အရက်သောက်ခြင်းက စိတ်ဓာတ်ပိုမိုကျဆင်းစေ

 

အရက်သောက်ရင် စိတ်သောက ဝေဒနာ များ ပျောက်ကင်းသွားတယ်လို့ ယူဆချက်များက မှားယွင်းတယ်လို့ အမေရိကန်မှ ဆေးသိပ္ပံပညာရှင်များက သက်သေပြလိုက်ပြီ ဖြစ်ပါတယ်။

ယင်းတွေ့ရှိချက်က အရက်နှင့် ဆက်စပ် ယမကာ သောက်သုံးခြင်းက စိတ်ဓာတ်ကျဆင်းမှုကို မပြေလျော့စေတဲ့အပြင် စိတ်ကျရောဂါဖြစ်ဖို့ အကြီး မားဆုံး တွန်းအားတစ်ခု ဖြစ်လာနိုင်ကြောင်း သိရပါတယ်။ Depression ဖြေဖျောက်ဖို့ဆိုပြီး လူအများစု အရက်ကို ထွက်ပေါက် တစ်ခု အဖြစ် သတ်မှတ်ပြီး သောက်သုံးပါတယ်။ ယခုတော့ အရက်ဟာ အခြားကျန်းမာရေးကို ထိခိုက်စေတဲ့အပြင် စိတ်ပိုင်းဆိုင်ရာ ကျန်းမာရေး ကိုပါ ထိခိုက်စေတယ်လို့ သက်သေပြသ ထားလိုက်ခြင်း ဖြစ် ပါတယ်။

ဒါကြောင့် အခြားသော မှန်ကန်တဲ့ စိတ်ထွက်ပေါက်ရှာရန် နည်းလမ်းများကို အသုံးပြုဖို့ တိုက်တွန်းထားကြောင်း သိရပါတယ်။
--
Ref: medic-facts

Read more →

လူညီလည်း “ဤ” ကို “ကျွဲ” ဖတ်၍ မရနိုင်တော့..

မူရင်းစကားပုံသည် လူညီလျှင် “ဤ”ကို”ကျွဲ” ဖတ် ပဲ ဖြစ်ပါတယ်။ စကားပုံရဲ့ ဆိုလိုရင်းကတော့ လူအများအားနဲ့ဖြစ်ချင်တာကို ဇွတ်လုပ်တယ်(သို့) ဖတ်ချင်ရာကို ဇွတ် ဖတ်နိုင်တယ်ဆိုတဲ့ အဓိပ္ပာယ်ပဲ ဖြစ်ပါတယ်။ဒီတော့ရှင်းပါတယ်လူအများအားလို့ ဆိုတဲ့အပေါ်မှာ ယုံကြည်ချက် ရှိသူတွေလဲပါချင်ပါမယ် ၊ တကယ်သိတတ်သူလည်း ပါချင်မှ ပါမယ် ၊ သူများယောင်လို့ ယောင်နေသူတွေလည်းပါချင်ပါမယ် ၊ လူမိုက် လူရမ်းကား ၊ လူနပ် ၊ လူပါး ၊ နိုင်ငံရေးသမား၊ ခေါင်းရွက်ဗျက်ထိုး ဈေးသည်အဆုံးပါဝင်နေမှာဖြစ်ပါတယ်။အထူးသဖြင့် မြန်မာလူမျိုးတို့၏ စရိုက်ဆိုးများထဲမှ တစ်ချက်ဖြစ်တဲ့ လူစည်ရင် အရမ်းသဘောကျသော ၊ ခွေးနှစ်ကောင် ကိုက်လည်း ၀ိုင်းအုံကြည့်တတ်ကြသောလူစည်ရာအရမ်းသဘောကျတတ်သူတွေကို  အသုံးချလို့ကောင်းတဲ့ ၊ လှည့်စားလို့ ကောင်းအောင် ရေးမှတ်ထားတဲ့ စကားပုံတစ်ခုဟုသံသယ ၀င်လျှင်ပင် မှားအံ့မထင် ။


           ထိုစကားပုံနှင့် ပတ်သတ်ပြီး သမိုင်းတစ်ကွက်မှာ တကယ့်ကို အမည်းစက် တစ်ခု ဖြစ်ခဲ့ဖူးတယ်လို့ ဆိုလျှင် အံ့သြမည်လား မပြောတတ်ပေ ။သို့သော် ဤအကြောင်းအရာမှာ အမှန်ပင်ဖြစ်သည်။၎င်းအချင်းအရာ အခုအများပြောပြောနေကြသော အာဏာရှင်တော်လှန်းရေး ၊ ဒီမိုကရေစီ လှုပ်ရှားမှု ဟု အများသညာမှည့်ထားတဲ့ ၈၈ ဆူပူအကြမ်းဖက်မှုထဲမှပင် ထုတ်နှုတ်ရမည်ဖြစ်သည်။လက်ရှိနိုင်ငံရေးသမား အများစုနှင့် တက်သစ်စ လူငယ်အများစုက
ဖြင့် ၈၈ ဆူပူအကြမ်းဖက်မှုကို ဒီမိုကရေစီလှုပ်ရှားမှု ဟု မည်သို့ပင် နံ့သာလိမ်းပန်းပန်စေကာမူ မစင်ပုံ၏ မူလဘ၀မှာ အနံ့ထွက်ရမြဲပင်ဖြစ်သည်။လူငယ်များအနေဖြင့် ၈၈ လို့ကြားလိုက်ရင် တပ်မတော် ၊ စစ်တပ် က မကောင်းဆိုးဝါးတစ်ကောင်ကဲ့သို့ လက်နက်မဲ့ကျောင်းသားများကို အကြမ်းဖက်နှိမ်နင်းသည်ဟု သာ အသိများကြပါသည်၎င်း၏ အစအဆုံး ဇာတ်သရုပ်ကား  ဤမျှလောက် မရိုးစင်ပေ ။ တကယ်လေ့လာသူများအနေဖြင့် အခြေအနေမှန်တစ်ကွေ့ကို ဘွားခနဲ တွေ့နိုင်ပါလိမ့်မည်။ထိုအချိန် မှာ မြေပေါ် မြေအောက်အဖျက်သမားများက နိုင်ငံတော်ကို အစိတ်စိတ်အမွှာမွှာ ခွဲဖို့ ဘက်ပေါင်းစုံက ထိုးစစ်ဆင်လာတဲ့ အချိန် ၊ အမေရိကန် ရေတပ်တွေကတိုင်းပြည်အာဏာသိမ်းဖို့အတွက်ကိုးကိုးကျွန်းအထိ ဆိုက်ကပ်လာတဲ့အချိန် ၊ အိမ်နီးချင်းနိုင်ငံတွေက သောင်းကျန်းသူကို လက်နက်တပ်ဆင်ပေးပြီး အဘက်ဘက်က စစ်လက်နက်ရိက္ခာထောက်ပံ့ပေးခဲ့တဲ့ အချိန်တွေမှာ တပ်မတော်ရဲ့ ရုန်းကန်ခဲ့ရတဲ့ သမိုင်းကို လက်ရှိ၈၈ မျိုးဆက် အပါအ၀င် လူညီ၍ ဤ ကျွဲဖတ် သမိုင်းအဆိပ်ခတ်ထားဆဲပင်ဖြစ်သည်။ထိုအချိန်မှာ နိုင်ငံတော် ကို မပျက်စီးအောင် ရန်ကုန်တစ်မြို့ထဲကျန်ရာကနေ အန္တရာယ် ရန်စွယ်ကို ဖယ်ရှားပေးခဲ့သော တပ်မတော်ကပင် လူဆိုး ဖြစ်ခဲ့ရလောက်သည်အထိ “ဤ””ကျွဲ” ဖတ်၍ ခပ်တည်တည် ပင် နိုင်ငံရေး ဂုရုကြီးပမာ ရပ်တည်နေကြလေသည်။၈၈ ရဲ့ကောက်ကြောင်းတစ်ခု ဖြစ်တဲ့ ဦးရဲထွန်းတို့ ဇာလီမော် တို့ အကြောင်း မည်သူမှ ထည့်သွင်းမပြောဆိုဝံ့ကြချေ ။ထိုအခြင်းအရာ မှာလည်း လူညီ၍ “`ဤ” “ကျွဲ” ဖတ်ထားခြင်းပင်ဖြစ်သည်။

ယနေ့လူငယ်နောင်ဝယ်လူကြီးဆိုသလို..ယနေ့လူငယ်များသည် နောင်ဝယ်နိုင်ငံခေါင်းဆောင်များ ဖြစ်လာကြဦးမည်ဖြစ်သည်။ ထို့အတူ ယနေ့ခတ်လူငယ်တို့သည်  ဂလိုဘယ်လိုက်ဇေရှင်း ဆိုသည့် လျက်ဆားကို လျှာပွတ်ဆေးပမာအနည်းငယ် မြည်းစမ်းခွင့်ရထားသူများလည်းဖြစ်သည်။အကြောင်းအရာ တစ်ခု ကို မစူးစမ်း မလေ့လာပဲ ထောက်ခံဖို့အတော်ပင် အားယူကြရသည့် သဘောလက္ခဏာမျိုးကို တွေ့ရပါ၏။အောက်ခြေလူတန်းစား များပင်လျှင်သူများယောင်၍ ယောင် အမောင်တောင်မှန်းမြောက်မှန်းမသိ ဆိုသည့် စကားလုံးကို အချို့မုန်းလာကြသည်ကို သတိထားမိလာသည်။အရင်လို ဒို့အရေး ဒို့အရေး အော်ဖို့ထက် ထမင်းနပ်မှန်ရေးကိုသာ အာရုံစိုက်လာကြသည်။နိုင်ငံရေးသမားတွေရဲ့ လှည့်ကွက်ထဲ ခနခန ၀င်မိနေကြမို့ သူတို့အဖို့ အကြောင်းပြချက်မှာ လုံလောက်နေပြီ ဖြစ်လေသည်။

အခုလက်ရှိ အနေအထားမှာ Hot issue တစ်ခုဖြစ်တဲ့ ဖွဲ့စည်းပုံအခြေခံဥပဒေ ပြင်ဆင်ရေး ၊ အသစ်ပြန်ရေးဆွဲရေးဖြစ်သည်မှာ အားလုံးအသိပင် ဖြစ်သည်။ထို့အတူ အမျိုးသားဒီမိုကရေစီ အဖွဲ့ချုပ်၏ အသံမှာ ကျန်ပါတီများထက်ပင် ပေါ်ထွက်လာသည်မှာ လည်း သိပြီးဖြစ်မည် ထင်ပါသည်။မိမိအနေဖြင့် တွေးဆချက်အားချရေးပြရမည်ဆိုလျှင် ဒီချုပ်အနေနဲ့  ၅၉/စ ပြင်ဆင်ရေးအတွက် ကြိုးပမ်းခဲ့သော်လည်း ပါတီအများစု၊ပညာရှင်များနှင့်ပြည်သူလူထုက ၅၉/စ အားအပထား ၍ ကျန်အချက်များ ပြင်ဆင်ကြမည့်အပေါ်တွင် ရည်ရွယ်ချက် အထမမြောက်သဖြင့် အသစ်ပြန်ရေးဆွဲရေးကိုဦးတည် ပြီး တိုးတိုးတိတ်တိတ် အရိပ်အမြွက် ရနံ့လေးများသင်း၍ နေပါသည်။ဒီအတွက်လည်း အရံအတားအဖြစ်း ဒီချုပ်ဥက္ကဌ က နိုင်ငံတကာပတ်ပြီး ပိတ်ပါ၊ ဆို့ပါ ၊ ဖိအားပေးပါ ဆိုသည့် လိုက်လံ ဆော်သြ နေသည့်အသံမှာလည်း အမိနိုင်ငံအတွက် ရင်နာစရာပင်ဖြစ်သည်။တစ်ချိန်တည်းမှာပဲ လူထုအင်အားကို ကောင်းကောင်း စားသုံးပြီး အရသာ သိနေပြီဖြစ်တဲ့ ဒီချုပ်ဟာ လူထုဆန္ဒ ခံယူပြီး ပြင်မယ်ဆိုတဲ့ အသံတွေ ကျယ်ကျယ်လောင်လောင် ထွက်လာပြန်ပါတယ်။
လူညီရင် “`ဤ” ကို “ကျွဲ” ဖတ်၍ ရတယ်ဆိုတဲ့  မျှော်မှန်းချက်ဖြင့် ပြည်သူလူထု ကို ခေါင်းတည် ဖို့ကြိုးစားပြန်ပါတယ်။ဒါပေမယ့် ခေတ်တွေ ပြောင်းခဲ့ပြီး  ၁၉၈၈ မဟုတ်တော့ပဲ ၂၀၁၃ ရောက်နေပြီဆိုတာ ဒီချုပ်မေ့နေဟန်တူပါတယ်။လွန်ခဲ့တဲ့နေ့တစ်နေ့က သူရဦးတင်ဦး ပြောခဲ့တဲ့ “ပြည်သူလူထု က ပူပေါင်းပါဝင်မှု အားနည်းတယ်” ဆိုတဲ့ စကားက သက်သေပါပဲ။တကယ်တော့ ပြည်သူလူထုက သမိုင်းမှာ ရင်းခဲ့တယ် ၊ ရဲခဲ့တယ် ၊ အသုံးချ ခံခဲ့ရတယ် ။ဒါကြောင့် “ဤ”ကို “ဤ”  ၊  ကျွဲ  ကို ကျွဲ ဖတ်ဖို့ အရှိတရား နဲ့ သတိတရား ရှိနေကြပါပြီ ။ဒီချုပ်အနေနဲ့ လူငယ်တွေ အားမကိုးရဘူးလို့ ဆွပေးပြီး  ၊ ပြည်သူလူထု ၀ိုင်းရံကြပါလို့ အားကိုးသလိုလို ရှေ့တန်းတင် ပြီး ပြည်သူလူထုရဲ့ ဗိုလ်ချုပ်အပေါ်ထားတဲ့မေတ္တာတရားကို မိမိအတ္တအတွက် ရင်းနှီးစားဖို့ကြိုးစားအုံးမယ်ဆိုရင်တော့…လူညီရင် “ဤ” ကို “ကျွဲ”ဖတ်လို့ ရတဲ့ခေတ်
မဟုတ်တော့ဘူးဆိုတာ သိသင့်နေပြီလို့ ထင်ပါတယ်။

မင်းညို

Read more →

နယ်စပ်ဒေသ လုံခြုံရေး၊ နယ်ခြား ပူးပေါင်းဆောင်ရွက်ရေးစာချုပ် လက်မှတ်ရေး ထိုးနိုင်ရေး၊ မြန်မာ့ တပ်မတော် ခေတ်မီရေး ပူးပေါင်းဆောင်ရွက်

▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
နေပြည်တော် အောက်တိုဘာ ၃၀

♦ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် အိန္ဒိယသမ္မတနိုင်ငံ အိန္ဒိယကြည်းတပ်ဦးစီးချုပ် General Bikram Singh ဦးဆောင်သော ကိုယ်စားလှယ်အဖွဲ့အား ယနေ့ မွန်းလွဲ ၂ နာရီတွင် နိုင်ငံတော်သမ္မတအိမ်တော်ရှိ သံတမန်ဆောင် ဧည့်ခန်းမ၌ လက်ခံ တွေ့ဆုံသည်။

♦ ယင်းသို့ တွေ့ဆုံစဉ်-

• မြန်မာနိုင်ငံ အစိုးရအဆက်ဆက်က အိန္ဒိယနိုင်ငံနှင့် ချစ်ကြည် ရင်းနှီးမှုကို အလေးထား တည်ဆောက်ခဲ့ သကဲ့သို့ လက်ရှိအစိုးရ လက်ထက်တွင်လည်း ချစ်ကြည်ရင်းနှီးမှုကို အလေးထား ဆောင်ရွက်နေ မှု၊

• နိုင်ငံတော်သမ္မတကြီး၏ အိန္ဒိယနိုင်ငံ ခရီးစဉ်နှင့် အိန္ဒိယဝန်ကြီးချုပ်၏ မြန်မာနိုင်ငံ ခရီးစဉ်အတွင်း နှစ်နိုင်ငံအကြား ချုပ်ဆိုထားသော စာချုပ်များ အရ ဆောင်ရွက်ရန်ရှိသည်များကို စတင် အကောင်အထည်ဖော် ဆောင်ရွက်နေမှု၊

• အိန္ဒိယနိုင်ငံအနေဖြင့် မြန်မာနိုင်ငံ၏ လူ့စွမ်းအား အရင်းအမြစ် ဖွံ့ဖြိုးရေးအတွက် ကူညီပံ့ပိုးဆောင်ရွက်နေမှု၊

• တပ်မတော်နှစ်ရပ် အကြား ပူးပေါင်းဆောင်ရွက်မှု အနေဖြင့် အိန္ဒိယနိုင်ငံတွင် သင်တန်းများ တက်ရောက်နိုင်ရေး ရွေးချယ်စေလွှတ်နိုင်ရန် ပညာသင်ဆုများ အများအပြား ကမ်းလှမ်း ဆောင်ရွက် သွားရန် စီစဉ်ထားရှိမှု၊

• မြန်မာ့ တပ်မတော် ခေတ်မီ ဖွံ့ဖြိုးတိုးတက်ရေးအတွက် လိုအပ်သည်များကို ကူညီဆောင်ရွက် ပေးသွားရန် စီစဉ်ထားရှိမှု၊

• အိန္ဒိယနိုင်ငံ နယ်စပ်တွင် အဖျက်အမှောင့် လုပ်ငန်းများ ဆောင်ရွက်နေသည့် သောင်းကျန်းသူများအား နှိမ်နင်းရာတွင် မြန်မာနိုင်ငံဘက်မှ ကူညီပေးခဲ့မှုများ အတွက် ကျေးဇူးတင် ရှိမှု၊

• နယ်စပ်ဒေသတွင် လုံခြုံရေး ကင်းလှည့်ခြင်းဖြင့် နယ်စပ်ဒေသ လုံခြုံရေးအတွက် များစွာ အကျိုးရှိမှု၊

• နှစ်နိုင်ငံအကြား နယ်ခြား ပူးပေါင်းဆောင်ရွက်ရေးစာချုပ် လက်မှတ်ရေးထိုးနိုင်ရန် စီစဉ်ဆောင်ရွက်နေမှု တို့နှင့် စပ်လျဉ်း၍ ဆွေးနွေးခဲ့ကြသည်။

♦ အဆိုပါ တွေ့ဆုံပွဲသို့ နိုင်ငံတော်သမ္မတနှင့်အတူ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စု ဝန်ကြီး ဒုတိယဗိုလ်ချုပ်ကြီးကိုကို၊ ဒုတိယဗိုလ်ချုပ်ကြီးဝေလွင်၊ ဦးဝဏ္ဏမောင်လွင်၊ ဦးစိုးသိန်း၊ ကာကွယ်ရေး ဦးစီးချုပ်ရုံး (ကြည်း) မှ ဗိုလ်ချုပ်သန်းစိုးနှင့် တာဝန်ရှိသူများ တက်ရောက်ကြပြီး အိန္ဒိယကြည်းတပ်ဦးစီးချုပ် ဦးဆောင်သောအဖွဲ့နှင့်အတူ မြန်မာနိုင်ငံဆိုင်ရာ အိန္ဒိယသံအမတ်ကြီးနှင့် စစ်သံမှူးတို့ တက်ရောက်ကြသည်။

Read more →

လူခေါင်းဖြတ်တဲ့ ပုံတွေ ဖေ့စ်ဘွတ်ခ် ပိတ်ထားရာက ပြန်တင်ခွင့်ပြု

လူမှုကွန်ယက် ဖေ့စ်ဘွတ်ခ် ရဲ့ တံဆိပ်

လူမှု ကွန်ယက် ဝက်ဘ်ဆိုက် ဖေ့စ်ဘွတ်ခ်ဟာ ပြီးခဲ့တဲ့ မေလတုန်းက ယာယီ တားမြစ်ပိတ်ပင်ခဲ့တဲ့ လူခေါင်းဖြတ်တဲ့ ပုံတွေ အပါအဝင် ကြမ်းတမ်းတဲ့ မမြင်ဖွယ် ပုံတွေကို အွန်လိုင်း ဗီဒီယို အဖြစ် ပြန်တင်ခွင့် ပြုလိုက်ပါတယ်။

အဲဒီလို တင်ခွင့်ပြုတာဟာ ဒီလုပ်ရပ်ကို ရှုတ်ချဖို့ ဖြစ်တယ် ၊ ဒါမျိုးတွေကို ချီးမွှမ်း ထောပနာ ပြုဖို့ မဟုတ်ဘူးလို့ ဖေ့စ်ဘွတ်ခ်က ပြောပါတယ်။

အဲဒီလို ကြည့်ရှုဖို့ မတင့်တယ်တဲ့ ကြမ်းတမ်းတဲ့ ပုံတွေမှာ သတိပေးချက် ထည့်ရင်ကောင်းမလား ဆိုတာကို စဉ်းစားနေတယ်လို့လည်း သူတို့က ဆိုပါတယ်။

ကိုယ့်ကိုယ်ကို အဆုံးစီရင်မှု တားမြစ်ရေး ပရဟိတ အဖွဲ့တွေနဲ့ အွန်လိုင်း လုံခြုံရေး အဖွဲ့တွေက ဝေဖန် ပြောဆိုမှု ထွက်လာခဲ့ပြီးတဲ့နောက် ဖေ့စ်ဘွတ်ခ် အခုလို သတိပေးချက် ထည့်သွင်းဖို့ စဉ်းစားချက် ပေါ်ပေါက်လာတာ ဖြစ်ပါတယ်။

Childnet International ပရဟိတ အဖွဲ့ကြီးကတော့ ဒီဗီဒီယို ရုပ်ပုံတွေက ကြမ်းတမ်းပြီး လူတွေ မြင်ကွင်းပေါ် ရောက်မလာသင့်ဘူးလို့ ဆိုပါတယ်။

