Monday, November 18, 2013

ဒေါ်အောင်ဆန်းစုကြည် တက်ရောက်ဆွေးနွေးမည့် အခြေခံဥပဒေဟောပြောပွဲ ခွင့်ပြုချက်ရပြီ

,

နေပြည်တော်တွင် နိုဝင်ဘာ ၁၈ ရက်တွင် ဒေါ်အောင်ဆန်းစုကြည် တက်ရောက်မည့် ၂၀၀၈ ဖွဲ့စည်းပုံ အခြေခံဥပဒေဆိုင်ရာ ဟောပြောပွဲကို တရားဝင် ခွင့်ပြုချက်ရပြီဟု ဥတ္တရသီရိမြို့နယ်၊ ပြည်သူ့လွှတ်တော်ကိုယ်စားလှယ် ဦးမင်းသူက မဇ္ဈိမကို ပြောသည်။


နေပြည်တော်၊ ဇမ္မူသီရိမြို့နယ်၊ လက်ပံခါးလှကျေးရွာတွင် ဒေါ်အောင်ဆန်းစုကြည် တက်ရောက်ဆွေးနွေးမည့် ၂၀၀၈ ဖွဲ့စည်းပုံအခြေခံဥပဒေဆိုင်ရာ ပြည်သူ့ဆန္ဒသဘောထားရယူရေး လူထုဟောပြောပွဲအခမ်းအနားကို နိုဝင်ဘာလ၁၈ရက်၊ နံနက်၈နာရီခွဲတွင် ကျင်းပမည်ဖြစ်သည်။ အဆိုပါ ပွဲကျင်းပခွင့်ကို ဒေသဆိုင်ရာ အာဏာပိုင်များက ဟောပြောပွဲ ကျင်းပရေးကော်မတီ၏ လျှောက်လွှာကို ငြင်းပယ်မှုများရှိခဲ့သည်။ ယင်းအတွက် ဇမ္မူသီရိမြို့နယ်၊ ရဲတပ်ဖွဲ့ရုံးတွင် ဒေသအာဏာပိုင်များက ပွဲစီစဉ်ကျင်းပသူများကို ခေါ်ယူတွေ့ဆုံခြင်းများလည်း ရှိခဲ့သည်။

"ဟောပြောပွဲကျင်းပဖို့ တရားဝင်ခွင့်ပြုလိုက်တယ်လို့ နိုဝင်ဘာ၁၇ရက်၊ နံနက်က အာဏာပိုင်တွေက အကြောင်းပြန်ခဲ့တာပါ" ဟု ဦးမင်းသူက ပြောသည်။

နေပြည်တော်ကောင်စီရုံး၏ အနီးအနားတွင် ရှိနေခြင်း၊ ပွဲကျင်းပမည့် နေ့သည် ရုံးဖွင့်ရက်ဖြစ်နေခြင်းနှင့် ပွဲကျင်းပခွင့်လျှောက်ရာတွင် ပွဲစီစဉ်သူလက်မှတ်သာ ပါရှိပြီး ဟောပြောမည့်သူ၏ လက်မှတ် မပါရှိဟုဆိုကာ ငြင်းပယ်ခဲ့ခြင်းဖြစ်ပြီး ဇမ္မူသီရိမြို့နယ် ပြင်ပသို့ နေရာပြောင်းလဲကျင်းပပါက ခွင့်ပြုမည်ဟု ဒေသဆိုင်ရာ အာဏာပိုင်များက အကြောင်းပြန်ခဲ့ကြောင်း ဦးမင်းသူ၏ ပြောကြားချက်အရ သိရသည်။

၎င်းက ဆက်၍“ကျွန်တော်တို့ကို သက်ဆိုင်ရာ ရဲတပ်ဖွဲ့ မှူးရုံးက ခေါ်ပါတယ်၊ ဥပဒေနဲ့အညီ ဆောင်ရွက်တာဖြစ်လို့ ကျွန်တော်တို့ ဒီနေရာကနေ မရွှေ့နိုင်ပါဘူးလို့ ပြန်လည်ဆွေးနွေးခဲ့တယ်” ဟု ပြောသည်။

ပွဲကျင်းပခွင့်အတွက် နိုဝင်ဘာလ ၁၃ရက်တွင် ခွင့်ပြုချက်တင်ပြခဲ့ခြင်းဖြစ်ပြီး ဒေသအာဏာပိုင်များက နိုဝင်ဘာလ ၁၄ရက်တွင် ငြင်းပယ်ခဲ့ခြင်းဖြစ်သည်။ နိုဝင်ဘာ ၁၆ ရက်နေ့တွင် သက်ဆိုင်ရာ ရဲတပ်ဖွဲ့မှူးရုံးမှ တာဝန်ခံမှတစ်ဆင့် ဖိတ်ခေါ်သည့်အတွက် ဟောပြောပွဲကျင်းပရေးကော်မတီက သွားရောက်တွေ့ဆုံခဲ့သည်။

အမျိုးသားဒီမိုကရေစီအဖွဲ့ချုပ်က ၂၀၀၈ဖွဲ့စည်းပုံအခြေခံဥပဒေဆိုင်ရာ ပြည်သူ့ဆန္ဒသဘောထားရယူရေး လူထုဟောပြောပွဲအခမ်းအနားများကို စက်တင်ဘာလမှစတင်ပြီး တိုင်းဒေသကြီးနှင့် ပြည်နယ်အသီးသီးတွင် ပြုလုပ်ခဲ့ရာ ထိုသို့ ကနဦးတားမြစ်ခံရခြင်းမျိုး မရှိခဲ့ကြောင်း အမျိုးသားဒီမိုကရေစီအဖွဲ့ချုပ်မှ သိရသည်။

1 comments:

  1. ဘယ်လိုပဲ ဆန္ဒ ခံယူပွဲ လုပ်လုပ် ၊
    ဘယ်လိုပဲ အခြေခံ ဥပဒေ ပြောင်းပြောင်း ၊
    ဒေါ်စု ကိုတော့ သမ္မတ ဖြစ်အောင် မဲမပေးကြပါနဲ့ ။
    သူသာ သမ္မတ ဖြစ်ရင် မြန်မာနိုင်ငံ မွတ်ဆလင် နိုင်ငံ ဖြစ်သွားပါလိမ့်မယ် ။

    ReplyDelete