အမှုကြီးများဖြစ်ပွားမှု မြင့်တက် လာ၍ မန္တလေးမြို့ခံများ စိုးရိမ်

By 7Day News

မြန်မာနိုင်ငံ၏ ယဉ်ကျေးမှု မြို့တော်ဟု သတ်မှတ် ထားသော မန္တလေးမြို့တွင် နေ့ခင်းကြောင်တောင် လုယက် လူသတ်မှုများ၊ လူစည်ကားရာ ကျူံးဘေး ပတ်လည်၌ ဓားဖြင့် လိုက်ခုတ်သည့် ဖြစ်စဉ်များ၊ ဆိုင်ကယ်ဖြင့် အဖိုးတန်ပစ္စည်းများ လိုက်လံ လုယူနေသည့် ဖြစ်စဉ် များကြောင့် မြို့ခံများ၏ လုံခြုံရေးပူပန်မှု ဒီရေကို အရှိန်မြင့်စေ ခဲ့သည်။ မန္တလေးမြို့ပေါ်တွင် နေအိမ်များအတွင်း ၀င်ရောက်ကာ ပစ္စည်းလု၊ လူသတ်မှု သုံးလ ဆက်တိုက် ဖြစ်ပွား ခဲ့သည်။

သြဂုတ်လ အတွင်းက ပြည်ကြီး တံခွန်မြို့နယ် အတွင်းရှိ အိမ်တစ်အိမ်တွင် နေ့ခင်းကြောင်တောင် အမျိုးသမီးတစ်ဦးကို သတ်ကာ ငွေကျပ်သိန်း တစ်ရာယူသွားသည့် အမှု ဖြစ်ခဲ့သည်။ စက်တင်ဘာလတွင်လည်း ချမ်းအေးသာစံမြို့နယ်၊ တိုက်ခန်းတစ်ခုတွင် နေ့ခင်းကြောင်တောင် တစ်ဦးတည်း ရှိနေသည့် အိမ်အကူ အမျိုးသမီးကို သတ်ကာ ငွေနှင့်တန်ဖိုးကြီးပစ္စည်းများ ယူဆောင်သွား မှုဖြစ်ခဲ့ပြန်သည်။ အခင်းဖြစ်ပွား ရာနေရာမှာ မြို့လယ်ကောင်၊ အစိုးရရုံးဌာန၀င်းအတွင်း အတင့်ရဲစွာဖြစ်ပွား ခဲ့ခြင်းကြောင့် မြို့ခံများ စိုးရိမ်စပြုလာသည်။ မြို့ခံများလုပ်ငန်းလုပ်ကိုင်ဖို့ အပြင်ထွက်လျှင်ပင် ကျန်ရစ်ခဲ့သည့် အိမ်နှင့်မိသားစုဝင်များကို စိတ်မချ၊ နောက်ဆံတင်း လာရသည်။

“အိမ်မှာ အမေက ကျန် ခဲ့တော့ စိတ်မချဘူး။ ခုဆို ဘယ်သူလာလာ တံခါးဖွင့်မပေးဖို့၊ တံခါးကိုလည်း ချက်ထိုးရုံတင်မကပဲ သော့ပါခတ်ထားဖို့ မှာထားရတယ်”ဟု ကျုံးဘေး ၂၆ ဘီလမ်းတွင် နေထိုင်ကာ မန္တလေးဈေးချိုတော်တွင် အထည်ဆိုင်ဖွင့် ထားသူ အမျိုးသား တစ်ဦးကပြောသည်။ စိုးရိမ်မှု အငွေ့မပြယ်သေးချိန် တစ်လမပြည့်မီအချိန်မှာပင် မန္တလေးမြို့၊ ချမ်းမြသာစည်မြို့နယ် ဗိုလ်ချုပ်ရွာတွင် သုံးလောင်းပြိုင်လူသတ်မှုနှင့် ဖောက်ထွင်းမှု ထပ်မံဖြစ်ပွားခဲ့သည်။ ပစ္စည်းလု၊ လူသတ်မှုများ ဖြစ်ပွားနေရုံတင် မကသေး၊ ဆိုင်ကယ်များဖြင့် လိုက်လံလုယက်မှုများကလည်း နေ့ညမရှောင် အဖြစ်များ လာသည်။ လုယက်သူများက အမျိုးသမီးများကို ပစ်မှတ်ထားကာ လုယက်နေပြီး ပိုက်ဆံအိတ်များ၊ လက်ကိုင်ဖုန်းများ၊ ဆွဲကြိုးများ၊ မကြာခဏ အလုယက်ခံ နေရသည်။