From: BBC

Read more →

ကျွန်မ မာလာလာပါ

ရှပ်အကျီ အရောင်ဖျော့တော့တော့ကို ၀တ်ဆင်ထားတဲ့ မုတ်ဆိတ်ရှည်နဲ့ လူရွယ် တစ်ယောက်ဟာ လမ်းပေါ် တက်လာပြီး ကျောင်းသူလေးတွေ တင်ဆောင်လာတဲ့ ဒိုင်နာ အမျိုးအစား ကျောင်းကားကို လက်ပြတားပြီး ရပ်ခိုင်း လိုက်တယ်။ ကားဘေးမှာ ရေးကပ်ထားတဲ့ စာကို မတွေ့သယောင် ဒါခူးရှားကျောင်းကားလားလို့ ကားမောင်း သူကို မေးတယ်။ ပြီးတော့ ကလေးတွေရဲ့ အချက်အလက် အချို့ လိုချင်လို့လို့ ဆက်ပြောတယ်။ ကားမောင်းသူ အူစမန်က ဒါဆို ခင်ဗျား ကျောင်းရုံးခန်းကို သွားသင့်တယ်လို့ ပြန်ဖြေလိုက်တယ်။ အဲဒီလို သူက အရှေ့မှာ မေးမြန်းနေစဉ် နောက် အမျိုးသား တစ်ယောက်က ဒိုင်နာကားရဲ့ နောက်ဘက်ကို ရောက်လာတယ်။
မာလာလာ ဘယ်သူလဲ၊ မိုနီဘာက ကျွန်မကို ဟေ့ နင့်ကို အင်တာဗျူးဖို့ သတင်းထောက်နဲ့ တူတယ်လို့ လှမ်းပြောတယ်။ မိန်းကလေးတွေ ပညာသင်ကြားနိုင်ရေးအတွက် ကျွန်မ စပြီး စည်းရုံး လှုပ်ရှားမှုတွေ ပြုလုပ်ကတည်းက သတင်းထောက် အတော်များများ ကျွန်မဆီ လာပါတယ်။ ဒါပေမဲ့ အခုလို လမ်းပေါ်မှာ ကားရပ်ခိုင်းတာတော့ မကြုံဖူးသေးပါဘူး။အဲဒီလူဟာ ဖျားနာနေတဲ့ လူတစ်ယောက်လို သူ့ရဲ့ ပါးစပ်နဲ့ နှာခေါင်းကို လက်ကိုင်ပ၀ါနဲ့ ဖုံးအုပ်ထားတယ်။ကျွန်မတို့ ဒိုင်နာကားနောက်ထဲ သူ့ရဲ့ ကိုယ်ကိုတိုးဝင်လာပြီး မာလာလာ ဘယ်သူလဲလို့ မေးတယ်။
ဘယ်သူမှတော့ ပြန်မဖြေပေမယ့် အကုန်လုံးက ကျွန်မဆီကို လှမ်းကြည့်နေတယ်။ သူဟာ အနက်ရောင် ပစ္စတိုကို ထုတ်လိုက်တဲ့အချိန်မှာ ကျောင်းသူတွေ အကုန်လုံး ကြောက်လန့်တကြား အော်ဟစ်ကြတယ်။ မိုနီဘာရဲ့ လက်ကို ကျွန်မ ခပ်တင်းတင်း ဆုပ်ကိုင်ထားမိတယ်။သူငယ်ချင်းတွေက အဲဒီလူ သေနတ်နဲ့ သုံးချက်ပစ်တယ်လို့ ပြောတယ်။ ပထမဆုံး ကျည်ဆန်ဟာ ကျွန်မရဲ့ ဘယ်ဘက် မျက်လုံးခွံကနေဖြတ်ပြီး ကျွန်မ ဘယ်ဘက်ပခုံးအောက် ကနေ ပေါက်ထွက်သွားတယ်။ ကျွန်မ မိုနီဘာရဲ့ အပေါ် ခေါင်းနဲ့ ထိုးကျသွားတယ်။ နောက်ကျည်ဆန်နှစ်ခုက ကျွန်မဘေးနားက ကျောင်းသူလေးတွေကိုလည်း ထိမှန် သွားတယ်။ သူငယ်ချင်းတွေဆီက နောက်မှ သိရတာက အဲဒီလူ ကျွန်မတို့ကို သေနတ်နဲ့ ပစ်တဲ့ လက်ဟာ တဆတ်ဆတ် တုန်လို့နေတယ်တဲ့။ ဆေးရုံကိုရောက်တော့ ကျွန်မရဲ့ ဆံပင်အရှည်နဲ့ မိုနီဘာရဲ့ ပေါင်ဟာ သွေးတွေနဲ့ နီရဲထွေးလို့တဲ့။

ကျွန်မရဲ့ နာမည် မာလာလာဟာ အာဖဂန်နစ္စတန်ရဲ့ ကြီးမြတ်တဲ့ သူရဲကောင်းအမျိုးသမီး မာလာလိုင်ရဲ့ နာမည်ကို ယူပြီး မှည့်ထားတာ ဖြစ်တယ်။ မာလာလိုင်ဟာ အင်္ဂလိပ် နယ်ချဲ့တွေနဲ့ တိုက်ပွဲမှာ ဒဏ်ရာရတဲ့ အာဖဂန်စစ်သားတွေကို ဆေးပေးရေတိုက် စောင့်ရှောက်ပေးနေရင်းက အလံကိုင် စစ်သားကျသွားတဲ့အခါ သူမရဲ့ ပ၀ါအဖြူကို ကိုင်ဆောင် လွှင့်ယမ်းပြီး အာဖဂန်စစ်သား တွေ ရှေ့ကနေ တိုက်ပွဲကို ဦးဆောင် လှုံ့ဆော်ခဲ့တဲ့ ဇာနည်သူရဲကောင်းမ ဖြစ်တယ်။ ကျွန်မ အဖေဟာ သူမအကြောင်းကို အိမ်မှာ အမြဲတမ်း ပြောပြလေ့ရှိတယ်။ ကျွန်မ မွေးဖွားကြီးပြင်းတဲ့ အရပ်ဟာ ကမ္ဘာပေါ်မှာ အလှဆုံးဒေသတစ်ခု ဖြစ်တယ်။ ဆွက်တ် ဒေသဟာ အလှဆုံး အကြီးမြတ်ဆုံး တောင်ကုန်းတွေ အကြားမှာ ရှိတယ်။ တသွင်သွင် စီးကျ ပန်းထွက်နေတဲ့ ရေတံခွန်တွေ၊ ကြည်လင်အေးမြတဲ့ ရေကန်တွေ ရှိတဲ့ တောင်ကြားဒေသရဲ့ အ၀င်ဝမှာ သုခဘုံသို့ ကြိုဆိုပါ၏လို့ ရေးထားတယ်။ ရှေးတုန်းက ဆွက်တ်ကို ပန်းဥယျာဉ်လို့ အဓိပ်္ပာယ်သက်ရောက်တဲ့ ဥဒရာနလို့ ခေါ်ဆိုကြတယ်။ ပါကစ်္စတန်ရဲ့ ပထမဦးဆုံး နှင်းလျှောစီး အပန်းဖြေစခန်း ရှိလို့ အရှေ့တိုင်းရဲ့ ဆွစ်ဇာလန်လို့လည်း တင်စားကြတယ်။

ကျောင်းသူလေးတွေ ငြိမ်းချမ်းစွာ စာသင်ပါစေ

ကျွန်မတို့ရဲ့ သည်တောင်ကြားဒေသလေးမှာ အိမ်အတော် များများ တီဗီ မရှိတာရယ်၊ လူအတော်များများ စာမဖတ်တတ်တာတို့ကြောင့် သတင်း အဆက်အသွယ် မပြတ်ဖို့ ရေဒီယိုကိုပဲ အားကိုးရတယ်။ ရေဒီယို အစီအစဉ်တစ်ခုဟာ လူတွေအကြားမှာ ရေပန်းစားလာတယ်။ အဲဒီ အစီအစဉ်ကတော့ ဖာဇ်လူလာ ထုတ်လွှင့်တဲ့ ရေဒီယိုမူလာလို့ ခေါ်တဲ့ အစီအစဉ်ဖြစ်တယ်။ ညတိုင်း ၈ နာရီကနေ ၁၀ နာရီကြားနဲ့ နံနက် ၇ နာရီမှ ၉ နာရီကြား လာတယ်။ ဖာဇ်လူလာက သူ့ကိုယ်သူ အစ္စလာမ် ပြုပြင်ပြောင်းလဲရေးသမား၊ ကိုရန် ကျမ်းစာရဲ့ အဓိပ်္ပာယ် အနှစ်သာရတွေကို ဖွင့်ဆိုရှင်းပြနိုင်သူ တစ်ယောက်အနေနဲ့ လူထုကို မိတ်ဆက်တယ်။ လူတွေ ကောင်းမွန်တဲ့ အကျင့်တွေကို ဘယ်လို မွေးမြူရမယ်၊ ဆိုးတဲ့ အကျင့်တွေကို ဘယ်လို ပစ်ပယ်ရမယ်၊ ဘုရား ၀တ်မပြုခင် ခန်္ဓာကိုယ်ကို ဘယ်လို သန့်စင်ဆေးကြောရမယ် စတာတွေကို နားထောင်ချင်စဖွယ် ဖြစ်အောင် ညင်သာ မျှတတဲ့ အသံနဲ့ ပြောကြားတယ်။ ဒါပေမဲ့ တစ်ခါတလေ မိုးကြိုးပစ်လျှပ်စီး လက်သလို ထစ်ချုန်းတဲ့ အသံနဲ့ လူတွေကို ခေတ်ပေါ် ဂီတ နားထောင်တာတွေ ရုပ်ရှင်ကြည့် တာတြွေ မူးထူးကခုန်တာတွေ မလုပ်ကြဖို့နဲ့ အဲဒီလို အပြစ်ရှိတဲ့ အလုပ်တွေဟာ မြေငလျင် လှုပ်မှုတွေကို ဖြစ်ပေါ်စေတယ်လို့ သတိပေး ပြောကြားတယ်။ ကျွန်မရဲ့ အဖေက သူ့ကို အရူးတစ်ယောက်လို လျှောက်ပြောနေတယ်လို့ ဝေဖန် သလိုပဲ။ ကိုရန်ကျမ်းစာရဲ့ မူရင်း အာရပ် ဘာသာကို လူတွေ နားမလည်တာကို အခွင့်ကောင်းယူပြီး အဲဒီလို တားမြစ် ပိတ်ပင်တဲ့ အဓိပ်္ပာယ် အမှားတွေကိုလည်း သင်ကြား ထုတ်လွှင့်တယ်။ ခြောက်လအတွင်းမှာ တာလီဘန်ေ တွဟာ အိမ်တွေက တီဗီတွေ စီဒီတွေ ဒီဗီဒီတွေကို လိုက်လံ ကောက်ခံ သိမ်းယူပြီး လမ်းတွေပေါ်မှာ စုပုံ မီးရှို့တယ်။

တစ်နေ့မှာ ထောင်ထဲ အချုပ်ခံနေရတဲ့ စစ်သွေးကြွ ခေါင်းဆောင် ဆူဖီမိုဟာမက်က ပညာရေးဟာ မိန်းကလေး တွေအတွက် မဟုတ်ဘူးလို့ ပြောကြားလိုက်ပြီးတဲ့နောက် ရေဒီယို မူလာရဲ့ အစီအစဉ်တွေဟာ ကျောင်းတွေဘက် လှည့်လာတယ်။ မိန်းကလေးတွေ ရှိတဲ့ ကျောင်းစီမံအုပ်ချုပ် သူတွေကို ပြစ်တင်ဝေဖန်ပြီး ကျောင်းက နုတ်ထွက်သွားတဲ့ ကျောင်းသူတွေကို ချီးမွမ်း ပြောကြား တယ်။ ဘာကြောင့် မိန်းကလေးတွေကို ကျောင်း မသွားစေချင်တာလဲလို့ အဖေ့ကို မေးကြည့်တော့ တာလီဘန်တွေဟာ လက်နက်ထက် စာရေးဘောပင်တွေကို ပိုကြောက်လို့ပေါ့ သမီးရယ်လို့ ဖြေတယ်။ ကျွန်မတို့ ကျောင်းက တချို့ ကျောင်းဆရာတွေက ကျောင်းသူတွေကို သင်ဖို့ ငြင်းဆိုလာတယ်။ အစ်ပြီးလို့ ကျောင်းပြန်ဖွင့်တဲ့နေ့မှာ အဖေ့ရဲ့ ကျောင်းဂိတ်ဝမှာ စာတစ်စောင် ကပ်ထားတာကို တွေ့ရတယ်။ အဲဒီစာမှာ ခင်ဗျားရဲ့ ကျောင်းဟာ အနောက်တိုင်းဆန်ပြီး ဘာသာရေးကို ဆန့်ကျင်နေတယ်။ မိန်းကလေးတွေကို စာသင်ကြားပေးပြီး ဘာသာရေးနဲ့ မသင့်လျော်တဲ့ ယူနီဖောင်းတွေ ၀တ်ဆင်နေကြတယ်။ ဒီအတိုင်း ဆက်လုပ်နေရင် ခင်ဗျား ဒုက္ခတွေ့လိမ့်မယ်။ အဲဒီကျရင် ခင်ဗျားရဲ့ ကျောင်းသူလေးတွေ ခင်ဗျားအတွက် ငိုကြလိမ့်မယ်။ အစ်္စလာမ်ဘာသာရေး စွန့်လွှတ်အနစ်နာခံသူများလို့ ခြိမ်းခြောက် ရေးသားထား တယ်။ အဖေ့ရဲ့ သူငယ်ချင်းက အဖေ့ကို နောက်မဆုတ်ဘဲရဲရဲရင့်ရင့် ကိုယ့်ယုံကြည်ချက်အတိုင်း ရင်ဆိုင်ဖို့ အားပေးတယ်။ ဒီကိစ်္စနဲ့ ပတ်သက်လို့ အဖေက ဒေသ သတင်းစာ တစ်စောင်ဖြစ်တဲ့ အဇာဒိနေ့စဉ်ကို စာရေးတယ်။ “အစ်္စလာမ် ဘာသာရေး စွန့်လွှတ် အနစ်နာခံသူများသို့ ခင်ဗျားတို့ လုပ်တဲ့ အလုပ်တွေဟာ အစ်္စလာမ်ဘာသာရဲ့ နည်းမှန် လမ်းမှန်တွေ မဟုတ်ပါ။ ကျွန်တော့်ရဲ့ ကလေးတွေကို ဘေးဒုက်္ခတွေမပေးပါနဲ့။ ခင်ဗျားတို့ ယုံကြည်ကိုးကွယ်တဲ့ ဘုရားသခင်ဟာ သူတို့လေးတွေ နေ့တိုင်း ရှိခိုးတဲ့ ဘုရားသခင်ပါပဲ။ လိုအပ်ရင် ကျွန်တော့်ရဲ့ အသက်ကို ယူနိုင်ပါတယ်။ ကျွန်တော့် ကျောင်းသူကျောင်းသားတွေကို ငြိမ်းငြိမ်းချမ်းချမ်း စာသင်ခွင့်ပေးပါ”

အပြောင်းအလဲ လိုချင်တဲ့ မိန်းကလေး

၂၀၀၇ အကုန်ပိုင်းလောက်မှာ အစိုးရစစ်တပ်တွေ ဆွက်တ် တောင်ကြားကို ရောက်ရှိလာတယ်။ တာလီဘန်တွေနဲ့ အစိုးရစစ်တပ်တွေကြား အပြင်းအထန် တိုက်ပွဲတွေ ဖြစ်ကြတယ်။ ဖာဇလူလာရဲ့ ဌာနချုပ်ကို သိမ်းပိုက်နိုင်ပြီး သူနဲ့ သူ့အဖွဲ့ဟာ အနီးအနားက တောတွေ တောင်တွေ ကြားထဲ တိမ်းရှောင် ဆုတ်ခွာသွားရတယ်။ ဒါပေမဲ့ အဖေက တာလီဘန်တွေရဲ့ ဆုတ်ခွာမှုဟာ ယာယီသာ ဖြစ်တယ်လို့ ဆိုတယ်။ ၂၀၀၇ အကုန်မှာ အစိုးရစစ်တပ်က စစ်ဆင်ရေးတွေ ရပ်ဆိုင်းလိုက်ပေမယ့် တာလီဘန်တွေကို ဒီဒေသကနေ အပြီးတိုင် မဖယ်ရှားနိုင်ခဲ့ပါ။ ဖာဇလူလာရဲ့ ရေဒီယို အစီအစဉ်ဟာ ဆက်လက် ထုတ်လွှင့်နေတုန်းပဲ ဖြစ်တယ်။ဖာဇလူလာက မိန်းကလေးတွေ ကျောင်းမသွားဘဲ အိမ်မှာ နေသင့်တယ်လို့ လွှင့်ဆိုပြီး သူ့ရဲ့ လူတွေဟာ ညဘက် ကာဖျူးထုတ်ထားတဲ့ အချိန်တွေမှာ ကျောင်းတွေကို ဖောက်ခွဲမှုတွေ စတင် လုပ်ဆောင်လာတယ်။ ရှဝါဇန်ဂေလို့ ခေါ်တဲ့ အစိုးရ မိန်းကလေးမူလတန်းကျောင်း ပထမဦးဆုံး ဖောက်ခွဲခံရတယ်။ အသေခံဗုံးခွဲပြီး အသတ်ခံရတဲ့ ရဲအရာရှိ ဂျာဗစ်ရဲ့ အသုဘမှာ တာလီဘန်တွေ ဗုံးဖောက်ခွဲလို့ သူ့ရဲ့ သားငယ် အပါအ၀င် အသုဘလိုက်ပို့သူ လူပေါင်း ၅၅ ယောက် သေဆုံးခဲ့ရတယ်။ အခုလို အကြမ်းဖက် ခံနေရတာတွေကို မကြောက်ဖူးလားလို့ အဖေ့ကို မေးတော့ “ညမိုးချုပ်တဲ့အခါ ကြောက်ရွံ့မှုတွေ ဖြစ်လာပေမယ့် နံနက်လင်းတဲ့အခါ သတ်္တိတွေကို ပြန်လည် ရှာတွေ့လိမ့်မယ် သမီး၊ ငါတို့တွေ ကြောက်လန့် မိတာတော့ အမှန်ပဲ၊ ဒါပေမဲ့ ငါတို့ရဲ့ အကြောက်တရားဟာ ငါတို့ရဲ့ သတ်္တိထက် မကြီးမားစေရဘူး” လို့ ကျွန်မကို ပြန်ဖြေတယ်။ အဲဒီ နောက်ပိုင်းမှာ အဖေနဲ့ သူ့မိတ်ဆွေတွေဟာ ဘီဘီစီ ဗွီအိုအေ စတဲ့ ရေဒီယိုဌာနတွေရဲ့ အင်တာဗျူးတွေကို လက်ခံ ဖြေကြားတယ်။ ဆွက်တ်က အဖြစ်အပျက်တွေ ဟာ အစ်္စလာမ်ဘာသာနဲ့ မကိုက်ညီဘူးလို့ ရှင်းပြကြတယ်။ ဆွက်တ်မှာ တာလီဘန်တွေ ဆက်ရှိနေတာဟာ အစိုးရစစ်တပ်အရာရှိတချို့ရဲ့ ပါဝင်မှု မရှိဘဲ မဖြစ်နိုင်ဘူး။ အစိုးရဟာ အစိုးရ မဟုတ်တဲ့ အကြမ်းဖက် အဖွဲ့အစည်းတွေရန်ကနေ ပြည်သူတွေကို အကာအကွယ်ပေးဖို့ ယုံကြည်အားထားလို့ မရဘူးလို့ ကျွန်မတို့ဒေသရဲ့ အခြေအနေတွေကို ရှင်းပြကြတယ်။
လူထုရဲ့ အသံတိတ်ဆိတ်နေရင် အပြောင်းအလဲတွေ လည်း မဖြစ်ပေါ်လာနိုင်ပါ။ အဖေဟာ ကိုယ် ယုံကြည်ရာကို ရဲရဲရင့်ရင့် ပြောဆိုဖို့ အမြဲ အားပေးတယ်။ ကျွန်မတို့ ကျောင်းသူတချို့ဟာ ATV Khyber ခေါ်တဲ့ ပါရ်ှတို တီဗီသတင်းဌာနကနေ မိန်းကလေးတွေ ကျောင်းတွေကနေ နုတ်ထွက်နေရတာတွေဟာ ဘာသာရေး အမည်ခံ စစ်သွေးကြွတွေရဲ့ ဖိအားပေးမှုကြောင့် ဆိုတာကို အင်တာဗျူး အစီအစဉ်ကနေ ရှင်းပြ ပြောဆိုကြတယ်။ ပါကစ်္စတန်ရဲ့ အကြီးဆုံး သတင်းဌာနဖြစ်တွဲ့နသ မှာလည်း ကျွန်မရဲ့ အင်တာဗျူးတွေ ပါလာတယ်။ မိဘတွေက ခွင့်မပြုတဲ့အတွက် မိန်းကလေးတွေ အတော်များများ မီဒီယာတွေနဲ့ အင်တာဗျူး မဖြေရဲကြပါဘူး။ ကျွန်မကတော့ အားပေးထောက်ခံတဲ့ အဖေရှိတဲ့အတွက် ဒီအလုပ်တွေကို လုပ်နိုင်ခဲ့တယ်။ လူငယ်တွေမှာ သူတို့နဲ့ ပတ်သက်တဲ့ အဖြစ်အပျက်တွေကို မေးမြန်း ပြောဆိုရဲရမယ်လို့ အဖေက ဆိုတယ်။ အင်တာဗျူးတွေ များများ ဖြေလေ ကျွန်မရဲ့ စိတ်ဓာတ်တွေ ပိုမို ခိုင်မာလာတယ်လို့ ခံစားရလေဖြစ်ပြီး ထောက်ခံမှုတွေလည်း ပိုရလာတယ်။ ကိုရန်ကျမ်းစာထဲက အဆိုတစ်ခုမှာ အမှားဆိုတာ ထွက်ခွာ သွားရမှာဖြစ်ပြီး အမှန်တရားသာ ကျန်ရှိခဲ့ လိမ့်မယ်တဲ့။ ဖာဇလူလာ ဆိုတဲ့ လူတစ်ယောက်က အကုန်လုံးကို ဖျက်ဆီးနိုင်စွမ်းရှိရင် မိန်းကလေးတစ်ယောက် ကလည်း အပြောင်းအလဲကို ဘာကြောင့် မဖန်တီးနိုင်ရမှာလဲ။

