီသဘောတွေ အများကြီး တွေ့ရတယ်လို့ ထင်ပါတယ်။ ဥပမာ အင်ဒိုနီးရှားနိုင်ငံဆိုရင် ၁၉၈၈ ခုနှစ်လောက်အထိ ၄ဝ ရာခိုင်နှုန်း ထားတယ်၊ ကျွန်တော်တို့ကမှ ၂၅ ရာခိုင်နှုန်းထားတယ်။ ၁၉၈၉ ခုနှစ်ရောက်မှ ၂၅ ရာခိုင်နှုန်း ဖြစ်သွားတယ်။ ဘယ်တော့မှ အပြီးလျှော့သလဲဆိုတော့ ၂ဝဝ၄ ခုနှစ်မှ လျှော့တယ်။ အဲဒီမှာလည်း ပြန်ကြည့်ရင် အာချေး ပြဿနာပြီးတော့မှ ဖြစ်တယ်။ အခုကျွန်တော်တို့က ပြည်တွင်းစစ်က ရှိနေဆဲ။ အခု ပြည်တွင်း စစ်ရပ်စဲရေးအတွက် အစိုးရ သစ်လက်ထက်မှာ ထိထိရောက်ရောက် ကြိုးစားနေတာလည်း အမှန်ပါ။ သို့သော် တစ်ပြည်လုံး အတိုင်းအတာနဲ့ အပစ်အခတ်ရပ်စဲရေး မဖြစ်သေးဘူး။

ပြီးရင်လည်း နိုင်ငံရေးဆွေးနွေးပွဲ လုပ်ရဦးမယ်။ အားလုံး သဘောတူညီမှု ရမရဆိုတာ ကံသေကံမ မပြောနိုင်သေးဘူး။ တော်တော်များများ ရဖို့တော့ ရှိပါတယ်။ အခုလို အခြေ အနေမှာ အခုကိစ္စကိုစဖို့ မသင့်သေးဘူးလို့တော့ ထင်ပါတယ်။

Constitution ဆိုတဲ့သဘောကလည်း ဘယ် Constitution မှ ပြီးပြည့်စုံတယ်လို့ မရှိ ပါဘူး။ ဒီလိုပဲ ပြင်ရင်းပြင်ရင်းနဲ့ ကောင်းသွားကြတဲ့ သဘောရှိပါတယ်။ တစ်ခါပြန်ကြည့်ရင် ကျွန်တော် တို့ရဲ့ Constitution မှ မဟုတ်ပါဘူး။ တခြား Constitution လည်း ဒီအတိုင်းပဲ။ ပြင်လိုက်ပေမယ့် ပြီးပြည့်စုံသွားမှာ မဟုတ်ပါဘူး။ ကျွန်တော်တို့ သက်တမ်းအတွင်းမှာ လိုအပ်ချက်တွေ အားလုံးပြင်နိုင်သည်ပဲထားဦး၊ ကျွန်တော်တို့ သားသမီးတွေလက်ထက်မှာ နောက်ထပ်ပြင်စရာတွေ ပေါ်ကောင်းပေါ်လာမှာ ဖြစ်ပါတယ်။ ကျွန်တော် နားလည် သလောက်ကတော့ Constitution ဆိုတာ Generation အလိုက် လိုအပ်ချက်တွေကို ပြင်ပြင် သွားကြရတာမျိုးလို့ ထင်ပါတယ်။

ဒါကြောင့်လည်း Constitution ထဲမှာ တရားဝင်ပြင်ဆင်ရေးဆိုတဲ့ အပိုဒ်ကို ထည့်ထားကြ ဟန် တူပါတယ်။ အခုခက်နေတာက ကျွန်တော်တို့က ဘာမှ အသားမကျသေးတော့ အလွန်နုနယ်သေးတဲ့အချိန်မှာ လုံးဝဖျက်၊ အသစ်ရေးဆိုတော့ တော်တော်အန္တရာယ် များ တယ်လို့ ထင်တယ်။ အဲဒီတော့ ဆရာတို့ကျတော့ ဥပဒေပညာရှင်အနေနဲ့ ဥပဒေ ရှုထောင့်က ဘယ်လိုမျိုး ဆိုးကျိုးတွေ ပေါ်နိုင်မလဲ။ ဒါလေးကို ဆရာတို့က ဆက်ဆွေးနွေး ပေးစေချင်ပါတယ်။


အပိုင်း ၄ ဆက်လက်တင်ပြပါမည်။

မြန်မာ့အလင်းသတင်းစာမှ ကူးယူဖော်ပြသည်။

Read more →

၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေး ဥပဒေစကားဝိုင်း အပိုင်း(၂)

========================================
နေပြည်တော် အောက်တိုဘာ ၁၅

ဦးသန်းအောင်။ ဟုတ်ကဲ့၊ အခုလို ဆရာဆွေးနွေးသွားတဲ့အတွက် ၂ဝဝ၈ ခုနှစ် ဖွဲ့စည်းပုံ အခြေခံဥပဒေရဲ့ သမိုင်းနောက်ခံလေးတွေကို မသိသေးတဲ့သူတွေလည်း သိသွားရသလို၊ သိရှိပြီးသားသူတွေအတွက်လည်း ပြန်လည် အမှတ်ရစေပါတယ်။ အသစ်ရေးမလား၊ ပြင်ဆင်မလား ဆိုတဲ့ စဉ်းစားစရာ၊ တွေးခေါ်စရာကိစ္စနဲ့ ပတ်သက်လို့ ဆရာရဲ့အမြင်လေးကို တင်ပြသွားတဲ့အတွက်ကြောင့် ပြည်သူတွေအများကြီး ဗဟုသုတရကြမှာ ဖြစ်ပါတယ်။ ဆက်ပြီးတော့ ဆရာ ဒေါက်တာမနန်တူးဂျာက တိုင်းရင်းသားတွေရဲ့ တန်းတူမှုနဲ့ ကိုယ်ပိုင် ပြဋ္ဌာန်းခွင့် ရှိစေဖို့နဲ့ ပတ်သက်ပြီးတော့ ဖွဲ့စည်းပုံအခြေခံဥပဒေမှာ ပြင်ဆင်သင့်တာ လေးတွေ၊ ဖြည့်စွက်သင့်တာလေးတွေများ ရှိခဲ့ရင်လည်း ဆရာရဲ့ အမြင်လေးကို တင်ပြ ဆွေးနွေး ပေးစေချင်ပါတယ်ခင်ဗျာ။

ဒေါက်တာ မနန်တူးဂျာ
ကျွန်တော့်အမြင်ကို ပွင့်ပွင့်လင်းလင်း တင်ပြဆွေးနွေးရမယ်ဆိုရင် လက်ရှိ ၂ဝဝ၈ အခြေခံ ဥပဒေ တည်ဆောက်ပုံဟာ ပြည်ထောင်စုစနစ် ပုံစံဖြစ်တယ်လို့ မြင်ပါတယ်။ ဘာကြောင့်လဲ ဆိုရင် ဒီအခြေခံဥပဒေမှာ အခြေခံဥပဒေတွေရဲ့ အခရာဖြစ်တဲ့ အာဏာ မဏ္ဍိုင်သုံးရပ်ဖြစ်တဲ့ ဥပဒေပြုရေးအာဏာ၊ အုပ်ချုပ်ရေးအာဏာနဲ့ တရားစီရင်ရေး အာဏာသုံးရပ်စလုံးကို ပြဋ္ဌာန်းထားတယ်၊ ပြီးရင် ပြည်နယ်နဲ့ တိုင်းဒေသကြီးတွေကိုလည်း ခွဲဝေပေးထားတာ တွေ့ရပါတယ်။ ဆွေးနွေးချင်တာတစ်ခုက လက်ရှိအခြေခံဥပဒေဟာ လွန်ခဲ့တဲ့ အခြေခံ ဥပဒေတွေဖြစ်တဲ့ ၁၉၄၇ ခုနှစ် အခြေခံဥပဒေနဲ့ ၁၉၇၄ ခုနှစ် အခြေခံ ဥပဒေများထက် သာလွန်တဲ့ အချက်တွေလည်း ရှိပါတယ်။

၁၉၄၇ ခုနှစ် အခြေခံဥပဒေနဲ့ ပတ်သက်ပြီး ပြောမယ်ဆိုလို့ရှိရင် လက်ရှိ အခြေခံဥပဒေရဲ့ အားသာချက်က ၁၉၄၇ ခုနှစ်အခြေခံဥပဒေဟာ တစ်ပြည်ထောင်စနစ် ဖြစ်တာနဲ့အညီ ဥပဒေပြုရေးအာဏာကို ပြည်နယ်တွေကို ခွဲမပေးထားဘူး။ ဒါကြောင့် အဲဒီအချိန်အခါ တုန်းက ပြည်နယ်တွေမှာ လွှတ်တော်ဆိုတာ မရှိခဲ့ဘူး။ ဒါပေမယ့် အခုလက်ရှိ အခြေခံ ဥပဒေအနေနဲ့ကတော့ ဥပဒေပြုရေးအာဏာကိုလည်း ပြည်နယ်တွေကို ခွဲထားပေးတဲ့ အတွက်ကြောင့် လက်ရှိ အချိန်အခါမှာ ပြည်နယ်တွေ၊ တိုင်းဒေသကြီးတွေမှာ ဥပဒေပြု လွှတ်တော် ပေါ်ပေါက်လာပြီဖြစ်ပါတယ်။

၁၉၇၄ ခုနှစ် အခြေခံဥပဒေထက် သာလွန်တဲ့အချက်ကို ပြောမယ်ဆိုလို့ရှိရင် ၁၉၇၄ ခုနှစ် အခြေခံဥပဒေဟာ တစ်ပါတီဆိုရှယ်လစ်စနစ်၊ ဆိုရှယ်လစ် စီးပွားရေးစနစ်ပြဋ္ဌာန်းတဲ့ အခြေခံဥပဒေ ဖြစ်ပါတယ်။ အခုလက်ရှိ အခြေခံ ဥပဒေကျတော့ ပါတီစုံဒီမိုကရေစီစနစ်နဲ့ ဈေးကွက် စီးပွားရေးစနစ်ကို ပြဋ္ဌာန်းထားတဲ့ အခြေခံဥပဒေဖြစ်တယ်။ ဒါတွေဟာ သာလွန် ချက်တွေ ဖြစ်ပါတယ်။

ဆက်လက်ပြီး ကျွန်တော်ဆွေးနွေးချင်တာက အခုလက်ရှိ အခြေခံဥပဒေဟာ တိုင်းရင်းသား တွေရဲ့ အခွင့်အရေးကိုလည်း ယခင်အခြေခံဥပဒေ နှစ်ရပ်ထက် ပိုပြီးပေးထားတာ တွေ့ရ ပါတယ်။ ဥပမာပြောရမယ်ဆိုရင် ခုနတင်ပြခဲ့သလို ဒီပြည်နယ်တွေမှာ လွှတ်တော် ဆိုတာ လည်း ရှိပါတယ်။ ပြီးရင် ဝန်ကြီးချုပ် ဦးဆောင်တဲ့ ပြည်နယ်အစိုးရဆိုတာလည်း သတ်သတ် မှတ်မှတ် ဖွဲ့စည်းထားတာ ရှိပါတယ်။

အလားတူပဲ ပြည်နယ်မှာ နေထိုင်ကြတဲ့ တိုင်းရင်းသားတွေထဲက ပြည်နယ်မရရှိတဲ့ တိုင်းရင်းသားများ အနေနဲ့ မိမိတို့နေထိုင်ကြတဲ့ ပြည်နယ်တွေမှာ ကိုယ်ပိုင်အုပ်ချုပ်ရေးတိုင်း (သို့မဟုတ်) ကိုယ်ပိုင်အုပ်ချုပ်ရေးဒေသ ဆိုတာတွေကို သတ်မှတ်ဖွဲ့စည်းပေးထားတာကို တွေ့ရပါတယ်။ ဒါတွေဟာ ကျွန်တော်တို့ အခုလက်ရှိ သုံးစွဲနေတဲ့ အခြေခံဥပဒေမှာ ပြဋ္ဌာန်း ထားတဲ့ တိုင်းရင်းသားများရဲ့ အခွင့်အရေးတွေဖြစ်တယ်လို့ ကျွန်တော်မြင်ပါတယ်။

တစ်ချိန်တည်းမှာ ကျွန်တော်တင်ပြချင်တာက အခုလက်ရှိ အခြေခံဥပဒေကို လိုအပ်သလို ပြင်ဆင်သွားတယ်ဆိုရင် နောင်တစ်ချိန်ကျလို့ရှိရင် အများက လိုလားတောင့်တနေတဲ့ စစ်မှန်တဲ့ ဖက်ဒရယ်ပြည်ထောင်စု၊ ကိုယ်ပိုင်ပြဋ္ဌာန်းခွင့်၊ ကိုယ်ပိုင်အုပ်ချုပ်ရေး ဆိုတဲ့ အဆင့်ကို ကျွန်တော်တို့ ရရှိသွားနိုင်တယ်လို့ မြင်ပါတယ်။

ကိုယ်ပိုင်ပြဋ္ဌာန်းခွင့်နဲ့ ပတ်သက်ပြီး ဆွေးနွေးရမယ်ဆိုလို့ရှိရင် အခုလက်ရှိမှာလည်း ပြည်နယ်နဲ့ တိုင်းဥပဒေပြုရေးအာဏာတွေ ပေးထားပါတယ်။ လွှတ်တော်တွေ ရှိပါတယ်။ နောက်ပြီးတော့ ဒီဥပဒေပြုရေးအာဏာတွေကို ဒီထက်မကပိုပြီး တိုးမြှင့်ပေးလိုက်မယ်ဆိုရင် အများပြည်သူတွေလိုလား တောင့်တနေတဲ့အဆင့်ကို ရောက်သွားတယ်လို့ ကျွန်တော် မြင်ပါတယ်။

အလားတူပဲ ပြည်နယ်တွေနဲ့ တိုင်းဒေသကြီးတွေမှာ ဖွဲ့စည်းထားတဲ့ အစိုးရတွေနဲ့ ပတ်သက်ပြီး ဗဟိုအစိုးရအနေနဲ့ ဘယ်သူတွေက ပါဝါတွေကို လျှော့တန်သလောက် လျှော့ချပြီး ပါဝါ Decentralization လုပ်တန်သလောက် လုပ်ပြီးတော့မှ ပြည်နယ် အစိုးရ တွေကို အာဏာတိုးပေးမယ်ဆိုရင်၊ ပြီးတော့ သယံဇာတနဲ့ ပတ်သက်ရင်လည်း ပြည်နယ်နဲ့ တိုင်းဒေသကြီးတွေမှာ တွေ့တဲ့ သယံဇာတတွေကို ပြည်နယ်အစိုးရနဲ့ ဗဟိုအစိုးရအကြား ညှိနှိုင်း ဆောင်ရွက်ပြီးမှ မျှမျှတတ ခွဲဝေသုံးစွဲနိုင်ကြမယ်ဆိုလို့ရှိရင် ကျွန်တော်တို့ အားလုံး မျှော်မှန်းနေတဲ့ ကိုယ်ပိုင်အုပ်ချုပ်ရေးအဆင့်ကို ရောက်ရှိသွားမှာ ဖြစ်ပါတယ်။