“အပြင်ထွက်ရင် ဆွဲကြိုးတို့ ဘာတို့ တန်ဖိုးကြီးပစ္စည်းဆို အိတ်ထဲသေချာထည့်ပြီးထွက်တယ်။ ဘေးနားကို တစ်ယောက်ယောက်ကပ်လာပြီဆိုရင်ကို လူကလန့်နေပြီ။ တချို့ဆို ပစ္စည်းပါမှာစိုးလို့ ပြန်ဆွဲရင်း ဆိုင်ကယ်လဲပြီး အနာတရဖြစ်တာတွေလည်းရှိတယ်”ဟု မန္တလေးဈေးချိုတော်မှ အထည်ဆိုင်ဖွင့်ထားသူ မမို့မို့ကပြောသည်။ အပြင်ထွက်သည့်သူက အိမ်မှာကျန်နေသူကို စိတ်မချသလို အိမ်မှာကျန်နေသူကလည်း လမ်းထွက်မည့်သူကို စိတ်ပူပန်နေရသည့် အခြေအနေမျိုးဖြစ်သည်။ အိမ်အပြင် မဖြစ်မနေထွက်နေသူများအတွက် ဆိုင်ကယ်ဖြင့် လုယက်မှာကို ကြောက်ရတာအပြင် နောက်ထပ်စိုးရိမ်စရာ အခြေအနေတွေက ရှိနေသေးသည်။ မန္တလေးမြို့ နန်းမြို့ကျုံးပတ်လည်တွင် ခေတ်ပေါ်ဆိုင်ကယ်များ စီးကာ ဓားဖြင့်လိုက်ခုတ်သည့်ဖြစ်စဉ်များပင်ဖြစ်သည်။

လွန်ခဲ့သည့် သြဂုတ်လအတွင်း ည ၈နာရီအချိန်ခန့်က ရှစ်တန်းကျောင်းသားတစ်ဦးပါဝင်သည့် ဆိုင်ကယ်စီးလူငယ်အုပ်စုက အခြားလူငယ်အုပ်စုကို ဓားဖြင့်ဝင်ခုတ်ခဲ့သည်။ ကျုံးမြောက်ဘက် တိရစ္ဆာန်ဥယျာဉ်အနီးတွင် ကိုစည်သူအောင်ဆိုသည့် လူငယ်တစ်ဦးအပါအ၀င် သူငယ်ချင်းတစ်စု ညဦးပိုင်းအနားယူနေစဉ် ၎င်းတို့နှင့် သိကျွမ်းခင်မင်မှုမရှိသော အခြားလူငယ်တစ်စုက ဓားများဖြင့် ၀င်ခုတ်ခြင်းဖြစ်သည်။ ဓားခုတ်ခံရမှုကြောင့် လူငယ်တစ်စု ဒဏ်ရာများရရှိခဲ့ပြီး ကိုစည်သူအောင်၏ လက်ကောက်ဝတ်အပေါ်ပိုင်း၊ တံတောင်ဆစ်၊ နောက်ကျောနှင့် ခေါင်းများတွင် ထိခိုက်ဒဏ်ရာများ ရရှိခဲ့သည်။ “ကျွန်တော်တို့နဲ့ သိလည်းမသိဘူး။ ရန်ငြိုးရန်စလည်းမရှိဘူး။ သူတို့က ခေါင်းပိုင်းတွေကို ဦးတည်ပြီး ၀င်ခုတ်တာ”ဟု ဓားခုတ်ခံရသူ ကိုစည်သူအောင် ကပြောသည်။

