သမ္မတကြီး ယနေ့ ပြောကြားသော သြဂုတ်လအတွက် ရေဒီယိုမိန့်ခွန်း

 

မိဘပြည်သူများခင်ဗျား....

ကျွန်တော်တို့နိုင်ငံရဲ့ လက်ရှိအခြေအနေများကို မိဘပြည်သူများထံ ရေဒီယိုကနေတစ်ဆင့် အသိပေး ပြောကြားနေကျဖြစ်တဲ့ အတိုင်း ဇူလိုင်လအတွင်း မြန်မာနိုင်ငံရဲ့ ပြုပြင်ပြောင်းလဲမှုများကို ပြောကြားရခြင်း ဖြစ်ပါတယ်။

 

မိဘပြည်သူများသိကြပြီးဖြစ်တဲ့အတိုင်း ကျွန်တော်ဟာ ဗြိတိန်နိုင်ငံနဲ့ ပြင်သစ်နိုင်ငံများကို ဇူလိုင်လ ၁၄ ရက်နေ့ကနေ ၂၀ ရက်နေ့ထိ အလုပ် သဘောခရီးသွားရောက်ခဲ့ပါတယ်။ ကျွန်တော်တို့နဲ့ သမိုင်းကြောင်း ရှည်ကြာ ပတ်သက်မှုတွေရှိခဲ့ကြတဲ့ ဗြိတိန်နဲ့ပြင်သစ်နိုင်ငံများကို မြန်မာနိုင်ငံရဲ့ သမိုင်း အလှည့်အပြောင်း ဖြစ်တဲ့ ယခုလိုအချိန်မှာ သွားရောက်ခဲ့တာဖြစ်ပါတယ်။

 

အစိုးရ အဖွဲ့ခေါင်းဆောင်များ၊ လွှတ်တော် ခေါင်းဆောင်များနဲ့ တွေ့ဆုံပြီး နိုင်ငံရေးပြုပြင် ပြောင်းလဲမှု ကိစ္စတွေ၊ ငြိမ်းချမ်းရေးဖြစ်စဉ်နဲ့ ပတ်သက်တဲ့ကိစ္စတွေ၊ နိုင်ငံရေးအကျဉ်းသား ကိစ္စတွေနဲ့ မြန်မာနိုင်ငံမှာ လတ်တလောဖြစ်ပွားခဲ့တဲ့ အကြမ်းဖက် ပဋိပက္ခကိစ္စတွေနဲ့ ပတ်သက်ပြီး ထိရောက်တဲ့ ဆွေးနွေးမှုတွေ ပြုလုပ်နိုင်ခဲ့ပါတယ်။ မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းစဉ်များ ထဲမှာ အဓိက လုပ်ငန်းစဉ် တစ်ရပ်ဖြစ်တဲ့ နိုင်ငံတော် လုံခြုံရေးဆိုင်ရာ ပြုပြင်ပြောင်းလဲရေးကိစ္စရပ်တွေအတွက် တပ်မတော်အချင်း ချင်း ပူးပေါင်းဆောင်ရွက်နိုင်မယ့် ကိစ္စတွေကိုလည်း ဆွေးနွေးခဲ့ပါတယ်။

 

ဒါ့အပြင် စီးပွားရေးအသင်းအဖွဲ့များ၊ ကုမ္ပဏီကြီးများနဲ့လည်း တွေ့ဆုံပြီး မြန်မာ့စီးပွားရေးဖွံ့ဖြိုးတိုးတက်မှု အတွက် အလိုအပ်ဆုံးဖြစ်တဲ့ တာဝန်သိပြီး တာဝန်ယူမှုရှိတဲ့ ရင်းနှီးမြှုပ်နှံမှုနဲ့ ကုန်သွယ်မှုတွေ တိုးတက်စေဖို့ ဆွေးနွေးဆောင်ရွက်နိုင်ခဲ့ပါတယ်။ နှစ်နိုင်ငံ ပြည်သူများအကြား ရင်းနီးချစ်ကြည်မှု တိုးတက်စေဖို့အတွက် အရပ်ဘက် အဖွဲ့အစည်းများကိုလည်း တွေ့ဆုံခဲ့ပါတယ်။

