Friday, August 16, 2013

တောင်ကုတ် လူသတ်မူကို တရားရုံးမှာ စတင်စစ်ဆေး

Posted by ရွှေသတင်းသစ် , at 12:48 PM
ရခိုင်ပြည်နယ် တောင်ကုတ်မြို့မှာ မနှစ်ကဖြစ်ပွားခဲ့တဲ့ မွတ်စလင် ဘာသာရေးခေါင်းဆောင်တွေအပါအဝင် လူ ၁ဝ ယောက် အသတ်ခံခဲ့ရတဲ့အမှုနဲ့ ပတ်သက်ပြီး ဖမ်းဆီးထားသူတွေကို သံတွဲခရိုင်တရားရုံးမှာ အင်္ဂါနေ့က စတင်စစ်ဆေးခဲ့ပါတယ်။
သူတို့ကို လူသတ်မှုနဲ့ တရားစွဲဆိုထားပြီး၊ လာမယ့် သြဂုတ်လ ၂၆ ရက်နေ့မှာ အမှုကိုစတင်ကြားနာမယ်လို့ ရဲအရာရှိတစ်ဦးကပြောပါတယ်။
ဖမ်းဆီးထားသူ ၆ ဦးလုံး ဗုဒ္ဓဘာသာဝင်တွေဖြစ်ကြပြီး၊ စစ်ဆေးမေးမြန်းပြီးမှ ဖမ်းဆီးခဲ့တာဖြစ်တယ်လို့ ဆိုပါတယ်။
၂၀၁၂ ခုနှစ် ဇွန် ၃ ရက်နေ့က အစ္စလာမ်ဘာသာရေးခေါင်းဆောင်တွေ လိုက်ပါလာတဲ့ ဘတ်စ်ကားတစ်စီးပေါ်က လူ ၁ဝ ဦးကို တောင်ကုတ်မြို့မှာ လူအုပ်စုတစ်စုက ကားပေါ်ကဆွဲချပြီး သတ်ဖြတ်ခဲ့ပါတယ်။
အဲဒီဖြစ်ရပ်ဖြစ်ပွားပြီး တစ်နှစ်ကျော်အကြာ ပြီးခဲတဲ့ဇူလိုင်လ ၁၇ ရက်က ဒီသတ်ဖြတ်မူနဲ့ ပတ်သက်ပြီး မသင်္ကာသူ ၆ ဦးကို ရဲကဖမ်းဆီးခဲ့ပြီး၊ သံတွဲအကျဉ်းထောင်ကို ပို့ခဲ့ပါတယ်။
တောင်ကုတ်လူသတ်မှု ဖြစ်ပွားအပြီး ရခိုင်ပြည်နယ်မှာ လူမျိုးရေးဘာသာရေးကိုအခြေခံတဲ့ အကြမ်းဖက်ပဋိပက္ခတွေ စတင်ဖြစ်ပွားခဲ့ရာမှာ လူနှစ်ရာကျော် သေဆုံးခဲ့ပါတယ်။

RFA
categories

သင့်ရဲ့ အီးမေးလ် လိပ်စာ ရိုက်ထည့်ပါ

ရွှေသတင်းသစ် အွန်လိုင်းမီဒီယာ မှ သင့်အီးမေးလ်သို့သတင်း နှင့် ကဏ္ဍအားလုံး ပိုစ့်အသစ် တင် တိုင်း ၊ အရောက် ပို့ဆောင်ပေးသွားပါမည်။

0 comments to “တောင်ကုတ် လူသတ်မူကို တရားရုံးမှာ စတင်စစ်ဆေး”

Post a Comment

Subscribe to: Post Comments (Atom)
 
. | © 2013 by ရွှေသတင်းသစ် and - | Powered by Shwe New News