ဒါကြောင့်မို့လို့ အခုလက်ရှိ အခြေခံဥပဒေကို တဖြည်းဖြည်းချင်း လိုအပ်သလို ပြင်ဆင် သွားခြင်းအားဖြင့် နောင်တစ်ချိန်ကျလို့ရှိရင် ကိုယ်ပိုင်ပြဋ္ဌာန်းခွင့်၊ ကိုယ်ပိုင် အုပ်ချုပ်ရေး ပြည့်စုံတဲ့ စစ်မှန်တဲ့ ဖက်ဒရယ်ပြည်ထောင်စုအဆင့်ကို ရောက်ရှိသွားနိုင်တယ်လို့ ကျွန်တော့် အနေနဲ့ ထင်မြင်ယူဆမိပါတယ်။

တစ်ချိန်တည်းမှာ ကျွန်တော် ဆက်လက်ဆွေးနွေးတင်ပြချင်တဲ့ အချက်ကတော့ တန်းတူ ညီမျှရေး ဖြစ်ပါတယ်။ အဲဒီ့တန်းတူညီမျှရေးနဲ့ ပတ်သက်ပြီးတော့မှ ပြောမယ်ဆိုလို့ ရှိရင်တော့ လူမျိုးအရသော်လည်းကောင်း၊ ကိုးကွယ်တဲ့ ဘာသာရေးအရ သော် လည်းကောင်း ခွဲခြားဆက်ဆံခြင်း မရှိဘဲနဲ့ ဒီမိုကရေစီအစိုးရအောက်မှာ အားလုံး တန်းတူ အခွင့်အရေး ရမယ်ဆိုရင် ဒီကိစ္စပြေလည်သွားမှာ ဖြစ်ပါတယ်။

တိုင်းရင်းသားများအနေနဲ့ အဓိကထားကြတဲ့ စာပေယဉ်ကျေးမှု အစရှိတာတွေကိုလည်း အစိုးရ အနေနဲ့ လွတ်လွတ်လပ်လပ် လုပ်ပိုင်ခွင့်၊ ထိန်းသိမ်းကာကွယ် မြှင့်တင်ခွင့် ပေးလိုက်ကြမယ်ဆိုလို့ရှိရင် တိုင်းရင်းသားများ ပျော်ရွှင်ကျေနပ်ကြမယ်လို့ ကျွန်တော် ယူဆပါတယ်။ ဒါကြောင့်မို့လို့ ချုပ်ပြီး ပြောမယ်ဆိုလို့ရှိရင် ကျွန်တော်တို့အခုလက်ရှိ ဖွဲ့စည်းပုံအခြေခံဥပဒေဟာ လိုအပ်သလို တဖြည်းဖြည်းချင်း ပြုပြင်သွားမယ်ဆိုရင် နောင်တစ်ချိန်မှာ ကျွန်တော်တို့ လိုလားတောင့်တနေတဲ့ စစ်မှန်တဲ့ ဖက်ဒရယ် ပြည်ထောင်စုအဆင့်ကို ရောက်ရှိသွားနိုင်ပါတယ်လို့ ကျွန်တော် အခိုင်အမာ ယုံကြည် တယ်လို့ တင်ပြရင်း နိဂုံးချုပ်ပါတယ်။

ဦးသန်းအောင်။ ဟုတ်ကဲ့ အခုလို ဆရာအနေနဲ့ ဆရာ့ရဲ့ အမြင်လေးကို ပွင့်ပွင့်လင်းလင်း တင်ပြဆွေးနွေးသွားတဲ့အတွက် ကျွန်တော်တို့ တိုင်းရင်းသားတွေရဲ့ တန်းတူမှုနဲ့ ကိုယ်ပိုင် ပြဋ္ဌာန်းခွင့် ရရှိရေးနဲ့ ပတ်သက်ပြီး ဆရာရဲ့ အကြံပြုချက်လေး၊ ဆွေးနွေးချက်လေးကို ရှင်းရှင်းလင်းလင်း သိလိုက်ရတဲ့အတွက် အထူးပဲ ကျေးဇူးတင်ပါတယ်။ ဆက်လက်ပြီးတော့ ဆရာဒေါက်တာ အင်ဒရူး ငွန်ကျုံးလျန် အနေနဲ့ သယံဇာတ အရင်းအမြစ်တွေနဲ့ ဘဏ္ဍာငွေ တွေကို ပြည်ထောင်စုနဲ့ တိုင်းဒေသကြီးနဲ့ပြည်နယ်တွေ ဘယ်လိုခွဲဝေသင့်တယ် ဆိုတာနဲ့ ပတ်သက်ပြီး ဆရာ့အမြင်လေးကို တင်ပြဆွေးနွေး ပေးစေလိုပါတယ်ခင်ဗျ။


-------------------------------------------------------------

တည်ဆဲဥပဒေတွေကို မပြောင်းနိုင်ဘူးဆိုရင် ဘယ်လိုကောင်းတဲ့ အခြေခံဥပဒေမျိုးဖြစ်စေ မကျေနပ်ချက်တွေကတော့ အမြဲတမ်းရှိနေမှာပဲ

ဒေါက်တာအင်ဒရူးငွန်ကျုံးလျန်
ကျွန်တော်ဒီနေ့ ဆွေးနွေးချင်တဲ့ ကိစ္စကတော့ ပြည်ထောင်စုနဲ့ တိုင်းဒေသကြီး၊ ပြည်နယ် တွေအကြားမှာ သဘာဝသယံဇာတ အရင်းအမြစ်ကနေ ရရှိတဲ့ ဘဏ္ဍာငွေတွေကို ဘယ်လို ခွဲဝေမလဲ၊ နောက်ပြီးတော့ ကျေးလက်နဲ့ မြို့ပြဖွံ့ဖြိုးမှု ကွာဟချက်တွေကို ၂ဝဝ၈ ခုနှစ် အခြေခံ ဥပဒေအရ ကျွန်တော်တို့ တဖြည်းဖြည်းချင်းနဲ့ ဘယ်လိုကိုင်တွယ် ဖြေရှင်းမလဲ ဆိုတာ ဆိုတဲ့အချက်ဖြစ်ပါတယ်။

ဆရာကြီးဒေါက်တာမနန်တူးဂျာ ပြောသွားသလို ၂ဝဝ၈ ခုနှစ် ဖွဲ့စည်းပုံအခြေခံဥပဒေဟာ ဖက်ဒရယ်စနစ် ဒါမှမဟုတ် ဖက်ဒရယ်မူလို့ ပြောလို့ရမယ့် လက္ခဏာအချက် (၅)ချက်ကို အခြေခံထားတာကို ကျွန်တော်နည်းနည်း ပြောလိုပါတယ်။

ပထမအချက်က စာနဲ့ရေးသားထားတဲ့ အခြေခံဥပဒေ ရှိပါတယ်။ အဲဒါ ၂ဝဝ၈ ခုနှစ် အခြေခံ ဥပဒေ ဖြစ်ပါတယ်။ ဒုတိယအချက်က အစိုးရနှစ်ခု၊ ပြည်ထောင်စုနဲ့ တိုင်းဒေသကြီး ဒါမှမဟုတ် ပြည်နယ်ဆိုတဲ့ အစိုးရကို ဖန်တီးပေးထားပါတယ်။

တတိယအချက်က ပြည်သူထံကနေ ဆင်းသက်လာတဲ့ အချုပ်အခြာ အာဏာကြီးကို ခက်မကြီး သုံးဖြာနဲ့ ပိုင်းခြားပေးထားပါတယ်။ တရားစီရင်ရေးရှိတယ်။ အုပ်ချုပ်ရေးရှိတယ်။ ဥပဒေပြုရေး ရှိပါတယ်။

စတုတ္ထအနေနဲ့ အခြေခံဥပဒေဆိုင်ရာ အငြင်းပွားမှုတွေ ဖြစ်လာတဲ့အခါမှာ သမာသမတ် ကျကျ ဖြေရှင်းပေးမယ့် အခြေခံဥပဒေဆိုင်ရာ ခုံရုံးလည်း ရှိပါတယ်။ ပဉ္စမအနေနဲ့ လူဦးရေ ကို အခြေမခံဘဲ ဒေသန္တရနဲ့မျိုးနွယ်စုတွေ ဒီအနေအထားတွေ အခြေခံတဲ့ အမျိုးသား လွှတ်တော်ကိုလည်း ဖွဲ့စည်းပေးထားပါတယ်။

ဒီအချက် (၅) ချက်နဲ့ ပြည့်စုံတဲ့အတွက် ၂ဝဝ၈ ခုနှစ်အခြေခံဥပဒေဟာ ဖက်ဒရယ်စနစ် ဒါမှမဟုတ် ဖက်ဒရယ်မူကို အခြေခံထားတဲ့ ဥပဒေ ဖြစ်ပါတယ်။

ဒါပေမယ့် သူ့ရဲ့အနေအထား၊ သူ့ရဲ့ရေးသားပုံ၊ ဖွဲ့စည်းပုံတွေကြောင့် ပြည်သူတွေ လိုလားတဲ့ ဖက်ဒရယ်အဆင့်ကို ရောက်ပြီလား၊ မရောက်သေးဘူးလား ဆိုတာကတော့ ကျွန်တော် မပြောနိုင်သေးပါဘူး။ ဒါပေမယ့် ကျွန်တော်တို့လိုချင်တဲ့ဟာကို တဖြည်းဖြည်းချင်း ဖြည့်စွက် ပြီးတော့ ကျွန်တော်တို့ လုပ်လို့ရပါတယ်လို့ ကျွန်တော်ကတော့ ယုံကြည်ပါတယ်။

ဒုတိယအချက်အနေနဲ့ ၂ဝဝ၈ ခုနှစ် အခြေခံဖွဲ့စည်းပုံဥပဒေအရ ဒီမိုကရေစီလမ်းကြောင်းကို လျှောက်လှမ်းခါစ ကျွန်တော်တို့ တိုင်းပြည်မှာ သဘာဝသယံဇာတတွေ ပေါများလှတဲ့ တိုင်းပြည်မှာ ဒီအရင်းအမြစ်တွေကို ခွဲဝေမှုတွေ မလုပ်တတ်ရင်၊ ဘဏ္ဍာငွေတွေကို ခွဲဝေမှု မလုပ်တတ်ရင် ကျွန်တော်တို့ အကြီးအကျယ်ကြီးမားတဲ့ ပြဿနာတွေ၊ စိန်ခေါ်မှုတွေ တွေ့လာနိုင်ပါတယ်။

ဒါပေမယ့် ဒီလိုသဘာဝ သယံဇာတတွေနဲ့ ဒီဘဏ္ဍာငွေတွေ ခွဲဝေမှု၊ ကျေးလက်နဲ့ မြို့ပြ ဆင်းရဲချမ်းသာ ကွာဟမှုကျွန်တော်တို့ မဖြေရှင်းခင်မှာ ဒီအခြေခံဥပဒေနဲ့ ဒီတည်ဆဲဥပဒေ တွေရဲ့ သဘောသဘာဝ ဆက်နွှယ်ပုံတွေကို နည်းနည်းပြောလိုပါတယ်။

ဘာလို့လဲဆိုတော့ ဗြိတိသျှလက်အောက်ကို ကျရောက်ပြီးကတည်းက ဒီနေ့ ၂ဝဝ၈ ခုနှစ် အခြေခံဥပဒေ အသက်ဝင်လာတဲ့ ၂ဝ၁ဝ ခုနှစ် နောက်ပိုင်းအထိ ခေတ်ပေါင်းများစွာ ဖြတ်သန်းခဲ့ပါတယ်။ ဗြိတိသျှတွေ အုပ်ချုပ်တုန်းက သူတို့ပြဋ္ဌာန်းထားတဲ့ တည်ဆဲ ဥပဒေတွေ၊ နောက်ပိုင်း လွတ်လပ်ရေးရပြီးတော့ ၁၉၄၇ ခုနှစ် အခြေခံဥပဒေအရ ပြဋ္ဌာန်း ထားတဲ့ တည်ဆဲဥပဒေတွေ၊ တော်လှန်ရေးကောင်စီခေတ်တုန်းက သူတို့ပြဋ္ဌာန်းထားတဲ့ တည်ဆဲဥပဒေတွေ၊ ဆိုရှယ်လစ် အစိုးရခေတ်တုန်းက ပြဋ္ဌာန်းထားတဲ့ တည်ဆဲဥပဒေတွေ၊ တပ်မတော်အစိုးရ လက်ထက်က ပြဋ္ဌာန်းထားတဲ့ တည်ဆဲဥပဒေတွေ ကျွန်တော်တို့မှာ တည်ဆဲ ဥပဒေပေါင်း ၄ဝဝ ကျော် ရှိပါတယ်။

ယခုအစိုးရသစ် တက်လာပြီးတဲ့ နောက်ပိုင်းမှာ ပြည်ထောင်စုလွှတ်တော်က ပြဋ္ဌာန်းထားတဲ့ တည်ဆဲ ဥပဒေပေါင်း ၄ဝ ကျော်ရှိတယ်လို့ ကျွန်တော်တို့ သိရပါတယ်။ အဲဒီတော့ ကျွန်တော်တို့ နိစ္စဓူဝ ကျွန်တော်တို့ တိုင်းပြည်ရဲ့ အစိုးရအုပ်ချုပ်ရေး ယန္တရားရဲ့ ဒီလည်ပတ် စေတဲ့အရာက ၂ဝဝ၈ ခုနှစ် အခြေခံဥပဒေတောင် မဟုတ်သေးဘဲနဲ့ အမှန်ဆို ကျွန်တော်တို့ နိစ္စဓူဝ တည်ဆဲ ဥပဒေတွေနဲ့ အသက်ရှင် နေရပါတယ်။

အစိုးရသစ် တက်လာပြီးတဲ့နောက်ပိုင်း ပြည်ထောင်စုလွှတ်တော်ကလည်း တချို့ဥပဒေကို ပြင်ဆင်တာတို့၊ ပြုပြင်တာတို့၊ ပြောင်းလဲတာတို့၊ အသစ် ပြဋ္ဌာန်းတာတို့ လုပ်ပါတယ်။ အဲဒီ တော့ ကျွန်တော့်အနေနဲ့ အခုအချိန်မှာ အခြေခံဥပဒေအသစ် ရေးမလား၊ ဒါမှမဟုတ် လက်ရှိ ၂ဝဝ၈ ခုနှစ်ကို ပြင်မလားဆိုတဲ့ အဆင့်ကို မရောက်ခင်တောင်မှ ၂ဝဝ၈ ခုနှစ် အခြေခံဥပဒေနဲ့ ကိုက်ညီခြင်းရှိ၊ မရှိဆိုပြီး တည်ဆဲဥပဒေ ၄ဝဝ ကျော်ကို အရင်ကြည့် တာက ပိုပြီးတော့ အရေးကြီးတယ်လို့ ထင်ပါတယ်။
ဘာလို့လဲဆိုတော့ ၂ဝဝ၈ ခုနှစ် အခြေခံဥပဒေနဲ့ မကိုက်ညီတဲ့ ဗြိတိသျှ အုပ်ချုပ်ရေးကို အကောင်အထည်ဖော်ဖို့ ပြဋ္ဌာန်းထားတဲ့ တည်ဆဲဥပဒေ တချို့ဟာ လက်ရှိ ၂ဝဝ၈ ခုနှစ် ပါတီစုံ ဒီမိုကရေစီစနစ်ကို ဖော်ဆောင်ဖို့ ပြဋ္ဌာန်းထားတာနဲ့ ဆန့်ကျင်တဲ့ဟာတွေ အများကြီး ရှိပါတယ်။ အဲဒီလိုပဲ အစိုးရ အသွင်မတူတဲ့ ခေတ်အဆက်ဆက်က ပြဋ္ဌာန်းထားတဲ့ ဥပဒေဟာလည်း ကျွန်တော်တို့ ၂ဝဝ၈ ခုနှစ်နဲ့ မကိုက်ညီတဲ့ အခါကျတော့ ၂ဝဝ၈ ခုနှစ် ဖွဲ့စည်းပုံ အခြေခံ ဥပဒေ လုံးဝအသက်ဝင်ပြီးတော့ အလုပ်လုပ်ကိုင်ဖို့အတွက် အခက်အခဲ ဖြစ်စေပါတယ်။