တိုင်းပြည်ရဲ့ အနာဂတ်ကို တိုက်ခိုက်ခြင်း

၂၀၀၈ အောက်တိုဘာ ၇ ရက်နေ့ ညမှာ ဆန်ဂိုတာ မိန်းကလေးကျောင်းနဲ့ အိက်စယ်လ်ဆီယာ ကောလိပ် ကျောင်းတို့ ဗုံးခွဲ ဖျက်ဆီးခံရတယ်။ ၂၀၀၈ အကုန်ပိုင်းထိ ကျောင်းပေါင်း ၄၀၀ လောက် တာလီဘန်တွေ ဖျက်ဆီးခဲ့ တယ်။ ဖာဇလူလာရဲ့ လက်ထောက် မောင်လာနာရှားက ဇန်န၀ါရီ ၁၅ ရက် နောက်ဆုံးထားပြီး မိန်းကလေးကျောင်း တွေ အကုန် ပိတ်ရမယ်လို့ ရေဒီယိုကနေ ရာဇသံပေး ပြောကြားတယ်။ ကျွန်မရဲ့ အဖေ လူတွေကို ပြောလေ့ရှိတဲ့ စကားတစ်ခုရှိတယ်။ ဆွက်တ်ဒေသက လူထုနဲ့ ဆရာတွေဟာ သူတို့ရဲ့ ကလေးတွေကို နောက်ဆုံး စာသင်ခန်းတစ်ခန်း အထိ၊ နောက်ဆုံး ဆရာတစ်ယောက်အထိ၊ နောက်ဆုံး ကျောင်းသားတစ်ယောက် အထိ ပညာသင်ကြားပေး သွားမယ်ဆိုတဲ့ စကားပါ။ တာလီဘန်တွေ လာရောက် ပိတ်ပင်မှ ပညာရေးရဲ့ အရေးပါမှုကို ကျွန်မတို့ ပိုမို နားလည် လာတယ်။ ကျောင်းသွားတယ်၊ စာဖတ်တယ်၊ အိမ်စာ လုပ်တယ်ဆိုတာ လူငယ်ဘ၀ရဲ့ အလေ့အထ တစ်ခုထက် လူငယ်တွေရဲ့ အနာဂတ်ဖြစ်တယ် ဆိုတာကို နားလည် လာတယ်။ ကျောင်းတွေ ပြန်ဖွင့်လာနိုင်လိမ့်မယ်လို့ ကျွန်မတို့ ယုံကြည်တယ်။ တာလီဘန်တွေ ကျွန်မတို့ရဲ့ စာအုပ်တွေ ဘောပင်တွေကို သိမ်းသွားနိုင်ပေမယ့် ကျွန်မ တို့ရဲ့ အတွေးအခေါ်တွေကိုတော့ တားဆီးနိုင်လိမ့်မယ်လို့ မထင်ပါ။

သူရဲကောင်းမလေး ဂူလ်မကိုင်ရဲ့ ဒိုင်ယာရီ

တစ်နေ့ အဖေ့ဆီ သူ့ရဲ့ မိတ်ဆွေ ဘီဘီစီ ရေဒီယို သတင်းထောက် အက်ဘဒူဟိုင်ကကာက ဖုန်းဆက်လာပြီး ဆရာမတစ်ယောက် သို့မဟုတ် ကျောင်းသူတစ်ယောက် တာလီဘန် လက်အောက်က ဘ၀အကြောင်းကို ဒိုင်ယာရီ ရေးပေးဖို့ ရှာနေတယ်၊ လုပ်ပေးနိုင်တဲ့သူ ရှိလားလို့ မေးမြန်းလာတယ်။ အဲဒီအကြောင်း အဖေ ပြောနေတာ ကြားတော့ ကျွန်မလုပ်လို့ မရဘူးလားလို့ အဖေ့ကို ခွင့်တောင်းကြည့်မိတယ်။ အဖေက ကျွန်မ လုပ်ချင်တယ် ဆိုရင် ခွင့်ပြုပေမယ့် တကယ် နဖူးတွေ့ ဒူးတွေ့ စာရေးမယ် ဆိုတော့ ဘယ်လို စရမှန်း မသိလောက်အောင် ကျွန်မ အခက်အခဲတွေ အများကြီး တွေ့ရတယ်။ ဟိုင်ကကာက ကျွန်မဆီ ဖုန်းဆက်ပြီး ကျွန်မရဲ့ တစ်နေ့တာ အလုပ်တွေ၊ အသေးအမွှားလေးကအစ နိစ်္စဓူဝ ကြုံရတဲ့ အခက်အခဲတွေ၊ ကျွန်မရဲ့ စိတ်ကူးအိပ်မက်တွေကို မေးမြန်းပြီး ကျွန်မရဲ့ စကားတွေကို သူက ပြန်ရေးပေးတယ်။ ကျွန်မရဲ့ ဒိုင်ယာရီဟာ ဘီဘီစီ့ မိက ဘာသာ အင်တာနက် စာမျက်နှာမှာ အပတ်တိုင်း ပါလာတယ်။ ဟိုင်ကကာက ကျွန်မကို အန်းဖရန့်လို့ ခေါ်တဲ့ ၁၃ နှစ် သမီး ဂျူးမိန်းကလေး အကြောင်းကို ပြောပြတယ်။ သူမဟာ နာဇီတွေ ရန်က ပုန်းအောင်း တိမ်းရှောင်ရင်း ဒိုင်ယာရီ ရေးခဲ့တယ်။ သူမ မိသားစု အဖမ်းခံရပြီး နာဇီငရဲခန်းတွေမှာ သေဆုံးခဲ့ရတဲ့ သူမရဲ့ ဒိုင်ယာရီဟာ ကြီးမားအဖိုးတန်တဲ့ သမိုင်းမှတ်တမ်း တစ်ခု ဖြစ်လာတယ် ဆိုတာကို ပြောပြတယ်။ ကျွန်မကို ကာကွယ်တဲ့အနေနဲ့ ကျွန်မရဲ့ ဒိုင်ယာရီကို ကိုရန်ကျမ်းစာ အထောက်အထားနဲ့ စစ်ရဲ့ ဆိုးကျိုး၊ လူသားတွေရဲ့ မေတ်္တာ အကြောင်းကို ပြောကြားခဲ့တဲ့ ပါရ်ှတွန် ရိုးရာပုံပြင်ထဲက ဂူလ်မကိုင်ဆိုတဲ့ သူရဲကောင်းမလေးရဲ့ နာမည်ကို သုံးစေခဲ့ တယ်။

ဂူလ်မကိုင်ရဲ့ ဒိုင်ယာရီဟာ လူတွေရဲ့ စိတ်ဝင်စားမှု ရရှိလာပြီး တချို့ သတင်းစာတွေက ဒိုင်ယာရီထဲက စာပိုဒ်အချို့ကို ပုံနှိပ် ဖော်ပြလာကြတယ်။ ဘီဘီစီက ဒိုင်ယာရီကို မိန်းကလေး တစ်ဦးရဲ့ အသံနဲ့ ဖတ်ခိုင်းပြီး ရေဒီယို အစီအစဉ် တစ်ခုအနေနဲ့ ထုတ်လွှင့်ခဲ့တယ်။ ကလောင်သွားဟာ စက်သေနတ်တွေထက် အင်အား ပိုရှိတာကို ကျွန်မ နားလည်လာခဲ့တယ်။ နယူးရော့ခ်တိုင်းမ်က သတင်းမှတ်တမ်းရိုက်ကူးဖို့ အမေရိကန် ဗီဒီယို သတင်း ထောက် အဒမ်အယ်လစ်ရဲ့ ဆက်သွယ်လာမှုကိုလည်း လက်ခံခဲ့တယ်။ အစတော့ သူက အဖေ့ကို ကျောင်းနဲ့ ပတ်သက်လို့ မေးမြန်းဖို့ ဖြစ်ပေမယ့် ကျွန်မနဲ့ တွေ့ဆုံ ပြောဆိုပြီးနောက် ကျောင်းသူလေးတွေရဲ့ အကြောင်းကိုပါ ကျွန်မကို ကိုယ်စားပြုပြီး ထည့်သွင်း ရိုက်ကူးခဲ့တယ်။အဲဒီနောက်ပိုင်းမှာတော့ ကျွန်မဟာ ရေဒီယိုတွေ တီဗီ သတင်းဌာနတွေ အတော်များများရဲ့ အစီအစဉ်တွေမှာ ပါဝင်ခဲ့တယ်။ ကျွန်မတို့ရဲ့ အခွင့်အရေးတွေအတွက် အများ သိအောင် ပြောဆို ရေးသား တိုက်ပွဲဝင်ရင်းက ကျွန်မတို့ရဲ့ အင်အားတွေကိုလည်း သိရှိလာခဲ့ရတယ်။ အမေကတော့ စိုးရိမ်စိတ်နဲ့ အင်တာဗျူးပြောတဲ့အခါ ကျွန်မရဲ့ မျက်နှာကို ကာထားဖို့ ပြောတယ်။ ဒါပေမဲ့ လူတွေက မာလာလာဟာ ကလေးပဲ ဖြစ်တဲ့အတွက် တာလီဘန်တွေ အန္တရာယ် ပြုချင်ရင်တောင် အဖေ့ကိုပဲ ရန်ရှာလိမ့်မယ်လို့ အမေ့ကို နှစ်သိမ့် ပြောဆိုကြတယ်။

ခေါင်းလောင်းလေးတွေ မြည်လာပြီ

အစိုးရနဲ့ တာလီဘန်တွေရဲ့ ငြိမ်းချမ်းရေးနဲ့ အပစ်အခတ် ရပ်စဲရေး အစီအစဉ် ပျက်ပြားပြီးနောက် ၂၀၀၉ ခုနှစ် မေ အစပိုင်းမှာ ကျွန်မတို့ ဒေသတစ်ဝိုက်မှာ ရဟတ်ယာဉ် အသံတွေ သေနတ်သံတွေ ပြန်လည် ဆူညံလာတယ်။မကြာမီမှာ ကျွန်မတို့ မိသားစုလည်း စစ်ပြေးဒုက္ခသည်တွေ အဖြစ်နဲ့ ကျွန်မတို့ ချစ်တဲ့ မြေကို ခေတ္တ ခွဲခွာခဲ့ရတယ်။ဇူလိုင်လမှာတော့ ၀န်ကြီးချုပ်က တာလီဘန်တွေကို ဆွက်တ်ကနေ အပြီးတိုင် ဖယ်ရှားလိုက်နိုင်ပြီလို့ ကြေညာ တယ်။ ဂက်စ်တွေ ပြန်လည် ရရှိနေပြီး ဘဏ်တွေလည်း ပြန်ဖွင့်နေပြီလို့ ကြေညာတယ်။ အစပိုင်းမှာတော့ လူအတော်များများက အစိုးရရဲ့ ကြေညာချက်တွေကို ယုံကြည်မှု သိပ်မရှိဘဲ ပြန်ဖို့ တွန့်ဆုတ်နေကြဆဲဖြစ်ပေမယ့် တဖြည်းဖြည်းနဲ့တော့ စစ်ပြေးရှောင်သူတွေ ပြန်လည် ရောက်ရှိလာကြတယ်။ ဆွက်တ်လို လှပတဲ့ ဒေသကို ဘယ်သူတွေက အကြာကြီး ခွဲပြီး နေနိုင်ကြမှာလဲ။ သြဂုတ် တစ်ရက်နေ့မှာ ကျွန်မတို့ရဲ့ ကျောင်းခေါင်းလောင်းသံလေး တွေ ပြန်မြည်လာတယ်။ ကျောင်းအဆောက်အအုံတွေကို တာလီဘန်တွေ ဖျက်ဆီးသွားလို့ ရွက်ဖျင်တဲတွေ ထိုးပြီး ယာယီ စာသင်ခန်းတွေ ပြုလုပ်ကြရတယ်။ ဘီဘီစီက ဒိုင်ယာရီကို ကျွန်မ ရေးတယ်ဆိုတာ အတော်များများ သိနေပုံရတယ်။ တချို့ဆီကတော့ သူ့အဖေ ရေးပေးတာ ထင်တယ်ဆိုတဲ့ သဘောမျိုး ကြားရတယ်။ ကျွန်မတို့ ကျောင်းအုပ် မာရမ်က ကျောင်းသူကျောင်းသားတွေကို မာလာလာကတော့ စကားပြောကောင်းရုံတင်မကဘူး၊ စာရေးဆရာကောင်းတစ်ယောက်ပါ ဖြစ်နေပြီလို့ ပြောပြ တာကိုတော့ ကျွန်မစိတ်ထဲ ကျေနပ်နေမိတယ်။

သမီးရဲ့ မျက်တောင်နဲ့ ကမ္ဘာကြီးကို မလဲနိုင်ပါ

၂၀၁၁ အောက်တိုဘာမှာ ကျွန်မကို အမ်စတာဒမ် အခြေစိုက်အဖွဲ့က ပေးတဲ့ ကလေးများ အခွင့်အရေးအတွက် အပြည်ပြည်ဆိုင်ရာ ငြိမ်းချမ်းရေးဆုအတွက် လျာထားခြင်း ခံရတယ်လို့ အဖေ့ဆီကို အီးမေးလ် ရောက်လာတယ်။ကျွန်မကို အာဖရိက ဘုန်းတော်ကြီး ဒက်စမွန်တူးတူး ကိုယ်တိုင် လျာထားခဲ့တာလို့ သိရတယ်။ ကျွန်မ ဆုမရခဲ့ တော့ စိတ်ပျက်နေတဲ့ အဖေ့ကို ကျွန်မ လုပ်တာက စကားပြောတာ စာရေးတာပဲ ရှိသေးတယ်။ ဆုရသွားတဲ့ သူတွေလို တကယ့်အလုပ် ဘာမှ မလုပ်ရသေးဘူးလို့ ကျွန်မက နှစ်သိမ့်ရတယ်။ တစ်နေ့ ကျောင်းမှာ သူငယ်ချင်း တွေက မာလာလာရေ နင့်ကို ထိပ်တန်းဆုနဲ့ ဆုငွေတွေ အများကြီး ချီးမြှင့်လိုက်တယ်လို့ ၀မ်းပန်းတသာ လာပြော ကြတယ်။ ကျွန်မကို ပါကစ်္စတန်ရဲ့ ပထမဦးဆုံး အမျိုးသား ငြိမ်းချမ်းရေးဆု ပေးအပ်လိုက်ကြတယ် ဆိုတာကို ကိုယ့် ကိုယ်ကိုယ်တောင် မယုံနိုင်အောင် ဖြစ်ရတယ်။ ဆုပေးအပ် ပွဲကို ၀န်ကြီးချုပ်အိမ်ရာမှာ ကျင်းပတာဖြစ်ပြီး ၀န်ကြီးချုပ်က ကျွန်မကို ဆုပေးအပ်တော့ ကျွန်မကလည်း သူ့ကို ကျွန်မတို့ရဲ့ လိုလားချက်တွေကို ပြန်လည် ပေးအပ်လိုက်တယ်။ ကျွန်မတို့ ကျောင်းတွေ ပြန်လည် ထူထောင် ဆောက်လုပ်ပေးဖို့ရယ်၊ ဆွက်တ်မှာ အမျိုးသမီးတက်္ကသိုလ် ဖွင့်ပေးဖို့ရယ်တို့ကို လိုလားချက်တွေထဲမှာ အဓိက တောင်းဆိုထားတယ်။ကျွန်မရဲ့ တောင်းဆိုချက်တွေကို သူ အလေးထားပြီး မလုပ်ပေးလည်း ကိစ်္စ မရှိပါဘူး။ တစ်နေ့မှာ ကျွန်မ နိုင်ငံရေးသမားလုပ်ပြီး ကိုယ် လိုချင် ဖြစ်ချင်တာတွေကို ကိုယ်တိုင် လုပ်ဆောင်မယ်လို့ ရည်မှန်း ဆုံးဖြတ်ထားပြီးပါပြီ။ ဒီငြိမ်းချမ်းရေးဆုကို နှစ်စဉ် ၁၈ နှစ်အောက် ကလေးတွေကို မာလာလာဆု ဆိုပြီး ပေးမယ်လို့ သိရတယ်။ အဖေကတော့ အသက်ထင်ရှား ရှိသေးသူရဲ့ နာမည်နဲ့ ဆုပေးတာကို သိပ်သဘောမကျဘူး။ အမေကတော့ ကျွန်မ ကျော်ကြား လာတာတွေ ဆုရတာတွေဟာ ကျွန်မအတွက် အန္တရာယ် ဖြစ်လာမှာ အင်မတန် စိုးရိမ်နေရှာတယ်။ အမေဟာ ကျွန်မလုပ်တဲ့ အလုပ်တွေအတွက် ဘယ်တော့မှ နောင်တ မရခဲ့ပါဘူး။ ဒါပေမဲ့ ဆုတွေ ချီးမြှင့်ခံရတဲ့အခါမှာ ကျွန်မ သမီးလေးအတွက် ဆုတွေ မလိုချင်ပါဘူး။ ကျွန်မ သမီးကိုပဲ ကျွန်မ လိုချင်တယ်။ ကျွန်မသမီးလေး ရဲ့ မျက်တောင်တစ်ခု ကိုတောင် ကမ္ဘာကြီးနဲ့ မလဲနိုင်ပါဘူးလို့ ၀မ်းပန်းတနည်း ပြောရှာတယ်။

အမေ့ရဲ့ စိုးရိမ်မှုတွေကို ပိုတယ်လို့တော့ ပြောလို့ မရပါဘူး။ အင်တာနက်ပေါ်မှာ တာလီဘန်တွေက ကျွန်မကို ရန်ပြုဖို့ ခြိမ်းခြောက် ကြေညာထားတယ်လို့ ကြားရတယ်။ ကျွန်မကတော့ သိပ်မပူပါဘူး။ လူတိုင်း တစ်နေ့တော့ သေရမှာပဲ။ ကင်ဆာရောဂါကြောင့်ပဲဖြစ်ဖြစ် တာလီဘန် ကြောင့်ပဲဖြစ်ဖြစ်ပေါ့။ ဒါကြောင့် ကျွန်မလုပ်စရာရှိတာတွေကို ဆက်လုပ်ရမှာပဲ။ အဖေကတော့ ခဏ လှုပ်ရှားမှုတွေ မလုပ်ဘဲ ငြိမ်နေမလားလို့ အကြံပေး တိုင်ပင်တယ်။ အဲဒါတော့ မဖြစ်နိုင်ဘူး။ အဖေကိုယ်တိုင်ပဲ ကိုယ့်ရဲ့ ယုံကြည်ချက် မှန်ကန်ရင် ကိုယ့်အသက်ထက်တောင် တန်ဖိုးရှိတယ်လို့ ပြောခဲ့တာ။ အခုအချိန်မှာတော့ ကျွန်မရဲ့ လှုပ်ရှားမှုကို မစွန့်ပစ်ခဲ့နိုင်ဘူး။ အမေဟာ စိုးရိမ်လွန်းလို့ ကျွန်မကို ဘယ်ကိုမှ လမ်းလျှောက်မသွားစေတော့ဘူး။ငါးမိနစ်ခရီးကိုတောင် လန်ချားဖြစ်ဖြစ် ဘတ်စကားဖြစ်ဖြစ် စီးခိုင်းတယ်။ အမေ့ရဲ့ စိုးရိမ်မှုတွေ တကယ် ဖြစ်လာတဲ့ အဲဒီနေ့က အမျိုးသားနှစ်ယောက် လမ်းပေါ် တက်လာပြီး ကျွန်မတို့ကို ကျောင်းကြိုပို့တဲ့ ဒိုင်နာကားကို ရုတ်တရက် ရပ်စေခဲ့တယ်။ သူတို့ မာလာလာ ဘယ်သူလဲ ဆိုတဲ့ မေးခွန်းကို ကျွန်မ ဖြေခွင့် မရခဲ့ပါဘူး။ ကျွန်မကိုသာ သူတို့ စကားပြောခွင့်ပေးခဲ့ရင် သူတို့ရဲ့ သမီးတွေ ညီမတွေ အပါအ၀င် ကျွန်မတို့ မိန်းကလေးတွေ ဘာကြောင့် ကျောင်းသွားသင့်တယ် ဆိုတာကို သူတို့နှစ်ယောက်ကို ကျွန်မ ပြောဆို ရှင်းပြချင်တယ်။ ကျောင်းကားပေါ်မှာ နောက်တစ်နေ့ အပြီးလုပ်ရမယ့် လေ့ကျင့်ခန်းအကြောင်းကို တွေးနေမိတာကိုပဲ ကျွန်မ နောက်ဆုံး သတိရမိတော့တယ်။