 

အပြောင်းအလဲကာလမှာလိုအပ်တဲ့ နိုင်ငံတကာအကူအညီတွေ၊ ထောက်ခံမှုတွေနဲ့ နားလည်ပေးမှုတွေကို ရရှိဖို့အတွက် အရေးကြီးတဲ့ နိုင်ငံခြား ခရီးစဉ်များကိုလည်း ကျွန်တော့်အနေနဲ့ အချိန်ပေး သွားရောက် နေခြင်းလည်းဖြစ်ပါတယ်။

 

ဇူလိုင်လဟာဆိုရင် မြန်မာ့နိုင်ငံရေးသမိုင်းမှာ ခက်ခဲကြမ်းတမ်းတဲ့ အချိန်ကာလတစ်ရပ်ဖြစ်ပါတယ်။ ဝမ်း နည်းစရာတွေ၊ သံဝေဂရစရာတွေ ရှိနေသလို တိုင်းပြည်ရဲ့ အနာဂတ်အတွက် သမိုင်းသင်ခန်းစာယူစရာ တွေလည်း အပြည့်ရှိနေပါတယ်။ နိုင်ငံရေးအကျပ်အတည်းတွေကို အကြမ်းဖက် တဲ့နည်းလမ်းနဲ့ ဖြေရှင်းဖို့ ကြိုးပမ်းတာတွေကို ကြုံတွေ့ခဲ့ရပြီး နောက်ဆုံးမှာ တိုင်းပြည်အတွက် ဘယ်လောက်ထိခိုက်နစ်နာ စေခဲ့တယ်ဆိုတာ မိဘပြည်သူများအသိပဲဖြစ်ပါတယ်။ မြန်မာ့နိုင်ငံရေးသမိုင်းမှာ ဒီမိုကရေစီ အလေ့အထရဲ့ အဓိက စံတန်ဖိုးတွေဖြစ်တဲ့ မတူညီတဲ့ အယူအဆတွေကို ထုတ်ဖော်ပြောဆိုခွင့် ၊ လွတ်လပ်စွာ သဘော ထားကွဲလွဲပိုင်ခွင့် ၊ ဆွေးနွေးငြင်းခုံခွင့်တွေကို လက်မခံနိုင်တဲ့သူများ အစွန်းရောက်နိုင်ငံရေးသမားများရဲ့ အန္တရာယ်ဟာ တိုင်းပြည်အတွက် ဘယ်လောက်တောင် ဆိုးကျိုးကြီးမားနိုင်တယ်ဆိုတာကို အမြဲသတိပေး နေတာလည်း ဖြစ်ပါတယ်။

 

တိုင်းပြည် လွတ်လပ်ရေးရအောင် ဆောင်ကြည်းပေးခဲ့တဲ့ ခေါင်းဆောင်ကြီးတွေဖြစ်တဲ့ ဗိုလ်ချုပ်အောင်ဆန်း နဲ့တကွ အာဇာနည်ကြီးတွေကျဆုံးခဲ့တဲ့ ဇူလိုင်လ ၁၉ ရက်နေ့ဟာ ဆိုရင် မြန်မာ့သမိုင်းမှာ မမေ့ထိုက်တဲ့ နေ့တစ်နေ့ ဖြစ်ပါတယ်။ ဗိုလ်ချုပ်နဲ့ အာဇာနည်ကြီးများ၊ ကျဆုံးလေပြီးတဲ့ ခေါင်းဆောင်များရဲ့ ကျေးဇူး တရားတွေကို အမြဲအမှတ်ရနေရမယ့် နေ့ရက်တစ်ရက်လည်းဖြစ်ပါတယ်။ ဒီလိုဂုဏ်ပြုထိုက်တဲ့ ပုဂ္ဂိုလ်တွေ ကို အစိုးရအနေနဲ့လည်း နိုင်ငံတော်အဆင့် ခမ်းခမ်းနားနား ဂါရ၀ပြုခဲ့သလို အများပြည်သူလူထုကလည်း အထူးသဖြင့် လူငယ်တွေကိုယ်တိုင် တက်တက်ကြွကြွနဲ့ တစ်ခဲနက် ဂုဏ်ပြုနိုင်ခဲ့တာ ဟာလည်း မြန်မာ့နိုင်ငံ ရေး အပြောင်းအလဲတွေရဲ့ အောင်မြင်မှုတစ်ရပ်လို့ ဆိုရမှာဖြစ်ပါတယ်။