အဲဒီတော့ ဒီဟာတွေကို ကျွန်တော်တို့ မဖြေရှင်းရင် ဘာဖြစ်မလဲဆိုတော့ ၂ဝဝ၈ ခုနှစ် ဖွဲ့စည်းပုံ အခြေခံဥပဒေအရ ရှေ့ကဆရာကြီးတွေ တင်ပြသွားသလို ဇယား(၁)ရှိတယ်။ ဇယား(၂) ရှိတယ်။ ဇယား(၅) ရှိပါတယ်။ ကျွန်တော်တို့ ဒီသုံးခုနဲ့ အလုပ်လုပ်တဲ့အချိန်မှာ ဇယား(၁)နဲ့ ဇယား(၂) ကြားမှာ ပြဿနာ အဖြစ်စေဆုံးက သူ့မှာပြဋ္ဌာန်းထားတဲ့ ပုဒ်မတွေ မဟုတ်ဘဲနဲ့ အဲဒီ ဇယား(၁) နဲ့ ဇယား(၂) ဘယ်လို အလုပ်လုပ်မလဲ၊ ဘယ်အချက်မှာ ဇယား (၁)အရ လုပ်ဆောင်မလဲ၊ ဘယ်အချက်မှ ဇယား (၂) အရ လုပ်ဆောင်မလဲ၊ ဘယ်အချက်မှာ ဇယား (၅) အရ လုပ်ဆောင်မလဲ ဆိုတဲ့ဟာက တည်ဆဲဥပဒေတွေ ဖြစ်ပါတယ်။ တည်ဆဲဥပဒေတွေသာ ကောင်းကောင်း မလုပ်ထားနိုင်ရင် ဇယား (၂) မှာ ဘယ်လောက်ပဲ ပြဋ္ဌာန်းပေးထားထား ကျွန်တော်တို့က ဇယား (၂) အရ တိုင်းဒေသကြီးနဲ့ ပြည်နယ်တွေမှာ သဘာဝသယံဇာတနဲ့ ပတ်သက်ပြီးတော့ လုပ်ကိုင်ဖို့ အခွင့်အလမ်း တော်တော်နည်းပါတယ်။ ဥပမာအနေနဲ့ ကျွန်တော် သုံးခု တင်ပြလိုပါတယ်။

၂ဝဝ၈ ခုနှစ် ဖွဲ့စည်းပုံ အခြေခံဥပဒေအရ ဇယား (၂) ထဲမှာ ဘာပေးထားသလဲဆိုတော့ ကျောက်မျက်ရတနာ သယံဇာတ ကိစ္စမှာ ပြည်နယ်အစိုးရနဲ့ တိုင်းဒေသကြီးအစိုးရကို လုပ်ကိုင်ခွင့် ပေးထားပါတယ်။ ဒါပေမယ့် သူတို့က တိုင်းဒေသကြီးနဲ့ ပြည်နယ်တွေက သယံဇာတ၊ ကျောက်မျက်ရတနာကိစ္စနဲ့ ပတ်သက်ပြီး ဥပဒေပြုပေမယ့် တကယ်တမ်း အကောင်အထည်ဖော် နေတာက အရင်တုန်းက သယံဇာတဆိုင်ရာ တည်ဆဲဥပဒေတွေနဲ့ အကောင်အထည်ဖော် နေပါတယ်။ အဲဒီမှာ ပြဿနာဖြစ်ပါတယ်။

ဒုတိယအချက်က စည်ပင်သာယာရေး ကိစ္စနဲ့ ပတ်သက်ပြီးတော့ ပြည်နယ်တွေနဲ့ တိုင်းဒေသကြီးတွေကို ဥပဒေပြုခွင့်ပေးထားပါတယ်။ ဒါပေမယ့် ဒီနေ့ အထိ ကျွန်တော်တို့ တိုင်းပြည်မှာ ကျင့်သုံးနေတဲ့ စည်ပင်သာယာရေး တည်ဆဲဥပဒေတွေနဲ့ပဲ တိုင်းပြည်မှာ နိစ္စဓူဝ စည်ပင်သာယာရေး ကိစ္စတွေကို ဖော်ဆောင်နေတာ ဖြစ်ပါတယ်။ တတိယ အချက်မှာ ရေချိုငါး လုပ်ငန်းနဲ့ ပတ်သက်ပြီးတော့ ဥပဒေပြုခွင့်ကို တိုင်းဒေသကြီးနဲ့ ပြည်နယ်တွေကို ပေးထားပါတယ်။ ဒါပေမယ့် ရေချိုလုပ်ငန်းတော့ ထားပါတော့။ ငါးလုပ်ငန်းနဲ့ ပတ်သက်တဲ့လုပ်ငန်းတွေကလည်း လက်ရှိတည်ဆဲ ဥပဒေ လုပ်ဆောင် နေတဲ့ အတွက် တိုင်းဒေသကြီးနဲ့ ပြည်နယ် တွေက လုပ်ပိုင်ခွင့်မရှိသလို ဖြစ်သွားတာပေါ့။

နောက်ဆုံးတစ်ခု ဥပမာပြချင်တာက သစ်လုပ်ငန်း ဖြစ်ပါတယ်။ သစ်တောနဲ့ ပတ်သက်ပြီး ကျွန်တော်တို့မှာ တည်ဆဲဥပဒေတွေနဲ့ လုပ်နေပါတယ်။ တစ်ဖက်မှာလည်း ၂ဝဝ၈ ခုနှစ် ဖွဲ့စည်းပုံ အခြေခံဥပဒေအရ တိုင်းဒေသကြီးနဲ့ ပြည်နယ်တွေကို လုပ်ပိုင်ခွင့် ပေးထားတယ်။ ဒါပေမယ့် ကျွန်းသစ် အပါအဝင် သစ်မာမှအပ ကျန်တဲ့ဟာကို တိုင်းဒေသ ကြီးနဲ့ ပြည်နယ်တွေ လုပ်ပိုင်ခွင့်ရှိပေမယ့် အဲဒီ့ထဲမှာမှ စာရင်းအရ (၁၅ဝ)လောက် ပါသွားတော့ တိုင်းဒေသကြီးနဲ့ ပြည်နယ်တွေအတွက် သစ်ကနေ သူတို့ဘဏ္ဍာငွေရဖို့က ဝါးပဲ ကျန်ပါတော့မယ်။

အဲလိုမျိုး အခြေခံဥပဒေတွေတော့ ကောင်းပါရဲ့၊ ဒါပေမယ့် အဲဒီ့ကောင်းတဲ့ အခြေခံဥပဒေ တွေကို လက်တွေ့ အကောင်အထည်ဖော် ဆောင်တဲ့အချိန်မှာ ကျင့်သုံးတဲ့ ဒီတည်ဆဲ ဥပဒေတွေကို ကျွန်တော်တို့ အရင်ဆုံးစိစစ် ရမယ်။ အဲဒီဟာတွေ စိစစ်ပြီးမှ လက်ရှိ ၂ဝဝ၈ ခုနှစ် ဖွဲ့စည်းပုံအခြေခံဥပဒေ ဇယား (၁) ရယ်၊ (၂) ရယ်၊ (၅) ရယ် ကောင်းကောင်း လုပ်လာတဲ့ အခါကျရင် ကျွန်တော်တို့ အဲဒီ့အခါမှ ဇယား(၁)ကနေ နည်းနည်းများနေမလား၊ ဇယား (၂) ကိုပြောင်းရင် မကောင်းဘူးလား၊ (၂) ကဟာကို(၃) ကိုပြောင်းရင် မကောင်း ဘူးလား၊ (၅) ထဲမှာ ဒီ(၁)နဲ့(၂)ကို ဘယ်လိုညှိမလဲဆိုတာကို အခြေခံဥပဒေပြုပြင် နေတဲ့ ကိစ္စတွေကို လုပ်ဆောင်ရင်တော့ ကျွန်တော်တို့ နည်းလမ်းကျတယ်လို့ ထင်ပါတယ်။ ဘာလို့လဲဆိုတော့ ကျွန်တော်တို့ အကောင်းဆုံးသော မြန်မာပြည်အတွက် အကောင်းဆုံး သော အခြေခံဥပဒေ ရှိခဲ့တယ် ဆိုပါစို့။ အဲဒီ့ဥပဒေတွေရဲ့ အောက်မှာ တည်ဆဲ ဥပဒေတွေ က အလုပ်လုပ်နေတာ ဖြစ်ပါတယ်။

ဒါကြောင့် ကျွန်တော်တို့ တည်ဆဲဥပဒေတွေကို မပြောင်းနိုင်ဘူးဆိုရင် ဘယ်လိုကောင်းတဲ့ အခြေခံ ဥပဒေမျိုးဖြစ်စေ ဖြစ်စေ၊ ကျွန်တော်တို့မှာ မကျေနပ်ချက်တွေကတော့ အမြဲတမ်း ရှိနေမှာပဲ။ အဲဒီတော့ ၂ဝဝ၈ ခုနှစ် ဖွဲ့စည်းပုံ အခြေခံဥပဒေနဲ့ ပတ်သက်ပြီးတော့ ကျွန်တော်က အသစ်ရေးဖို့ ကျွန်တော် လုံးဝမစဉ်းစားရဲပါဘူး။ ပြုပြင်ဖို့တောင်မှ နည်းနည်း စောနေလား၊ တည်ဆဲဥပဒေတွေကို အရင်ပြုပြင်ပြီးတော့ အဲဒီ့အခါကျမှ တည်ဆဲဥပဒေ (၄ဝဝ) ကျော်နဲ့ လက်ရှိ ၂ဝဝ၈ ခုနှစ် ဖွဲ့စည်းပုံအခြေခံဥပဒေနဲ့ လိုက်လျောညီထွေ ရှိတဲ့ အခါကျမှ တကယ်တမ်း ၂ဝဝ၈ ခုနှစ်အခြေခံဥပဒေဟာ တကယ်အလုပ်လုပ် နိုင်သလား၊ မလုပ်နိုင်ဘူးလား၊ ပြည်သူတွေရဲ့ လိုလားချက်ကို တကယ်ဆန္ဒ ဖြည့်စွမ်းနိုင်သလား ဆိုတဲ့ဟာကို သိနိုင်မယ်လို့ ယူဆပါတယ်။

နောက်ဆုံးအနေနဲ့ ပြောချင်တာကတော့ ကျွန်တော်တို့မှာ ပုဒ်မ (၄၄၆) ရှိပါတယ်။ အဲဒီ့ (၄၄၆) က လက်ရှိတည်ဆဲ ဥပဒေတွေဟာ ၂ဝဝ၈ ခုနှစ် ဖွဲ့စည်းပုံအခြေခံဥပဒေနဲ့ မဆန့်ကျင်ရင် အတည်ဖြစ်ရမယ်။ ဆန့်ကျင်ရင် ပျက်ပြယ်ရမယ်။ ဖွဲ့စည်းပုံအခြေခံဥပဒေနဲ့ မကိုက်ညီတဲ့ တည်ဆဲဥပဒေတွေ၊ နည်းဥပဒေတွေ၊ အက်ဥပဒေတွေ၊ အမိန့်တွေ၊ ကြေညာချက်တွေ၊ ပြန်တမ်းတွေ အများကြီးရှိနေတယ်လို့ ကျွန်တော်ယုံကြည်ပါတယ်။ အဲဒီ့ဟာ တွေကို လက်ရှိ အခြေအနေနဲ့ ကိုက်ညီခြင်း ရှိ/မရှိ စုံစမ်းစစ်ဆေးပြီးတော့၊ သုတေသန ပြုပြီးတော့ အများပြည်သူသိဖို့၊ လွှတ်တော်တွေ သိဖို့၊ အစိုးရတွေသိဖို့၊ အခြား သက်ဆိုင်ရာ ဌာနအသီးသီးတွေ သိဖို့လုပ်ပေးမယ့် ကော်မရှင်လိုဟာမျိုး တစ်ခုခုလောက် တော့ ကျွန်တော်တို့တိုင်းပြည်မှာ လိုအပ်နေတယ်လို့ ကျွန်တော်တော့ယူဆပါတယ်။


အပိုင်း ၃ ဆက်လက်တင်ပြပါမည်။

မြန်မာ့အလင်းသတင်းစာမှ ကူးယူဖော်ပြသည်။

Read more →

၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေး ဥပဒေစကားဝိုင်း အပိုင်း(၁)

========================================
နေပြည်တော် အောက်တိုဘာ ၁၅

၁၅-၁ဝ-၂ဝ၁၃ ရက်နေ့တွင် မြန်မာ့အသံနှင့် ရုပ်မြင်သံကြားအစီအစဉ်မှ ဖွဲ့စည်းပုံ အခြေခံ ဥပဒေ ပြင်ဆင်ရေး ဥပဒေစကားဝိုင်းကို စီစဉ်တင်ဆက်သွားခဲ့ပါသည်။

ယနေ့အချိန်တွင် နိုင်ငံရေးပါတီများ၊ အဖွဲ့အစည်းများ၊ ဥပဒေပညာရှင်များ အကြားတွင် လည်းကောင်း၊ သတင်းမီဒီယာများတွင်လည်းကောင်း၊ ဆွေးနွေးနေကြသည်များမှာ ၂ဝဝ၈ ခုနှစ် ဖွဲ့စည်းပုံအခြေခံဥပဒေကို အသစ်ပြန်ရေးကြရန်၊ ပြင်ဆင်ကြရန်ဆိုသည့် အကြောင်း အရာပင် ဖြစ်ပါသည်။

ဖွဲ့စည်းပုံအခြေခံဥပဒေဆိုသည်မှာ နိုင်ငံတစ်နိုင်ငံ၏ အသက်ဖြစ်ပါသည်။ ပြည်သူများ အားလုံး အခြေခံဥပဒေအကြောင်း ကျယ်ကျယ်ပြန့်ပြန့် သိရှိစေရန်အတွက် ဥပဒေ စကားဝိုင်းကို ရွေးချယ်ဆွေးနွေး တင်ပြခြင်းဖြစ်ကြောင်း သိရှိရသည်။