ဒုတိယ ဘ၀

ကျွန်မ တာလီဘန်တွေရဲ့ သေနတ်နဲ့ လုပ်ကြံမှုကိုခံရပြီး တစ်ပတ်အကြာ အောက်တိုဘာ ၁၆ ရက်မှာ ကျွန်မ နိုးလာတယ်။ ကျွန်မအိမ်နဲ့ မိုင်ထောင်ပေါင်းများစွာ ဝေးတဲ့ ဘာမင်ဟန် အက်လီဇဘက် ဘုရင်မဆေးရုံမှာ ရောက်နေပြီး ကျွန်မကို အသက်ရှူဖို့ အကူအညီပေးအောင် လည်ပင်းထဲမှာ ပြွန်ချောင်းတွေ တပ်ဆင်ထားတယ်။ ကျွန်မ စကား ပြောလို့လည်း မရပါ။ ပထမဦးဆုံး တွေးမိ တာကတော့ ဘုရားသခင်ရဲ့ ကျေးဇူးကြောင့် ကျွန်မ အသက်ရှင်နေသေး တယ် ဆိုတာကိုပဲ။
ပြီးတော့ ကျွန်မ ဘယ်ကို ရောက်နေတာလဲ။ ဘယ်သူက ကျွန်မကို ဒီကို ခေါ်လာတာလဲ။ ကျွန်မ မိဘတွေ ဘယ်မှာလဲ။ အဖေရော အသက်ရှိသေးရဲ့လား ဆိုတဲ့ မေးခွန်းတွေ ကျွန်မခေါင်းထဲကို တရစပ် ၀င်လာတယ်။ ကျွန်မ စာရေးဖို့ စာအုပ်နဲ့ ဘောပင်ရတော့ ကျွန်မ အဖေ ဘယ်မှာလဲနဲ့ ကျွန်မ အဖေမှာ ဒီဆေးကုသမှုတွေကို ပေးဖို့ ပိုက်ဆံမရှိဘူးဆိုတာကို ရေးလိုက်တယ်။ ဒေါက်တာဖီရိုနာက ကျွန်မအဖေ ဘာမှ မဖြစ်ကြောင်းနဲ့ ဆေးကုသမှု ကုန်ကျ စရိတ်အတွက် ပူစရာမလိုကြောင်း ပြောတယ်။ ကျွန်မ အသံပြန်ထွက်လာတဲ့ နေ့မှာပဲ ဒေါက်တာဂျေးဗစ်ဖုန်းကနေ ကျွန်မရဲ့ မိဘတွေကို စကားပြောခွင့်ရခဲ့တယ်။ ကျွန်မရဲ့ အသံက တစ်မျိုးကြီး ဖြစ်နေတယ်။ ခေါင်းလည်း ကိုက်နေတယ် လို့ အဖေ့ကို ပြောပြတယ်။ အဖေက အသံ ကတော့ တဖြည်းဖြည်း ကောင်းလာမှာပါ။ ခေါင်းကိုက်တာ တဖြည်းဖြည်း များလာသလား၊ လျော့သွားသလားလို့ စိုးရိမ်တကြီး မေးတယ်။ ကျွန်မ သူတို့ကို အရမ်း မစိုးရိမ်စေချင်တာနဲ့ ကျွန်မ အခြေအနေ ကောင်းပါတယ်။ ဘယ်တော့ လာကြမှာလဲလို့ မေးလိုက်တယ်။ သူတို့လည်း လာဖို့ကို တာဝန်ရှိသူတွေ လုပ်နေတာ စောင့်ဆိုင်းနေတယ် လို့ ဆိုတယ်။ နောက်နေ့တွေမှာ ကျွန်မ မိသားစု လိုက်လာ တော့မယ်လို့ ကြားရတော့ ကျွန်မရဲ့ ကျောင်းလွယ်အိတ် ယူလာပေးဖို့နဲ့ အိမ်ကို မသွားနိုင်တော့ရင် မတ်လမှာ ဖြေဖို့ စာမေးပွဲအတွက် ဖတ်စာအုပ်တွေ ၀ယ်လာပေးခဲ့ဖို့ မှာလိုက်တယ်။ ကျွန်မ အမြဲတမ်း အတန်းထဲမှာ ပထမပဲ လိုချင်ခဲ့တာဆိုတော့ နေမကောင်းပေမယ့် ရသလောက် စာဖတ်ရမယ်လို့ စိတ်တင်းကြည့်မိတယ်။

တာလီဘန်ကြောင့် ကမ္ဘာကျော်ရပြီ

မကြာခင်မှာပဲ ကမ္ဘာတစ်ဝန်းက သတင်းထောက်တွေ၊ အစိုးရဌာန၀န်ကြီးတွေ၊ သံတမန်တွေ၊ နိုင်ငံရေးသမားတွေ၊ ခရစ်ယာန်ဘုန်းတော်ကြီးရဲ့ တမန်တော်တွေတောင် ကျွန်မ တက်တဲ့ ဆေးရုံကိုလာပြီး ပန်းခြင်းတွေ ဆုတောင်းကတ်တွေ ချစ်စရာ အမွေးပွရုပ်ကလေးတွေ ချောကလက်ဘူးတွေ ပေးကြတယ်။ ကျွန်မ နေကောင်းဖို့ ဆုတောင်းပေးတဲ့ ကမ္ဘာတစ်ဝန်းက လူတွေရဲ့ ကတ်ပေါင်း ရှစ်ထောင်လောက်အထိ ရခဲ့တယ်။ အဲဒီလို များပြားတဲ့ လက်ဆောင်တွေ ထဲက ကျွန်မ တန်ဖိုး အထားဆုံးကတော့ ဘင်နီဇာဘူတိုရဲ့ ကလေးတွေက ပေးတဲ့ သူမရဲ့ ပ၀ါနှစ်ခုပဲ ဖြစ်တယ်။ ကျွန်မ အဲဒီပ၀ါတွေကို ရရချင်း ကျွန်မရဲ့ မျက်နှာကို နှစ်မြှုပ် ထားလိုက်ပြီး ရဲရင့်ကြီးမြတ်တဲ့ သူမရဲ့ ကိုယ်နံ့ကို ရှူရှိုက်ဖို့ ကြိုးစားမိတယ်။ ဗြိတိသျှ ၀န်ကြီးချုပ်ဟောင်း ဂေါ်ဒန်ဘရောင်းက ကျွန်မ မာလာလာဆိုတဲ့ ဆောင်ပုဒ်နဲ့ ၂၀၁၅ မှာ ပညာသင်ခွင့်မရတဲ့ ကလေး မရှိစေရဆိုတဲ့ တောင်းဆိုချက်နဲ့ စည်းရုံးလှုပ်ရှားမှုတွေ လုပ်ဆောင်တယ်။ ပေါ့ပ် အဆိုကျော် ဘီယောင်စေးက ကျွန်မအတွက် ဆုတောင်းကတ် ပို့ပေးပြီး သူမရဲ့ ဖေ့စ်ဘုတ်မှာ ကျွန်မပုံကို တင်ထားတယ်။ မက်ဒေါနားက ကျွန်မအတွက် ရည်စူးပြီး သီချင်းတစ်ပုဒ် စပ်ဆိုတယ်။ ကျွန်မ အကြိုက်ဆုံးမင်းသမီး အန်ဂျယ်လီနာ ဂျိုလီက ကျွန်မဆီကို ဆုတောင်းစကား ပေးပို့တယ်။တာလီဘန်တွေ ကျွန်မကို ပစ်သတ်ဖို့ ကြိုးစားခဲ့တာဟာ ကျွန်မရဲ့ လှုပ်ရှားမှုကို ကမ္ဘာသိအောင် သူတို့ လုပ်ပေးခဲ့တာ ပဲလားလို့ ကျွန်မ တွေးမိတယ်။

ကျောင်းသားတစ်ယောက်၊ ဆရာတစ်ယောက်၊ စာအုပ်တစ်အုပ်နဲ့ ဘောပင်တစ်ချောင်း
ကျွန်မ ဆေးရုံက ဆင်းလို့ နေပြန်ကောင်းလာပြီးနောက် ကျွန်မရဲ့ ဘ၀နဲ့ ကျွန်မရဲ့ ကမ္ဘာကြီးဟာ လုံးဝ ပြောင်းလဲ သွားတယ်။ ကျွန်မတို့ ငှားနေထိုင်တဲ့ တိုက်ခန်းက စင်တွေပေါ်မှာ အမေရိက၊ အိန်္ဒိယ၊ ပြင်သစ်၊ စပိန်၊ အီတလီနဲ့ နိုင်ငံပေါင်းများစွာက ဆုတံဆိပ်တွေနဲ့ ပြည့်လို့နေတယ်။ကျွန်မကို နိုဘယ်လ် ငြိမ်းချမ်းရေးဆုအတွက်ပါ လျာထားခြင်း ခံခဲ့ရတယ်။ သမိုင်းမှာ အသက် အငယ်ဆုံး နိုဘယ်လ် ငြိမ်းချမ်းရေးဆု အလောင်းအလျာ ဖြစ်ခဲ့ရတယ်။ ကျွန်မ အရင်တုန်းက ကျောင်းမှာ ရခဲ့တဲ့ ဆုတံဆိပ်တွေကတော့ ကျွန်မ ကြိုးစားအားထုတ်လို့ ရရှိခဲ့တဲ့အတွက် ပျော်ရွှင်ခဲ့ ရပေမယ့် အခု ရတဲ့ဆုတွေအတွက်တော့ ကျွန်မ ပေးအပ်တဲ့ သူတွေကို လှိုက်လှိုက်လှဲလှဲ ကျေးဇူးတင်မိတယ်။ ဒီဆုတွေ ဟာ ကလေးငယ်တွေ အားလုံး ပညာရေးရရှိဖို့ အလုပ်တွေ အများကြီး ဆက်လုပ်ရဦးမယ်ဆိုတာကို သတိပေးနေတယ်။ တာလီဘန်တွေက သေနတ်နဲ့ ပစ်သတ်ခဲ့တဲ့ မိန်းကလေး တစ်ယောက် ဆိုတာထက် ပညာရေးအတွက် တိုက်ပွဲ ၀င်နေတဲ့ မိန်းကလေး တစ်ယောက်အနေနဲ့ ကျွန်မကို မြင်စေ့ချင်တယ်။ ကျွန်မ အသက်ဆယ့်ခြောက်နှစ်ပြည့် မွေးနေ့မှာ နယူးရော့ခ်က ကမ္ဘာ့ကုလသမဂ္ဂမှာ မိန့်ခွန်းပြောဖို့ အခွင့်အရေးထူးကို ရခဲ့တယ်။ အဲဒီနေ့က ကုလသမဂ္ဂ အခမ်းအနားမှာ ကျွန်မ ကြိုက်နှစ်သက်တဲ့ ပန်းရောင်ဝတ်စုံပေါ်မှာ ဘင်နီဇာဘူတိုရဲ့ ပ၀ါဖြူလေးကို သိုင်းခြုံ ထားလိုက်တယ်။ “ကျွန်မတို့ရဲ့ စာအုပ်တွေ ဘောပင်တွေကို ကောက်ယူကြပါစို့၊ စာအုပ်တွေ ဘောပင်တွေဟာ ကျွန်မတို့ အတွက် အင်အားအကြီးဆုံး လက်နက်တွေပဲ။ ကလေး တစ်ယောက်၊ ဆရာတစ်ယောက်၊ စာအုပ်တစ်အုပ်နဲ့ ဘောပင် တစ်ချောင်းဟာ ကမ္ဘာကြီးကို ပြောင်းလဲစေနိုင်တယ်” လို့ ကမ္ဘာ့ခေါင်းဆောင်တွေကို ကျွန်မ ပြောကြား ခဲ့တယ်။ကလေးငယ်တွေ အားလုံး အခမဲ့ အခြေခံ ပညာရေးကို ရယူနိုင်ရေးအတွက် ကြိုးစားပေးကြပါလို့ တိုက်တွန်းခဲ့တယ်။ ကျွန်မရဲ့ မိန့်ခွန်းအပြီးမှာ လက်ခုပ်သံတွေနဲ့ အတူ အမေ ကတော့ မျက်ရည်လည်ရွဲ ဖြစ်နေတယ်။ အဖေကတော့ သမီးဟာ လူသား အားလုံးရဲ့ သမီးလေးဖြစ်သွားပြီလို့ ဂုဏ်ယူစွာနဲ့ ပြောလေတယ်။

ကျွန်မ မာလာလာပါ

တချို့တွေက ကျွန်မကို ကျော်ကြားမှုနောက်လိုက်တဲ့ ဆယ်ကျော်သက် ကောင်မလေး တစ်ယောက် အနေနဲ့ မြင်ကြတယ်။ နိုင်ငံခြားမှာ ပြည့်စုံ ချမ်းသာသွားရင် တိုင်းပြည်နဲ့ ပညာရေးအကြောင်းကို မေ့သွားလိမ့်မယ်လို့ ပြောကြတယ်။ ဘယ်တော့မှ ကတိမတည်တဲ့ နိုင်ငံရေးသမားတွေနဲ့ ပြည့်နေတဲ့ တိုင်းပြည်က သူတွေ ကျွန်မအပေါ် ဒီလို မြင်တာကို အပြစ်မမြင်ဘဲ ကျွန်မ နားလည်နိုင်ပါတယ်။ ကျွန်မ သူတို့ကို သိစေချင်တာက ကျွန်မအတွက် ထောက်ခံမှု တွေကို ကျွန်မလှုပ်ရှားမှုရဲ့ ရည်ရွယ်ချက်ဖြစ်တဲ့ ပညာရေးနဲ့ ငြိမ်းချမ်းရေးအတွက် အသုံးပြုချင်တာပါ။ ပညာရေးဟာ လူတိုင်း ရသင့်တဲ့ အခြေခံ အခွင့်အရေးပါ။ အနောက်တိုင်း မှာသာ မဟုတ် ကျွန်မတို့ရဲ့ အစ်္စလာမ်ဘာသာရေး မှာလည်း လူတိုင်း အသိပညာကို ရှာဖွေရမယ်လို့ သင်ကြားထားပါ တယ်။ ယနေ့ ကမ္ဘာတစ်ဝန်းမှာ ကလေး ၅၇ သန်းဟာ မူလတန်းကျောင်းကို မသွားနိုင်ပါ။ ကျွန်မတို့ နိုင်ငံမှာ စာမတတ်သူ သန်းငါးဆယ်ရှိပြီး အများစုဟာ အမျိုးသမီးတွေ ဖြစ်တယ်။ ကျွန်မ အခုလို မြင့်မားတဲ့ အခြေအနေကို ရောက်လာဖို့ ဘုရားသခင်က ကူညီခဲ့သလို ကြီးမားတဲ့ တာဝန်တွေလည်း ကျွန်မကို ပေးအပ် ထားတယ်။ အိမ်တိုင်း၊ လမ်းတိုင်း၊ ရွာတိုင်းမှာ ငြိမ်းချမ်းနေစေချင်တာ ကျွန်မရဲ့ စိတ်ကူးအိပ်မက်ပါ။ လူတိုင်း အပြုံးကိုယ်စီနဲ့ မိသားစုတွေနဲ့ အတူ ပျော်ပျော်ရွှင်ရွှင် ရှိနေစေချင်တာ ကျွန်မရဲ့ ဆန်္ဒပါ။ ကျွန်မရဲ့ ကမ္ဘာကတော့ ပြောင်းလဲသွားပေမယ့် ကျွန်မဟာ မာလာလာပါ ဆိုတာကတော့ ပြောင်းလဲသွားမှာ မဟုတ်ပါ။

မာလာလာရေ...မင်းလို အဖိနှိပ်ခံရသူတွေကိုယ်စား လွတ်မြောက်ရေးအတွက် ကြိုးစားသူတွေ နိုဘယ်လ် ငြိမ်းချမ်းရေးဆုအတွက် လျာထားခံရတော့ ငါတို့တွေ ၀မ်းသာဂုဏ်ယူစွာနဲ့ စောင့်မျှော် ဆုတောင်းပေးနေခဲ့ရတယ်။အဲဒီနေ့ ၂၀၁၃ အောက်တိုဘာ ၁၁ ရက်နေ့က မင်ဂိုရာ ဆွက်တ်တောင်ကြားဒေသက မင့်အတွက် ဆုတောင်း ပေးနေကြတဲ့ ကျောင်းသူတွေရဲ့ ရင်ခုန်သံကို (လွန်ခဲ့တဲ့ နှစ်နှစ်ဆယ်ကျော်က ကိုယ်တိုင် ကြုံခဲ့ရဖူးလို့)တစ်ထပ်တည်း ငါတို့ နားလည်နိုင်တယ်။ နိုဘယ်လ် ငြိမ်းချမ်းရေးဆုကို မင်း မရခဲ့ပါဘူး။ တာလီဘန်တွေကတော့ ပျော်ရွှင်ကြောင်း ကြေညာချက်တွေ ဘာတွေ ထုတ်လို့။ အဖိနှိပ်ခံရသူတွေ ဒီဆုကို မရရင် ဖိနှိပ်သူ အာဏာရူးတွေ ပျော်ရွှင်ကြတာ ရိုးရာဓမ္မတာပါ။ မင်းအတွက်ကတော့ ဆုရတာ မရတာက အရေးကြီးမှာ မဟုတ်ပါဘူး။ မင်း ယုံကြည်ချက်အတွက် အလုပ်တွေ မင်း ဆက်လုပ်နေဦးမှာပဲ။ မာလာလာ ဘယ်သူလဲလို့ မေးလာတဲ့ မေးခွန်းတွေကို ရဲရဲရင့်ရင့် မဆုတ်တမ်း မင်း ဖြေနေဦးမှာပဲ။ ကျွန်မဟာ အဖိနှိပ်ခံရမှုကို ကြိုးစားတွန်းလှန်နေတဲ့ လွတ်မြောက်သူ မာလာလာ၊ ပညာရေးဟာ လူတိုင်း ရသင့်တဲ့ လူ့အခွင့်အရေးလို့ ယုံကြည်တဲ့ မာလာလာ၊ ကျောင်းသားတစ်ယောက် ဆရာ တစ်ယောက် စာအုပ်တစ်အုပ်နဲ့ ဘောပင်တစ်ချောင်းဟာ ကမ္ဘာကြီးကို ပြောင်းလဲစေနိုင်တယ်လို့ဆိုတဲ့ မာလာလာ၊ ဘင်နီဇာဘူတိုရဲ့ မဆုံးသေးတဲ့ ခရီးကို ဆက်လျှောက်မယ့် မာလာလာ၊ကမ္ဘာတစ်ဝန်း ငြိမ်းချမ်းရေး မီးအိမ် ထွန်းလင်း စေချင်တဲ့ မာလာလာ၊ ယုံကြည်မှုကို အသက်ထက် ပိုတန်ဖိုးထားတဲ့ မာလာလာ၊ ကျွန်မ မာလာလာပါ...။

From the book, I Am Malala by Malala Yousafzai with Christina Lamb

ဖိုးဇော်

ပြည်သူ့ခေတ်ဂျာနယ် အတွဲ - ၄၊ အမှတ် - ၁၆၈ မှ ဆရာဖိုးဇော်၏ ဆောင်းပါး ...

ပြည်သူ့ခေတ် Facebook စာမျက်နှာမှ ကူးယူဖော်ပြသည်

Read more →

ဒေါက်ဖိနပ်လေးတွေနဲ့ Smart ကျအောင် လမ်းလျှောက်နည်း

ပျိုမေတို့ရေ ဒေါက်ဖိနပ်လေးတွေစီးပြီး စမတ်ကျကျလမ်းလျှောက်နိုင်တဲ့သူ ဖြစ်ချင်ပါသလား။ ဒေါက်ဖိနပ် စီးပြီး ရရှိလာတတ်တဲ့ အခက်အခဲတွေကို ကူညီဖြေရှင်းပေးနိုင်ဖို့အတွက် နည်းလမ်းတချို့ကို လမ်းညွှန်ပေး လိုက်တယ်နော်။

(၁) ကိုယ်နဲ့အံဝင်ခွင်ကျဖြစ်ပါစေ။
မေတို့အနေနဲ့ ကိုယ်နဲ့ အံဝင်ခွင်ကျဖြစ်တဲ့ ဒေါက်ဖိနပ်မျိုးကို သေသေချာချာ ရွေးချယ်ရပါတယ်။ ဖိနပ်ဆိုင် မှာ ကိုယ့်ရဲ့ဆိုဒ်နဲ့ ကွက်တိဖြစ်တဲ့ ဖိနပ်က အရောင်းကုန်သွားလို့သူ့ထက် တစ်ဆိုဒ်ကြီးတာမျိုးကို မ၀ယ် မိပါစေ နဲ့။ ကိုယ့်ရဲ့ဖိနပ်ဆိုဒ်က ဘယ်လောက်လဲဆိုတာကို သေသေချာချာ မသိဘူးဆိုရင် ဖိနပ်ဆိုင် ကို သွားပြီး ကိုယ့်ခြေထောက်ရဲ့ဆိုဒ်ကို တိုင်းပါ။ အဲဒီဆိုင်တွေက ကိုယ့်ခြေထောက်ရဲ့ဆိုဒ်နဲ့ ခြေထောက် ပုံသဏ္ဌာန် အမျိုး အစားကိုပါ ပြောပြပေးနိုင်ပါတယ်။ ဥပမာ-ခြေထောက်ကျယ်ကျယ်(သို့) ခြေဖ မိုးမောက်မောက်ပြည့်ပြည့် အစရှိသဖြင့် ပြောပြပေးနိုင်ပါတယ်။

