ခရမ်းလွန် ရောင်ခြည်ဒဏ် ကာကွယ်ရန် အရေးကြီး၊ နေရောင်အောက်တွင် မလိုအပ်ဘဲ အချိန်ကြာကြာ မနေရန်နှင့် နေကာ အသုံးအဆောင်များ သုံးစွဲရန် တိုက်တွန်း

— နေပြည်တော်၊ မတ် ၂၂၊ ၂ဝ၁၃

ယခုကာလတွင် ခရမ်းလွန်ရောင်ခြည် အညွှန်းကိန်းမှာ သတ်မှန်စံချိန်ထက် သာလွန်နေသဖြင့် လူထုက ယင်း၏ အန္တရာယ်ကို သိနိုင်ရန်နှင့် မည်ကဲ့သို့ ကာကွယ် သင့်ကြောင်း သိရှိနိုင်ရန် ထုတ်ပြန်သင့်ကြောင်း မတ် ၂၂ ရက်က နေပြည်တော်ရှိ ပြည်သူ့ လွှတ်တော်တွင် ဆွေးနွေးခဲ့ကြသည်။

စမ်းချောင်း မဲဆန္ဒနယ်မှ ဦးစိုးဝင်းက မတ် ၁၅မှ ၁၇ အထိ ၃ ရက်တာ ကာလအတွင်း ခရမ်းလွန်ရောင်ခြည် ကျရောက်သည့်နှုန်းမှာ ၁၂.၃မှ ၁၃.၄ အထိ ရှိသဖြင့် လွန်စွာမြင့်မားလျက် ရှိပါကြောင်း၊ ခရမ်းလွန်ရောင်ခြည် အဆင့်မှာ ၈ ထက် မြင့်မားပါက အရေပြားကင်ဆာနှင့် မျက်စိတိမ်စွဲခြင်း တို့အပါအဝင် အခြားရောဂါ များ ဖြစ်နိုင်ကြောင်း၊ ကမ္ဘာ့ ကျန်းမာရေး အဖွဲ့ကြီးက မျက်စိကွယ်သူ လူဦးရေ ၃ သန်းတွင် ၂ဝ ရာခိုင်နှုန်းမှာ ခရမ်း လွန်ရောင်ခြည်ကြောင့် ဖြစ်သည်ဟု သိရပါကြောင်း၊ မကြာမီ သင်္ကြန်ပွဲတော် လည်း ကျရောက်တော့မည်ဖြစ် သဖြင့် လူအများအနေဖြင့် ခရမ်းလွန် ရောင်ခြည်၏ ဆိုးကျိုးများနှင့် ဆောင် ရန်ရှောင်ရန်များကို ထုတ်ပြန် ပေးရန် အရေးကြီး ပါကြောင်း၊ ခရမ်းလွန် ရောင်ခြည်ကို တိုင်းတာသည့် စက်လည်း မိမိတို့နိုင်ငံတွင် ရှိမရှိ မသိသကဲ့သို့ ယခုကိစ္စနှင့် ပတ်သက် ၍ ပြည်ထောင်စု အစိုးရ၏ ဆောင်ရွက်မှု များကို သိလိုကြောင်း မေးမြန်းခဲ့ပါ သည်။