 

ပြည်သူအများသိရှိပြီး ဖြစ်တဲ့ အတိုင်း ကျွန်တော်တို့ အစိုးရအဖွဲ့အနေနဲ့ နိုင်ငံခြားခရီးစဉ်မထွက်ခွာမီမှာ တစ်ကြိမ်၊ နိုင်ငံခြား ခရီးစဉ်က ပြည်ရောက်ချင်း ၂၂ ရက်နေ့မှာ တစ်ကြိမ် ဘာသာပေါင်းစုံချစ်ကြည်ညီ ညွတ်ရေး အဖွဲ့ခေါင်းဆောင်လူကြီးများ၊ လွှတ်တော်ရေးရာကော်မတီဥက္ကဋ္ဌ၊ လူ့အခွင့် အရေးကော်မရှင်က တာဝန်ရှိသူများနဲ့ တွေ့ဆုံပြီး ဘာသာပေါင်းစုံချစ်ကြည် ညီညွတ်ရေးနဲ့ ပဋိပက္ခ ကာကွယ်တားဆီးရေး ကိစ္စတွေကို ဆွေးနွေးခဲ့ပါတယ်။

 

အကြောင်းတိုက်ဆိုင်တဲ့အတွက် ဒီနေရာမှာ ကျွန်တော့်အနေနဲ့ ဗိုလ်ချုပ် အောင်ဆန်းရဲ့ အလယ်ပစ္စယံ ညီလာခံမိန့်ခွန်းကို ကိုးကားပြီး ပြောကြားလို ပါတယ်။ အဲ့ဒီမိန့်ခွန်းမှာ ဗိုလ်ချုပ်က လွတ်လပ်စွာ ဘာသာကိုး ကွယ်နိုင်မှုဟာ နိုင်ငံသားအခွင့်အရေးတွေထဲက တစ်ခုဖြစ်တယ်ဆိုတာ မြွက်ကြားခဲ့တဲ့အပြင် ဘာသာ တရားက သစ္စာ ၊ မေတ္တာ နဲ့ သမ္မာ အာဇီဝ၊ သမ္မာကမ္မန္တတို့ကို ဓမ္မအနေနဲ့ဟောကြားပြီး လူမှုမှာလည်း ဒီဓမ္မ တွေကိုလေးစားကြောင်း လူမှုတိုးတက်ရေး နဲ့ ဘာသာရေးတို့ဟာ တစ်ခုနဲ့တစ်ခု ဆန့်ကျင်ဘက်သဘော မဆောင်ကြောင်း၊ ဒါပေမယ့် ဘာသာတရားရဲ့နာမကို အလွဲသုံးစားလုပ်ပြီး၊ ဆင်ခြင်တုံတရား ကင်းမဲ့ခြင်းကို အကြောင်းပြုပြီး၊ မတရားတဲ့အမှုတွေကိုပြုရင်တော့ လူ့အဖွဲ့ အစည်းက အဲဒီမတရားမှုကိုလျစ်လျူရှုနိုင်မှာ မဟုတ်ဘူးလို့ အတိအလင်း ပြောကြားခဲ့ပါတယ်။