ဆွေးနွေးပွဲတွင် ပါဝင်ဆွေးနွေးကြသူများမှာ နိုင်ငံတော်သမ္မတ၏ ဥပဒေအကြံပေး ဦးသောင်းညွန့်၊ ကချင်တိုင်းရင်းသား နိုင်ငံရေးခေါင်းဆောင် ဒေါက်တာမနန်တူးဂျာ၊ Myanmar Peace Centre မှ ဥပဒေအကြံပေးပုဂ္ဂိုလ် ဒေါက်တာအင်ဒရူး ငွန်ကျုံးလျန်၊ အမျိုးသားလွှတ်တော်နိုင်ငံရေး၊ စီးပွားရေးနှင့် ဥပဒေရေးရာ ကော်မရှင်အဖွဲ့ဝင် ဦးကျော်ဝင်းနှင့် ပြည်ထောင်စုရှေ့နေချုပ်ရုံး အငြိမ်းစားညွှန်ကြားရေးမှူး ဥပဒေပညာရှင် ဦးသန်းအောင်တို့ ဖြစ်ပါသည်။

ဦးသောင်းညွန့်။ ၂ဝဝ၈ ခုနှစ် ဖွဲ့စည်းပုံအခြေခံ ဥပဒေပေါ်ပေါက်လာတဲ့ နောက်ခံသမိုင်းနှင့် ပတ်သက်၍ အကျဉ်းချုံးတင်ပြသွားပါမယ်။ ၁၉၈၈ ခုနှစ်တွင် တပ်မတော်က နိုင်ငံတော် အာဏာကို ရယူပြီးတဲ့နောက်ပိုင်းမှာ ပါတီစုံဒီမိုကရေစီစနစ်နှင့် ဒီမိုကရေစီနိုင်ငံတော် တည်ထောင်မယ်ဆိုပြီးတော့ ကြေညာခဲ့ပါတယ်။ ဒီလိုကြေညာခဲ့တဲ့အခါမှာ အဲဒီတုန်းက အခြေအနေက ၁၉၈၈ ခုနှစ် မတိုင်မီမှာ ကျွန်တော်တို့ နိုင်ငံမှာ ကျင့်သုံးခဲ့တဲ့ ဖွဲ့စည်းပုံ အခြေခံ ဥပဒေကို ပြန်ကြည့်တဲ့အခါကျတော့ ၁၉၇၄ ခုနှစ် ဖွဲ့စည်းပုံ အခြေခံ ဥပဒေဟာ တစ်ပါတီစနစ်နဲ့ ဆိုရှယ်လစ်နိုင်ငံတော် တည်ဆောက်ဖို့ဆိုတဲ့ အခြေခံနဲ့ ရေးသားပြဋ္ဌာန်း ခဲ့တဲ့ ဥပဒေဖြစ်ပါတယ်။ ဒီတော့ ပါတီစုံဒီမိုကရေစီစနစ် ဖော်ဆောင်ဖို့ အတွက်ကို ၁၉၇၄ ခုနှစ် အခြေခံဥပဒေကို သုံးစွဲပြီးတော့မှ ဆောင်ရွက်ဖို့ဆိုတာ လုံးဝမဖြစ်နိုင်တဲ့ ကိစ္စ ဖြစ်ပါတယ်။ အဲဒီ့ ၁၉၇၄ ခုနှစ် အခြေခံဥပဒေကို သုံးစွဲပြီးတော့ ပါတီစုံ ဒီမိုကရေစီစနစ် လမ်းကြောင်းကိုသွားဖို့ မဖြစ်နိုင်တဲ့အတွက် ပါတီစုံဒီမိုကရေစီစနစ်နဲ့ ဒီမိုကရေစီ နိုင်ငံတော် ကို တည်ထောင်နိုင်အောင် အခြေခံဥပဒေအသစ် ရေးဆွဲပြဋ္ဌာန်းဖို့ အတွက် လိုအပ်လာ ပါတယ်။ ပါတီစုံဒီမိုကရေစီစနစ်နဲ့ ဒီမိုကရေစီနိုင်ငံတော်ကို တည်ဆောက်ဖို့အတွက် အခြေခံဥပဒေအသစ် ဆွဲဖို့အတွက် စဉ်းစားတဲ့အခါကျတော့ နည်းလမ်းမျိုးစုံကို စဉ်းစားကြ ပါတယ်။ နည်းလမ်းမျိုးစုံကို စဉ်းစားတဲ့အခါကျတော့ အကောင်းဆုံး နည်းလမ်းကဘာလဲ ဆိုတော့ အမျိုးသားညီလာခံကျင်းပပြီး အဲဒီ အမျိုးသား ညီလာခံကနေပြီး ဖွဲ့စည်းပုံအခြေခံ ဥပဒေအသစ် ရေးဆွဲပြဋ္ဌာန်းနိုင်အောင် လိုအပ်တဲ့ အခြေခံမူတွေ ချမှတ်ပေးဖို့ဆိုပြီး စဉ်းစားလို့ ရခဲ့ပါတယ်။ ဒီလို စဉ်းစားနိုင်အောင် အမျိုးသား ညီလာခံကျင်းပရေးကိစ္စနဲ့ ပတ်သက်ပြီး အဲဒီတုန်းက နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့က ၂၈-၅-၁၉၉၂ ရက်နေ့မှာ တရားဝင်တည်ရှိနေတဲ့ နိုင်ငံရေး ပါတီတွေရယ်၊ အဲဒီတုန်းက ရွေးကောက်ပွဲမှာ ရွေးချယ်ခံခဲ့ရတဲ့ ကိုယ်စားလှယ်တွေရယ်၊ တစ်သီးပုဂ္ဂလ ကိုယ်စားလှယ် တွေရယ်ကို ဖိတ်ခေါ်ပြီးတော့ ဖွဲ့စည်းပုံအခြေခံဥပဒေအသစ် ရေးဆွဲရေးနဲ့ ပတ်သက်ပြီး တော့ အကြိုညှိနှိုင်းဆွေးနွေးပွဲတစ်ရပ် လုပ်ခဲ့ပါတယ်။ အဲဒီ အကြိုညှိနှိုင်း ဆွေးနွေးပွဲကို ၂၃၆-၁၉၉၂ ရက်နေ့ကနေ ၁ဝ-၇-၁၉၉၂ ရက်နေ့အထိ ဆွေးနွေး ညှိနှိုင်းခဲ့တဲ့ ရလဒ်က အားလုံး တက်ရောက်လာကြတဲ့သူတွေက ဖွဲ့စည်းပုံ အသစ်ရေးဆွဲနိုင်ရေးအတွက် အမျိုးသားညီလာခံတစ်ရပ် ခေါ်ယူဖို့ဆိုပြီး သဘောတူ ကြပါတယ်။ ဒါက ပထမအချက် အနေနဲ့ပါ။

နောက်တစ်ချက်ကတော့ ဒီအမျိုးသားညီလာခံ ခေါ်ယူကျင်းပခဲ့တဲ့အခါမှာ ဒီညီလာခံကြီးကို တက်ရောက်မယ့် ကိုယ်စားလှယ်တွေနဲ့ ပတ်သက်ပြီး ဆွေးနွေးတဲ့အခါမှာ တရားဝင် တည်ရှိနေတဲ့ ပါတီတွေထဲက ကိုယ်စားလှယ်တွေ၊ ရွေးချယ် တင်မြှောက်ခံရတဲ့ ကိုယ်စားလှယ်တွေ၊ တိုင်းရင်းသားမျိုးနွယ်တွေ၊ လူမျိုးစု ကိုယ်စားလှယ်တွေပေါ့လေ၊ တောင်သူလယ်သမား ကိုယ်စားလှယ်၊ အလုပ်သမားကိုယ်စားလှယ်၊ နိုင်ငံ့ဝန်ထမ်းတွေ၊ အသိပညာရှင်၊ အတတ်ပညာရှင်တွေ၊ အခြားဖိတ်ကြားသင့်တဲ့ ပုဂ္ဂိုလ်တွေ စသည်ဖြင့် အစုအဖွဲ့ စုစုပေါင်း (၈) ဖွဲ့က ကိုယ်စားလှယ်တွေကို ဖိတ်ကြားပြီး ညီလာခံ ကျင်းပသင့်တယ် ဆိုပြီး ညှိနှိုင်းရရှိခဲ့ပါတယ်။

အဲဒီညှိနှိုင်းရရှိတဲ့ အချက်နှစ်ချက်အပေါ် မူတည်ပြီး ၉-၁-၁၉၉၃ ရက်နေ့မှာ စတင်ကျင်းပခဲ့ ပါတယ်။ ကိုယ်စားလှယ်အစုအဖွဲ့ (၈)ဖွဲ့မှ ညီလာခံ ကိုယ်စားလှယ်ပေါင်း ၇ဝဝ ကျော်နဲ့ အမျိုးသားညီလာခံကြီးကို ကျင်းပခဲ့ပါတယ်။

အဲဒီကျင်းပတဲ့နေရာမှာ တရားဝင်တည်ရှိနေတဲ့ အဓိကနိုင်ငံရေးပါတီလို့ ဆိုရမယ့် အမျိုးသား ဒီမိုကရေစီအဖွဲ့ချုပ် (NLD) ပါတီတို့၊ တိုင်းရင်းသား စည်းလုံးညီညွတ်ရေး ပါတီတို့ စတဲ့ပါတီတွေမှာပါတဲ့ ကိုယ်စားလှယ်တွေ ပါခဲ့ပါတယ်။ အဲဒီ ၉-၁-၁၉၉၃ ရက်နေ့က စတင်ကျင်းပခဲ့တဲ့ ညီလာခံကြီးမှာ အခြေခံဥပဒေရေးဆွဲနိုင်ဖို့အတွက် လိုအပ်တဲ့ အခန်းခေါင်းစဉ်တွေ၊ အခြေခံမူတွေ ချမှတ်နိုင်ခဲ့ပါတယ်။

ညီလာခံကြီး ချောချောမွေ့မွေ့နဲ့ ကျင်းပနေတဲ့အချိန်မှာ ၃ဝ-၃-၁၉၉၆ ရက်နေ့ကျတော့ ညီလာခံကြီးကို ယာယီရပ်ဆိုင်းလိုက်ရတဲ့ အခြေအနေမျိုး ဖြစ်လာပါတယ်။ ညီလာခံကြီးကို ဘာကြောင့် ယာယီရပ်ဆိုင်းလိုက်ရသလဲ ဆိုတာနဲ့ပတ်သက်ပြီး ကျွန်တော်အနည်းငယ် ရှင်းလင်းလိုပါတယ်။ ညီလာခံ ကြီးကျင်းပနေတဲ့အချိန်မှာ အမျိုးသားဒီမိုကရေစီအဖွဲ့ချုပ် (NLD) ပါတီကနေပြီး အမျိုးသားညီလာခံ ကျင်းပရေးကော်မရှင်နဲ့ လုပ်ငန်းကော်မတီကို ၄င်းတို့ပါတီနဲ့ အစိုးရအဖွဲ့ တွေ့ဆုံဆွေးနွေးနိုင်အောင် စီစဉ်ပေးပါဆိုပြီး တင်ပြလာပါတယ်။

ဒီလိုတင်ပြလာတဲ့အခါ ကျွန်တော်တို့ အမျိုးသားညီလာခံကျင်းပရေး ကော်မရှင်ရယ်၊ အမျိုးသား ညီလာခံကျင်းပရေးလုပ်ငန်း ကော်မတီရယ်ကို ပေးထားတဲ့တာဝန်က အခုလို နိုင်ငံရေး ပါတီတစ်ခုခုက အစိုးရအဖွဲ့နဲ့တွေ့ဆုံ ဆွေးနွေးဖို့ဆိုတဲ့ လုပ်ပိုင်ခွင့် ပေးမထား ပါဘူး။ အဲဒီလိုပေးမထားတဲ့အတွက် အမျိုးသားဒီမိုကရေစီအဖွဲ့ချုပ်ရဲ့ တင်ပြချက်ကို ဆောင်ရွက် မပေးနိုင်ခဲ့ပါဘူး။ အဲဒီလို ဆောင်ရွက်မပေးနိုင်တဲ့ အတွက်ကြောင့်လည်း အမျိုးသားဒီမိုကရေစီ အဖွဲ့ချုပ်သည် အမျိုးသားညီလာခံကို ဆက်မတက်ဘဲ နေခဲ့ပါတယ်။ ဒီနောက်ပိုင်းမှာ ၃ဝ-၃-၁၉၉၆ ရက်နေ့မှာ ယာယီရပ်ဆိုင်းထားတဲ့ ဒီအမျိုးသား ညီလာခံကြီး ကို ၃ဝ-၈-၂ဝဝ၃ ရက်နေ့မှာ နိုင်ငံတော်ကနေပြီး ရှေ့ဆက်သွားမယ့် မူဝါဒ လမ်းစဉ်(၇)ရပ် ကို ကြေညာလိုက်ပါတယ်။

အဲဒီလိုကြေညာလိုက်တဲ့အခါမှာ ပထမဦးဆုံးဆောင်ရွက်မယ့် အစီအစဉ်က ရပ်ဆိုင်းထား တဲ့ အမျိုးသားညီလာခံကြီးကို ပြန်လည်ကျင်းပဖို့ ဖြစ်ပါတယ်။ အဲဒီလို အစီအစဉ်ပါတာနဲ့ အညီ အမျိုးသားညီလာခံကို ၁၇-၅-၂ဝဝ၄ ရက်နေ့ ပြန်လည်ကျင်းပခဲ့ပါတယ်။ အဲဒီလို ပြန်လည်ကျင်းပဖို့ စီစဉ်တဲ့အခါမှာလည်း အမျိုးသားဒီမိုကရေစီအဖွဲ့ချုပ်ကို ကျွန်တော်တို့နဲ့ အတူ အမျိုးသားညီလာခံ ပြန်လည်တက်ရောက်ပြီး ဆောင်ရွက်ဖို့ ဖိတ်ကြားခဲ့ပါတယ်။ ဒါပေမယ့် မတက်ရောက်ခဲ့ပါဘူး။ အဲဒီလို ၂ဝဝ၄ ခုနှစ်မှာ ပြန်လည်ကျင်းပတဲ့ အမျိုးသား ညီလာခံမှာ ကိုယ်စားလှယ်ပေါင်း ၁ဝဝဝ ကျော်ကျော်လောက် တက်ရောက်ခဲ့ပါတယ်။

မူလပထမပိုင်းမှာ ဖိတ်ကြားခဲ့တဲ့ အစုအဖွဲ့ (၈) ဖွဲ့၊ ညီလာခံကိုယ်စားလှယ်ပေါင်း တစ်ထောင်ကျော်ကျော်လောက်နဲ့ ဆက်လက်ပြီးတော့ ကျန်ခဲ့တဲ့ အပိုင်းတွေအတွက် အသေးစိတ် အခြေခံမူတွေ ဆက်လက်ချမှတ်နိုင်အောင် ဆောင်ရွက်ခဲ့ပါတယ်။ အဲဒီလို ဆောင်ရွက်ခဲ့ရာမှာ ညီလာခံဟာ ၃-၉-၂ဝဝ၇ ရက်နေ့မှာ ကျန်တဲ့အပိုင်းတွေနဲ့ ပတ်သက်ပြီး တော့ အမျိုးသားညီလာခံရဲ့ လိုအပ်တဲ့ အခြေခံမူတွေ ချမှတ်နိုင်တဲ့ အတွက်ကြောင့် အမျိုးသားညီလာခံရဲ့ လုပ်ငန်းတာဝန်အားလုံး ချောချောမောမောနဲ့ ပြီးဆုံးခဲ့ပါတယ်။

