ကြီးသုံးကြီးနဲ့ ထော်လော်ကန့်လန့်နိုင်ငံရေး

နေထက်နီ

ယခုရက်ပိုင်းအတွင်း မြန်မာနိုင်ငံကို လာရောက်ခဲ့ကြတဲ့ အမေရိကန်သမ္မတဟောင်း ဂျင်မီကာတာ တို့ရဲ့ ကမ္ဘာ့ရပ်မိရပ်ဖအဖွဲ့မှ ဖင်လန်သမ္မတဟောင်း၏ အမှာစကားကတော့ မှတ်သားလောက် ပါသည်။ ထော်လော်ကန့်လန့် စိတ်တွေ ခဝါချပစ်ပါ ဟူသတတ်။

ဘက်ရွေးမှားလို့မရတဲ့ နိုင်ငံရေး

နောက်ဆုံးမှာ အခြေခံဥပဒေပြင်ဆင်ရေးနှင့်ပတ်သက်၍ ကြံ့ခိုင်ရေးပါတီ ဒုတိယဥက္ကဌ ဦးဌေးဦးက ရှင်းရှင်းပြတ်ပြတ်ပင် ပြောကြားခဲ့ပါသည်။ အချုပ်အခြာအာဏာ အထိပါးမခံနိုင် ဟူ၍ ဖြစ်ပါသည်။ ၄င်း၏ ဆိုလိုရင်းကို ဖွင့်ဆိုရလျှင် အခြေခံဥပဒေ၊ အာတီကယ် ၅၉ ကို မပြင်နိုင်ဟူ၍ ပြတ်ပြတ် သားသား ငြင်းပယ် လိုက်ခြင်း ဖြစ်ပါသည်။ ပြောနိုင်သည့် အခွင့်အာဏာ မည်မျှရှိသနည်း ပြန်ကြည့် လျှင် လွှတ်တော်တွင်း အင်အား အများဆုံးပါတီကြီး ဖြစ်နေခြင်းကပင် ဦးဌေးဦး၏ ရာဇသံ မည်မျှ ခိုင်မာနိုင်သနည်း သိရှိနိုင်ပေ လိမ့်မည်။

မြန်မာ့နိုင်ငံရေး ကြီး(၃)ကြီး ဟု ရည်ညွှန်းပြောကြားနေကြသော နိုင်ငံရေးလေ့လာသူများအကြား မျှော်လင့်ချက်များ ဖြစ်ပေါ်လာခဲ့သည်မှာ မကြာတတ်သေး။ ယခုအခါ ဦးဌေးဦး၏ နှုတ်ထွက် စကားသည် NLD နှင့် ဒေါ်အောင်ဆန်းစုကြည်တို့ကို မီးနီအချက်ပြလိုက်ခြင်းဟု ယူဆမိပါသည်။ အခြေခံဥပဒေပြင်ဆင် ရေးတွင် ဦးသိန်းစိန်သာ သော့ချက် ဖြစ်ခဲ့ပါလျှင် ဒေါ်အောင်ဆန်း စုကြည်ရွေးချယ်လိုက်သော ကျော ထောက် နောက်ခံ ဦးရွှေမန်းရပ်ဝန်းမှာ သမိုင်းဝင်အမှား ဖြစ်လာမည် ဟု ကြိုတင်မျှော်တွေးခဲ့ပါသည်။ ယခု သော် ကြိုတင်မျှော်တွေးခဲ့သည့်အတိုင်း တည့်တည့်တိုးမိပြီ ဖြစ်ပါသည်။ ဒေါ်အောင်ဆန်းစုကြည် လူ ပေါင်းမှားပြီ ဟု မဆိုလိုချင်ပါ။ သို့သော် နိုင်ငံရေးခေါင်းဆောင်တို့၏ ကြိုတင်တွက်ဆနိုင်စွမ်းသည် နိုင်ငံ နှင့် ပြည်သူတို့၏အကျိုးစီးပွားနှင့် နင့်နင့်နဲနဲ ချိတ်ဆက်နေလေ့ ရှိပါသည်။