 

လူအများကို နစ်နာစေမယ့် တရားဓမ္မဖြစ်လေဟန် ဟောပြောမှုတွေ၊ လုပ်ဆောင်မှုတွေကိုလည်း တားမြစ် သွားရမယ်လို့ အဲဒီမိန့်ခွန်းမှာ ထင်ထင်ရှားရှားကြီးဖော်ပြခဲ့ပါတယ်။ အဲသလိုပဲ လွတ်လပ်စွာ ဘာသာကိုး ကွယ်နိုင်မှု ဆိုတဲ့ အခွင့်အရေးကို ပေးတဲ့နေရာမှာတော့ နိုင်ငံရေးနဲ့ ကိုးကွယ်သည့် ဘာသာရေး နှစ်ဌာန စပ်ကြား စည်းတားရပေလိမ့်မည်လို့ ဆိုခဲ့ပါတယ်။ ဘာသာရေးနဲ့ နိုင်ငံရေးကို ရောစပ်ပါမူ ဘာသာရေး၏ သဘောတရားကို ဆန့်ကျင်ရာရောက်ပေ၏လို့ဆိုခဲ့ပါတယ်။ ဗိုလ်ချုပ်ရဲ့ အလယ်ပစ္စယံ ညီလာခံမိန့်ခွန်းဟာ ဒီကနေ့ ကျွန်တော်တို့ နိုင်ငံအခြေအနေမှာ များစွာစဉ်းစားစရာ၊ များစွာ သင်ခန်းစာယူစရာ ဖြစ်တယ်လို့ ဆိုရမှာဖြစ်ပါတယ်။

 

ပြည်တွင်းငြိမ်းချမ်းရေး ဖြစ်စဉ်နဲ့ ပတ်သက်လို့ တိုးတက်လာမှုအချို့ကိုလည်း အသိပေးပြောကြားလိုပါတယ်။ လတ်တလောအခြေအနေမှာ ပြည်တွင်းငြိမ်းရေး ဖော်ဆောင်ရေးလုပ်ငန်းကော်မတီအဖွဲ့ဝင်များဟာ SSPP/SSA အဖွဲ့နဲ့ တွေ့ဆုံဆွေးနွေးမှုတွေ ဆောင်ရွက်နိုင်ခဲ့ပါတယ်။ “ဝ” အထူးဒေသ (၂) ငြိမ်းချမ်းရေး ဖော်ဆောင်ရေး အဖွဲ့နဲ့လည်း တွေ့ဆုံဆွေးနွေးနိုင်ခဲ့သလို နှစ်ဖက်သဘောတူညီချက်တွေလည်း ထုတ်ပြန် ကြေညာနိုင်ခဲ့ပါတယ်။ မြစ်ကြီးနားမြို့မှာလည်း ကေအိုင်အေ အဖွဲ့ရဲ့ နည်းပညာအဖွဲ့ အကြံပေးရုံးကိုလည်း ပြန်လည်ဖွင့်လှစ်နိုင်ခဲ့ပြီဖြစ်တဲ့ အတွက် ငြိမ်းချမ်းရေးဆွေးနွေးရာမှာ ထိထိရောက်ရောက်ရှိစေမယ့် ဆက် သွယ်ရေးလမ်းကြောင်းတွေ ပွင့်လင်းလာပြီးလို့ ဆိုရမှာဖြစ်ပါတယ်။။ တိုင်းရင်းသား လက်နက်ကိုင် အဖွဲ့များ အားလုံးနဲ့ လိုအပ်တဲ့ ဆွေးနွေးညှိနိုင်းမှုတွေ ဆက်လက်လုပ်ဆောင်နေပြီး မကြာမီမှာ တစ်တိုင်းပြည်လုံး အတိုင်းအတာနဲ့ အပစ်အခတ် ရပ်စဲရေးသဘောတူညီမှု လက်မှတ်ရေးထိုးနိုင်မယ်လို့ ကျွန်တော့်အနေနဲ့ ယုံကြည်ပါတယ်။ နောက်တစ်ဆင့် နိုင်ငံရေးဆွေးနွေးမှုတွေပြုလုပ်တဲ့အခါ မှာလည်း သက်ဆိုင်တဲ့အင်အားစု တွေအားလုံး ပူးပေါင်းပါဝင်ဆောင်ရွက်နိုင် ဖို့အတွက် လိုအပ်တဲ့ ပြင်ဆင်မှုတွေကို ဆောင်ရွက်လျက် ရှိနေပါတယ်။