တစ်ခုရှိတာက အားလုံး နိုင်ငံရေးပါတီတွေ၊ တက်ရောက်လာခဲ့တဲ့ အစုအဖွဲ့ (၈)ဖွဲ့က ကိုယ်စားလှယ်တွေအားလုံး ညှိညှိနှိုင်းနှိုင်း၊ တိုင်တိုင်ပင်ပင်နဲ့ ညီလာခံကြီးကို တက်ညီ လက်ညီ ဆွေးနွေးကြပြီးတော့ ကိုယ့်ရဲ့အမြင်လေးတွေကို ဖော်ပြီးတော့မှ တင်ပြကြမယ် ဆိုလို့ရှိရင် ၁၉၉၆ ခုနှစ်က ရပ်ဆိုင်းထားခဲ့တဲ့ အမျိုးသားညီလာခံကြီးဟာ ဒီလောက် တောင်မှ ကြာချင်မှ ကြာလိမ့်မယ်လို့ တွေးစရာ အချက်တစ်ချက် ရှိလာပါတယ်။ အမျိုးသား ညီလာခံကနေပြီးတော့ အခြေခံဥပဒေရေးဆွဲရေးအတွက် အခြေခံမူတွေ ချမှတ်ပေးတဲ့ အခါမှာ ဒီအခြေခံမူတွေအပေါ်မှာ မူတည်ပြီးတော့ ဖွဲ့စည်းပုံ အခြေခံဥပဒေ အသစ်ရေးဆွဲဖို့ တာဝန်တစ်ရပ် ဖြစ်လာပါတယ်။

အဲဒီတာဝန်ကို ထမ်းဆောင်နိုင်အောင် နိုင်ငံတော်အေးချမ်းသာယာရေးနှင့် ဖွံ့ဖြိုးရေး ကောင်စီ ကနေပြီး အခြေခံဥပဒေ ရေးဆွဲရေး ကော်မရှင်တစ်ရပ်ကို ၁၈-၁ဝ-၂ဝဝ၇ ရက်နေ့မှာ ဖွဲ့စည်းပေးခဲ့ပါတယ်။ ဒီကော်မရှင်ကနေ အမျိုးသားညီလာခံက ချမှတ်ပေးခဲ့တဲ့ အခြေခံမူတွေ၊ အသေးစိတ်အခြေခံ မူတွေအပေါ်မူတည်ပြီးတော့ ဖွဲ့စည်းပုံအခြေခံဥပဒေ မူကြမ်းကို ရေးဆွဲခဲ့ရာမှာ ၁၉-၂-၂ဝဝ၈ ရက်နေ့မှာ အောင်မြင်စွာ ရေးဆွဲ ပြီးစီးခဲ့ပါတယ်။

ဒါက ဒုတိယအဆင့်ဖြစ်သွားပြီ။ ဖွဲ့စည်းပုံအခြေခံဥပဒေမူကြမ်းလည်း ပေါ်ပေါက်လာပြီ။ ဒီဖွဲ့စည်းပုံ အခြေခံဥပဒေမူကြမ်း ပေါ်ပေါက်လာပြီးတဲ့အခါမှာ ဒါကိုပြည်သူတွေရဲ့ဆန္ဒ ခံယူဖို့ အတွက် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဟာ ပြည်လုံးကျွတ် ဆန္ဒခံယူပွဲ ကျင်းပရေး ဥပဒေတစ်ရပ် ပြဋ္ဌာန်းပေးခဲ့ပါတယ်။ အဲဒီဥပဒေပြဋ္ဌာန်းချက်နဲ့အညီ အဆင့်ဆင့်သော ကော်မရှင်တွေကို ဖွဲ့စည်းပြီးတဲ့နောက် ပြည်သူ့ဆန္ဒခံယူပွဲကျင်းပဖို့ ၁ဝ-၅-၂ဝဝ၈ ရက်နေ့ကို သတ်မှတ်ခဲ့ပါတယ်။

သို့သော်လည်း အဲဒီအချိန်မှာ မမျှော်လင့်ဘဲ ပေါ်ပေါက်လာတဲ့ နာဂစ်မုန်တိုင်းဒဏ်ကို ရန်ကုန်တိုင်းနဲ့ ဧရာဝတီတိုင်းတို့က ခံခဲ့ရပါတယ်။ အဲဒါကြောင့် ပြည်လုံးကျွတ် ဆန္ဒခံယူပွဲ ကျင်းပရေးကိစ္စနဲ့ ပတ်သက်ပြီး ရန်ကုန်တိုင်း အတွင်းမှာရှိတဲ့ မြို့နယ် (၄ဝ)နဲ့ ဧရာဝတီတိုင်း အတွင်းမှာရှိတဲ့ မြို့နယ် (၇) မြို့နယ် စုစုပေါင်း မြို့နယ်(၄၇)မြို့နယ်အတွက် မူလ သတ်မှတ်တဲ့ရက်မှာ ပြည်လုံးကျွတ်ဆန္ဒခံယူပွဲကျင်းပမယ့် ကိစ္စကို ယာယီ ရပ်ဆိုင်းထား ပြီးတော့ ကျန်တဲ့တစ်ပြည်လုံး အတိုင်းအတာနဲ့ မြို့နယ် (၂၇ဝ) လောက်ကို မူလသတ်မှတ် တဲ့ ရက်မှာပဲ အောင်မြင်စွာကျင်းပ ပြီးစီးခဲ့ပါတယ်။

နာဂစ်ဒဏ်ကြောင့် ယာယီရပ်ဆိုင်းထားခဲ့ရတဲ့ အဲဒီမြို့နယ် (၄၇)မြို့နယ်မှာ ၂၄-၅-၂ဝဝ၈ ရက်နေ့မှာ ဒီဆန္ဒခံယူပွဲကို ကျင်းပပေးနိုင်ခဲ့ပါတယ်။ တစ်နိုင်ငံလုံး အတိုင်းအတာအရ ပြည်လုံးကျွတ် ဆန္ဒခံယူပွဲကျင်းပပြီးစီးတဲ့အခါမှာ ပြည်သူတွေရဲ့ဆန္ဒက စုစုပေါင်း ထောက်ခံ ဆန္ဒမဲ (၉၂ ဒသမ ၄၈) ရာခိုင်နှုန်းပေးခဲ့တာကို မှတ်တမ်းမှတ်ရာတွေအရ သိရှိခဲ့ရပါတယ်။ ဒီတော့ ၂ဝဝ၈ ခုနှစ် ဖွဲ့စည်းပုံအခြေခံဥပဒေကြီးကို နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီကနေ အတည်ပြုပေးခဲ့ ပါတယ်။ ၂၉-၅-၂ဝဝ၈ ရက်နေ့မှာ ပြည်ထောင်စု မြန်မာနိုင်ငံတော် ဖွဲ့စည်းပုံအခြေခံဥပဒေအသစ်ကို အတည်ပြု ပြဋ္ဌာန်းကြောင်းကြေညာ ပေးခဲ့ပါတယ်။

၂ဝဝ၈ ခုနှစ် ဖွဲ့စည်းပုံအခြေခံဥပဒေ ပေါ်ပေါက်လာတဲ့သမိုင်းကြောင်း ကတော့ ဒါလောက် ပါပဲ။ အဲဒီမှာတစ်ခုပြောချင်တာက ၂ဝဝ၈ ခုနှစ် ဖွဲ့စည်းပုံ အခြေခံဥပဒေကို ပြည်လုံးကျွတ် ဆန္ဒခံယူပွဲ ကျင်းပတဲ့အခါမှာ နိုင်ငံတကာ အဖွဲ့အစည်းတွေက ကိုယ်စားလှယ်တွေ၊ ပြီးတော့ မြန်မာနိုင်ငံမှာရှိနေတဲ့ သံရုံးက သံအမတ်တွေနဲ့ သံအရာရှိတွေ၊ ဒီပုဂ္ဂိုလ်တွေကို ဆန္ဒမဲပေးနေတဲ့ နေရာတွေမှာ တစ်ပြည်လုံးအတိုင်းအတာနဲ့ လေ့လာခွင့်တွေ ပေးခဲ့ ပါတယ်။

အဲဒီပုဂ္ဂိုလ်တွေအနေနဲ့လည်း သူတို့တွေ့ရှိချက်အရ ကျေနပ်တဲ့ အနေအထားမျိုး သိရှိခဲ့ရ ပါတယ်။ ဒီတော့ ဒါဟာ ၂ဝဝ၈ ခုနှစ် ဖွဲ့စည်းပုံအခြေခံဥပဒေ ပေါ်ပေါက်လာတဲ့ သမိုင်းကြောင်းကို အကျဉ်းအားဖြင့် ပြောဆိုလိုခြင်း ဖြစ်ပါတယ်။

တစ်ခုက ဒီ ၂ဝဝ၈ ခုနှစ် ဖွဲ့စည်းပုံအခြေခံဥပဒေအရ ပြည်သူ့လွှတ်တော်၊ အမျိုးသား လွှတ်တော်၊ တစ်ဖက်က အစိုးရအဖွဲ့၊ တရားရုံးချုပ် စသည်ဖြင့် ဖွဲ့ကြတယ်။ နိုင်ငံတော် အာဏာကို ခွဲဝေကျင့်သုံးမယ့်၊ အချုပ်အခြာအာဏာကို ခွဲဝေကျင့်သုံးမယ့် Institutions တွေပေါ့လေ။ အဖွဲ့အစည်းတွေပေါ်လာတဲ့ အခါမှာအခုဆိုရင် အခြေခံဥပဒေအရ သတ်မှတ်ထားတဲ့ သက်တမ်း ငါးနှစ်ကာလမှာ အခု ဒီအခြေခံ ဥပဒေကို လက်တွေ့ ကျင့်သုံးနေတာဟာ သက်တမ်းထက်ဝက်၊ လပေါင်းအားဖြင့် ၃ဝ ကျော်၊ ဒီလောက် ကာလ အတွင်းမှာ တစ်ဖက်က ပြည်ထောင်စုလွှတ်တော်ဆိုလည်း အမျိုးသားလွှတ်တော်နဲ့ ပြည်သူ့လွှတ်တော် ပူးပေါင်းထားတာ၊ ဒီဘက်က သမ္မတ ဦးဆောင်တဲ့ အစိုးရအဖွဲ့၊ ဒီ Institution နှစ်ခုသည် အခြေခံဥပဒေက မျှော်မှန်းတဲ့ ပါတီစုံဒီမိုကရေစီစနစ်နဲ့ ပတ်သက်လို့ ကြိုးပမ်းဆောင်ရွက်ခဲ့တဲ့ အနေအထားရှိတဲ့ အတွက်ကြောင့်မို့လို့ ကျွန်တော်တို့ နိုင်ငံသည် ပါတီစုံဒီမိုကရေစီစနစ်ကိုတော့ အမှန်တကယ် လျှောက်လှမ်း နေပြီ။ ဒီမိုကရေစီလမ်းကြောင်း ပေါ်တက်နေပြီ ဆိုတာကို ပြည်ပနိုင်ငံတွေကလည်း အသိအမှတ်ပြုလာကြပြီ။ အသိအမှတ် ပြုလာတာနဲ့အညီ နိုင်ငံတကာကနေ ကျွန်တော် တို့ကို လျစ်လျူရှုထားတဲ့ အခြေအနေကနေပြီးတော့ အခုပြည်ပနိုင်ငံတွေက နိုင်ငံအကြီး အကဲတွေ၊ ကိုယ်စားလှယ်တွေ၊ စီးပွားရေးနဲ့ ပတ်သက်ပြီးတော့ ကိစ္စတွေ၊ ဒါတွေ တွေ့နေ ကြရပါပြီ။ ဆိုလိုတဲ့ သဘောကတော့ ပြည်တွင်းတင်မကဘူး၊ နိုင်ငံတကာသည် ဒီမိုကရေစီ လမ်းကြောင်းကို မြန်မာနိုင်ငံဟာ အမှန်တကယ် လျှောက်နေပါသလားဆိုတာကို လက်ခံ လာကြတဲ့ အနေအထားတွေ့ရပါတယ်။

ဒီလို တိုတောင်းလှတဲ့ကာလလေးမှာ အခြေခံဥပဒေအရ ဆောင်ရွက်ခဲ့တဲ့ ဆောင်ရွက် ချက်ဟာ အခုနိုင်ငံတကာ အသိအမှတ်ပြုလာတယ်။ သို့သော် စောစောက ဦးသန်းအောင် ပြောသွားသလို တချို့ပညာရှင်တွေ၊ တချို့ နိုင်ငံရေးပါတီတွေ၊ တချို့ ပုဂ္ဂိုလ်တွေဟာ ဒီအခြေခံဥပဒေကို အသစ်ရေးဆွဲဖို့လိုတယ်။ ဒါမှမဟုတ် ပြင်ဆင်ဖို့လိုတယ် စသည်ဖြင့် အဲဒီလိုဆွေးနွေးကြတဲ့ အနေအထားမှာ အင်္ဂလိပ်လိုပြောရင် Premature ပေါ့လေ။ သိပ်များ စောလွန်းမနေဘူးလား။ ဘာလို့လဲ ကျွန်တော်တို့က ဒီမိုကရေစီကျင့်စဉ်နဲ့ ပတ်သက်လို့ အလှမ်းကွာခဲ့တာက ၁၉၆၂ ခုနှစ်ကနေပြီး ၂ဝ၁ဝ ခုနှစ်ထိအောင် အလှမ်းကွာခဲ့တယ်။ ဒီကာလအတွင်းမှာ ဒီမိုကရေစီကျင့်စဉ်ကို ပြည်သူတွေအနေနဲ့လည်းပဲ အခွင့်အရေး မရခဲ့ကြသလို ပေါ်ပေါက်ခဲ့တဲ့ လွှတ်တော်ကလည်း ဒီမိုကရေစီ ကျင့်စဉ်ကို ကျင့်သုံးခဲ့ရတဲ့ အခြေအနေ မရှိပါဘူး။ ဒီတော့ ဒီအခြေအနေလေးမှာ အတိုင်းအတာ တစ်ရပ်ထိအောင် ဒီအခြေခံဥပဒေကို လက်တွေ့ကျင့်သုံးပြီးတော့မှ လိုအပ်တဲ့ ပြင်ဆင်ဖို့သင့်တယ် ဆိုလို့ ရှိရင်လည်း ပြင်ဆင်ဖို့သင့်တဲ့ ကိစ္စလေးတွေကို အားလုံး ညှိညှိနှိုင်းနှိုင်း၊ တိုင်တိုင်ပင်ပင်နဲ့ စိတ်ရှည်လက်ရှည်နဲ့ ဆောင်ရွက်ကြမယ်ဆိုရင် ပြည်သူတွေမျှော်မှန်းတဲ့ နိုင်ငံတော်ကို ဒီမိုကရေစီနိုင်ငံ ဖြစ်ဖို့ဆိုတဲ့ ပန်းတိုင်သည် အေးအေး ဆေးဆေး၊ တည်တည်ငြိမ်ငြိမ်၊ ညင်ညင်သာသာလေးနဲ့ ရောက်သွားလိမ့်မယ်လို့ ပြောချင်ပါတယ်။ ကျွန်တော် အကျဉ်းချုံး ပြီးတော့ တင်ပြတာဖြစ်ပါတယ်။

အပိုင်း ၂ ဆက်လက်တင်ပြပါမည်။

မြန်မာ့အလင်းသတင်းစာမှ ကူးယူဖော်ပြသည်။

Read more →

"ကုန်းဘောင် ရှာပုံတော်"- အပိုင်း (၅)- ရဲဘော် ၆ ကျိပ်

* "ဦးပု ဒီလိုစီစဉ်နေတာဟာ ဘုရင်ကို ပုန်ကန်ဖို့ စီမံတယ်" ဆိုပြီး ရာဇနန္ဒ မောင်ဖြိုးက ရှင်ဘုရင်ကို ကုန်းချောတော့................