ပို၍ ဆိုးရွားသွားစေခဲ့သည်မှာ ကြံ့ခိုင်ရေးပါတီမှ စစ်ဗိုလ်လူထွက် လွှတ်တော်ကိုယ်စားလှယ် များသည် စစ်တပ်နှင့် ဆန့်ကျင်ဘက်အရပ်များတွင် ပြောင်ပြောင်တင်းတင်း ရပ်တည်ကာ စစ်တပ်ကို ပြန်လည် တိုက်ခိုက်ခဲ့သော ဖြစ်ရပ်ကြောင့် ဖြစ်ပါသည်။ စစ်တပ်ကိုယ်စားလှယ်များနှင့် စစ်ဗိုလ်လူထွက် အမတ်များ အချေအတင် အငြင်းအခုန် ဖြစ်ခဲ့သော ဖြစ်စဉ်ကို လေ့လာကြည့်လျှင် (၁) ကြံ့ခိုင်ရေးပါတီတွင်းရှိ စစ်ဗိုလ်ဟောင်းများတွင် စစ်တပ်ကို ထိုသို့ကာပြန်ခြင်းကို မနှစ်သက်ကြ၊ (၂) ၂၀၁၀ နီးမှ ဆွဲခန့် စနစ်ဖြင့် ရွေးကောက်ပွဲ ဝင်ရောက်ယှဉ်ပြိုင်ခဲ့သော ကြံ့ခိုင်ရေးအမတ်များက ထောက်ခံသည်၊ (၃) ကြံ့ခိုင် ရေးပါတီ အတွင်း၌ ကြားနေအဖွဲ့များက အင်းအဲမလုပ် ဟူ၍ တွေ့ရှိရပါသည်။ ကြံ့ခိုင်ရေးပါတီသည်ပင်လျှင် ဦးသိန်းစိန်အုပ်စု၊ ဦးရွှေမန်းအုပ်စုနှင့် တတိယ အုပ်စု အပိုင်း(၃)ပိုင်း ကွဲနေသည်။ တစ်ဘက်မှကြည့်လျှင် (၁) စစ်တပ်ကိုထောက်ခံသည့်အုပ်စု (၂) စစ်တပ်ကိုဆန့်ကျင်သည့်အုပ်စုနှင့် (၃) တတိယအုပ်စု ဟူ၍ သုံးသပ်နိုင်ပါသည်။ အုပ်စု(၁)တွင် ဦးဌေးဦး ပါဝင်ဖွယ်ရာ ရှိပြီး ကြံ့ခိုင်ရေးပါတီ၏ တရားဝင်ပြောရေး ဆိုခွင့် အဖွဲ့ခေါင်းဆောင်ဟုလည်း သိရှိရသဖြင့် ဦးဌေးဦး၏ စကားသည် ပါတီဗဟိုအလုပ်အမှုဆောင် များနှင့် အပြီးအပြတ် ဆွေးနွေးပြီးမှ ထွက်ပေါ်လာသည့် မူဝါဒဟု အဓိပ္ပါယ် ဖော်မိပါသည်။ ဤသို့ ဖော် လျှင် ဒေါ်အောင်ဆန်းစုကြည် ဘက်ရွေးမှားခဲ့ပြီ ဟု ကောက်ချချနိုင်ပါပြီလော။ နိုင်ငံရေးတွင် ဘက်ရွေး မှား၍ မရသလို ဘက်မှားရွေးပြီးမှ ဘွာခတ်၍ မရနိုင်တော့ပါ။