(၂) စတိုင်(လ်)ကို စစ်ဆေးပါ။
ခြေထောက်တိုင်းဟာ ဖိနပ်စတိုင်(လ်)အမျိုးအစားအားလုံးကိုစီးလို့ လိုက်ဖက်မှု မရှိပါဘူး။ ဒါ့ကြောင့် ကိုယ့်ခြေထောက်နဲ့ လိုက်ဖက်တဲ့ ဖိနပ် Style မျိုးကို ရွေးချယ်ရပါမယ်။ ကိုယ်ရွေးလိုက်တဲ့ ဖိနပ်ကလည်း ကိုယ့် အတွက် အမှန်တကယ် သက်သောင့်သက်သာရှိဖို့ လိုအပ်ပါတယ်။ အောက်ခြေမညီ၊ သက်သောင့် သက်သာ မရှိတဲ့ ဖိနပ်တွေဟာ လမ်းလျှောက်ဖို့အတွက် ဘယ်လိုမှ အဆင်ပြေစေနိုင်မှာ မဟုတ်ပါဘူး။ Style ကျစေနိုင်ဖို့ အတွက် ကိုယ့်ခြေထောက်နဲ့ ဖိနပ်က တစ်သားတည်းဖြစ်နေဖို့ လိုအပ်ပါတယ်။ ခြေ ဆစ်ပိုင်း၊ ခြေမျက်စိပိုင်း၊ နားတွေမှာ လိမ်သွားတာမျိုး၊ စောင်း/ယိုင်သွားတာမျိုး မဖြစ်သင့်ပါဘူး။ ဘယ်လို Style မျိုးကို ရွေးချယ်ရမလဲဆိုတာ မသိဘူးဆိုရင်တော့ ကြိုးသိုင်း ဒေါက်ဖိနပ်မြင့်မြင့်လေးတွေကို အရင်ဆုံး စစ်ဆေးပြီး ရွေးချယ်ကြည့်ပါလို့ အကြံပြုပါရစေနော်။

(၃) ဆိုးပြားကို စစ်ဆေးပါ။
ဆိုးပြားတွေက ဖိနပ်တစ်ရန်မှာ အရေးကြီးတဲ့ အစိတ်အပိုင်းတစ်ခုပါ။ ဒါ့ကြောင့် အချိန်ပေးပြီး စစ်ဆေးပါ။ ဖိနပ်က ဆိုးပြား ဟာ လုံးဝပြားချပ်နေရပါမယ်။ ကြမ်းပြင်နဲ့ တိုက်ရိုက်ထိတွေ့မှုရှိရပါမယ်။ အောက်ခြေလှေ ပုံသဏ္ဌာန်ရှိတဲ့ ဖိနပ်တွေမှာ ဆိုးပြားအကုန်လုံးက ကြမ်းပြင်နဲ့ ထိတွေ့မှုမရှိတဲ့အတွက် လမ်းလျှောက်ရတာ လွယ်ကူသက်သာမှာ မဟုတ်ပါဘူး။

(၄) တည့်တည့်မှန်မှန် လမ်းလျှောက်ပါ။
ဒေါက်ဖိနပ်တွေက ပျိုပျိုတို့ရဲ့ ဟန်ပန်အသွင်ကို ပိုမိုအချိုးကျလှပစေနိုင်မှာဖြစ်ပါတယ်။ ဒါပေမဲ့ ဒေါက်ဖိနပ် စီးပြီး လမ်းလျှောက်တတ်ဖို့တော့ လိုအပ်ပါတယ်။ လမ်းလျှောက်တဲ့အခါ ပျိုပျိုတို့ရဲ့ ဦးခေါင်းကို မတ်မတ် ထားပြီး ပခုံးကိုလည်း မကိုင်းပါစေနဲ့။ ဒေါက်ဖိနပ် စီးပြီးတော့ အခုလို နည်းစနစ်၊ အနေအထား မှန်မှန်နဲ့ လမ်းလျှောက်နိုင် မယ်ဆိုရင် ပိုမိုသက်သောင့်သက်သာရှိပြီး ပိုငြိမ်မှာဖြစ်ပါတယ်။

(၅) ကြွက်သားလေ့ကျင့်ခန်းပြုလုပ်ပါ။
ကြွက်သားတွေနဲ့ပတ်သက်တဲ့ လေ့ကျင့်ခန်းကို မလုပ်တော့ဘူးဆိုရင် ထင်သလောက် မသန်မာဘူး ဆိုတာ ကို သတိထားမိကြပါသလား။ Gym တစ်ခုခုမှာ လေ့ကျင့်ခန်းလုပ်ဖို့ တိုက်တွန်းချင်ပါတယ်။ ဒေါက်ဖိနပ်စီးပြီး လမ်းလျှောက်တဲ့ အခါမှာ ကျွန်မတို့ ကြွက်သားတွေရဲ့ အခန်းကဏ္ဍက အရေးပါလာပါပြီ။ ကြွက်သားတွေ သန်မာရင် လမ်းလျှောက်ရတာ ပိုပြီးလွယ်ကူ အဆင်ပြေစေပါတယ်။ ပျိုပျိုတို့အနေနဲ့လည်း ကိုယ့်ရဲ့ကြွက် သားသန်မာမှုက ကိုယ့်ရဲ့လမ်းလျှောက်နိုင်မှုအပေါ် ဘယ်လောက်အထိ ထိန်း ချုပ်ပေးနိုင်တယ်၊ ခါး၊ ပခုံးတွေ မကိုင်းဘဲ ပုံသဏ္ဌာန်မှန်မှန်နဲ့ စမတ်ကျကျ လမ်းလျှောက်နိုင်စေတယ်ဆိုတာကို လက်တွေ့ သိလာပါလိ မ့်မယ်။

(၆) ရှေ့ကိုကြည့်ပါ။
လမ်းလျှောက်တဲ့အခါမှာ ရှေ့ကိုကြည့်ပြီး လျှောက်ရပါမယ်။ အကယ်၍ ပျိုပျိုဟာ အောက်ကိုပဲငုံ့ကြည့်ပြီး လျှောက်နေမယ်ဆိုရင် စီးထားတဲ့ ဒေါက်ဖိနပ်က ခြေထောက်တွေကို နာကျင်နေစေပါလိမ့်မယ်။ သက်သောင့်သက်သာလည်း ရှိမှာ မဟုတ်ပါဘူး။ လမ်းလျှောက်တဲ့အခါ ကိုယ့်အရှေ့ရဲ့ 1/3 ကိုကြည့်ပြီး လျှောက်ရပါမယ်။ ဒါကိုအချိန်ပေးပြီး လေ့ကျင့်ဖို့တော့ လိုပါတယ်။ လေ့ကျင့်တတ်မြောက်သွားပြီဆိုရင်တော့ ပျိုပျိုအနေနဲ့ လမ်းလျှောက်တဲ့အခါမှာ ဘယ်လောက်အထိ ပိုမိုလွယ်ကူလာသလဲဆိုတာကို လက်တွေ့ မြင်လာနိုင်မှာ ဖြစ်ပါတယ်။

(၇) လေ့ကျင့်ပါ။
အကောင်းဆုံးနည်းလမ်းကတော့ ဒေါက်ဖိနပ်စီးပြီး လမ်းများများလျှောက်ကြည့်ဖို့ပါပဲ။ ကိုယ်နဲ့ အံဝင်ခွင် ကျဖြစ်တဲ့ ဖိနပ်တွေကို စီးကြည့်ပြီး အိမ်ထဲမှာ လမ်းလျှောက်ကြည့်ပါ။ အစပိုင်းတော့ အချိန် အနည်းငယ် သာပေးပြီး လေ့ကျင့်နိုင်မှာ ဖြစ်ပါတယ်။ ကျင့်သားမရသေးတော့ ပျိုပျိုရဲ့ခြေထောက်လေးတွေက အကြာကြီး စီးနိုင်မှာ မဟုတ်သေးလို့ပါ။ ကိုယ်စီးချင်တဲ့ အချိန်အတိုင်းအတာ ဘယ်လောက်ကြာကြာ အထိပဲဖြစ်ဖြစ် စီးနိုင်အောင် လေ့ကျင့်ရမှာဖြစ်ပါတယ်။ ဒေါက်ဖိနပ်လေးနဲ့ စတိုင်ကျကျ လန်းချင် သူလေးတွေ အတွက် အခုလက်ဆောင်ပေးလိုက်တဲ့ နည်းကောင်းလမ်းကောင်းလေးတွေအတိုင်း ကျင့်သုံးကြ ဖို့ မမေ့ပါနဲ့နော်။

စွဲယုနှင်း(အင်တာနက်)
M Plaza Shopping Magazine & Journal

Read more →

ရခိုင်က လျှပ်စစ်မီးကို တရုတ်က အပြည့်အ၀ စတင်သုံးနေ

မြန်မာနိုင်ငံ ​အနောက်ပိုင်း ​ရခိုင်ပြည်နယ်က ​လျှပ်စစ်မီးလုံလောက်စွာပေးဖို့ ​ဒေသခံတွေက ​အစိုးရကိုတောင်းဆိုနေတဲ့အချိန်မှာပဲ  ​ရခိုင်ပြည်နယ်မှာရှိတဲ့ ​သဘာဝ ​ဓါတ်ငွေ့ပိုက်လိုင်းကနေထွက်ရှိတဲ့ ​စွမ်းအင်တွေကို ​တရုတ်နိုင်ငံက ​အပြည့်အ၀ ​ရယူသုံးဆောင်နေပြီလို့ ​တရုတ်အစိုးရပိုင် ​သတင်း ​မီဒီယာကပြောပါတယ်။

ဒီလျှပ်စစ်မီးဟာ ​ရခိုင်ပြည်နယ် ​ကျော်ဖြူမြို့ဖက်ကနေ ​တရုတ်နိုင်ငံ ​အနောက်တောင်ဖက်ခြမ်းမှာရှိတဲ့ ​မြို့တွေကို ​ပေးဆောင်နေတာဖြစ်ပါတယ်။ ​အကွာအဝေးအားဖြင့်တော့ ​ကီလိုမီတာ ​၂၅၀၀ ​ကျော်ရှိပါတယ်။ ​လျှပ်စစ်မီးကို ​ရရှိတဲ့မြို့တွေကတော့ ​Yunnan, ​Guizhou, ​Chongging ​နဲ့ ​Guangxi ​တို့ဖြစ်ကြပါတယ်။
သုံးနှစ်ကြာတည်ဆောက်ခဲ့ရတဲ့ ​ဒီလျှပ်စစ်ဓာတ်အားထုတ်လုပ်မှု ​စီမံကိန်းဟာ ​ဇူလိုင်လလောက်ကစပြီး ​တရုတ်နိုင်ငံကို ​ပေးဆောင်နေတာ ​ဖြစ်ပြီးတော့ ​ပြီးခဲ့တဲ့ ​တနင်္ဂနွေနေ့မှာ ​အပြည့်အ၀ ​စတင်လည်ပတ်နေတာ ​ဖြစ်ပါတယ်။

တရုတ်နိုင်ငံက ​လျှပ်စစ်မီး ​အပြည့်အ၀ ​စတင်ရရှိနေပြီးဖြစ်ပေမယ် ​ဒီသဘာဝ ​ဓာတ်ငွေ့ ​စီမံကိန်းကြောင့် ​ဒေသခံတွေ ဆီကနေ ​အတင်းအဓ္ဓမ ​သိမ်းဆည်းထားတဲ့ ​မြေတွေရဲ့ ​ပြဿနာနဲ့ ​ သဘာဝ ​ပတ်ဝန်းကျင် ထိခိုက်နစ် နာမှုကိစ္စတွေဟာ ​မြန်မာအစိုးရဖက်က ​ဖြေရှင်းမပေးနိုင်သေးတဲ့ ​အတွက် ​စိုးရိမ်စ ရာတွေဖြစ်နေတယ်လို့ ​လူ့အခွင့်အရေးနဲ့ ​ဘဘာဝ ​ပတ်ဝန်ကျင် ​ထိန်းသိမ်းရေး ​အဖွဲ့တွေက ​ပြောပါတယ်။

အခုရခိုင်ပြည်နယ်က ​သဘာဝ ​ဓာတ်ငွေ့ပိုက်လိုင်းကနေပြီး ​ရရှိတဲ့လျှပ်စစ်မီးဟာ ​ တရုတ်နိုင်ငံကို ​ကုပမီတာ ​၁၂ ​ဘီလီယံ ​လောက်ပေးဝေနိုင်မှာဖြစ်တဲ့အတွက် ​တရုတ်နိုင်ငံက ​သဘာဝဓာတ်ငွေ့ ​အသုံးစရိတ် သက်သာမှာဖြစ်တဲ့အပြင် ​ကျောက်မီးသွေးအသုံးမှုလည်း ​လျော့ကျသွားမှာဖြစ်ပါတယ်။

ဒေသတွင်း ​သံယံဇာတကို ​ကိုယ်ပိုင်စီမံခန့်ခွဲပိုင်ခွင့်ရရေးတောင်းဆိုမြန်မာနိုင်ငံ ​အနောက် ပိုင်း ​ရခိုင်ပြည်နယ်က ​ထွက်ရှိတဲ့ ​သဘာဝသယံဇာတတွေကို ​တူးဖော်ထုတ်လုပ်ရောင်းချနေတာနဲ့ ​ပတ်သက်ပြီး ​ဒေသခံပြည် သူများအနေနဲ့ ​ကိုယ်ပိုင်စီမံခန့်ခွဲပိုင်ခွင့်ကို ​ဖွဲ့စည်းပုံအခြေခံဥပဒေအတွင်း ​ထည့်သွင်းပြ ဌာန်းပေး ဖို့ ​ပြည်သူ့ ​သယံဇာတအဖွဲ့က ​အစိုးရကို ​တောင်းဆိုလိုက်ပါတယ်။

ရခိုင်နိုင်ငံရေးပါတီတွေ၊ ​ရခိုင်ပြည်နယ် ​၁၇ ​မြို့နယ်က ​ကိုယ်စားလှယ်တွေ၊ ​အမျိုးသမီးအဖွဲ့အစည်းတွေက ​မနေ့က ​တောင်း ဆိုလိုက်တာဖြစ်ပါတယ်။

ရခိုင်ပြည်နယ် ​အတွင်းမှာရှိတဲ့ ​သဘာဝဓါတ်ငွေ့စီမံ ​ကိန်းတွေ၊ ​အထူးစီပွားရေးဇုန်စီမံကိန်းတွေ၊ ​သတ္တု တူးဖော် ထုတ်လုပ် တဲ့စီမံကိန်းတွေနဲ့ ​ရေအားလျှပ်စစ်စီမံကိန်း ​တွေကို ​ပြည်သူလူထုသဘောဆန္ဒမပါပဲ ​လုပ်ဆောင်နေ တာဖြစ်တယ်လို့ ​ပြည်သူ့သယံဇာတအဖွဲ့က ​ကိုထွန်း ​ကြည်က ​အခုလိုပြောပါတယ်။

“ကျနော်တို့အခုခံစားနေရတာပေါ့လေ၊ ​ကျနော်တို့ရခိုင်ပြည်မှာရှိတဲ့ ​စီမံကိန်းတွေအများစုက ​ရခိုင်ပြည် သူတွေ ​ရဲ့ဆန္ဒမပါဘူး၊ ​အဲဒီအခါကျတော့ ​ရခိုင့်အနေနဲ့ ​ရခိုင်တယံဇာတကို ​ရခိုင်ကိုယ် တိုင်ပြန်လည်ပြီးတော့ ​ခွဲဝေ ​ပိုင်ခွင့်ဆိုတဲ့ ​သဘောမျိုးပါပဲ၊ ​ကျနော်တို့တိုင်ပြည်ရဲ့ ​အခြေခံဥ ပဒေကိုယ် တိုင်ကကို ​ဥပမာပေါ့ဗျာ ​ပြည်နယ်တခုရဲ့ ​တယံဖာတာကို ​ဖောက်လုပ်တဲ့နေရာမှာ ​အဲဒီပြည်နယ် ဘယ်လောက် ပိုင်ဆိုင်ရမယ်ဆိုတဲ့ ​အခြေခံဥပဒေ ​ကျနော်တို့ ​နိုင်ငံမှာ ​မရှိသေးတဲ့အခါကျတော့ ​ဗဟိုအစိုး ရက ​ထောက်ပံတဲ့ ​ဗဟိုအစိုးရကပေးတဲ့ဟာလောက်ပဲ ​ကျနော်တို့က ​ရရှိတာပဲရှိတာပေါ့ဗျာ ​၊ ​အဲဒီအခါ ကျတော့ ​ကျနော်တို့ ​ဌာနေတိုင်းရင်းသားတွေကကျတော့ ​ကိုယ့်မှာရှိတဲ့ ​သယံဇာတ ​အားလုံးကို ​ကိုယ်ကို တိုင်စီမံခွင့် ရချင်တယ်၊ ​အဲလိုသဘောမျိုးပါ။” ​

ရခိုင်ပြည်နယ်က ​ထွက်ရှိတဲ့ ​သဘာဝဓါတ်ငွေ့ကို ​လျှပ်စစ်ဓါတ်အား ​၂၄နာရီသုံးစွဲခွင့်နဲ့ ​စစ်မှန်တဲ့ဖက်ဒရယ် ​ပြည်ထောင် စု စနစ် ​မဖော်ဆောင်နိုင်သေးသရွေ့ ​သဘာဝတယံဇာတ ​ထုတ်ယူသုံးစွဲမဲ့စီမံကိန်းကို ​လုံးဝရပ် ဆိုင်း ​ထားဖို့အတွက် ​တောင်းဆိုထားပါတယ်။

ပြီးတော့ ​ရခိုင်ပြည်နယ်အတွင်း ​ရေအားလျှပ်စစ်စီမံကိန်းတွေဖြစ်တဲ့ ​လေးမြို့ရေအားလျှပ်စစ်စီမံကိန်း၊ ​ကုလား တန်မြစ်စီမံကိန်း၊ ​မြဒေးကျွန်းရေနက်ဆိပ်ကမ်းစီမံကိန်း၊ ​သူဌေးချောင်းရေအားလျှပ်စစ်စီမံကိန်း၊ ​အမ်းချောင်းရေ ​အားလျှပ်စစ်စီမံကိန်း ​၊ ​ကျောက်ဖြူ-ကူမင်းရထားလမ်း ​စီမံကိန်း၊ ​နေပူတောင်စီမံကိန်းနဲ့ ​တိုက်တေနီယန်ထုတ်လုပ်မှုစီမံကိန်းတွေကို ​အမြန်ဆုံးရပ်တန့်ပေးဖို့လည်း ​ပြည်သူ့သယံဇာတအဖွဲ့က ​တောင်းဆိုထားတဲ့အကြောင်း ​ရေဒီယိုသြစတြေးလျသတင်းထောက် ​မြတ်မိုးက ​သတင်းပေး ပို့ထားတာဖြစ် ပါတယ်။


ABC Radio Australia

Read more →

နန်းခင်ဇေယျာနဲ့ နိုင်ငံတကာ မယ်အဖွဲ့ ပုဂံဒေသကို ခရီးဆက်

မနှစ်က ဂျပန်နိုင်ငံမှာ ကျင်းပခဲ့တဲ့ Miss International ပြိုင်ပွဲမှာ Miss Internet ဆုရခဲ့တဲ့ နန်းခင်ဇေယျာ ဟာ မြန်မာနိုင်ငံကို ရောက်လာတဲ့ နိုင်ငံတကာက Miss International တွေကို အခုရက်ပိုင်း ရန်ကုန်မှာ လိုက်လံ ရှင်းလင်းပြသရတဲ့ တိုးရစ်ဂိုက် တာဝန် ယူနေပါတယ်။

ဓာတ်ပုံများ- နန်းခင်ဇေယျာ

ဒီကနေ့ မနက်ကတော့ နန်းခင်ဇေယျာ ဦးဆောင်တဲ့ မယ်တွေဟာ မြန်မာ့ရှေးဟောင်းမြို့တော်ဖြစ်တဲ့ ပုဂံ ဒေသဆီကို ထွက်ခွာသွားပါပြီ။

Bye Yangon . See you soon Bagan fans!  လို့ နန်းခင်ဇေယျာက ဆိုထားပါတယ်။

ရန်ကုန်မှာ သူတို့ အဖွဲ့ ရှိစဉ်မှာ မြန်မာ့လူမှုဘ၀တွေကို လေ့လာခဲ့ကြသလို တင်ဆက်မှုတချို့လည်း လုပ်ဆောင်ခဲ့ကြပါတယ်။ ရန်ကုန်မြို့တခွင် အလှမယ်တွေရဲ့ လှုပ်ရှားမှု ဓာတ်ပုံတွေကို နန်းခင်ဇေယျာက သူ့ ဖေ့စ်ဘုတ်ကတဆင့် အသိပေး ဖော်ပြထားချက်တချို့ စုစည်း ဖော်ပြပေးလိုက်ပါတယ်။

နန်းခင်ဇေယျာ၊ နိုင်ငံတကာ မယ်တချို့နဲ့ ရန်ကုန်ကို ရောက်နေတဲ့ နာမည်ကြီးထိုင်းအဆိုတော် ကာရာဘောင်း

blog.irrawaddy

Read more →

“ အားလုံးက အမြင်စောင်းလာနေတဲ့ စာနယ်ဇင်းလောက ”