အုပ်စုဖွဲ့မူးယစ်ရမ်းကားသူများသည် မန္တလေးမြို့မှ လူငယ်များကြား နောက်ဆုံးပေါ် ယဉ်ကျေးမှုတစ်ခုအသွင် စိမ့်ဝင်ပျံ့နှံ့လာနေသည်။ မန္တလေး ကျုံးဘေးတစ်လျှောက်သာမက ကန်တော်ကြီးနှင့် တာရိုးတစ်လျှောက်တွင်လည်း ညပိုင်းအချိန်များ၌ မော်တော်ကား၊ ဆိုင်ကယ်များဖြင့် အုပ်စုဖွဲ့မူးယစ်ရမ်းကားမှုများ၊ နားနေအပန်းဖြေသူများအပေါ် အကြောင်းမဲ့ ရန်ပြုတိုက်ခိုက်ခံရမှုများ မကြာခဏဖြစ်ပွားနေသည်ဟု မြို့ခံအချို့ကပြောသည်။ မန္တလေးခရိုင်ရဲတပ်ဖွဲ့မှူုးရုံး မှတ်တမ်းများအရ မန္တလေးခရိုင်အတွင်းရှိ မြို့နယ်ခုနစ်မြို့နယ်တွင် နှစ်စမှ စက်တင်ဘာလကုန်အထိ ကိုးလအတွင်း လူသတ်မှု၊ ခိုးမှု အစရှိသည့် အမှုကြီးပေါင်း ၃၉ မှု ဖြစ်ပွားခဲ့သည်။ ပြီးခဲ့သည့် ၂၀၁၂ ခုနှစ် အလားတူကာလအတွင်း အမှုကြီး ၁၉ မှုသာ ဖြစ်ပွားခဲ့သောကြောင့် ယခုနှစ်အတွင်း အမှုကြီးဖြစ်ပွားမှုနှုန်းမှာ ယမန်နှစ်ထက် နှစ်ဆကျော်ခန့် မြင့်တက်လာသည်ဟု ဆိုရမည်ဖြစ်သည်။

ယခုနှစ် ဇန်န၀ါရီ ၁ ရက်မှ စက်တင်ဘာလကုန်အထိ ဆွဲကြိုးဖြတ်မှု၊ နေအိမ်အတွင်းဝင်ခိုးမှုများ စသည့် အခြားအမှုပေါင်း ၅၁ မှု ဖြစ်ခဲ့သောကြောင့် ပြီးခဲ့သည့် ၂၀၁၂ ခုနှစ် ကိုးလအတွင်း ဖြစ်ပွားသည့် အမှုများထက် ထက်ဝက်ကျော်ခန့် ပိုမိုမြင့်တက်လာကြောင်း ခရိုင်ရဲတပ်ဖွဲ့ရုံးမှတ်တမ်းများ၌ ဖော်ပြသည်။ ယခုနှစ်အတွင်း ဖြစ်ပွားခဲ့သည့် အမှုကြီးများတွင် လူသတ်မှု ၂၅ မှု၊ မုဒိမ်းမှု ၁၂ မှုနှင့် ခိုးမှုနှစ်မှုတို့ပါဝင်နေပြီး ၎င်းအမှုများ အနက်လေးမှုမှာ တရားခံမပေါ်သေးကြောင်း ခရိုင်ရဲတပ်ဖွဲ့မှူး ဒုရဲမှူးကြီးစိန်ထွန်းကပြောသည်။ အဆိုပါလူသတ်မှုများနှင့်ပတ်သက်၍ သက်ဆိုင်ရာရဲစခန်းများမှ တရားခံဖြစ်သူများ ဖော်ထုတ်နိုင်ရန် စုံစမ်းစစ်ဆေးနေဆဲဖြစ်ကြောင်း လူသုံးဦးကိုသတ်သွားသည့် ကုမ္ပဏီဂိုဒေါင်မှ လူသတ်မှုအား အထူးအမှုစစ်အဖွဲ့ဖြင့် စုံစမ်းစစ်ဆေးနေပြီဖြစ်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူရဲအရာရှိကပြောသည်။

စက်တင်ဘာ ၂၃ ရက်ကလည်း အောင်မြေသာစံမြို့နယ်၊ စာတိုက်ကြီး အနီးရှိ အိမ်တစ်အိမ်၌ နေ့ခင်းအချိန် ငွေကျပ်သိန်းတစ်ရာတိတိ ခိုးယူသွားသည့်အမှု ဖြစ်ပွားခဲ့ပြီး ခိုးယူခံရချိန်က အိမ်တွင်လူမရှိ၍သာ အသက်အန္တရာယ်ပြုမသွားခဲ့ခြင်းဖြစ်ကြောင်း ခိုးယူခံခဲ့ရသည့် အိမ်ရှင်အမျိုးသားကပြောသည်။ မန္တလေးခရိုင်အတွင်းရှိ မြို့နယ်ခုနစ်မြို့နယ် အနက် အောင်မြေသာစံမြို့နယ်၊ ချမ်းအေးသာစံမြို့နယ်၊ ချမ်းမြသာစည်မြို့နယ်၊ မဟာအောင်မြေမြို့နယ်များတွင် ရာဇ၀တ်မှုများ ပို၍အဖြစ်များနေကြောင်း ခရိုင်ရဲတပ်ဖွဲ့မှူးရုံးမှတ်တမ်းများတွင် ဖော်ပြသည်။ “ရဲတွေကလည်း နေ့ရောညရောပတ်နေတာပဲ။ မှုခင်းတွေကလည်း ဖြစ်နေတာပဲ။ ပြည်သူတွေ ပူးပေါင်းပါဝင်ပြီး သတင်းပေးမှ အမှုတွေမြန်မြန်ဖော်ထုတ်နိုင်မှာ”ဟု ခရိုင်ရဲတပ်ဖွဲ့မှူး ဒုရဲမှူးကြီးစိန်ထွန်း ကပြောသည်။

မန္တလေးဗဟိုအကျဉ်းထောင်မှ လွတ်ငြိမ်းချမ်းသာခွင့်ရခဲ့သည့် အမှုကျူးလွန်ခဲ့သူများအနေဖြင့် မိမိနေရပ်သို့မပြန်ဘဲ မန္တလေးမြို့အတွင်းမှာပင် ဆက်လက်နေထိုင်နေကြရာမှ ရာဇ၀တ်မှုများ ပြန်လည်ကျူးလွန်မှုများရှိသလို စစ်ပြေး၊ ရဲပြေး၊ တရားခံပြေး၊ ရဲဘက်ပြေး စသည့် ပြေးလေးပြေးများမှ ရာဇ၀တ်မှုများ ကျူးလွန်သည့် ဖြစ်စဉ်များလည်းရှိနေကြောင်း တိုင်းရဲရုံးမှ တာဝန်ရှိသူရဲအရာရှိက သုံးသပ်ပြောကြားသည်။ “ဒီဘက်ခေတ် ရောက်လာတာနဲ့အမျှ ထူးဆန်းတဲ့အမှုတွေ ပိုပိုတွေ့လာရတယ်။ တော်တော်လေးဖြစ်တောင့်ဖြစ်ခဲအမှုတွေ ဖြစ်လာတာတွေ့ရတယ်။