အချိန်များ လွန်ခဲ့ပြီ ဖြစ်ပါသည်။ ခုံရုံးတစ်ဖွဲ့လုံး ဖြုတ်ချမှုတွင် စစ်တပ်ကိုယ်စားလှယ်အားလုံး သည်းကြီး မည်းကြီး ကန့်ကွက်နေချိန်တွင် စစ်တပ်နှင့် ဆန့်ကျင်ဘက် ဦးရွှေမန်းဘက်သို့ NLD အမတ်များ ပေါင်းစည်း ရပ်တည်ပေးခဲ့ကြပါသည်။ တစ်ဖန် ဆက်သွယ်ရေးလိုင်စင်ကိစ္စတွင် ဦးသိန်းဇော်နှင့် ကြံ့ခိုင် ရေးအမတ်များ၏ ကန့်ကွက်မှုဘက်၊ ဦးရွှေမန်းဘက်သို့ NLD အမတ်များ ရပ်တည်ပေးခဲ့ကြပါသည်။ နောက်ဆုံး ဖြစ်ပွားခဲ့သော Recall Law ကိစ္စတွင်လည်း ဦးရွှေမန်း ဘက်သို့ NLD အမတ်များ ရပ်တည် ပေးခဲ့ကြပါသည်။ လွှတ်တော်တွင်း ဝင်ရောက်လာခဲ့ကြသော ဒေါ်အောင်ဆန်းစုကြည်နှင့် NLD အမတ်များ အားလုံးသည် ဦးရွှေမန်းကို ဝန်းရံပေးခဲ့ကြပြီး ဦးသိန်းစိန်နှင့် တပ်မတော်ဘက်ကို ဆန့်ကျင် တိုက်ခိုက် ခဲ့ကြပါသည်။

ထော်လော်ကန့်လန့်နိုင်ငံရေး

ဂျင်မီကာတာအဖွဲ့မှ ဖင်လန်သမ္မတဟောင်း ပြောခဲ့သော ထော်လော်ကန့်လန့်စိတ်မှာ တွေးကြည့်လျှင် တွေးကြည့်နိုင်သလောက် ကျယ်ဝန်းနေပါသည်။ ဖင်လန်သမ္မတဟောင်း ပြောကြားသွားသည့်အဓိက အချက်မှာ လူမျိုးရေးအခြေခံပဋိပက္ခနှင့် ပြည်တွင်းငြိမ်းချမ်းရေး တို့ဖြစ်ပြီး ယင်းတို့တွင် ကဖျက်ယဖျက် လုပ်နေသူများကို ရည်ရွယ်ပြောကြားသွားခြင်း ဖြစ်ပါသည်။ ပြန်ကြည့်လျှင် ပြည်တွင်းငြိမ်းချမ်းရေး၌ ဦးသိန်းစိန် လုပ်ဆောင်ချက်များမှာ နည်းလမ်းအသစ် များဖြစ်၍ မဆိုးလှဟု ထင်မြင်ယူဆနိုင်ပြီး ပြည်ပ အဖွဲ့အစည်းများကလည်း အားတက်သရော ဝင်ရောက်ကူညီပေးသည်များကို မြင်တွေ့ရသောအခါ ငြိမ်း ချမ်းရေး မျှော်လင့်ချက်ရောင်နီ သန်းလာခဲ့ပါသည်။ မကြာသေးခင်ကပင် ဦးရွှေမန်းက ကာလုံခေါ်ပေးရန် တောင်းဆိုခဲ့ပြီး ငြိမ်းချမ်းရေးလုပ်ငန်းများကို ဝင်ရောက်ကွပ်ကဲမှုများ ဆက်တိုက်ပြုလုပ်လာခဲ့ပါသည်။ မကြာပါ။ တိုင်းရင်းသားခေါင်းဆောင်များက လွှတ်တော်တွင်း ဒိုင်ယာလော့ကို လက်မခံနိုင်ကြောင်း ကျယ် ကျယ်လောင်လောင် အော်ဟစ်လာခဲ့ကြသည်။ အချို့ခေါင်းဆောင်များဆိုလျှင် လွှတ်တော်ကို မယုံ၊ လွှတ် တော်တွင် ဆွေးနွေးမဲခွဲမည်ကို လက်မခံ ဟု ပွင့်ပွင့်လင်းလင်း ပြောဆိုလာခဲ့ကြပါသည်။