 

ကျွန်တော်တို့ ရဲ့ ပြုပြင်ပြောင်းလဲ့ရေးလုပ်ငန်းစဉ်မှာ အဓိကကျတဲ့ အမျိုးသား ပြန်လည်စည်းလုံး ညီညွတ် ရေးကို ရှေးရှုပြီး လက်ကျန်နိုင်ငံရေးအကျဉ်း သားစိစစ်ရေး ကော်မတီကနေ နိုင်ငံရေးအကျဉ်းသား ၇၃ ဦးကို လွတ်ငြိမ်း ချမ်းသာခွင့်ပေးခဲ့ပါတယ်။ ဆက်လက်ပြီး ကျွန်တော့်အနေနဲ့ ကျွန်တော်ကတိ ပေးထားတဲ့ အတိုင်း ဒီနှစ်ကုန်မှာ နိုင်ငံရေးအကျဉ်းသား တစ်ဦးတစ်ယောက် မှ မကျန်ရှိစေဖို့ ဆောင်ရွက်သွား မှာဖြစ်တဲ့ အကြောင်း မိဘပြည်သူများကို အသိပေးပြောကြားလိုပါတယ်။

 

ပြီးခဲ့တဲ့ ဇူလိုင်လအတွင်း မကွေးတိုင်းဒေသကြီးမြောက်ပိုင်း၊ မန္တလေးနဲ့ စစ်ကိုင်းတိုင်းဒေသကြီး တချို့မြို့ နယ်တွေမှာ မိုးခေါင်မှုတွေကြောင့် စိုက်ပျိုးထားတဲ့ သီးနှံအချို့ပျက်စီးဆုံးရှုံးမှု ရှိကြောင်း သိရှိရပါတယ်။ တောင်သူလယ်သမားများများ ဆုံးရှုံးနစ်နာမှုမရှိစေရန်နှင့် သီးနှံအသစ်များ ပြန်လည်စိုက်ပျိုးနိုင်ရေး အတွက် ကျွန်တော်တို့ အစိုးရ အဖွဲ့အနေနဲ့ ကွင်းဆင်းစစ်ဆေးပြီး လိုအပ်သည်များကို ကူညီဆောင်ရွက် ပေးသွားမှာဖြစ်ပါတယ်။

 

ကျွန်တော့်အနေနဲ့ ပြည်တွင်းငြိမ်းချမ်းရေးရအောင်၊ ဆင်းရဲနွမ်းပါးမှု လျော့ကျပြီး စီးပွားရေး ပြန်လည်ဖွံ့ဖြိုး တိုးတက်လာအောင် ကျွန်တော်တို့ရဲ့မျိုးဆက်သစ်လူငယ်တွေ အတွက် ပိုမိုကောင်းမွန်တဲ့ အနာဂတ်တွေ ဖန်တီးပေးနိုင်ဖို့ တစိုက်မတ်မတ် ကြိုးပမ်းဆောင်ရွက်လျက်ရှိတဲ့ အကြောင်း ပြောကြားရင်းနိဂုံးချုပ်ပါတယ်။

မိဘပြည်သူများ ကိုယ်စိတ်နှစ်ဖြာ ကျန်းမာချမ်းသာကြပါစေ။

By ပြန်ကြားရေးဝန်ကြီးဌာန