ထိုမေးခွန်းအား ကျန်းမာရေး ဝန်ကြီးဌာန  ဒုတိယဝန်ကြီး ဒေါက်တာ သိန်းသိန်းဌေးက ရှင်းလင်းဖြေကြား ရာတွင်  ခရမ်းလွန်ရောင်ခြည်နှင့် ပတ်သက်၍ ကြိုတင် ကာကွယ်မှုများ ပြည်သူလူထု အတွင်း ကျယ်ကျယ် ပြန့်ပြန့် ပညာပေးလုပ်ဆောင်နိုင်ရန် တိုက်တွန်းသည့်အဆိုသည် လွန်စွာအ ရေးကြီးသည့်အားလျော်စွာ ကျန်းမာရေး ဝန်ကြီးဌာနက ထောက်ခံကြိုဆို ကြောင်း၊ ကမ္ဘာကြီး ပိုမိုပူနွေးလာပြီး ရာသီဥတု ပြောင်းလဲ လာချိန်တွင် ခရမ်းလွန်ရောင်ခြည် အညွှန်းကိန်း မြင့်တက် လာသည့် အန္တရာယ်ကို  ထိတ်လန့် တကြား မဟုတ်သော် လည်း လျစ်လျူ မရှုဘဲ နိုးကြားစွာကြိုတင် ကာကွယ် မှုများပြုလုပ်ရန် အထူးလိုအပ်ကြောင်း၊ အပူဒဏ် အန္တရာယ် ကာကွယ်ရေး နှိုးဆော်ချက်များကို ကျန်းမာရေး ဝန်ကြီးဌာန အနေဖြင့် အမြဲတစေ ထည့် သွင်းဖော်ပြလျက်ရှိကြောင်း၊ ခရမ်းလွန် ရောင်ခြည်ကို ကာကွယ်ရန်နည်းလမ်း များအနက် အပူဒဏ် ကာကွယ်ရန် အရိပ်ရသောနေရာတွင် နေရမည်ကို လူတိုင်းသိပြီးသားဖြစ်သော်လည်း အလွန် အရေးကြီးသော ကာကွယ် နည်းမှာ နေပူထဲတွင် မဖြစ်မနေ နေရမည့် အချိန်ကလွဲပြီး ကြာကြာမနေခြင်းပင် ဖြစ်ပါကြောင်း၊ အေးသော ဒေသတွင်လည်း ခရမ်းလွန်ရောင်ခြည် အန္တရာယ် ခံစားရနိုင်သလို ကမ်းခြေ တစ်ဝိုက်တွင်လည်း သဲနှင့်ရေက နေရောင်ပြန်စေသဖြင့်  ခရမ်းလွန်ရောင်ခြည် ကျရောက် စေနိုင်ပါကြောင်း၊ ခရမ်းလွန်ရောင် ခြည်သည် ရေကို လည်း ထိုးဖောက် နိုင်ပါကြောင်း၊ ရိုးရိုးမှန်ကာ ထားသည့် အိမ်၊ ကား ပြတင်းတံခါးများ သည် UVB ကို ကာကွယ်နိုင် သော်လည်း အဓိက ကျရောက်နေသော UVA ကို မကာကွယ်နိုင် ပါကြောင်း၊ နေရောင်ခြည် ဒဏ်က ကာကွယ်နိုင်ရန် အဝတ်အစား ဝတ်ဆင်ပုံလည်း အရေး ကြီးကြောင်း၊ ကျရောက်တော့မည့် မြန်မာ့ရိုးရာ သင်္ကြန် ပွဲတော်တွင် ပါဝင် ဆင်နွှဲကြမည့် လူငယ်များအနေဖြင့် နေရောင်ကာ လိမ်းဆေး လိမ်းရန်နှင့် နေရောင်ခြည်ကို ၉၉ ရာခိုင်နှုန်းအထိ ကာကွယ်ပေးနိုင်သည့် မျက်မှန်မျိုး တပ်ဆင် သင့်ကြောင်း၊ UV အညွှန်း ကိန်းများကိုလည်း အများပြည်သူ သိရှိရန် သတ်မှတ်ထုတ်ပြန် ကြေညာသင့်ကြောင်း၊ Weather Online ဆိုသည့် Website တွင်လည်း မြန်မာနိုင်ငံမှ မြို့ကြီးအများစု၏ UV Index များကို နာရီ အလိုက် ဖော်ပြပေး ကြောင်းတို့ ကို ရှင်းလင်း အကြံပြုတင်ပြပါသည်။

 ပြန်ကြားရေး ဝန်ကြီးဌာန ဒုတိယဝန်ကြီး ဦးပိုက်ထွေးက အဆိုပါ ကိစ္စနှင့် စပ်လျဉ်း၍ ဆောင်ရွက်ထား သည် များကို ထပ်မံဖြေကြားရာတွင် အပူဒဏ်နှင့်ပတ်သက်သည့် ကြိုတင် အသိပေး နှိုးဆော်မှုများဖြင့် အပူဒဏ် ကာကွယ်ရေး နှိုးဆော်ချက် ထုတ်ပြန် ခြင်း၊ ခရမ်းလွန်ရောင်ခြည် အကြောင်း အရာအပါအဝင် အပူဒဏ်နှင့်ပတ် သက်သော အကြောင်းအရာ များကို သက်ဆိုင်ရာဝန်ကြီးဌာနများနှင့် ညှိ နှိုင်းပြီး ရေဒီယိုနှင့် ရုပ်မြင်သံကြား တို့မှ သတင်းနှင့် အင်တာဗျူးပုံစံဖြင့် လည်းကောင်း၊ နေ့စဉ် ထုတ် သတင်းစာများတွင် သတင်း၊ ခေါင်းကြီး၊ ဆောင်းပါးနှင့် အင်တာဗျူးပုံစံများ ဖြင့် လည်းကောင်း ဖော်ပြ သွားမည် ဖြစ်ကြောင်းဖြင့် ပြန်လည်ဖြေကြား ခဲ့သည်။

ဝ၃၆