ငြိမ်းချမ်းရေးဆွေးနွေးမှုကို လွှတ်တော်က ဦးဆောင်သင့်သလား၊ အစိုးရက ဦးဆောင်သင့်သလား ရှည်ရှည် ဝေးဝေး ထွေထွေပြားပြား စဉ်းစားနေစရာ မလိုပါ။ ထိုနည်းတူ လွှတ်တော်တွင်း ရောက်ရှိနေကြသော စစ်ဗိုလ်ဟောင်းအမတ်များ၊ ကြံ့ခိုင်ရေးအမတ်များမှာ အုပ်ချုပ်ရေးတွင် နှစ်များစွာ လုပ်ကိုင်လာခဲ့ ကြသူ များ ဖြစ်၍ အုပ်ချုပ်ရေးလုပ်ငန်းများနှင့် ပို၍ ရင်းနှီး ကျွမ်းကျင်ကြပါလိမ့်မည်။ စနစ်ဟောင်း၏ အကျင့် စရိုက် များအတိုင်း အမိန့်ပေးလိုစိတ်များလည်း လက်ကျန် ကျန်ရှိနေနိုင်ပါသည်။ ထို့ကြောင့်လည်း မြေယာသိမ်း ကိစ္စများ ဆောင်ရွက်ပြီးစီးမှု (၂)လတစ်ကြိမ် အစီရင်ခံရန် ဟု ဆိုလာခြင်း ဖြစ်နိုင်ပါသည်။

လွှတ်တော်တွင်း အဓိကအတိုက်အခံအင်အားစု ဖြစ်သော NLD အနေအထားကို ကြည့်လျှင် ရှင်းနေ ပါသည်။ NLD လွှတ်တော်တွင်း မရောက်ခင်က လွှတ်တော်တွင်း ရောက်သွားလျှင် တိုင်းရင်းသား ပါတီများ၊ ဒီမိုကရေစီပါတီများနှင့် ပေါင်းစည်း၍ ဒီမိုကရေစီအရေး ဆောင်ရွက်ကြမည် ဟု တွက်ဆထားခဲ့ ကြပါသည်။ သို့သော်ငြားလည်း ယခုအချိန်တွင် အဆိုပါ မျှော်လင့်ချက် လုံးဝ ပျောက်ပျက်သွားခဲ့ရပြီး လွှတ်တော်တွင်းရှိ ဒီမိုကရေစီအင်အားစုများနှင့် ကင်းကွာရုံမက ဆန့်ကျင်ဘက်ဖြစ်သော ကြံ့ခိုင်ရေး ပါတီမှ ဦးရွှေမန်းအုပ်စုနှင့် ပူးပေါင်းခဲ့ကြပါသည်။ အခြေခံဥပဒေပြင်ဆင်ရေးအတွက် အခရာကျသော ကြံ့ခိုင်ရေးကို ပေါင်းစည်းခြင်းဖြစ်သည် ဟု ယူဆနိုင်သော်လည်း အခြေခံဥပဒေပြင်ဆင်ရေးကို ထိခိုက် စေနိုင်သည့် ပြဿနာများ ဖန်တီးနေသည့် အုပ်စုကိုမှ ပေါင်းမိရလေခြင်း ဖြစ်နေပါသည်။ စစ်တပ်ကို ပြန် လည် အချေ အတင်ဝေဖန် တိုက်ခိုက်နေသော စစ်ဗိုလ်လူထွက်များနှင့် ပေါင်းနေမှတော့ စစ်တပ်နှင့် ရင်ကြားစေ့ရေးမှာ မလွယ်ရေးချမလွယ်ပေ။

NLD ဆက်လုပ်မည့် လမ်းကြောင်းကို မှန်းဆရန်လည်း သိပ်မခက်ခဲလှဟု ဆိုချင်သည်။ ဒေါ် အောင်ဆန်း စုကြည်က ပြည်ပလှည့်ပတ်သွား၍ အခြေခံဥပဒေပြင်မှ ဒီမိုကရေစီနိုင်ငံပီသမယ် ဟူသော သတင်းစကား ကို ဖြန့်မည်။ NLD ပါတီဝင်များက ပြည်တွင်း လှည့်လည်၍ ပြည်သူ များအား အခြေခံဥပဒေ ပြင်ဆင်ရေး ပညာပေးမည်။ ထိုမှတစ်ဆင့် အစိုးရနှင့် တပ်မတော်အား ပြင်ဆင်လာအောင် ဖိအားပေးမည်။ တစ်ဘက် ကလည်း သိပ်အကောင်းမမြင်ကြနဲ့ဦး၊ ရင်းနှီးမြုပ်နှံဖို့ စဉ်းစားကြဦးဟူ၍ ပိတ်ပင်သည့် သဘော လုပ်ဆောင်ထားမည်။ ဤသည်မှာ မှန်းဆချက်သာ ဖြစ်ပါသည်။ သို့သော် ဤမှန်းဆချက် မှန်ခဲ့လျှင် အလုပ်မဖြစ်သော နည်းလမ်းသာ ဖြစ်ပါသည်။ ရှေ့လျှောက် အစိုးရနှင့် စစ်တပ်ကို ထော်လော်ကန့်လန့် လုပ်နေသော အင်အားစု များနှင့် ပေါင်းကာ ထော်လော်ကန့်လန့် နိုင်ငံရေးလမ်းကြောင်းကို ဆက်လျှောက် မည် ဆိုလျှင်တော့ ရင်လေးဖွယ်ရာ ဖြစ်လာမည်မှာ မုချပင်။