စည်သူအောင်မြင့်

မြန်မာတိုင်းမ် ဂျာနယ်၊ အောက်တိုဘာ ၁၇။ စာ- ၈။

တစ်နှစ်သား စာနယ်ဇင်း လွတ်လပ်ခွင့်

ပြီးခဲ့တဲ့နှစ် စာပေစိစစ်ရေး အဖွဲ့ကို ဖျက်သိမ်းပြီး သိပ်မကြာခင် ပြန်ကြားရေးဝန်ကြီး ဦးအောင်ကြည် ပြည်သူ့လွှတ်တော်ထဲ သွားပြီး “ ပုံနှိပ်- ထုတ်ဝေ ” ဥပဒေကြမ်း သွားတင်ပါတယ်။ အဲဒီ ဥပဒေကြမ်းတင်တဲ့အခါ ၀န်ကြီးက စာပေစိစစ်ရေး မရှိတော့လို့ စာနယ်ဇင်း လွတ်လပ်ခွင့်ပေး လိုက်လို့ ဂျာနယ်တွေမှာ လောင်းကစားနဲ့ ပါတ်သက်တာတွေ ဖော်ပြလာကြတယ်၊ မြန်မာ့ ယဉ်ကျေးမှုနဲ့ မအပ်စပ်တာတွေ ဖော်ပြလာကြတယ်၊ စာနယ်ဇင်း လောကကြီး ညစ်နွမ်းနေပါပြီ၊ ဒါတွေကြောင့် အဲဒီ ဥပဒေကြမ်း လွှတ်တော်ကို တင်ရတာပါလို့ ပြောဆိုခဲ့ပါတယ်။ စာနယ်ဇင်းကောင်စီကို ပုံနှိပ်ဥပဒေ (Press Law) ဆွဲဖို့ သဘောတူ ထားချက်ချိုးဖေါက်၊ ကောင်စီကိုလည်း လုံးလုံး မတိုင်ပင်၊ အသိတောင် မပေးပဲ ၀န်ကြီးက “ ပုံနှိပ်- ထုတ်ဝေ ” ဥပဒေကြမ်း လွှတ်တော်မှာ သွားတင်လိုက်တော့ စာနယ်ဇင်း လောကသားအားလုံး ညီညီညာညာ ကန့်ကွက်ခဲ့ကြပါတယ်။ ၀န်ကြီးရဲ့ ပြောဆိုချက်ကိုလည်း လက်မခံကြပါဘူး။
ခုလို ပြန်ကြားရေးဝန်ကြီးဌာနနဲ့ စာနယ်ဇင်း လောကသားတွေကြား သတင်းမီဒီယာ လွတ်လပ်ခွင့်နဲ့ ပါတ်သက်ပြီး အကြီးအကျယ် အငြင်းပွားနေကြတဲ့ ကိစ္စကို အခြား အစိုးရအဖွဲ့ဝင်တွေ၊ အာဏာရပါတီ ခေါင်းဆောင်နဲ့ အမတ်တွေ၊ အင်န်အယ်လ်ဒီ ပါတီနဲ့ ဒေါ်အောင်ဆန်းစုကြည် တို့ကပါ စိတ်တ၀င်စား စောင့်ကြည့်ခဲ့တာ တွေ့ရပါတယ်။ ခုဆို ရုပ်သံနဲ့ ရေဒီယို မပါတဲ့ စာနယ်ဇင်း လွတ်လပ်ခွင့် အပြည့်အ၀ ရတာ တစ်နှစ်ကျော်သွားပါပြီ။ လွှတ်တော်ထဲ ရောက်နေတဲ့ စာနယ်ဇင်း ဥပဒေကြမ်းတွေလည်း တစ်ခုမှ အတည်မပြုရသေးပါဘူး။ လက်ရှိ စာနယ်ဇင်းလောက အပေါ် သမ္မတ ကအစ၊ ဒေါ်အောင်ဆန်းစုကြည်နဲ့ ပြည်ခိုင်ဖြိုးပါတီ ဒုဥက္ကဌ ဦးဌေးဦး အလယ် တပ်မတော် ဗိုလ်ချုပ်ကြီးတွေအဆုံး သူတို့ရဲ့ အမြင်တွေကို ထုတ်ဖော် ပြောဆိုလာကြပါပြီ။ လက်ရှိ မြန်မာ စာနယ်ဇင်းလောကကို သူတို့ ဘယ်လို မြင်ကြပါသလဲ၊ စာနယ်ဇင်းလောက ရေစီးကြောင်း ဘယ်ဘက်ကို စီးနေပါသလဲ၊ ရှေ့ဘာတွေ ဖြစ်လာနိုင်သလဲ ဆိုတာ ခုတစ်ပါတ် ဆွေးနွေးတင်ပြသွားမယ် ဖြစ်ပါတယ်။

ဘယ်လိုမြင်နေကြသလဲ

သမ္မတ ဦးသိန်းစိန်ကတော့ အောက်တိုဘာ (၁) ရက်နေ့ ရေဒီယို အသံလွှင့်မိန့်ခွန်းမှာ သတင်း မီဒီယာ လွတ်လပ်ခွင့် ပြသနာနဲ့ ပါတ်သက်ပြီး ခုလို ပြောဆိုခဲ့ပါတယ်။ “ လွတ်လပ်ခွင့်တွေထဲက တစ်ခုဖြစ်တဲ့ မီဒီိယာလွတ်လပ်ခွင့်ကိုလည်း အရှေ့တောင်အာရှ နိုင်ငံ အတော်များများထက်ပင် ရှေ့ရောက်အောင် တိုးတက်ဖော်ဆောင်ပေးနိုင်ခဲ့ပြီ ဖြစ်ပါတယ်။ လွတ်လပ်ခွင့်ရှိလာတာနဲ့အမျှ တာဝန်ယူမှုလည်း ပိုမိုတိုးတက်လာဖို့ လိုပါတယ်။ ဒါမှသာ ဘက်ညီမျှတတဲ့ လူ့ဘောင်ကို ဖန်တီးနိုင်မှာ ဖြစ်ပါတယ်။ ယခုလို ဒီမိုကရေစီအတွက် မရှိမဖြစ် လိုအပ်တဲ့ မီဒီယာ လွတ်လပ်ခွင့်ကို မျိုးစေ့ချ ဆောင်ရွက်နေတဲ့ အချိန်မှာ မီဒီယာ ကျင့်ဝတ်၊ မီဒီယာ စည်းကမ်းများကို လိုက်နာဖို့၊ အခြေအမြစ်မရှိတဲ့ သတင်းတွေ၊ ပုဂ္ဂိုလ်ရေး တိုက်ခိုက်ပုတ်ခတ်မှုတွေ ပြုလုပ်ခြင်းကို ရှောင်ရှားကြဖို့လည်း ကျွန်တော့်အနေနဲ့ တိုက်တွန်းပြောကြားလိုပါတယ်။ ယခုလို သမိုင်းဝင် နိုင်ငံတည်ဆောက်ရေး လုပ်ငန်းစဉ်ကြီးကို တိုင်းရင်းသား ပြည်သူတစ်ရပ်လုံးက တက်ညီလက်ညီ ကြိုးပမ်းဆောင်ရွက်ကြရမယ့် အချိန်အခါမျိုးမှာ မီဒီယာလွတ်လပ်ခွင့်ကို ခုတုံးလုပ်ပြီး ပုဂ္ဂိုလ်ရေး တိုက်ခိုက်တာတွေ၊ မီဒီယာ စည်းကမ်းနဲ့ မညီတဲ့ အပြုအမူတွေကို မပြုလုပ်ကြပဲ အားလုံး စုစုစည်းစည်း ညီညီညွတ်ညွတ်နဲ့ ကြိုးပမ်းဆောင်ရွက်ကြဖို့ လိုပါတယ်။ ” ဆိုပြီး ဖြစ်ပါတယ်။ သမ္မတရဲ့ ပြောဆိုချက် ရှင်းလင်းတဲ့အတွက် အကျယ်ချဲ့ ပြောဆိုဖို့ မလိုတော့ပါဘူး။

လက်ရှိ အာဏာရပါတီ ဒုဥက္ကဌ ဦးဌေးဦးဟာ အရေးပါတဲ့ နိုင်ငံရေးခေါင်းဆောင် တစ်ယောက်ပါ။ စက်တင်ဘာ ၁၅ ရက်၊ နေပြည်တော်မှာ လုပ်တဲ့ သတင်းစာရှင်းလင်းပွဲမှာ ဖွဲ့စည်းပုံ ပြင်ရေးနဲ့ ပါတ်သက်ပြီး သတင်းထောက်တွေက မေးတာကို ဦးဌေးဦးက “ ပြည်သူတွေ ပြင်ချင်တယ်ဆိုတာ ကျွန်တော်ကတော့ မယုံကြည်ဘူး၊ ဘာလို့လဲဆိုတော့ ဖွဲ့စည်းပုံကို လေ့လာတဲ့ ပြည်သူတွေဆိုတာ ရှားပါတယ်၊ ကျွန်တော်ကတောင် အခုမှ လေ့လာပြီး ပြန်ပြုစုနေရတာ၊ ပြင်ချင်တဲ့သူတွေက ပြည်သူတွေဆီ သွားရှင်းပြပြီး ပြည်သူတွေက ပြင်ချင်တာ ဖြစ်နေတယ်လို့ ကျွန်တော်တော့ ထင်တယ်။ လူတွေက ရူးပြီး ဖြစ်နေကြတာပါ။” လို့ ပြောတယ်ဆိုပြီး စက်တင်ဘာ ၁၇ ရက် အလဲဗင်း သတင်းစာ စာမျက်နှာ ၅ မှာ ဖော်ပြခဲ့ပါတယ်။ အဲလို ဖော်ပြပြီးနောက် ဦးဌေးဦးက “ လူတွေက ရူးပြီး ဖြစ်နေကြတာပါ ” လို့ ပြောတဲ့အကြောင်း အခြား သတင်းစာ ဂျာနယ်တွေမှာလည်း ပျံ့နှံ့သွားခဲ့ပါတယ်။ ဒါနဲ့ ပါတ်သက်ပြီး နောက် (၄) ရက်အကြာမှာ အလဲဗင်းသတင်းစာက မှားယွင်းတယ် ဆိုတဲ့အကြောင်း “ရှင်းလင်းချက်” လောက်ပဲထည့်ပြီး တောင်းပန်တာမျိုးတောင် မလုပ်ခဲ့ပါ။ သူကိုယ်တိုင်ကြုံရတဲ့ အဖြစ်၊ ၀န်ကြီး ဦးစိုးသိန်း ပုဂ္ဂိုလ်ရေး အတိုက်ခိုက်ခံရတဲ့အဖြစ်၊ မမှန်ကန်တဲ့ ၁၁ ဘီလျံကိစ္စ ဖော်ပြလို့ အစိုးရ လွှတ်တော် အလုပ်ရှုတ်ရတဲ့ အဖြစ်အပျက်တွေကို အခြေခံပြီး ဦးဌေးဦးက အောက်တိုဘာ ၅ ရက်နေ့ သတင်းစာမှာ ဆောင်းပါးရှင် ရဲမာန် နာမည်နဲ့ ခုလို ရေးသားဖော်ပြပါတယ်။ “ စာနယ်ဇင်းတွေက ထိန်းကျောင်းရမယ့် တာဝန်တွေ၊ စောင့်ထန်းရမယ့် ကျင့်ဝတ်တွေလည်း ရှိဖို့လိုတယ်၊ အဲဒါတွေ မရှိဘူးဆိုရင်လည်း တစ်ခုခုနဲ့ ထိန်းကျောင်းရမယ်လို့ ကျွန်တော်ထင်တယ်၊ ဒါကတော့ နောင်ကျရင် စဉ်းစားလာကြလိမ့်မယ်လို့ ကျွန်တော်ထင်ပါတယ်။ ” တဲ့။

ဒေါ်အောင်ဆန်းစုကြည်ကလည်း နေပြည်တော်မှာ စာနယ်ဇင်းကောင်စီ တာဝန်ရှိသူတွေနဲ့ တွေ့ဆုံစဉ် ခုလို စကားမျိုးတွေ ပြောဆိုခဲ့ပါသေးတယ်။ “ တစ်ချို့တွေကလည်း သတင်းထောက်တွေ ကို ကြောက်တယ်၊ ဘာဖြစ်လို့လဲဆိုတော့ တစ်ခါတလေ ပြောလိုက်ရင် အမှန်ပြောရရင် ကျွန်မပြောတောတွေလည်း ထော်လော်ကန့်လန့်တွေ၊ ပြောင်းပြန်တွေ ထွက်လာတာတွေ ရှိတယ်။” “ အဲဒီ သတင်းကိုလည်း ကြောက်နေတဲ့ ကြောက်နေတာတွေရှိတယ်၊ ဒါကို ဆရာတို့ အနေနဲ့ ဆရာတို့ လုပ်ပေးရမယ် ” “ ဘာဖြစ်လို့လဲဆို တာဝန်မဲ့တဲ့ သတင်းသမားတွေကြောင့် ဖြစ်တဲ့ ကိစ္စတွေပေါ့နော်” “ တခါတလေ ကျပ်ကျပ်ကိုင်တယ် ဆိုတာကလည်း စိုးရိမ်ကြောင့်ကျမှုကြောင့် ကိုင်တာပဲ”။ လို့ ဆိုပါတယ်။

စာနယ်ဇင်းတွေရဲ့ ရေးသားဖော်ပြမှုနဲ့ ပါတ်သက်ပြီး နောက်ဆုံး ဝေဖန်လာသူကတော့ ဒုဗိုလ်ချုပ်ကြီးမြင့်စိုးပါ။ ပြီးခဲ့တဲ့ ရက်ပိုင်း မြစ်ကြီးနားမှာ ကေအိုင်အိုနဲ့ ငြိမ်းချမ်းရေး ဆွေးနွေးပွဲအပြီး ဆဲဗင်းဒေး သတင်းစာနဲ့ အင်တာဗျူးမှာ သူက ခုလို ပြောခဲ့ပါတယ်။ “ မီဒီယာပိုင်းမှာလည်း တစ်ဖက်သတ် ရေးတာတွေ ရှိတယ်။ ” “ ဟိုတလောကပဲ ကျွန်တော် မီဒီယာ တစ်ခုမှာ တွေ့လိုက်တယ်။ အပစ်အခတ် ရပ်စဲရေး ဆိုတာနဲ့ တပ်မတော်ကနေ ညတွင်းချင်းမှာ အမိန့်တစ်ခု ထုတ်လိုက်လို့ရှိရင် အပစ်အခတ် ရပ်သွားတာပဲတဲ့။ ဘာမှ မထူးပါဘူးတဲ့။ဒါကို ဖော်ပြတဲ့ ဂျာနယ်ကလည်း ဖော်ပြတယ်။ မီဒီယာ ဆိုတာ ကျွန်တော်တို့က စတုတ္တမဏ္ဍိုင်အဖြစ် သတ်မှတ်ထားတယ်။ ဘာကြောင့်လဲ။ တို့ရဲ့ ပထမ၊ ဒုတိယ၊ တတိယ မဏ္ဍိုင်တို့ကို သူက အထောက်အကူပြုတယ်။” “ကိုယ် ဟိုနေ့တုန်းက မီဒီယာမှာ ဆဲဗင်းဒေးကလား မသိဘူး။ ဒီ ကေဘီစီက ဒေါက်တာ ဆမ်ဆွန်ပြောတာပေါ့။ ထည့်တာရှိပါတယ်။ ဒီနေ့ဆွေးနွေးပွဲအပေါ် ဘယ်လိုမြင်လဲ ဆိုတော့။ ဒါက အာစီယံ ဥက္ကဌ အလှည့်၊ ဥက္ကဌ နီးလို့ မရရအောင် လုပ်တယ်လို့ သူတို့ကမြင်တယ်လို့။ နောက်တစ်ခုက ဒေါက်တာ စိုင်းမောက်ခမ်းလာတဲ့အခါမှာ ဘာမှလည်း သိပုံမရဘူး လို့။ ဒုသမ္မတ ဆိုတာ နိုင်ငံတော် အကြီးအကဲ တစ်ယောက်ပဲ။ ဒါမျိုးတွေက နိုင်ငံတော်အကြီးအကဲ တစ်ယောက် သူ့ရဲ့ ဂုဏ်သိက္ခတွေကို ထိပါးအောင်လုပ်တာ၊ ဒါပြောတာကို ဂျာနယ်ကလည်း ထည့်တယ်။” “ မဖြစ်နိုင်တဲ့ဟာတွေ၊ တစ်ဖက်သားကို ထိခိုက်စေတဲ့ နစ်နာစေတဲ့ဟာမျိုး မရေးတာ ကောင်းတယ်။” လို့ ဆိုပါတယ်။ ဒါတွေခြုံငုံကြည့်ရင် လက်ရှိ နိုင်ငံမှာ အရေးပါတဲ့သူတွေ စာနယ်ဇင်းတွေအပေါ် ဘယ်လောက် အမြင်စောင်းနေပြီလဲ သိသာနိုင်ပါတယ်။

ငါးခုံးမ တစ်ကောင်နှစ်ကောင်

တကယ်တော့ စာနယ်ဇင်း လွတ်လပ်ခွင့် တစ်နှစ်ကျော်ကာလမှာ ဖော်ပြလို့တောင် မရနိုင်တဲ့ တိုးတက်မှုတွေ အများကြီး ရှိခဲ့ပါတယ်။ ပြည်သူတွေ အတွက် အဖိုးမဖြတ်နိုင်တဲ့ စာအုပ်စာတန်းတွေကို ဘယ်ခေတ်ကာလနဲ့မှ မတူအောင် ပုံနှိပ်ဖော်ပြလာနိုင်ပါတယ်။ မဏ္ဍိုင်ကြီး ၃ ရပ်ကို ထောက်ပြနိုင်တဲ့ သတင်း၊ သတင်းဆောင်းပါးတွေလည်း အများအပြား ရေးလာနိုင်ပါတယ်။ ဒါပေမယ့် ငါးခုံးမ တစ်ကောင်နှစ်ကောင်ကတော့ ရှိခဲ့ပါတယ်။ စာနယ်ဇင်း ကျင့်ဝတ် ချိုးဖေါက်ပြီး အစိုးရ နဲ့ ပုဂ္ဂလိကတွေကို ပုဂ္ဂိုလ်ရေး ထိုးနှက်တာတွေ အပါအ၀င် မဆင်မခြင် ရေးချင်သလို ရေး၊ ဖော်ပြချင်သလို ဖော်ပြတဲ့ သတင်းစာ ဂျာနယ်တွေလည်း ရှိန်ေခဲ့ပါတယ်။ လူဗြိန်းကြိုက်ဖြစ်တဲ့ အတွက် အဲဒီ စာစောင်တွေ ဈေးကွက်ထဲမှာ ရောင်းလည်း ကောင်းပါတယ်။ ခက်တာက အဲဒီ သတင်းစာ ဂျာနယ်တွေရဲ့ စာနယ်ဇင်း ကျင့်ဝတ် ချိုးဖေါက်တာတွေကို ထောက်ပြသူ မရှိတာပါ။ အစိုးရကလည်း စာနယ်ဇင်း လွတ်လပ်ခွင့် ပိတ်ပင်တယ် အမြင်ရောက်မှာစိုးလို့ ဘယ်လောက် ဆိုးဆိုး တရားမစွဲပါ။ အဲလို ဖြစ်လာလေလေ၊ စာနယ်ဇင်းကျင့်ဝတ် ချိုးဖေါက်မှုက များလေလေပါပဲ။ ခုတော့ အဲဒီ နည်းနဲ့ လူကြိုက်များ၊ ဈေးကွက်ရ၊ ၀င်ငွေဖြောင့်တာ တွေ့လာလို့ အခြားနယ်ပယ်က လူတွေပါ စာနယ်ဇင်းလောကထဲ ဒိုင်ပင်ပစ် ၀င်လာနေကြပါပြီ။ ဈေးကွက်ကလည်း စာနယ်ဇင်း ကျင့်ဝတ် အချိုးဖေါက်ဆုံး၊ အဆဲနိုင်ဆုံး စာစောင် ရောင်းကောင်းတဲ့ အခြေအနေ ဘက် ဦးတည်နေပါပြီ။

ဘယ်လိုလုပ်ကြမလဲ

ဒီလို အခြေအနေကြောင့် စာနယ်ဇင်းလွတ်လပ်ခွင့် အစိုးရက ပြန်ထိန်းမယ် ဆိုတာမျိုးကိုတော့ ခွင့်ပြုလို့မရပါ။ စာနယ်ဇင်း ကျင့်ဝတ် ချိုးဖေါက်တဲ့ စာစောင်တွေကို တစ်ယောက်ချင်းစီဖြစ်ဖြစ်၊ စာစောင် တစ်ခုချင်းပဲဖြစ်ဖြစ်၊ MJA, MJN, MJU လို စာနယ်ဇင်း အဖွဲ့တွေကပဲဖြစ်ဖြစ်၊ စာနယ်ဇင်းကောင်စီကပဲ ဖြစ်ဖြစ် ပုံမှန်ဝေဖန်ထောက်ပြပေးနေဖို့ လိုပါတယ်။ ဝေဖန်ထောက်ပြ တာကို တရားစွဲမယ်လို့ ခြိမ်းခြောက်တာမျိုး၊ အခြားနည်းနဲ့ အကြပ်ကိုင်တာမျိုးတွေ ရှိခဲ့ရင်လည်း စာနယ်ဇင်းသမားတွေ ရဲရဲရင့်ရင့် ရင်ဆိုင်ကြရပါမယ်။ ဒါဟာ စစ်အစိုးရခေတ်က ကင်မရာတွေ့တာနဲ့ ထောင်ကျခံရတဲ့ အခြေအနေလောက်ထိ မဆိုးရွားပါဘူး။ နိုင်ငံတကာမှာ လူဆိုးဂုဏ်းတွေ၊ အဂတိလိုက်စားတဲ့ အစိုးရအဖွဲ့ဝင်တွေကို စုံစမ်းဖော်ထုတ်ရင်း၊ စစ်သတင်းလိုက်ရင်း အန္တရာယ်ကြုံကြရတဲ့ ဂျာနယ်လစ်တွေရဲ့ အခြေအနေလောက်လည်း မပြင်းထန်ပါဘူး။ မီဒီယာ လွတ်လပ်ခွင့်ရဖို့ ရဲရဲ့ဝန့်ဝန့် တိုက်ပွဲ ၀င်ခဲ့ကြသလို၊ ရလာတဲ့ စာနယ်ဇင်း လွတ်လပ်ခွင့်ကို အလွဲသုံးနေသူတွေ ဖျက်ဆီးနေကြတာကိုလည်း ပရော်ဖက်ရှင်နယ် စာနယ်ဇင်းသမားကောင်း မှန်သမျှ ကာကွယ်ရမယ်သာ ဖြစ်ကြောင်းပါ။

စည်သူအောင်မြင့်။

Sithu Aung Myint Facebook စာမျက်နှာမှ ကူးယူဖော်ပြသည်

Read more →

ဦးသိန်းစိန် နှင့် ဒေါ်အောင်ဆန်းစုကြည်တို့၏ ပြည်ပခရီးစဉ်များ နှိုင်းယှဉ်ချက်

ဦးသိန်းစိန်
°°°°°°°°°°°°
ခရီးစဉ်ရည်ရွယ်ချက် - နိုင်ငံတော်အကျိုးအတွက် ပြည်ပအကူအညီ ရယူရန်။