* ရှင်ဘုရင်က သူ့ဆရာစကားကို ထောက်ခံပြီး ဝန်ကြီးဦးပုနဲ့ အခြားအရာရှိ ၄ ဦးကို ကွပ်မျက်စေတယ်..။ ဒါဟာ အရည်အချင်းမဲ့တဲ့ ဘုရင်ရဲ့ ငယ်ဆရာအတွက် အကွက်ကောင်းပါပဲ...။ သူဟာ ရှင်ဘုရင်ရဲ့ အနီးကပ်ဆုံး အကြံပေးအဆင့်ကို ခုန်တက်လိုက်ခြင်းပဲ ဖြစ်တယ်..။ ငယ်ဆရာမောင်ဖြိုးကို ဘုရင်ရဲ့အထိန်းတော်ကြီးနဲ့ ထိမ်းမြားစေပြီး ဘုရင့်နောင်ဘွဲ့ပေးကာ ထီးနန်း အဆောင်အယောင်များ ချီးမြှင့်လိုက်တယ်...။

* တိုင်းပြည်ကာကွယ်ရေးမှာ အဲဒီအချိန်ကစပြီး ရေစုန်မျောခဲ့တယ်..။

"ကသည်း"များက ပိုမိုရဲတင်းလာပြီး မြေဒူးမှ စစ်ကိုင်း ကောင်းမှုတော်အထိ လာရောက်တိုက်ခိုက်လာကြတယ်..။

"ကွေ့ရှမ်း"တို့ကလည်း မတ္တရာမှ ရွှေကြက်ယက်အထိ ဆင်းလာတယ်..။

ဒါကြောင့် မလွန်မြို့မှာ အခိုင်အမာချထားတဲ့ သတိုးမင်းခေါင်ရဲ့တပ်များကို ပြန်လည်ခေါ်ယူပြီး စဥ့်ကိုင်မှာ ရပ်တည်စေတယ်..။
၎င်းဗိုလ်မှူးကို "တောင်ငူရာဇာ"ဘွဲ့ပေးလျက် စဥ့်ကိုင်မှာ နန်းတော်ဆောက်စေပြီး ဘုရင်တစ်ဆူကဲ့သို့ အုပ်စိုးစေပါတယ်...။

* ၁၀၉၈ ခုနှစ်မှာ စစ်ကိုင်းချောင်မှာရှိတဲ့ ရှင်ဖြူရုပ်ပွားတော် ပျောက်ဆုံးသွားလို့ ပုဏ္ဏား ငစံဖြူနဲ့ သံဃရာဇာဘုန်းတော်ကြီးကို ကွပ်မျက်တော်မူပြန်တယ်...။
"ဘုန်းကြီးနဲ့ ဝန်ကြီးဦးပု အစရှိတဲ့သူတွေကို အလိုတော်မရှိရင် အသက်ကို စီရင်ရိုး မရှိ၊ ရာထူး နုတ်သိမ်းလျှော့ချရိုးသာ ရှိပါသည်" လို့ အမတ်တွေက လျှောက်ထားတော့လည်း အမျက်မပြေဘဲ
"ငါ့ရန်သူကို မုန်းရမယ်... ငါ့ချစ်သူကို ချစ်ရမယ်... ငါ့ရန်သူကို ရန်သူမှတ်ပါ... နောက်ထပ် မလျှောက်တင်ကြနဲ့၊ ဒီစကား ဒီမှာရပ်" လို့ မိန့်တယ်...။

* အဲဒီအခါ နေပြည်တော်တစ်ရပ်လုံး ကြောက်ရွံ့ထိတ်လန့်ကြတယ်...။
"ဘဝရှင် မင်းတရားကြီးဟာ မင်းကျင့်တရားတို့မှ လျော့ပါးလေပြီ... ကုန်းချောသူရဲ့ စကားကို နားယောင်တတ်တာကြောင့် ဒီဘုရင်ကို အားကိုးလို့ မဖြစ်နိုင်တော့ဘူး... အမျက်တော်ရှိတိုင်း တစ်ချက်လွှတ်အမိန့်နဲ့ စီရင်ကွပ်မျက်လိမ့်မယ်" ဆိုပြီး လူအများ တွေးတောလာကြပြီး အခြားတစ်ပါးသော မြို့များကို ပြောင်းရွှေ့သွားကြပါတော့တယ်...။

* ဘုရင့်နှလုံးတော် မငြိမ်တဲ့အချိန်မှာ နောင်တော်ကြီးအနေဖြင့် ထီးပြိုင်နန်းပြိုင် အုပ်စိုးခွင့် ရနေတဲ့ မောင်ဖြိုးရဲ့ ဩဇာလွှမ်းနေတယ်...။ အတွင်းဝန်၊ အပြင်ဝန်၊ မှုထမ်း ရာထမ်းတို့ကို အမြင့်အနိမ့် အပြောင်းအလဲ များလွန်းတော့ ပရမ်းပတာဖြစ်ကုန်တယ်..။ နန်းတော်ကြီးအတွင်း တောင်ဆောင်၊ မြောက်ဆောင် ခွဲခြားသတ်မှတ်မှုများ ပေါ်လာပြီး ရန်ငြိုးဖွဲ့ကုန်ကြတယ်..။

* အမတ်တွေကိုလည်း မအပ်မရာ ဘွဲ့မျိုးစုံပေးတယ်..။ ဘယ်လောက်ထိ ဆိုးသလဲဆိုရင် ----
စာရေးဆရာဝန်ကြီး ပဒေသရာဇာကိုပင် "နတ်သျှင်နောင်" စစ်သူကြီးဘွဲ့ပေးသတဲ့..။

* လူမိုက်များ၊ သူခိုးဓားပြများ ပေါများလာတယ်..။ တိုင်းရေးပြည်ရေး မငြိမ်မသက် ဖြစ်လာတယ်...။ တရားစီရင်ရေးမှာလည်း ရှုပ်ထွေးမှုတွေ ဖြစ်ကုန်တယ်..။ ရဟန်းတို့ကိုလည်း ရွှေသင်္ကန်း၊ ရွှေဒေါက်ချာ၊ မှန်စီကွမ်းအုပ် အစရှိတဲ့ မဖွယ်မရာအရာတွေ ပြုလုပ်စေတယ်..။ ရဟန်းကြိုက်အရက်တွေ ပေါ်ပေါက်လာတယ်..။ ဘုရင့်ဘဏ္ဍာငွေများလည်း လျော့နည်းလာတယ်...။
အခွန်အကောက်များလာတယ်..။အခွန်အကောက်များလာတာကြောင့် တော်လှန်မှုများ ဖြစ်ပေါ်လာတယ်..။

* အင်းဝပြည် ကြာသပတေးမင်းလက်ထက်မှာ အဘက်ဘက်က ယိုယွင်း၊ ပျက်စီး၊ အားနည်းဆုတ်ယုတ်လာပြီး တိုင်းရေးပြည်ရေး ရှုပ်ထွေး ပွေလီလာပါတယ်..။

### ( ၁၁၁၃ ခု နှစ်ဆန်းချိန်တွင် အင်းဝနေပြည်တော်ကို မွန်တို့ သိမ်းပိုက်လိုက်လေတော့သည်) ###

* အင်းဝမြို့တော်ကို မွန်တို့ သိမ်းပိုက်လိုက်တဲ့အချိန်မှာ ဦးအောင်ဇေယျဟာ မုဆိုးဘိုကို ကာကွယ်ဖို့ သူရဲကောင်း ၆၈ ယောက်ပါတဲ့ ရဲဘော် ၆ ကျိပ်ကို စတင်ဖွဲ့စည်းလိုက်ပါတယ်...။
ရှေးယခင် မင်းတရားတပင်ရွှေထီးလက်ထက်က မြင်းရည်တက် သူရဲကောင်း ၂၈ ယောက်ဖွဲ့စည်းခဲ့တဲ့ နမူနာအတိုင်း ဖြစ်ပါတယ်..။

* တောင်ငူခေတ်က တပင်ရွှေထီးတို့ သူရဲကောင်းရွေးနည်းမှာ---လက်ဖျားထိပ်ကို အပ်နဲ့ ထိုးစိုက်ပါတယ်..။ ရိုးရိုး ထိုးစိုက်တာမဟုတ်၊ တူနှင့် ရိုက်သွင်းတာ ဖြစ်ပါတယ်..။ အဲဒီလို ထိုးစိုက်နေစဉ် မအော်ရ၊ မငိုရ၊ မျက်နှာ မပျက်ရ၊တည်ငြိမ်သူ၊ ရဲရင့်သူမှ သူရဲကောင်းဖြစ်နိုင်ပါတယ်...။

* ရွှေဘိုက ဦးအောင်ဇေယျရဲ့ မြင်းရည်တက် ရွေးပုံရွေးနည်းမှာ---လူရဲ့ ရင်ဝကို ချိန်ထားတဲ့ လှံချွန်ကို အခြားတစ်ဦးက ကိုင်ထားရတယ်..။သူရဲကောင်းဖြစ်လိုသူက အဲဒီလှံချွန်ရှိရာကို ရင်ကော့ပြီး ပြေးဝင်လာရတယ်...။ကြောက်ရွံ့တဲ့ အမူအရာ လုံးဝ မရှိရ...။လှံသွားဆီကို အတင်းပြေးဝင်လာသူမှာ အသက်ကိုစွန့်ပြီး လုပ်ရပေမယ့် ကျွမ်းကျင်တဲ့ လှံကိုင်က လှံသွားနှင့်နီးလာရင် အမြန်ဖယ်ပေးရပါတယ်...။သူရဲကောင်းလောင်းအား သွေးစွန်းရင် လှံကိုင်ရဲ့ အပြစ်ဖြစ်တယ်..။
အဲဒီသတ္တိစမ်းပွဲ အောင်မြင်ပါမှ ရဲဘော် ၆ ကျိပ်မှာ ပါဝင်နိုင်တယ်...။

((ရဲဘော် ၆ ကျိပ်အမည်စာရင်းကို နောင်တွင် ဖော်ပြပါမည်... ဤကား စကားချပ်))

* "ဘို သုံးဘို၊ တစ်ဘို မင်းဖြစ်မည်" ဆိုတဲ့ တဘောင်စကား..။
(၁) မုဆိုးဘိုရွာမှ ဦးအောင်ဇေယျ၊
(၂) နဂါးဗိုလ်ရွာသား ရွှေနဂါး၊
(၃) အုတ်ဖိုနယ်မှ ကွေ့ကရင် ကုဏ္ဏအိမ်

* တဘောင်စကား "ဘို သုံးဘို"မှာ ပါဝင်တဲ့ ဗိုလ်နဂါးကို ဦးအောင်ဇေယျက သိမ်းသွင်းလိုတာကြောင့် သဝဏ်လွှာတစ်စောင် ပါးလိုက်ပုံမှာ-............
................................
...... အပိုင်း(၆) ဆက်လက်ဖော်ပြပါဦးမည်...။

( ဘက်မလိုက်သော အမျိုးသားရေးဝါဒီ )

Read more →

"ကုန်းဘောင် ရှာပုံတော်"- အပိုင်း (၄)

======================

* အခြားတစ်ရွာမှာ နေတဲ့ ဦးအောင်ဇေယျရဲ့ သူငယ်ချင်းတစ်ယောက်လည်း အိပ်မက်မက်ပြန်တယ်...။ သူ့အိပ်မက်က -
---- သူတို့ထံကို ဝတ်ဖြူစင်ကြယ်နှင့် လူတစ်ယောက် ရောက်လာကာ 'နက်ဖြန် မိုးသောက်လျှင် သင့်အိမ်သို့ ရှင်ဘုရင်လင်မယား ယာဉ်ကိုစီး၍ တောင်အရပ်က လာလိမ့်မည်။ မင်းတို့၌ ပြုအပ်သော ဝတ္တရားနှင့်အညီ ပြုစုလေ။ သင့်အား စောင်မကြည့်ရှုသွားလိမ့်မည်။' လို့ မှာကြားသွားပါတယ်...။

* အိပ်ရာက နိုးလာတော့ လူကြီးမိဘများကို အိပ်မက်အကြောင်း ပြောပြပြီး နတ်သိကြားတို့ နှိုးဆော်ချက်အတိုင်း စားသောက်ဖွယ်ရာတွေ ခင်းကျင်းပြီး စောင့်စားနေပါတယ်..။

* အဲဒီနံနက်ခင်းမှာပဲ ဦးအောင်ဇေယျတို့ ဇနီးမောင်နှံဟာ လှည်းယာဉ်ကိုစီးပြီး ရောက်လာတယ်..။ လာရတဲ့အကြောင်းက အဲဒီသူငယ်ချင်းဆီက ရရန် အကြွေးငွေ ၅၀ ကျပ် တောင်းဖို့ ဖြစ်ပါတယ်..။
ရှင်ဘုရင်ကို စောင့်မျှော်နေသူက
"ငါ့အိပ်မက်ထဲမှာ ရှင်ဘုရင်လင်မယား လာမယ်ဆိုလို့ စောင့်နေတာ... အခုတော့ အောင်ဇေယျတို့လင်မယား ရောက်လာတာပါလား.. အောင်ဇေယျတော့ ရှင်ဘုရင်စော် နံတဲ့လူပဲ" လို့ ပြောပြောဆိုဆို ဆီးကြို နှုတ်ဆက်တယ်..။

* ဦးအောင်ဇေယျက
" မင်းပြောတဲ့အတိုင်း မှန်ခဲ့ရင် နိမိတ်ကောင်းတယ်... မင်းစကားကို ငါက ပူဇော်ရမယ်.. ဒါကြောင့် ငါတို့ကို ပေးဖို့ရှိနေတဲ့ အကြွေးငွေကို စာရင်းပယ်လိုက်တော့မယ်.. မပေးပါနဲ့တော့" လို့ ဆိုတယ်..။