ကြီးသုံးကြီး ဘာဆက်ဖြစ်မလဲ

မက်ဆင်ဂျာသတင်းစာတွင်ပင် လွှတ်တော်အမတ်တစ်ဦးဖြစ်သော ဦးကြည်မြင့်(လသာ)က ခန့်မှန်း ရေးသားခဲ့ပါသည်။ ၂၀၁၅ ရွေးကောက်ပွဲတွင် အမတ်လောင်း၏ အရည်အချင်းကို ကြည့်၍ ပြည်သူများ က မဲပေးလိမ့်မည်ဟု။ ပွင့်ပွင့်လင်းလင်း ပြောရလျှင် မှားပါသည်။ ရွေးကောက်ပွဲ များသည် ၂၀၁၅ တွင် လုပ်မည်ဟု ပြောခြင်းမှာ မှားပါသည်။ ဦးသိန်းစိန် အစိုးရသည် ၂၀၁၆ မတ်လ ၃၁ တွင် (၅)နှစ်ပြည့်မည် ဖြစ်၍ ဇန်နဝါရီ၊ ဖေဖော်ဝါရီ၊ မတ် (၃)လ အချိန် ရှိနေပါသည်။ မတ်လကုန်တွင် တာဝန်လွှဲပြောင်းပေးမည် ဖြစ်ပါသောကြောင့် ရွေးကောက်ပွဲများကို ၂၀၁၆ နှစ်သစ်ကူး အလွန်တွင် ကျင်းပလျှင်လည်း ဖြစ်နိုင်ပါ သည်။ ထို့ကြောင့် ၂၀၁၆ ရွေးကောက်ပွဲ များဟု ဆိုချင်ပါသည်။ ဒုတိယအချက်အနေဖြင့် အမတ်လောင်း တစ်ဦးချင်း၏ အရည်အချင်းကို ကြည့်၍ မဲပေးသော အလေ့အထ မြန်မာနိုင်ငံတွင် မရှိပါ။ လွတ်လပ်ရေး ရရှိပြီးနောက်ပိုင်း ကျင်းပခဲ့သမျှသော ရွေးကောက်ပွဲများတွင် ပါတီကိုကြည့်၍ မဲပေးကြခြင်းသာ ဖြစ်ပါ သည်။ ၂၀၁၀ ရွေးကောက်ပွဲများတွင် NLD ပါတီ ဝင်ရောက်ယှဉ်ပြိုင်ခဲ့ပါက ဦးကြည်မြင့်ကိုယ်တိုင်ပင်လျှင် လွှတ်တော်ထဲ ရောက်နေစရာ အကြောင်း မရှိပါ။ ပါတီကိုကြည့်ပြီး မဲပေးသော အလေ့အထသည် ၂၀၁၆ တွင်လည်း ဆက်လက် တည်ရှိနေပါဦးမည်။