ပြည်ပကြိုဆိုမှု - ဘင်္ဂါလီဆန္ဒပြမှုတစ်ချို့ကြုံရ။

ပြည်ပမိန့်ခွန့်များ အနှစ်ချုပ် - ( ၁ ) မြန်မာပြည်၌ ရိုဟင်ဂျာ ဟူ၍ မရှိ။

( ၂ ) မြန်မာပြည်အား အကူအညီပေးကြပါ။

ပြည်သူများ၏ မှတ်ချက် - မိမိကိုယ်ကို နှိမ့်ချ၍ တိုင်းပြည်အကျိုးကို တောင်းဆိုသည်။

ပြည်ပခရီးစဉ်ရလာဒ် - မြန်မာနိုင်ငံအတွက် အကျိုးရှိသော ကတိကဝတ်၊ စာချုပ် စသည်တို့ပါလာသည်။

ဒေါ်အောင်ဆန်းစုကြည်
°°°°°°°°°°°°°°°°°°°°°°°°°
ခရီးစဉ်ရည်ရွယ်ချက် - မိမိသမ္မတဖြစ်နိုင်ရေးအတွက် ပြည်ပအကူအညီ ရယူရန်။

ပြည်ပကြိုဆိုမှု - လှိုက်လှိုက်လှဲလှဲ ကြိုဆိုခံရသည်။

ပြည်ပမိန့်ခွန့်များ အနှစ်ချုပ် - ( ၁ ) မြန်မာပြည်တွင်းမှ ရိုဟင်ဂျာများကို သနားကြပါ။

( ၂ ) မြန်မာနိုင်ငံအား ဆန်ရှင် မရုတ်သိမ်းသင့်သေးပါ။ အကူအညီပေးမည့် အစီအစဉ်များ ရပ်ဆိုင်းကြပါ။

ပြည်သူများ၏ မှတ်ချက် - နိုင်ငံ့ဂုဏ်သိက္ခာကို နှိမ့်ချ၍ မိမိကိုယ်ကျိုးအတွက် တောင်းဆိုသည်။

ပြည်ပခရီးစဉ်ရလာဒ် - နိုင်ငံတကာမှ မြန်မာနိုင်ငံအား အထင်အမြင်လွဲပြီး စီးပွားရေး၊ လူမှုရေး ကူညီမှုအချို့နှောင့်နှေးသည်။

Read more →

ဗုံးပေါက်ကွဲမှုများနှင့် ပတ်သက်၍ ကာချုပ်ရုံး သဘောထား ထုတ်ပြန်ချက်

နိုင်ငံတော် အတွင်း လုံခြုံရေး၊ တရားဥပဒေ စိုးမိုးရေးနှင့် တည်ငြိမ် အေးချမ်းရေး ပျက်ပြားစေရန် ရည်ရွယ်ပြီး ယခု ရက်ပိုင်းအတွင်း တိုင်းဒေသကြီး အချို့တွင် မသမာသူများမှ ဖောက်ခွဲမှု များအား လုပ်ဆောင်ခဲ့ကြရာ ပေါက် ကွဲမှု ဖြစ်စဉ် (၇)ကြိမ် နှင့် ဖော်ထုတ် သိမ်းဆည်း ရရှိမှု (၄)ကြိမ် ဖြစ်ပွားခဲ့ပြီး အပြစ်မဲ့ ပြည်သူသုံးဦး သေဆုံးခဲ့၍ နိုင်ငံခြားသူတစ်ဦး အပါအဝင် ၁ဝဦး ထိခိုက် ဒဏ်ရာ ရရှိခဲ့သည်။

အဆိုပါ ဖြစ်စဉ်များတွင် ပြည်သူ လူထု၏ အားတက်သရော ဝိုင်းဝန်း ကူညီမှုဖြင့် ပါဝင် ပတ်သက်သူ အချို့အား ဖော်ထုတ် ရရှိ ခဲ့ပြီး KNU အဖွဲ့ရှိ စီးပွားရေး တာဝန်ခံ အချို့ ဆက်စပ် ပါဝင်ခဲ့ကြောင်း တွေ့ရှိရသည်။ သို့ရာတွင် ၎င်းပေါက် ကွဲမှု ဖြစ်စဉ်များမှာ KNU အဖွဲ့အစည်းနှင့် တိုက်ရိုက် သက်ဆိုင်မှု မရှိဘဲ နိုင်ငံတော် အစိုးရနှင့် လုပ်ဆောင်လျက် ရှိသော ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်းစဉ်များအား ထိခိုက်မှုရှိစေရန် အဖွဲ့အစည်း အတွင်းရှိ အနည်း ငယ်သော အင်အားစု အချို့မှ ဆောင်ရွက်ခဲ့ခြင်း ဖြစ်ပြီး KNUအဖွဲ့အစည်း အနေဖြင့် လုပ်ဆောင်ခြင်း မဟုတ် ကြောင်းနှင့် အဖြစ်မှန် ပေါ်ပေါက်၍ တရားခံများ ဖမ်းဆီးရမိပြီး ဥပဒေ နှင့်အညီ အရေးယူ ဆောင် ရွက်နိုင်သည် အထိ KNU အဖွဲ့မှ နိုင်ငံတော် အစိုးရနှင့် ပူးပေါင်းဖော်ထုတ် ဆောင်ရွက်ခဲ့သည်။

အထက်ပါ ဖြစ်စဉ်များကြောင့် ငြိမ်းချမ်းရေး လုပ်ငန်းစဉ်များ၊ နှောင့်နှေး ရပ်တန့် သွားမည် မဟုတ်ဘဲ ပြည်ထောင်စု ငြိမ်းချမ်းရေး ဖော်ဆောင်မှု လုပ်ငန်း ကော်မတီနှင့် တိုင်းရင်းသား လက်နက်ကိုင် အဖွဲ့အစည်းများ ပူးပေါင်း ဆောင် ရွက်လျက် ရှိသည့် ငြိမ်းချမ်းရေး လုပ်ငန်းစဉ် များအား အောင်မြင်သည်အထိ ကြိုးစား ဆောင်ရွက်သွားမည်။ 

Read more →

" ကျွန်တော်တို့ ပုခုံးပေါ်က အိမ် (၂) "

====================
စစ် ဆိုတာ ဘာလဲ...သူငယ်ချင်း လို့ ...
လက်တစ်ဆစ်စာ ကျည်ဖူးလေးက
ပုခုံး ပုတ်ပြီး မေးလာတယ်...
ဒီအဖြေကို သိနိုင်တဲ့လူဆိုလို့ နှစ်ယောက်ပဲရှိတယ်
ဟုတ်တယ်.. မင်းရယ်.. ငါရယ်....

တစ်သွေး တစ်သံ တစ်မိန့် လို
ငါ့မှာလည်း အသက်က တစ်ချောင်းထဲ သူငယ်ချင်း...
မင်းသေရမှာ မကြောက်ဘူးလားလို့ မင်းမေးတုန်းက
ငါ ရယ်နေတယ်........
မင်းသေရမှာ မကြောက်ဘူးလားလို့ ငါမေးရင်လည်း
မင်း ရယ်နေပါ...
ကမ္ဘာပေါ်မှာ စစ်ကိုလိုလားတဲ့ စစ်သားဆိုတာ မရှိဘူးဆိုရင်
အပြင်လူတွေ ယုံချင်မှယုံမယ်
အပြင်လူတွေ ဆိုတော့ .....
အထဲမှာ ဘယ်သူတွေရှိလဲလို့ မင်းမေးချင်လာမယ်...
အဲဒါ မင်းရယ်.. ငါရယ်.....

မင်း သိထားတဲ့ ဘဝ နဲ့ ငါ သိထားတဲ့ ဘဝဆိုတာ
ထမင်းသိုး ဟင်းသိုးကနေ မိုးခါးရေအထိ
သဲဝဲစား ရောဂါကနေ ခြေပြတ်လက်ပြတ်အထိ
အောက်ဆီဂျင်ကနေ မိုင်းကွင်းအထိ
ဒီလိုပဲ....
ငါတို့ဘဝဆိုတာ ကိုယ့်ကိုကိုယ်ပြန်လှူထားရတဲ့ ....
မိုးပျံပူဖောင်းလေးတွေလည်း ဖြစ်တယ်
(ငါတို့ ဆိုပေမဲ့လည်း အများကြီး မဟုတ်ပါဘူး)
ဘယ်သူတွေလဲ ဆိုတော့..
မင်းရယ်.. ငါရယ်....

ပလက်ဖောင်းပေါ်က ဂစ်တာသံတွေ
စတိတ်ခ်ျရှိုး လက်မှတ်တွေထက်
တရွှတ်ရွှတ် ဖြတ်ပြေးနေတဲ့ ကျည်ဆံတွေ
တအုံးအုံး ထကွဲနေတဲ့ မိုင်းတွေကို
ငါတို့ ခေါင်းအုံးလုပ် အိပ်ကြတယ်
ဒီလိုပြောလို့ ရယ်ချင်ရယ်နေ ကြလိမ့်မယ်
ရယ် မယ့်လူဆိုလို့လည်း များများစားစား မရှိလှဘူး
အဲဒါ မင်းရယ်.. ငါရယ်....

ငါတို့ဆီမှာ
ဒုက္ခိတတွေ ရှိတယ်
မသန်မစွမ်းတွေ ရှိတယ်
ခြေပြတ် လက်ပြတ်တွေ ရှိတယ်
အားငယ်တတ်တဲ့ ဘယ်ဘက် အိပ်ကပ်ကလေးတွေ ရှိတယ်
သပြေခက် ရှိတယ်....

ငါတို့ဆီမှာ
ရေခြားမြေခြား ရှိတယ်
ရဲရဲတက် ရဲရဲတိုက် ရဲရဲချေမှုန်း ရှိတယ်
ဝင်သက် ထွက်သက်ကလေး ရှိတယ်
ဒုက္ခ ရှိတယ်
တမလွန် ရှိတယ်....

ငါတို့ဆီမှာ
မိုင်ရှည်ခရီး ရှိတယ်
ငိုသံတွေ ရှိတယ်
အိပ်မပျော်တဲ့ ညတွေ ရှိတယ်
သေသွားတဲ့ ရဲဘော်တွေ ရှိတယ်
သေသွားတဲ့ ရဲဘော်တွေကို အလေးပြုနေတဲ့ လက်တွေရှိတယ်
အလေးပြုနေတဲ့ လက်တွေဆိုလို့ .....
ဘယ်သူတွေများလဲလို့ မင်းသိချင်လာမယ်
အဲဒါ မင်းရယ်.. ငါရယ်....

သေခြင်းတရား က
trailer ပြလေ့ မရှိဘူး
သေခြင်းတရား ဆိုတာ
မင်း နဲ့ ငါ တစ်ယောက်တစ်ဝက် သောက်ခဲ့တဲ့
စီးကရက် တစ်လိပ်စာလောက်ပဲ သူငယ်ချင်း
စစ်သားဆိုတာ သေခြင်းတရားနဲ့ ပတ်သက်ပြီးလည်း
လူပြောများ တတ်သေးတယ်
ပြောမယ့်လူ ဆိုလို့လည်း နှစ်ယောက်ပဲ ရှိတယ်
အဲဒါ.. မင်းရယ်.. ငါရယ်.....။

နေပိုင်
—

Read more →

ရလဒ်အခြေပြု နိုင်ငံရေးနှင့် အစိုးရ၏ သက်တမ်းဝက် ခရီး

ဒေါက်တာနေဇင်လတ်

တစ်ချိန်က ဝါဒရေးရာ အခြေပြုလွန် နိုင်ငံရေးကို ကမ္ဘာကြီး ဖြတ်သန်းခဲ့သည်၊ အထူးသဖြင့် ဒုတိယကမ္ဘာစစ်ဝန်းကျင်မှစ၍ စစ်အေးခေတ်အဆုံး ကြားကာလဖြစ်သည်။ စစ်အေးခေတ် အဆုံးတွင် ရလဒ်အခြေပြုနိုင်ငံရေး အားကောင်းလာခဲ့၏။ တစ်ဖက်တွင်လည်း စီမံခန့်ခွဲမှု ပညာ သြဇာကြီးမားလာပြီး ရလဒ်အခြေပြု စီးပွားရေးကိုသာ အလေးပေးလာတော့သည်။ မည်သို့ သောရလဒ်မျိုး ရလာနိုင်သည်ကို တွက်ချက်နိုင်သော အရည်အချင်းသည် ခေါင်းဆောင် များ၏ အဓိက အရည်အချင်း ဖြစ်လာပြီး၊ ဝါဒရေး၊ သဘောတရားရေး ထက် ပို၍ တန်ဖိုးထား၊ အများအာရုံပြုစရာ ဖြစ်လာသည်။

စီးပွားရေးအောင်မြင်လျှင် နိုင်ငံရေး အောင်မြင်သည်

မည်သည့်ဝါဒ၊ စနစ်ဖြစ်စေ စီးပွားရေး တိုးတက်အောင်မြင်မှုကသာ အဓိက ပန်းတိုင် ဖြစ်သည်၊ နိုင်ငံရေးစနစ်တစ်ခု၏ အန္တိမပန်းတိုင် (Political End) မှာ ဝါဒရေးရာ အောင်မြင်မှု မဟုတ်၊ စီးပွားရေးဖွံ့ဖြိုးတိုးတက်မှု၊ ထို့အတွက် နိုင်ငံရေးစနစ်က အထောက်အပံ့ပေးနိုင်မှု ဖြစ်သည်။ ထို့ကြောင့် နိုင်ငံရေးစနစ်သည် Political Means ဟူသော နည်းစဉ် တစ်ခုမျှသာ ဖြစ်သည်။

အာဏာရှင်စနစ်တွင် တစ်ရာလျှင် တစ်ယောက်မျှသာ ပြည်သူတို့၏ အကျိုးကို သယ်ပိုး နိုင်ခဲ့ ကြ၏။ ထို့ကြောင့် (၉၉) ဦးသော အာဏာရှင်ကို ရှောင်ရှားနိုင်ရန် ပြည်သူက ရွေးချယ် သော အစိုးရစနစ်တည်းဟူသည့် ဒီမိုကရေစီကို ကူးပြောင်းလာကြခြင်း ဖြစ်သည်။ ဒီမိုကရေစီ စနစ် တွင် ပြည်သူတို့၏ လွတ်လပ်ခွင့်၊ တန်းတူရည်တူခွင့် စသော အခွင့်အရေးများ ရသည် မှန်သော်လည်း စီးပွားရေး တိုးတက်ဖွံ့ဖြိုးအောင် ဆောင်ရွက်နိုင်ခြင်းက တစ်ကဏ္ဍ ဖြစ်၏။ မြန်မာတို့အနေဖြင့် ဒီမိုကရေစီကို ရွေးချယ်ခဲ့ကြပြီး ဖြစ်သည်။ အမျိုးပေါင်းများစွာ၊ စံနှုန်း၊ တန်ဖိုးများစွာ အကွာအခြားရှိသော ဒီမိုကရေစီထဲမှ မိမိတို့နှင့် လိုက်ဖက်ညီ၍ အသင့်လျော် ဆုံးဖြစ်သည့် ပုံစံတစ်ခုကို စတင်ထုဆစ်ရပါ လိမ့်မည်။ ထိုနိုင်ငံရေးစနစ်ကို အခြေခံ၍ စီးပွားရေးကို ပုံဖော်ရပါမည်။

သက်တမ်းတစ်ဝက်ခရီး

နိုင်ငံရေးစနစ် အပြောင်းအလဲ၏ ဝန်းကျင်သစ်တွင် သမ္မတကြီး ဦးသိန်းစိန် အစိုးရမှာ သက်တမ်း တစ်ဝက်ကျော်ကာလကို ဖြတ်သန်းခဲ့ပြီးဖြစ်သည်။ မည်မျှ အောင်မြင်စွာ ဖြတ်သန်း နိုင်ခဲ့သည်ကို ကဏ္ဍအလိုက် ယေဘုယျလေ့လာရပါလျှင်…..

နိုင်ငံရေးရလဒ်

နှစ်ပေါင်း (၂၀) ကျော် နိုင်ငံရေးအကျပ်အတည်းကို ကျော်လွှားနိုင်ခဲ့သည်။ လွှတ်တော် နိုင်ငံရေးကို ကောင်းစွာ ကျင့်သုံးနိုင်ခဲ့သည်။ နိုင်ငံရေး လှုပ်ရှားမှုများ၊ နိုင်ငံရေးပါတီ ဖွဲ့စည်းမှု များ၊ အခြားသော လူမှုရေး အဖွဲ့အစည်းများ၊ NGO ၊ INGO များ၏ လွတ်လပ်ခွင့် ကြီးမားစွာ ရရှိခဲ့ပြီး၊ နိုင်ငံတကာ ဆက်ဆံရေး ထူးခြားစွာ တိုးတက်စေခဲ့သည်။ လူ့အခွင့်အရေး များစွာ တိုးတက်ခဲ့သည်။ နိုင်ငံတကာ အရေးယူ ပိတ်ဆို့မှုများ ဖယ်ရှားနိုင်ခဲ့သည်။ နှစ် (၆၀) ကျော် လက်နက်ကိုင်များနှင့် ပဋိပက္ခကို အခြေအနေကောင်းများ ဖြစ်ရန် ဆွေးနွေးနိုင်ခဲ့ပြီး၊ တစ်နိုင်ငံ လုံး အတိုင်းအတာဖြင့် ထာဝရ ငြိမ်းချမ်းရေးကို ကြိုးစားနေသည်။

ဆိုရလျှင် နိုင်ငံရေးကဏ္ဍ တိုးတက်မှုမှာ နိုင်ငံတကာ၏ မျှော်မှန်းထားမှု၊ ပြည်တွင်း၏ မျှော်မှန်းထားချက်ထက် များစွာ ပိုလွန်သော ရလဒ်ကို ဆောင်ကြဉ်းနိုင်ခဲ့သည်ဟု ဆိုရပါမည်။ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးနှင့် လွှတ်တော်တွင်း တပ်မတော် ကိုယ်စားလှယ် များ အရေအတွက်လျှော့ချရေးကိုလည်း လက်ခံထားခဲ့ခြင်းသည် တစ်ကမ္ဘာလုံး မျှော်မှန်း ထားခဲ့သည် ထက် ပိုလွန်သောရလဒ်များဖြစ်သည်ဟုဆိုလျှင် အချို့သော လူအနည်းငယ်မှ တစ်ပါး ငြင်းမည့်သူ မရှိနိုင်၊ သမ္မတကို ပြုပြင်ပြောင်းလဲသူ “Icon of Reform” ဟု နိုင်ငံတကာက သတ်မှတ်ခြင်းမှာ တော်ရုံတန်ရုံ ရလဒ်ထက် များစွာ ပိုသောကြောင့်သာ ဖြစ်သည်။

စီးပွားရေးရလဒ်

နိုင်ငံရေးရလဒ်အနေဖြင့် မျှော်မှန်းထားသည်ထက် ပိုသောရလဒ်များကို ဆောင်ကြဉ်း နိုင်ခဲ့ပါသော် လည်း စီးပွားရေးတွင်မူ များစွာအားရဖွယ်ရာ မတွေ့ရပါ။ အလုပ်လက်မဲ့များ သိသာစွာ လျော့ကျ မလာသေးပါ။ ဝင်ငွေအနေဖြင့်လည်း သိသာစွာ မတိုးတက်လာသေးပါ။ အထူးသဖြင့် အလုပ်အကိုင် အခွင့်အလမ်းများ အားရဖွယ်ရာ မရှိသေးပါ။ နိုင်ငံတကာ ရင်းနှီး မြှုပ်နှံမှုသည် ပြည်တွင်းစီးပွားရေး တိုးတက်မှုအတွက် များစွာ အရေးကြီးပါသည်၊ နိုင်ငံရေး စွန့်စားမှု (Political Risk) မရှိကြောင်း ပြသနိုင်ရပါမည်။ ဤတွင် အဘယ့်ကြောင့် စီးပွားရေး ရလဒ်ကောင်းများ မရနိုင်ရပါသေးသနည်း ဟူသော အချက်အတွက်

- အစိုးရ၏ မူဝါဒ
- မူဝါဒကို အကောင်အထည်ဖော်သူတို့၏ အရည်အသွေး
- ဗျူရိုကရေစီ ယန္တရား ပြုပြင်ပြောင်းလဲနိုင်မှု
- ပြတ်သားစွာ အရေးယူဆောင်ရွက်ခြင်းဟူသော အချက်ဖြင့် တိုင်းတာရပါလိမ့်မည်။

ပညာရပ်ဆိုင်ရာဖြင့်ဆိုလျှင် ထို့ထက်ပိုပါသည်။ ပထမဦးဆုံးအချက်ဖြစ်သော မူဝါဒဆိုင်ရာ တွင် အကောင်းဆုံး မဟုတ်သော်လည်း အဆင့်မမီသော မူဝါဒတော့ မဟုတ်ပေ။ သို့သော် လည်း ကဏ္ဍတစ်ခုနှင့်တစ်ခု ချိတ်ဆက်နိုင်သော မူဝါဒမျိုး၊ ရလဒ်အခြေပြု စဉ်းစား ထားသော မူဝါဒမျိုးအတွက် သံသယရှိဖွယ် ဖြစ်သည်။ ကဏ္ဍအလိုက် မူဝါဒများ ရှိရပါမည်။ ထိုမှတစ်ဆင့် National Economic Policy- NEP ဟူ၍ Integrate လုပ်ယူပါသည်။ ဤအပိုင်းတွင် အားနည်းနေနိုင်ပါသည်။