ရန်ငြိုးရန်စမရှိဘဲ လူငယ်တွေ အုပ်စုဖွဲ့ရမ်းကားတာမျိုးတွေလည်း တွေ့လာရတယ်။ မိဘတွေအနေနဲ့လည်း ကိုယ့်သားသမီးကို ထိန်းဖို့လိုနေပြီ”ဟု အဆိုပါရဲအရာရှိကပြောသည်။ မှုခင်းများ ပိုမိုဖြစ်စေရန်အတွက် မန္တလေးမြို့၏ လုံခြုံရေးအခြေအနေကလည်း လျော့ရဲမှုရှိနေသည်ဟု မြို့ခံများကဝေဖန်သည်။ လုံခြုံမှုအားနည်းခြင်း၊ မြို့ခံလူငယ်များအတွက် အလုပ်အကိုင်အခွင့်အလမ်း နည်းပါးခြင်းနှင့် မြို့ပြဖွံ့ဖြိုးလာသော်လည်း ရဲစခန်း၊ ရဲတပ်ဖွဲ့ဝင်အင်အားများ အလိုက်သင့် တိုးပွားများပြားလာမှုမရှိခြင်းများက မြို့ခံများ မလုံခြုံမှုဖြစ်စေသလို မှုခင်းများကိုလည်း ပိုမိုဖြစ်ပွားစေသည်ဟု မြို့ခံအချို့က ထင်မြင်ယူဆသည်။ မန္တလေးခရိုင်တွင် လူဦးရေ ၁၄ သိန်းကျော်ရှိကြောင်း မန္တလေးစည်ပင်၏ စာရင်းဇယားများတွင် ဖော်ပြထားသည်။

သို့သော် မန္တလေးခရိုင်၌ ရဲတပ်ဖွဲ့အင်အား တစ်ထောင်သာရှိကြောင်း မန္တလေးခရိုင်ရဲတပ်ဖွဲ့မှူးကပြောသည်။ မန္တလေးမြို့ပေါ်တွင် ရပ်ကွက်တစ်ခုလုံးမှ မူးယစ်ဆေးဝါးရောင်းဝယ်နေမှုများ၊ မူးယစ်ဆေး အလွယ်တကူဝယ်ယူသုံးစွဲနိုင်သည့် နေရာများ၊ အရက်ဆိုင်၊ ဘီယာဆိုင်များ နေရာတိုင်းတွင် ဖွင့်လှစ်ရောင်းချနေမှုများက လူငယ်လူရွယ်များကို ပိုမိုပျက်စီးစေပြီး မှုခင်းဖြစ်ရပ်များဖြစ်ပွားစေရန် တွန်းအားပေးသကဲ့သို့ ရှိနေသည်ဟု မြို့ခံများကပြောသည်။ လက်ရှိမန္တလေးမြို့တွင် အုပ်စုဖွဲ့မူးယစ်ရမ်းကားမှုများ၊ မိန်းကလေးများကို ပစ်မှတ်ထားသည့် ဆိုင်ကယ်ဖြင့် အဖိုးတန်ပစ္စည်းလုယူမှုများ၊ နေအိမ်ဖောက်ထွင်းခိုးယူမှုများ ဆက်တိုက်ဖြစ်ပွားနေဆဲဖြစ်သည်။ ရဲတပ်ဖွဲ့ဝင်များ ကင်းလှည့်နေသည့်ကြားမှ လက်နက်များ၊ ချိန်းကြိုးများဝှေ့ယမ်းကာ ဆိုင်ကယ်စီးသူ၊ ကားစီးသူအချင်းချင်း အန္တရာယ်ပြုတိုက်ခိုက်မှုများသည် ညအချိန် ကျူံးဘေးတစ်လျှောက်တွင် ဖြစ်ပွားနေဆဲဖြစ်သည်။ 

ညီညီဇော်၊ မောင်တာ၊ အေးမွန်ရာပြည့်