မကြာသေးခင်ကပင် ကြံ့ခိုင်ရေးပါတီ (၂) ပိုင်းကွဲတော့မည့် သတင်းတစ်ခု ဖတ်ရပါသည်။ သမ္မတ ဦးသိန်းစိန် နိုင်ငံရေးပါတီအသစ် ထူထောင်တော့မည် ဟူသော သတင်း၏ နောက်ဆက်တွဲ ဖြစ်ပါသည်။ မှန်ပါသည်။ ကြံ့ခိုင်ရေးပါတီ (၂)ပိုင်း ကွဲထွက်သွားနိုင်ပါသည်။ NLD သည်လည်း (၂)ပိုင်း ကွဲထွက်သွား နိုင်သည့် အခြေအနေတွင် ရှိနေပါသည်။ ၈၈ မျိုးဆက်များထဲမှ ပါတီနိုင်ငံရေးကို လျှောက်လှမ်းမည့်သူများ မကြာမတင် ထွက်ပေါ်လာတော့မည် ဟု မျှော်လင့်ရ ပါသည်။ ဒီမိုကရက်များ (၂)ပိုင်းကွဲသည်အထိ မဖြစ် နိုင်သော်လည်း ဒီမိုကရက်မဲများ ပြန့်ကျဲသွားပါလိမ့်မည်။ တိုင်းရင်းသားပါတီများလည်း မဲပြန့်သွားနိုင်ပါ သည်။ အချို့သော ဒီမိုကရက်ပြည်သူများမှာ ဦးသိန်းစိန်ပါတီသို့ ထောက်ခံကြမည့် ခန့်မှန်းချက်များ လည်း ထွက်ပေါ်နေပါသည်။ ဦးသိန်းစိန် ပါတီသစ်ထောင်လျှင် ကြံ့ခိုင်ရေးမှကွဲထွက်လာမည့် (၁)ပိုင်းနှင့် ပေါင်းစည်းခဲ့ပါက ကြံ့ခိုင်ရေးထက် သာလွန်သော ပါတီကြီးတစ်ရပ် ဖြစ်လာနိုင်ပြီး NLD ပါတီကို ယှဉ်နိုင် မည် ဟု မှန်းဆထားပါသည်။

ထိုသို့ ဖြစ်လာခဲ့ပါက သမ္မတ ဖြစ်လိုသော ဦးရွှေမန်း ရွေးချယ်ရမည့် လမ်းမှာ သိပ်များများစားစား မရှိ နိုင်ပါ။ ဒေါ်အောင်ဆန်းစုကြည်နှင့် နီးကပ်သော မဟာမိတ်ဆက်ဆံရေး တည်ရှိနေမှုကြောင့် NLD အမတ် များ တင်သွင်းမည့် သမ္မတလောင်းအမည်စာရင်းတွင် ပါနိုင်အောင် ကြိုးစားရမည် ဖြစ်ပါသည်။ ဒေါ် အောင်ဆန်းစုကြည်အတွက် အာတီကယ် ငါးဆယ့်ကိုးမှာ မရနိုင် ဟု မူလ ကတည်းက သိချင်လည်းသိထား နိုင်ပါသည်။ မသိစရာလည်း အကြောင်းမရှိနိုင်ပါ။ ဦးဌေးဦးမှာ ဒုဥက္ကဌ ဖြစ်ပြီး ဦးရွှေမန်းမှာ ဥက္ကဌ ဖြစ်နေ သည်ကို သတိချပ်ကြစေလိုပါသည်။ ထို့ကြောင့်လည်း နိုင်ငံရေးခေါင်းဆောင်တို့၏ မာယာတစ်သိန်း အပလိန်းအနန္တ ဟု ဆိုခဲ့ခြင်း ဖြစ်ပါသည်။