* ခင်းကျင်းထားတဲ့ စားသောက်ဖွယ်တွေကို သုံးဆောင်ပြီးတဲ့နောက် ဦးအောင်ဇေယျက
"မင်းပြောခဲ့တဲ့စကားကို မင်းအိမ်မှာပဲ ပြီးပါစေကွယ်... တစ်ပါးကို မပေါက်ကြားပါစေနှင့်" လို့ သူငယ်ချင်းကို နှုတ်ပိတ်ပြီး အိမ်ပြန်ခဲ့ကြတယ်..။

*** မြောက်ဘက်မှာ မင်းလောင်းပေါ်မည် ဆိုတဲ့ တဘောင်က တော်တော်ခေတ်စားလာပါတယ်..။

မြောက်ဘက်တစ်ခို၊ မုဆိုးဘို
မိုးခိုပါစို့၊ ညည်းနှင့်တို့
တိုင်းရက်သည့် ပက္ကလာ
မိုးရွာသည်နှင့် အသင့်ပဲ။
တို့မေလေး မကျေဖျက်
မြောက်ဘက်ကယ်တဲ့ ဟိုတစ်ခို
ပြေးစို့ နှစ်ကိုယ်။
ဆိုင်းစိုစိုက
ရန်လုံးဖြိုပါတဲ့
ပြည်ရွှေဘို ထိုမြို့မှာ
မိုးခိုစို့လေး။ ။

* ပေါ်ပေါက်လာသမျှ တဘောင်တို့မှာ အများအားဖြင့် မုဆိုးဘိုက ဦးအောင်ဇေယျကိုသာ ဦးတည်နေကြတယ်..။ ဒါကြောင့် သူ့သူငယ်ချင်းတွေအိမ်ကို အလည်သွားတဲ့အခါတိုင်း-
"ဟေ့.. အောင်ဇေယျ၊ မင်းလာရင် တယ်ပြီး ရှင်ဘုရင်စော် နံသကွာ... မလာပါနဲ့.. တို့တစ်တွေ ရာဇဝတ်သင့်ကုန်ပါ့မယ်.." လို့ ကျီစယ်နောက်ပြောင်လေ့ ရှိပါတယ်..။

* အဲဒီတဘောင် သတင်းတွေကို နေပြည်တော်က ကြားသိရာ-
စဥ့်ကိုင်မှာရှိနေတဲ့ အင်းဝဘုရင်ရဲ့နောင်တော်သဖွယ် သူကောင်းပြုထားသူ သတိုးမင်းခေါင် ခေါ် တောင်ငူရာဇာက မောင်အောင်ဇေယျကို ခေါ်ယူစစ်မေးပါတယ်...။
" ရှင်ဘုရင်စော် နံတယ် ဆိုပြီး ပြောနေကြတယ်.. အဲဒါ အမှန်ပဲလား" လို့ မေးတယ်..။
ဦးအောင်ဇေယျက -
" ဒီစကားကို ရွှေနားတော်ကြားအောင် ပြောဆိုကျော်ကြားခြင်းမှာ မလိုသူတို့ ကုန်းချောခြင်းသာ အရင်းခံဖြစ်ပါတယ်" လို့ ဖြေလိုက်တယ်...။

* တောင်ငူရာဇာက မောင်အောင်ဇေယျရဲ့ ရဲရင့်တည်ကြည်ခြင်း၊ ရူပနိကာယ်ကောင်းခြင်း တို့ကို ထောက်ရှုပြီး ယာယီယတြာများ ပြုလုပ်ပေးလိုက်တယ်..။ "မုဆိုးဘို"ကို "ရွှေဘို"လို့ အမည်ပြောင်းစေပြီး အဲဒီအရပ်ရှိ ရွှေတန်းစာစေတီရဲ့ မြောက်ဘက်မှာ ကိန်းချေတဲနန်း ဆောက်စေတယ်..။

* ဦးအောင်ဇေယျဟာ မုဆိုးဘို အရပ်မှာ ရိုးရိုးကုပ်ကုပ် တောင်သူလုပ်ငန်းကို တင်းတိမ်နေသူ မဟုတ်..။ အတိတ်နိမိတ်များကို သူကိုယ်တိုင်ယုံကြည်တာကြောင့် အထွတ်အထိပ်ကို ရောက်ဖို့ လိုအပ်တဲ့ စည်းရုံးရေး၊ လေ့လာရေးတွေကို အမြဲအားထုတ်လျက် ရှိပါတယ်...။
အင်းဝမြို့ အရေးအခင်းများကို လူထောက်လွှတ်ခြင်း၊ ကိုယ်တိုင်သွားပြီး စုံစမ်းခြင်း ပြုလေ့ရှိတယ်..။

* ထိုကာလမှာ အင်းဝပြည်မှာလည်း အရေးကိစ္စများ ရှုပ်ထွေးနေချိန်ဖြစ်ပါတယ်...။
### (မှတ်ချက်။ ။ ဤနေရာတွင် ဦးအောင်ဇေယျအကြောင်းကို တစ်ခန်းရပ်၍ အင်းဝပြည်၏ အရေးတော်ပုံကို ကြားဖြတ်၍ အနည်းငယ် ဖော်ပြပါမည်)###

* (၁၀၉၅) ခုနှစ်မှာ အင်းဝပြည် တနင်္ဂနွေမင်း နတ်ရွာစံတော့ သူ့ရဲ့သားတော် ကြာသပတေးမင်း(ဟံသာဝတီပါမင်း) နန်းတက်ပါတယ်..။ ကြာသပတေးမင်းမှာ အသက် ၁၆ နှစ်သာ ရှိသေးတော့ ဝါနုသောကြောင့် မှူးကြီးမတ်ကြီးတို့က သူ့ထက်ဝါရင့်ပြီး အရည်အချင်းပြည့်စုံတဲ့ ဘုရင်ရဲ့ညီတော် ဗဒုံမြို့စားကို နန်းတင်လိုကြတယ်..။
ဒါပေမယ့် ဝန်ကြီးဦးပုက ဩဇာကြီးမားစွာနဲ့ ထောက်ခံတာကြောင့် ကြာသပတေး မင်းသား ထီးနန်းရခဲ့တယ်...။

* ထီးနန်းသိမ်းပိုက်တဲ့နေ့က နန်းရင်ပြင်မှာ ထမင်းဟင်း၊ ဘောဇဉ်ခဲဖွယ်များ အပြည့် ခင်းကျင်းထားပြီး ရှင်ဘုရင်က အဲဒီထမင်းဟင်းတွေကို နင်းနယ်ပြီးမှ နန်းတက်တော်မူတယ်..။ ပညာရှိများက-
"ဤမင်းလက်ထက် မွတ်သိပ်ရှားပါးချိမ့်မည်"လို့ နိမိတ်ဖတ်လိုက်ပါတယ်...။

* ရှင်ဘုရင်ဖြစ်ပြီးနောက် ဝန်ကြီးဦးပုကို လွှတ်တော်အဆင့်သို့ တိုးမြှင့်ပေးလိုက်တယ်..။ ငယ်ဆရာ မောင်ဖြိုးကို "ရာဇနန္ဒ ဘွဲ့"ပေးပြီး အတွင်းဝန် ခန့်တယ်...။ မောင်ဖြိုး ဆိုတာက မူလတန်းကျောင်းဆရာလောက်သာ တတ်သိပြီး ဝန်ကြီးဦးပုက ပါမောက္ခသဖွယ် ပညာဉာဏ်ကြီးမားသူ ဖြစ်တယ်...။
ဒါပေမယ့် ဘုရင်က မောင်ဖြိုးကို ငယ်ဆရာအဖြစ် ပိုမိုရင်းနှီးခဲ့ပါတယ်...။ မောင်ဖြိုးဟာ ကတုန်းကတိုက် လုပ်တတ်သူလည်း ဖြစ်ပါတယ်..။

* အဲဒီကာလတွေမှာ တိုင်းရေးပြည်ရေးကလည်း မကောင်းပါ..။ မငြိမ်းချမ်းပါ...။ မွန်များက ပုန်ကန်ခြားနားပြီး မွန်တပ်များ ချီတက်လာတော့ ဦးပုက ခုခံကာကွယ်ဖို့ အစီအစဉ်တွေ ကြိုတင်ပြုလုပ်စီမံတယ်...။
လူသန်လူကြမ်း အမှုထမ်း ၁၀၀၀ ဖွဲ့စည်းတယ်..။
အဲဒီလူ ၁၀၀၀ ကို ကွပ်ကဲအုပ်ချုပ်ဖို့ လူ ၁၀၀ ကိုလည်း ဖွဲ့စည်းတယ်..။
ဒါကို "ရဲတစ်ထောင် နောင်တစ်ရာ စီမံကိန်း" လို့ ခေါ်ပါတယ်..။
ဒီလို စီစဉ်ခုခံရင် ရန်သူကို နိုင်လိမ့်မည် ဆိုတဲ့ ရှေးစကားလည်း ရှိခဲ့တယ်...။

* "ဦးပု ဒီလိုစီစဉ်နေတာဟာ ဘုရင်ကို ပုန်ကန်ဖို့ စီမံတယ်" ဆိုပြီး ရာဇနန္ဒ မောင်ဖြိုးက ရှင်ဘုရင်ကို ကုန်းချောတော့................
...........
....
အပိုင်း(၅) ဆက်လက်ဖော်ပြပါဦးမည်။

( ဘက်မလိုက်သော အမျိုးသားရေးဝါဒီ )

Read more →

"ကုန်းဘောင် ရှာပုံတော်"- အပိုင်း (၃)

~~~~~~~~~~~~~~~~~~~~~

* အလောင်းမင်းတရားရဲ့ ငယ်နာမည်က "မောင်အောင်ဇေယျ"..။
မောင်အောင်ဇေယျနှင့် မယ်ယွန်းစံတို့ကား မောင်နှမ တစ်ဝမ်းကွဲ ဘဝမှ "ဆွေချင်းထပ်လျှင် မြတ်၊ မျိုးချင်း ခြုံလျှင် လုံ" ဆိုတဲ့ မြန်မာစကားပုံအရ အကြင်လင်မယား အဖြစ် ရောက်ကြသူများ ဖြစ်ပါတယ်...။

* မောင်အောင်ဇေယျရဲ့ မယ်တော် စောငြိမ်းဦးနှင့် မယ်ယွန်းစံရဲ့ ဖခင် ဦးဖြိုးမြတို့မှာ မောင်နှမအရင်း ..။
ဦးဖြိုးမြဟာ မုဆိုးဘိုနှင့် ၁၀ မိုင်ခန့် ဝေးတဲ့ စည်ပုတ္တရာမြို့မှာ ထောင်မှူးဖြစ်ပါတယ်..။

* သူတို့နှစ်ဦးလက်ထပ်စဉ်က သတို့သား မောင်အောင်ဇေယျမှာ ၁၉ နှစ်၊ သတို့သမီး မယ်ယွန်းစံမှာ ၁၇ နှစ် ..။
ထို ငယ်လင် ငယ်မယားမှ ပေါက်ဖွားလာသူတို့မှာ သားတော် ၆ ပါး၊ သမီးတော် ၃ ပါး ..။

* သားတော်များမှာ-
(၁) မောင်လောက် ခေါ် နောင်တော်ကြီးဘုရင်၊
(၂) မောင်ရွ ခေါ် ဆင်ဖြူရှင်ဘုရင်၊
(၃) မောင်ပိုး ခေါ် အမြင့်မြို့စား၊
(၄) မောင်ဝိုင်း ခေါ် ဘိုးတော်ဘုရား၊
(၅) မောင်စိုး ခေါ် ပခန်းမြို့စား၊
(၆) မောင်ဖိုးရှင် ခေါ် ပင်းတလဲမြို့စား...။

* သမီးတော်များမှာ-
(၁) မယ်သာ ၊
(၂) မယ်မြတ်လှ ၊
(၃) မယ်အိပ်...။

* ဦးအောင်ဇေယျ ကိုယ်တိုင် ထွန်ယက်လုပ်ကိုင်တဲ့ ယာခင်းမှာ ယခု တည်ရှိနေသော "ရွှေတန်းစာ" ဘုရားပတ်လည်မှာ တည်ရှိတယ်..။

* တစ်နေ့မှာတော့ ....
ဦးအောင်ဇေယျဟာ အိပ်မက်တစ်ခု မြင်မက်ခဲ့တယ်...။
" ထိုယာခင်းအနီး ဘုရားပျက်ကို ရှာဖွေပြင်ဆင်ပါက သင့်အလိုအတိုင်း ပြည့်စုံအံ့" ဆိုတဲ့ အိပ်မက်အရ ဦးအောင်ဇေယျဟာ ဇနီးမယ်ယွန်းစံနဲ့အတူ ပေါက်တူး၊ တူးရွင်းများဖြင့် ကိုင်ဆောင်ရှာဖွေကြတယ်...။
ကျယ်ဝန်းပြန့်ပြူးတဲ့ မြေပြင်မှာ တောင်ပို့တစ်ခု တွေ့တော့ အဲဒီတောင်ပို့ကို စည်းခြံ ကာရံထားပြီး အိမ်ပြန်ခဲ့ကြတယ်...။

* အိမ်ရောက်တော့ မယ်ယွန်းစံက (ပြုံးရွှင်လျက်)....
"ဟဲ့.. သားတို့... ငါ့သားများ စားရဖို့သာ ပြင်ထားကြပေတော့.. မောင်တို့အဖေက ဥစ္စာသိုက် တွေ့ခဲ့လို့ စည်းချကာရံထားခဲ့တယ်.. "
လို့ ပြောဆိုနောက်ပြောင်မိသေးတယ်..။

* နောက်နေ့မှာ..
ရပ်သူရွာသား ပန်းရံသမားများနဲ့ သွားရောက်တူးဖော်သော် ဌာပနာတိုက်နှင့်တကွ စေတီဟောင်းတို့ကို တွေ့ရတယ်..။ ဦးအောင်ဇေယျက ထပ်မံ ပြုပြင်တည်ထား ကိုးကွယ်ခဲ့တယ်..။

* ဘုရားကို ပြုပြင်ပြီး မကြာမီမှာ ဦးအောင်ဇေယျရဲ့ လက်ရုံးမှ မီးရောင်တောက်ခြင်းများ ဖြစ်ပေါ်လာပါတယ်..။

* အဲဒီနှစ်(၁၁၁၁)မှာ အင်းဝ ရွှေနန်းရှင်ဘုရင်ကိုယ်တိုင် မြင်မက်တော်မူတဲ့ အိပ်မက်မှာ-
"မြောက်အရပ်သို့ ရှုစားရာ၊ အရှေ့အရပ်မှ နေဗိမာန်သည်၊ ကြယ်တာရာအပေါင်း ခြံရံလျက်၊ အနောက်အရပ်သို့ ကြွမြန်းသည်"
ဆိုပြီး မြင်မက်ပါတယ်..။
အမတ်များက မြောက်အရပ်မှ မင်းလောင်းပေါ်မယ့် နိမိတ်မှန်း သိပေမယ့် ဘုရင်ကို ကြောက်ရွံ့တာကြောင့်
"နေမှာ အင်းဝဘုရင်၊ ကြယ်တာရာများမှာ ပဒေသရာဇ်မင်းများ ခစားပုံ"
ဆိုပြီး လိမ်ညာလျှောက်တင်ကြတယ်..။

* တစ်နေ့သောအခါ....
ဦးအောင်ဇေယျဟာ တောသို့ ယာထွန်သွားရာ နေမြင့်သောအခါ ခေတ္တနားနေပါတယ်..။ သစ်ပင်ရိပ်မှာ လဲလျောင်းရင်း အိပ်ပျော်သွားတယ်...။ အဲဒီအချိန်မှာပဲ အိမ်မှ ထမင်းလာပို့တဲ့ အစေခံ မငြိမ်း ရောက်လာတယ်..။ ဦးအောင်ဇေယျရဲ့ လက်ယာလက်ရုံး(ညာဘက်လက်ရုံး)မှ အခိုးအလျှံများနှင့် မီးတောက်ထလာတာကို မြင်တော့ အူယားဖားယား ချဉ်းကပ်လာပြီး ပါလာတဲ့ တဘက်နဲ့ မီးကို ပုတ်သတ်ပါတယ်...။

* ဦးအောင်ဇေယျ အိပ်ရာက လန့်နိုးလာပြီး
"ဘာဖြစ်တာလဲ..." လို့မေးတော့ အစေခံမက
" အရှင့်လက်မှ မီးခိုးမီးတောက်ကို မြင်လို့ မီးငြှိမ်းသတ်မိတာပါ.." လို့ ဆိုတယ်..။
ဦးအောင်ဇေယျလည်း
"ဒီတိုင်းမှန်ရင် တောစကား တောမှာပျောက်စေ၊ ရွာကို မရောက်စေနှင့်.."
လို့ပြောပြီး နှုတ်ပိတ်လိုက်တယ်..။
ဦးအောင်ဇေယျဟာ (စကြာရတနာကို မျှော်လင့်ချိန်မှာ ရရှိတဲ့ စကြာမင်းကဲ့သို့) ပီတိအပြည့်ဖြစ်ပေါ်လာပေမယ့် ဣနြေ္ဒမပျက် နေလိုက်တယ်..။

* အစေခံမလည်း အိမ်ကို ပြန်လာပြီးနောက် တွေးတောနေမိတယ်..။
"ငါတို့ရဲ့အရှင်ဟာ ဘုန်းပညာနှင့် ပြည့်စုံတယ်.. 'မြောက်ဘက်မှ မင်းလောင်းပေါ်မည်' ဆိုတဲ့ တဘောင်လည်း ထွက်နေတယ်.. အရှင့်ကို ရည်ညွှန်းတာပဲ ဖြစ်ရမယ်.. အရှင်ဟာ ဘုန်းသမ္ဘာရှင် ဖြစ်လိမ့်မယ်.. ဒါကြောင့် ငါ ဒီနေ့ကစပြီး အရှင့်ကို ရှင်ဘုရင်တစ်ပါးကဲ့သို့ ပြုစုအံ့"
လို့ တွေးတော ဆင်ခြင်လိုက်ပြီး ဝတ်ပြုလေတော့တယ်..။

* ဒီလိုနဲ့ ညတစ်ည သန်းခေါင်ကျော်လောက်မှာ ဇနီးမယ်ယွန်းစံ နိုးလာခိုက် ဦးအောင်ဇေယျရဲ့ ညာဘက်လက်ရုံးမှ မီးခိုးမီးလျှံများ ထတောက်ရာ တစ်အိမ်လုံး ထိန်လင်းနေတယ်..။
ဒါကို မယ်ယွန်းစံ မြင်တော့ အနီးရှိ ခြုံစောင်တို့နှင့် အုပ်ဖုံး သတ်ငြှိမ်းနေမိတယ်..။
ဦးအောင်ဇေယျ လန့်နိုးလာတော့ မယ်ယွန်းစံက သူ့လက်မှ မီးတောက်နေကြောင်း ပြောပြတယ်..။
"ဒီအကြောင်း ဒီတွင်ပြီးစေ၊ တစ်ပါး မရောက်စေနှင့်" လို့ တားမြစ်လိုက်ပြန်တယ်...။
မယ်ယွန်းစံက
"ကိုအောင်ဇေယျ... ရှင်ဟာ ဘုန်းကြီးတဲ့ယောက်ျားဖြစ်တယ်.. မမေ့မလျော့တဲ့ သတိနှင့် ပြည့်စုံအောင်သာ နေပါ" လို့ ပြောပြီးနောက်
အဲဒီနေ့ကစပြီး ရှင်ဘုရင်တို့ကို ပြုစုတဲ့ဝတ္တရားအတိုင်း ပြုစုပေးလေတော့တယ်...။

* အခြားတစ်ရွာမှာ နေတဲ့ ဦးအောင်ဇေယျရဲ့ သူငယ်ချင်းတစ်ယောက်လည်း အိပ်မက်မက်ပြန်တယ်...။ သူ့အိပ်မက်က-
...........................................
..........................
.... အပိုင်း(၄) ဆက်လက်ဖော်ပြပါဦးမည်။

မှတ်ချက်။ ။ Essay သဖွယ် အနည်းငယ်ပြုပြင် ရေးသားထားပါတယ်...

( ဘက်မလိုက်သော အမျိုးသားရေးဝါဒီ )

Read more →

"ကုန်းဘောင် ရှာပုံတော်" - အပိုင်း (၂)

