မျက်မှောက်ခေတ်လူငယ်နှင့် အနာဂတ်သာသနာ

သိပ္ပံပညာတိုးတက်ထွန်းကားမှု အဆင့်ဆင့်သည်ဗုဒ္ဓသာသနာတော်အဆုံးအမ မည်မျှမှန်ကန်သည်ကို သက်သေပြနေသကဲ့သို့ရှိလာပေ သည်။ ဗုဒ္ဓသာသနာတော်ထွန်းကားပြန့်ပွားမှုကို လိုလားသူတိုင်းသိပ္ပံပညာတိုးတက်မှုကို ကြိုဆိုအပ်ပေသည်။

သိပ္ပံပညာ မည်မျှထွန်းကားလာပါစေ၊ ဗုဒ္ဓဟောကြားတော်မူခဲ့သည့်ဓမ္မနိယာမ၊ဗီဇနိယာမ၊ ကမ္မနိယာမ၊စိတ္တနိယာမ၊ဥတုနိယာမတည်းဟူ သောနိယာမတရားငါးပါး၏ ဘောင်းအတွင်းမှာပင်ရှိနေမည်

သာဖြစ်ရာ အနတ္တဒေသနာသည်ကား ခိုင်မာသည်ထက် ခိုင်မာနေမည် သာပင်။

သို့သော် မျက်မှောက်ခေတ်လူငယ် အတော်များများမှာဗုဒ္ဓသာသနာတော်အဆုံးအမကို တိတိပပနားလည် သဘောပေါက်ခြင်းမရှိကြ ချေ။အထက်ကဆိုခဲ့သောလက်ယာအစွန်းရောက်ယုံမှားမှုနှင့်လက်ဝဲအစွန်းရောက်

ယုံမှားမှုတို့ကိုသာသူတို့ပတ်ဝန်းကျင်တွင်အများအားဖြင့် တွေ့မြင်နေကြရပေရာစစ်မှန်သောဗုဒ္ဓသာသ

နာတော်ကြီးဆက်လက်တည်တံ့ခိုင်မြဲပြန့်ပွားရေးအတွက် အသိတရားရှိသူတို့က၀ိုင်းဝန်းကြိုးပမ်းကြပါမှ
တော်ရုံကျပေလိမ့်မည်။

၁၉၈၀ ပြည့်လွန်နှစ်များတွင် အရှိန်အဟုန်ကောင်းစွာဖွံ့ဖြိုးတိုးတက်လာခဲ့သော အရှေ့တောင်အာရှကျွန်းနိုင်ငံတစ်ခုရှိ မှတ်တမ်းများအရ သူတို့နိုင်ငံတွင်သိပ္ပံပညာထွန်းကားမှုနှင့် ဗုဒ္ဓဘာသာကိုးကွယ်မှု ပြောင်းပြန်အချိုးကျခဲ့ကြောင်း တွေ့ရှိရသည်။

လူငယ်အများစုမှာသိပ္ပံပညာကိုသာအထင်ကြီးကိုးစားလာကြပြီးဗုဒ္ဓသာသနာတော်အားကျောခိုင်းလာကြသည်ဟုဆိုသည်။

အကယ်စင်စစ် ယင်းသို့ဖြစ်ရခြင်း၏အကြောင်းရင်းမှာသူတို့ဆီတွင် စစ်မှန်သောဗုဒ္ဓသာသနာ မထွန်းကားခဲ့ဘဲ ထိုလူငယ်တို့ထက် အလျင်ကျသော မျိုးဆက်မှာလည်းကြောင်းကျိုးမဲ့ အမျှော်စိတ်ကိုအခြေခံခဲ့သည့် အမည်ခံဗုဒ္ဓဘာသာဝင်များသာ ဖြစ်ခဲ့သောကြောင့်ပင်ဖြစ်သည်။

အချုပ်ဆိုရသော် အသိဉာဏ်နှင့် မယှဉ်သောယုံကြည်မှုမျိုးသည် သာသနာကွယ်ပရာ အကြောင်းတရားတစ်ရပ်ဖြစ်သည် ဆိုခြင်းကိုကျွန်ုပ်တို့အလေးအနက်သတိပြုအပ်ပေတော့သည်။