သမ္မတ ဖြစ်လိုသော ဒေါ်အောင်ဆန်းစုကြည် မည်သို့ ဆက်လက် လျှောက်လှမ်းမည်ကို တွက်ဆ ကြည့်နိုင်ပါသည်။ အာတီကယ် ငါးဆယ့်ကိုးအရ မဖြစ်နိုင်သည်ကို လက်ခံရပါလိမ့်မည်။ ဇွတ်အတင်း မဖြစ်မနေ ပြင်ပေး ဟု ဂျစ်တိုက်နေရမည့် အချိန်လည်း မဟုတ်တော့ပါ။ လွှတ်တော်ဥက္ကဌ ရာထူးသည်သာ အသင့်လျော်ဆုံး ဖြစ်လာနိုင်ပါသည်။ သို့သော် NLD ထောက်ခံသော သမ္မတလောင်းသည် သမ္မတဖြစ်ရန် အတွက် တပ်မတော်နှင့် ဦးသိန်းစိန်ထောက်ခံသော သမ္မတလောင်းနှင့် အကြိတ်အနယ် ယှဉ်ပြိုင်ရနိုင်ပါ သည်။ အမှန်တော့ ဒေါ်အောင်ဆန်းစုကြည်မှာ နိုင်ငံတကာ အိုင်ကွန်တစ်ခု ဖြစ်၍ သမ္မတ မလုပ်သင့်ပါ။ ဒီမိုကရေစီထိန်းကျောင်းရေး သြဇာကိုသာ ရယူဆောင်ရွက်သွားမည် ဆိုလျှင် မည်သူ သမ္မတဖြစ်ဖြစ် ဒေါ်အောင်ဆန်းစုကြည်၏ သြဇာနှင့် အခန်းကဏ္ဍကို ကျော်လွှားနိုင်မည် မဟုတ်ပါ။ ပြည်သူများ ချမ်းသာ ရေး၊ ဒီမိုကရေစီဖွံ့ဖြိုးရေး၊ ပညာရေး-ကျန်းမာရေး မြင့်မားကောင်းမွန်ရေးတို့ကို နောင်မျိုးဆက်သစ်များ အထိ မျှော်မှန်းကာ ကြိုးပမ်းဆောင်ရွက်သွားသင့်ပါသည်။ လက်ရှိ ချမှတ်ထားသော ဗျူဟာအတိုင်း ၂၀၁၅ ကျော်မှ နိုင်ငံရေးတည်ငြိမ်မည်၊ ၂၀၁၅ ကျော်မှ ရင်းနှီးမြုပ်နှံသင့်သည်၊ ၂၀၁၅ ကျော်မှ ထောက်ပံ့မှုများ တိုးမြှင့်သင့်သည်၊ ၂၀၁၅ ကျော်မှ မြန်မာနိုင်ငံကို အကောင်းမြင်သင့်သည် အစရှိသည့် NLD အာဏာရရှိမှ ပြည်သူ သန်းခြောက်ဆယ် တိုးတက်သင့်သည့် အယူအဆမျိုးကို ရှောင်ကြဉ်သင့်ပါသည်။

လယ်ရီဂျာဂင် ဟောကိန်း မှန်-မမှန်

နောက်လာမည့် သမ္မတလောင်းကို ဒေါ်အောင်ဆန်းစုကြည်မဟုတ်၊ ဦးရွှေမန်းမဟုတ် ဟု လယ်ရီ က ခန့်မှန်းထားပါသည်။ အခြားသော ခန့်မှန်းချက်များလည်း ရှိနေနိုင်ပါသည်။ လူသူသိပ်မသိ၊ သိပ်သတိ မထားမိသော ခေါင်းဆောင်တစ်ဦးလည်း ဖြစ်လာနိုင်ပါသည်။ အမေရိကန်နိုင်ငံတွင် ၂၀၀၈ ခုနှစ်သမ္မတ ရွေးကောက်ပွဲမတိုင်မီ ဒီမိုကရက်ပါတီခေါင်းဆောင်များ၌ အိုဘားမား မပါဝင်ပါ။ သမ္မတလောင်း အရွေးခံ တော့မည့် သတင်းထွက်လာပြီး ပြုလုပ်သော ဒီမိုကရက်ပါတီညီလာခံတွင် မိန့်ခွန်းပြောစေခြင်းဖြင့် ပွဲထုတ် မှသာ အမေရိကန်များ သိရှိလာခဲ့ခြင်း ဖြစ်ပါသည်။ မည်သူ သမ္မတ ဖြစ်ဖြစ်၊ မည်သည့် ပါတီနိုင်နိုင် နိုင်ငံ အကျိုးရှိဖို့သာ လိုပါသည်။ အရေးကြီးသည်မှာ ကြီးသုံးကြီးအကြားတွင် ထော်လော်ကန့်လန့်နိုင်ငံရေး မဖြစ်လာရေးသာ ဖြစ်ပါသည်။

The Messenger ဂျာနယ် အတွဲ(၄) အမှတ်(၁၉)မှ ကူးယူဖော်ပြသည်