~~~~~~~~~~~~~~~~~~~~~~
* တစ်ချိန်က ဆရာတော် အရှင်ဝါယမသည် အလောင်းတော် ကဿပလိုဏ်ဂူတော်၌ တရားအားထုတ်နေစဉ် ထူးခြားသော တောထွက်အဘိုးအိုတစ်ဦးနှင့် ကြုံကြိုက်ရာ 'တပည့်တော်တို့ ကုန်းဘောင်မှာ ခေတ်စားခဲ့သော ဆောင်ပုဒ်အချို့ကို အဓိပ္ပာယ်ရှင်းပြပါ ဘုရား' ဟု လျှောက်ထား၏။

ဆရာတော် ။ ။ အဘိုးရဲ့ ပုစ္ဆာကို သိပါရစေ။

အဘိုးအို ။ ။ "သိင်္ဃဆိုသည် ဆုံလည်ရပ်"၊ "ဘုရားဆိုသည် ရှင်သိဒ္ဓတ်"။

ဆရာတော် ။ ။ အဘိုး မေးတဲ့ လင်္ကာအဓိပ္ပာယ်များကို ကြားဖူးနားဝ ရှိမထားရင် မဖြေနိုင်ပါဘူး။ အခုတော့ အထက်ပါ လင်္ကာအဓိပ္ပာယ်ကို ဦးပဉ္စင်းတို့ ဆရာတော် (ဆဌမ ကျော်အောင်စံထား)ထံ ဝတ်ပြုရင်း မကြာခဏ မိန့်ဖူးလို့ အဘိုးအမေးကို ဖြေနိုင်ပါတယ်။

(၁) "သိင်္ဃဆိုသည် ဆုံလည်ရပ်" ဆိုတာက ကောဇာသက္ကရာဇ် ၁၁၁၃ ခုမှာ အင်းဝပျက်၍ အလောင်းမင်းတရား ဦးအောင်ဇေယျက မြန်မာပြည်အရပ်ရပ် ပြန်လည်တိုက်ခိုက် သိမ်းပိုက်ပြီးနောက် ဟံသာဝတီ၊ တောင်ငူ၊ အင်းဝ၊ ရှမ်း၊ ယွန်း အရပ်များမှာ ရွှေ ငွေ ပတ္တမြား စသော ရတနာအပေါင်းတို့သည် မုဆိုးဘိုမြို့သို့ စုလာသည်လည်း တစ်ချက်။

(၂) စာပေပိဋကတ်၊ ဓာတ်တော်မွေတော် တည်းဟူသော ရတနာအစစ်အပေါင်းတို့သည် မုဆိုးဘိုမြို့သို့ စုလာသည်လည်း တစ်ချက်။

(၃) အရပ်ရပ်တို့မှ ရှင်ရဟန်း ပညာရှိများ မုဆိုးဘိုအရပ်သို့ စုရောက်လာသည်လည်း တစ်ချက်။
ဤ ၃ ချက်သော ရတနာအပေါင်းတို့ စုဆုံလာသည်ကို ရည်၍ ထိုမြို့ကို "ရတနာသိင်္ဃ"မြို့ဟု ဆိုတယ်။

နောက်တစ်နည်းမှာ -
ခရီးလမ်းကြောင်းတို့၏ ဆုံရာအရပ်ကို (မဂ္ဂသိင်္ဃာတက) ခရီးလမ်းဆုံဟု ဆိုသကဲ့သို့ ရတနာအပေါင်းတို့၏ စုဝေးရာဖြစ်၍ "ရတနာသိင်္ဃမြို့"ဟု ဆိုပေတယ်။
ဝိဂြိုဟ်ပြုရလျှင်-
(ရတနာ၊ သိင်္ဃာန၊ ရတနာ သိင်္ဃဋံ)
ဤနေရာ၌ စတုတ္ထအက္ခရာ "ဃ"နှင့် ရတနာသိင်္ဃ၏ ပဝတ္တိဖြစ်ခြင်းအရာကို မှတ်ရပေမယ်။

နောက်တစ်နည်းမှာ-
"ရတနာသိင်္ခ" ဟူ၍ ဒုတိယအက္ခရာ(ခ)ကို ယူလျှင် (လူတို့အတွက် အောင်မြင်ခြင်း ဦးစွန်းသဖွယ်ဖြစ်သော ဇေယျသိင်္ခမင်း၊ ဦးစွန်း ၅ ခုရှိသော ပဉ္စသိင်္ခ နတ်သား) ဟု ခေါ်ဆိုသကဲ့သို့ ရတနာအပေါင်းတို့၏ စုဝေးရာ၊ တိုင်းပြည်တကာတို့၏ အထွတ်ဦးစွန်းသဖွယ်ဖြစ်သော "ရတနာသိင်္ခမြို့တော်" ဟူ၍ အဓိပ္ပာယ်ယူအပ်ပေတယ်။

သိင်္ခသဒ္ဒါကား (ဦးစွန်း) ဟောတယ်။ သိင်္ဃသဒ္ဒါကား (အလျင်အမြန်)ကို ဆိုလိုတယ်။ ဤသဒ္ဒါနှစ်မျိုးမှ မည်သည့်အက္ခရာမဆို သင့်မြတ်ပါတယ် အဘိုး။ ဒါကြောင့် ရှေးသူဟောင်းတို့ စပ်ဆိုရာမှာ-

"မြန်မာ့ထိပ်ခေါင်၊ ဦးစွန်းထောင်၍
ကုန်းဘောင် စံမှတ်၊ နန်းပြသာဒ်က
သိဒ္ဓတ်တစ်နှုန်း၊ စက်ရှိန်မှုန်းသော်
ပျောက်ပြုန်းရန်မျိုး" လို့ ဆိုပါတယ်။

အဘိုးအို ။ ။ သာဓုပါ... ကိုယ်တော်လေး၊ သာဓု.... သာဓု...။

ဆရာတော် ။ ။ "ဘုရားဟူသည် ရှင်သိဒ္ဓတ်" ဆိုသည်ကား ကပ္ပိလဝတ် နေပြည်တော်ကြီးကို ဗာရာဏသီပြည်၊ ဥက္ကာမုခမင်း၏ သားတော် ၄ ယောက်၊ သမီးတော် ၅ ယောက်တို့ စုစည်းပြီး ဗိုလ်ပါ အလုံးအရင်းနှင့် ပြုစု ထူထောင်ထားကြတယ်။

မင်းသား ၄ ယောက် အချိန်အရွယ်ရောက်လျှင်
"တစ်ပါးသူနှင့်အိမ်ထောင်ပြုချေသော် အမျိုးပျက်မည်။ အမျိုးပျက်လျှင် အပြောအဆို အသုံးအနှုန်းပျက်မည်။ ဤသို့ပျက်လျှင် ပြည်ထဲရေး မငြိမ်မဝပ် ရှိမည်။ ဤသို့ဖြစ်သော် တိုင်းသူပြည်သားအပေါင်းတို့ ဆင်းရဲခြင်းသို့ ရောက်မည်"
ဟူ၍ အကြံတော် ရှိကြပေတယ်။ ထို့ကြောင့် နှမတော် ၅ ယောက်တွင် အကြီးဆုံးကို အမိအရာထား၍ အငယ် ၄ ယောက်နှင့် မောင်တော် ၄ ယောက်တို့ အချင်းချင်း အိမ်ထောင်ဖက် ပြုခဲ့ကြတယ်။

ထိုအကြောင်းကို ခမည်းတော်ဥက္ကာမင်း ကြားသိတော်မူသော်
"ငါ့သားတော် သမီးတော်တို့သည်ကား ရဟန်း၊ ရှင်လူ ပြည်သူတို့၏ စီးပွားချမ်းသာကို ငဲ့၍ မောင်နှင့်နှမ ရွှေလက်တွဲကာ ပြည်ထဲရေး ထမ်းဆောင်ကြသည်မှာ အလွန်ပြုနိုင်ခဲသော အရာကို ပြုပေစွ"
ဟု ချီးမွမ်းစကား ဆိုခဲ့ပေတယ်။

ဤကိုရည်၍ ရှင်အဂ္ဂသမာဓိ စပ်ဆိုရာတွင်-

"သကျဝတ၊ ကုမာရ ဟု
ဩဇာသာကြည်၊ နှုတ်ခွန်းရည်ကြောင့်
ပင်စည်ညွန့်ညှောက်၊ မင်းရိုးပေါက်သည်"

ထို "သကျဝတ" စကားကို စွဲ၍ "သာကီဝင်" မင်းမျိုးဟု တွင်ရာ ကုန်းဘောင်ခေတ် မြန်မာမင်းများလည်း အပါအဝင်ဖြစ်ပေတယ်။ ပြည်သူတို့ စိုးရိမ်ခြင်း ပျောက်၍ စိတ်ချမ်းမြေ့ခြင်း ဖြစ်သည်ကို သိဒ္ဓတ် ဖြစ်သည် ခေါ်ဆိုတယ်။ ဤကိုစွဲ၍ ဘုရားလောင်း သားရတနာ ဖွားဖြင်ရာတွင် ငယ်မည် သိဒ္ဓတ္တ ဟု မှည့်ခေါ်ခဲ့တယ်။ ဘုရားအဖြစ်သို့ရောက်သော် ဗောဓိပင်အောက်၌ စိတ်နှလုံး ချမ်းမြေ့ခြင်း ဖြစ်တော်မူသည်ကို စွဲ၍၊ ဤ ၃ ချက်သော သိဒ္ဓတ်ကို ရည်၍ "ဘုရားဆိုသည် ရှင်သိဒ္ဓတ်" ဟု ဆိုပါတယ်။

အဘိုးအို ။ ။ သာဓုပါပဲ... ကိုယ်တော်လေး၊ သာဓု... သာဓု...။

.................................
......
အပိုင်း(၃)တွင် ဆက်လက်ဖော်ပြပါဦးမည်...။

( ဘက်မလိုက်သော အမျိုးသားရေးဝါဒီ )

Read more →