ဒုတိယအချက်ဖြစ်သော မူဝါဒကို အကောင်အထည်ဖော်ကြသူတို့၏ အရည်အသွေး (Capacity) မှာ တစ်စုံတစ်ရာ အားနည်းနေဆဲဖြစ်သည်ဟု သုံးသပ်နိုင်ပါ၏။ မူဝါဒရေးဆွဲ ခြင်းက အရေးကြီးသလို မူဝါဒကို အကောင်အထည်ဖော်ရာတွင် လည်းကောင်း၊ ထိန်းသိမ်း စောင့်ကြည့် (Monitoring) ရာတွင်လည်းကောင်း အရေးကြီးပြန်ပါသည်။ အများစုမှာ နေ့စဉ် အလုပ်များ Day to day Works တွင်သာ နစ်မြောနေကြသည်ကို တွေ့ရ၏။ အချို့ ပြည်သူ့ ရေးရာ မူဝါဒ (Public Policy) ဟူသည် ကိုပင် မသိ၊ အုပ်ချုပ်မှု (Administration) နှင့် စီမံခန့်ခွဲခြင်း (Management) ကို မကွဲပြား၊ ပညာရှင်များ အသုံးပြုမှု အားနည်းနေသေးပြီး၊ Academic နှင့် လက်တွေ့ချိန်ညှိလုပ်ဆောင်မှုကို မည်သို့ ဆောင်ရွက်ရမည် မသိကြ။

တတိယဖြစ်သော ဗျူရိုကရေစီယန္တရား ပြုပြင်ပြောင်းလဲရေးတွင် အောက်ခြေမဟုတ်၊ အလယ် သို့ပင် မရောက်တတ်သေးဟု ပွင့်ပွင့်လင်းလင်း ထောက်ပြလိုပါသည်။ ပြတ်သားသော ပြုပြင် ပြောင်းလဲမှု၊ ပြတ်သားသောအရေးယူဆောင်ရွက်မှုကို မလွှဲသာမရှောင်သာ ပြုလုပ်သင့်သည်။ ပြောင်းလဲမှု မရှိသေးသော ဗျူရိုကရေစီယန္တရားကို စောင့်ကြည့်၊ အရေးယူမည့် အဖွဲ့အစည်း ရှိသင့်ပြီး၊ အခါ အားလျော်စွာ ပြည်သူတို့ကိုပါ အသိပေးခြင်းဖြင့် ရလဒ်ကောင်း တို့ကို လျင်မြန် စွာ ရရှိနိုင်ကြောင်း တွေ့ရပါလိမ့်မည်။

နောက်ဆုံးအချက်ဖြစ်သော ပြတ်သားစွာ အရေးယူဆောင်ရွက်ခြင်းတွင် တစ်စုံတစ်ရာ တွေ့ရ သော်လည်း၊ ထို့ထက်ပို၍ များစွာ လုပ်ဆောင်ရပါလိမ့်ဦးမည်။ စီမံခန့်ခွဲမှု ပညာရပ်တွင် ပညာရပ် ဆန်ဆန် မည်သို့ဆောင်ရွက်သင့်သည်ဟူ၍ Positive ဘက်မှ ဆိုထားသော်လည်း၊ နောက်ဆုံး အထိရောက်ဆုံးမှာ Hire & Fire သာ ဖြစ်သည်။ ဒုတိယ သက်တမ်းတစ်ဝက်တွင် ပထမသက်တမ်း ထက်ပို၍ ပြတ်သားစွာ အရေးယူဆောင်ရွက်မှုများ ပြုသင့်ပါသည်။ နှစ် (၅၀) တက်ခဲ့သော “ချေး” ကို ဆပ်ပြာပါးပါးဖြင့် ဖွတ်၍ မရပါ။

ဒီမိုကရေစီယဉ်ကျေးမှုကို လက်ခံကျင့်သုံးခြင်း၊

ဒီမိုကရေစီယဉ်ကျေးမှုကို လက်ခံကျင့်သုံးရာတွင် ကျေနပ်အားရဖွယ်ရာဖြစ်သည်၊ ယခုမျှ လောက် ယဉ်ကျေးမှုအသစ်ဖြင့် ကျင့်သားရမည်ဟု မမျှော်လင့်ခဲ့၊ လွတ်လပ်စွာ ဖော်ထုတ် နိုင်မှု၊ ရေးသားနိုင်မှု၊ စုရုံးနိုင်မှုများမှာ သတ်မှတ်ချိန်၊ သတ်မှတ်ဆင့်ထက် ကျော်လွန်စွာ ဖြစ်ထွန်းမှုရှိနေ ပါသည်။ ကြီးမားသော စိန်ခေါ်မှုနှင့် အခက်အခဲကြီးတစ်ခုဟု တစ်ချိန်က ဆိုခဲ့သော စာပေစိစစ်ရေး ကို လုံးဝဖျက်သိမ်းနိုင်ခဲ့ခြင်းမှာ အစိုးရသစ်၏ နောက်ကြောင်းမပြန် လက္ခဏာတစ်ခုဟု ဆိုနိုင်ပါလိမ့်မည်။

INGO များ၊ တစ်ချိန်က အဝေးရောက်များကို ပြည်တွင်းလွယ်ကူစွာ ဝင်ခွင့်ပေးခြင်းကလည်း ကြီးမားသော ဒီမိုကရေစီအပြောင်းအလဲတစ်ခု ဖြစ်သည်၊ အဝေးရောက်ပညာရှင်များကို အရေးပါသောလုပ်ငန်းများ၌ တာဝန်ပေးနိုင်ခဲ့ခြင်းကလည်း ကမ္ဘာ့မိသားစုကို အံအားသင့်စေ ခဲ့ပါ၏။ ဒီမိုကရေစီသို့ ပြောင်းလဲခြင်းနှင့် ဒီမိုကရေစီယဉ်ကျေးမှုကို လက်ခံကျင့်သုံးခြင်း၌ အလားတူ ပြုပြင်ပြောင်းလဲရေးကို ဆောင်ရွက်ခဲ့သည့် နိုင်ငံများနှင့် နှိုင်းယှဉ်လျှင် များစွာ ရှေ့ရောက်ပြီး မြန်ဆန်လွန်းလှပါသည်။ ဤကဏ္ဍတွင်လည်း မျှော်မှန်းထားသည်ထက် ပိုသော ရလဒ်ကို ဆောင်ကြည်းနိုင်စွမ်းရှိသည်ဟု ဆိုနိုင်ပါသည်။

ရလဒ်အခြေပြုနိုင်ရေးအတွက်

သမ္မတကြီးသည် ပင်ကိုသဘာဝအားဖြင့် အေးဆေးသည်။ ခွင့်လွှတ်စိတ်ကြီးမားသည်။ ကိုယ်ကျိုးစီးပွားမရှိ။ ခန့်မှန်းမိသည်မှာ ပေးဆပ်မှုအနည်းဆုံးဖြင့် ပြုပြင်ပြောင်းလဲရေး ကာလ ကို ကျော်ဖြတ်လိုသည်ဟု ယူဆရပါသည်။ သို့သော်လည်း နိုင်ငံရေးသည် နိုင်ငံရေးသာဖြစ်၏။ သမ္မတသည်လည်း သမ္မတသာဖြစ်သည်၊ ရလဒ်ကောင်းများအတွက် ပေးဆပ်ရဖွယ် ရှိသည် တို့ကို ပေးဆပ်ရပါလိမ့်မည်။ ယခုထက် ပညာရှင်များ၊ လက်တွေ့ကျွမ်းကျင်မှုရှိသူများကို အသုံးပြုရ ပါလိမ့်မည်။ သတ်မှတ်ချက် (Target) ပေး၍ ရလဒ်ထွက်လျှင် ချီးမြှောက်ခြင်း၊ ရလဒ်မထွက်လျှင် အရေးယူခြင်းကို ပို၍ ပြတ်သားစွာဆောင်ရွက်ရပါလိမ့်မည်။ ယန္တရား လည်ပတ်မှု မှန်-မမှန်ကို စောင့်ကြည့်အဖွဲ့များ ထားရှိဆောင်ရွက်ရပါလိမ့်မည်။ ပညာရှင်များ၊ လက်တွေ့လုပ်ကိုင်နေကြသူများ၊ ပညာနှင့်လက်တွေ့ နှစ်ပိုင်းလုံး အတွေ့အကြုံ ရှိသူများ၏ အသံကို ပို၍ နားထောင်ပြီး၊ အကြံဥာဏ်များကို ယခုထက်ပို၍ ရယူရပါလိမ့်မည်။

ဗျူရိုကရေစီယန္တရားကို တည့်မတ်ရခြင်းသည် အစိုးရတိုင်း၏ အရေးအကြီးဆုံးသော အလုပ် ဖြစ်ပါသည်၊ ပွန်းပဲ့နေသော ခွေးသွားစိပ်များ ပြင်ဆင်ရေးအတွက် အချိန်များများ ပေး၍ မရပါ၊ တာဝန်ခံမှု၊ တာဝန်ယူမှုကို တာဝန်ရှိသူများအား နှုတ်မှ ပြောနေစေသည်ထက် လက်တွေ့ ဆောင်ရွက်ပြသစေရပါမည်။ ပြုပြင်ပြောင်းလဲရေးတွင် မလိုက်ပါနိုင်သူများအား ချန်ထားခဲ့မည် ဟူသော မူဝါဒကို ယခုထက်ပို၍ ထင်ရှားစွာ ဆောင်ရွက်သင့်ပါသည်။ ဗျူရိုကရေစီယန္တရားကို ပုံမှန်လည်ပတ်စေနိုင်လျှင်ပင် စီးပွားရေး၌ တစ်စုံတစ်ရာ လူးလွန့်လာ နိုင်သည်ကို တွေ့ရပါ လိမ့်မည်။

ရလဒ်ကောင်းကို ရနိုင်ရန် ရလဒ်ကောင်း ရရာရကြောင်းတို့ဖြင့် ဆောင်ရွက်နိုင်မှသာ ရရှိနိုင် မည်ဟု ထောက်ပြလိုပါသည်။ စီးပွားရေးတစ်စုံတစ်ရာ ဦးမော့လာသည်နင့် သမ္မတ၏ Credibility သည် လည်း ယခုထက်ပို၍ မြင့်မားလာပါလိမ့်မည်။

အထူးသဖြင့် တည်ငြိမ်အေးချမ်းရေးသည် ဖွံ့ဖြိုးတိုးတက်မှုအတွက်များစွာ အရေးပါ အခြေခံကျ သဖြင့် တည်ငြိမ်ရေးကို ထိခိုက်စေသော၊ ဒီမိုကရေစီထက်လွန်သော မင်းမဲ့စရိုက် ဆောင်ရွက်မှုများ အပေါ် အရေးယူဆောင်ရွက်မှုများကို ယခင်ထက်ပို၍ ပြတ်သားစွာ ဆောင်ရွက်သင့်သည်ဟု မြင်တွေ့ပါကြောင်း။

The Messenger ဂျာနယ် အတွဲ(၄) အမှတ်(၂၂)မှ ကူးယူဖော်ပြသည်

Read more →

ဖိလစ်ပိုင် အခြေစိုက် Microtel ကော်ပိုရေးရှင်းက မြန်မာနိုင်ငံ၏ ဟိုတယ်၊ အိမ်ခြံမြေနှင့် ပညာရေး ၀န်ဆောင်မှု လုပ်ငန်းများတွင် ၀င်ရောက်လုပ်ကိုင်ရန် ပြင်ဆင်

ဖိလစ်ပိုင် အခြေစိုက် Microtel ကော်ပိုရေးရှင်းက မြန်မာနိုင်ငံ၏ ဟိုတယ်၊ အိမ်ခြံမြေနှင့် ပညာရေး ၀န်ဆောင်မှု လုပ်ငန်းများတွင် ၀င်ရောက်မြှုပ်နှံ လုပ်ကိုင်ရန် ပြင်ဆင်လျက်ရှိကြောင်း သိရသည်။

မြန်မာနိုင်ငံတွင် အဆိုပါ ကဏ္ဍများနှင့် ပတ်သက်၍ ရင်းနှီးမြှုပ်နှံမှု ပြုလုပ်ရန်အတွက် Microtel Development ကော်ပိုရေးရှင်းမှ ဥက္ကဋ္ဌဖြစ်သူ Mr. Jose Mari del Rosario က နေပြည်တော်ရှိ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနသို့ လာရောက်၍ လုပ်ထုံးလုပ်နည်းများ၊ လုပ်ကိုင်ခွင့် အခွင့်အလမ်းများနှင့် ဥပဒေများ အကြောင်းကို လာရောက်မေးမြန်း ဆွေးနွေးခဲ့ကြောင်း သိရသည်။

Microtel ကော်ပိုရေးရှင်း အနေဖြင့် ဟိုတယ်လုပ်ငန်းကို အဓိက လုပ်ကိုင်နေခြင်းဖြစ်ပြီး ဖိလစ်ပိုင်၊ အမေရိကန်၊ ကနေဒါ၊ မက္ကဆီကို နိုင်ငံများ အပါအ၀င် နိုင်ငံတကာတွင် ဟိုတယ်အလုံးပေါင်း ၃၀၀ ကျော်အား တည်ဆောက်ကာ လုပ်ငန်းများ လုပ်ကိုင်လျက်ရှိကြောင်း သိရသည်။

မြန်မာနိုင်ငံ၏ ဟိုတယ်နှင့် ခရီးသွား ကဏ္ဍတွင် နိုင်ငံခြား ရင်းနှီးမြှုပ်နှံမှု ပမာဏ စုစုပေါင်း အမေရိကန်ဒေါ်လာ ၁၅၉၀ သန်းကျော်ရှိပြီး အိမ်ခြံမြေ ကဏ္ဍတွင်မူ အမေရိကန်ဒေါ်လာ ၁၉၃ သန်းကျော်ရှိကြောင်း သိရသည်။

၂၀၁၃ ခုနှစ်အတွင်း၌ နိုင်ငံခြား ရင်းနှီးမြှုပ်နှံမှု ဥပဒေအရ စင်ကာပူနှင့် မြန်မာကုမ္ပဏီ တစ်ခုတို့က BOT စနစ်ဖြင့် မြေငှားရမ်း၍ ဟိုတယ်အပါအ၀င် အဆောက်အအုံများ တည်ဆောက်ငှားရမ်းခြင်း လုပ်ငန်းကို ရန်ကုန်တိုင်းဒေသကြီး၊ ရန်ကင်းမြို့နယ်၌ လုပ်ကိုင်ရန် မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုခဲ့ကြောင်း သိရသည်။

မြန်မာနိုင်ငံတွင် နိုင်ငံခြား ရင်းနှီးမြှုပ်နှံမှု ဥပဒေသစ်ကို ၂၀၁၂ ခုနှစ်တွင် ပြဋ္ဌာန်းခဲ့ပြီးနောက် နိုင်ငံတကာမှ လုပ်ငန်းရှင်များ အနေဖြင့် ကဏ္ဍစုံတွင် ၀င်ရောက်မြှုပ်နှံရန် ပြင်ဆင်လာကြခြင်းဖြစ်ပြီး လက်ရှိတွင် မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ခွင့်ပြုချက်အရ ကုန်ထုတ်လုပ်ငန်း အများစုတွင် ၀င်ရောက်မြှုပ်နှံမှု များနေကြောင်း သိရသည်။

ထို့အတူ အမေရိကန်နိုင်ငံ အပါအ၀င် နိုင်ငံကြီးများ အနေဖြင့် အာမခံလုပ်ငန်း၊ စားသောက်ကုန်လုပ်ငန်း၊ ဟိုတယ်လုပ်ငန်း၊ ဆောက်လုပ်ရေး လုပ်ငန်းနှင့် ခရီးသွား လုပ်ငန်းများအတွက် ရုံးခွဲများ လာရောက်ဖွင့်လှစ်ရန် စီစဉ်လျက်ရှိပြီး အများစုမှာ ဖွင့်လှစ်ခွင့် ပေးထားပြီးဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ သိရသည်။

Microtel မှ တည်ဆောက်ထားသည့် အသေးစား ဟိုတယ်နှင့် တိုက်ခန်းအဆောက်အအုံအား တွေ့ရစဉ် (ဓာတ်ပုံ-designinsitesd.com)

Read more →

ဟံသာဝတီ လေဆိပ်သစ် တည်ဆောက်ရေး လုပ်ငန်းများ ၂၀၁၄ နှစ်ဆန်းပိုင်း စတင်နိုင်မည်

ဟံသာဝတီ လေဆိပ်သစ် တည်ဆောက်ရေး လုပ်ငန်းများအား ၂၀၁၄ နှစ်ဆန်းပိုင်းတွင် စတင်နိုင်မည်ဖြစ်ကြောင်း လေကြောင်းပို့ဆောင်ရေးနှင့် ညွှန်ကြားမှု ဦးစီးဌာနမှ သိရသည်။

မြန်မာနိုင်ငံ၏ အဓိက ၀င်ပေါက်တစ်ခုဖြစ်သည့်အပြင် အကြီးမားဆုံး လေဆိပ်အဖြစ် သတ်မှတ်ရမည့် ဟံသာဝတီ အပြည်ပြည်ဆိုင်ရာ လေဆိပ်သစ်ကြီး တည်ဆောက်ရန်အတွက် ကိုရီးယားနိုင်ငံမှ Incheon Airport Consortium အား ရွေးချယ်ခဲ့သည်။

အဆိုပါ ကုမ္ပဏီနှင့် မြန်မာနိုင်ငံ လေကြောင်းပို့ဆောင်ရေး ညွှန်ကြားမှု ဦးစီးဌာနတို့သည် တည်ဆောက်ရေး ကန်ထရိုက် စာချုပ်ချုပ်ဆိုရန် ညှိနှိုင်းဆွေးနွေးမှုများ ပြုလုပ်လျက်ရှိကြောင်း သိရသည်။

"ကျွန်တော်တို့ ဒုတိယအကြိမ် ညှိနှိုင်းမှုတွေ လုပ်ပြီးသွားပါပြီ။ ညှိနှိုင်းဆွေးနွေးပွဲတွေ သုံးကြိမ်ပြုလုပ် သွားမှာဖြစ်ပြီး၊ နိုဝင်ဘာ လဆန်းလောက်ဆိုရင် အပြီးသတ် ညှိနှိုင်းမှု ပြီးဆုံးမှာပါ။ တည်ဆောက်ရေး လုပ်ငန်းတွေကို ၂၀၁၄ နှစ် ဆန်းပိုင်းမှာ စတင်နိုင်မှာပါ" ဟု လေကြောင်းပို့ဆောင်ရေးနှင့် ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးတင်နိုင်ထွန်းက ပြောကြားခဲ့သည်။

ဟံသာဝတီ အပြည်ပြည်ဆိုင်ရာ လေဆိပ်သစ် တည်ဆောက်ခွင့်ရ ကိုရီးယားနိုင်ငံမှ Incheon Airport ကုမ္ပဏီနှင့် လေကြောင်းပို့ဆောင်ရေး ညွှန်ကြားမှု ဦးစီးဌာနတို့ လက်တွေ့ညှိနှိုင်းမှုတွင် တင်ဒါတင်သွင်းစဉ် စည်းကမ်းချက်များနှင့် ကွဲလွဲချက်အချို့ ဖြစ်ပေါ်နေကြောင်း လေကြောင်းပို့ဆောင်ရေး ညွှန်ကြားမှု ဦးစီးဌာနမှ သတင်းရရှိသည်။

ဟံသာဝတီ အပြည်ပြည်ဆိုင်ရာ လေဆိပ်သစ် တည်ဆောက်ခွင့်ရ ကိုရီးယားနိုင်ငံမှ Incheon Airport ကုမ္ပဏီနှင့် ဆွေးနွေးရာတွင် တင်ဒါတင်သွင်းစဉ်က စည်းကမ်းချက်များပေါ် အခြေပြု၍ လက်တွေ့တည်ဆောက်ရာတွင် လိုအပ်မည့် အချက်များကို ဆွေးနွေးခြင်း ဖြစ်သည့်အတွက် တင်ဒါတင်သွင်းစဉ် အရေးကြီးသည့် စည်းကမ်းချက်များနှင့် ကိုက်ညီမှု မရှိဘဲ ကွဲလွဲနေပါက လက်ခံမည် မဟုတ်ကြောင်း လေကြောင်းပို့ဆောင်ရေး ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးတင်နိုင်ထွန်းက ပြောကြားခဲ့သည်။

ဟံသာဝတီ လေဆိပ်သစ် ပုံစံငယ် ဒီဇိုင်းအား တွေ့ရစဉ်

Read more →

သီတဂူ ဆရာတော် သံတွဲတွင် အစ္စလာမ် ဘာသာဝင်များကို ငြိမ်းချမ်းရေး တရား ဟောမည်

By The Voice Journal

ပဋိပက္ခများ ဖြစ်ပွား ခဲ့သည့် ရခိုင်ပြည်နယ် သံတွဲမြို့သို့ ရောက်ရှိနေသည့် ကမ္ဘာ့ ဗုဒ္ဓတက္ကသိုလ် အဓိပတိ ဆရာတော် အရှင်ဉာဏိဿရက အောက်တိုဘာလ ၈ ရက်နေ့တွင် မြို့နယ် အထွေထွေ အုပ်ချုပ်ရေးမှူး ရုံး၌ အစ္စလာမ် ဘာသာဝင်များနှင့် ဘာသာရေး ခေါင်းဆောင်များကို ငြိမ်းချမ်းရေး တရား ဟောမည် ဖြစ်ကြောင်း သံတွဲမြို့နယ် အမျိုးဘာသာ သာသနာ ထိန်းသိမ်း ကာကွယ်စောင့်ရှောက်ရေး ရဟန်းတော်များ အဖွဲ့ ဗဟိုဌာန ဥက္ကဋ္ဌ ဆရာတော် အရှင်ကောသလ္လက မိန့်ကြားသည်။

ဆရာတော် အရှင်ဉာဏိဿရသည် သံတွဲမြို့သို့ အောက်တိုဘာလ ၇ ရက်နေ့တွင် ရောက်ရှိပြီး မွန်းလွဲ ၃ နာရီခန့်တွင် သံတွဲမြို့ခံ များကို ငြိမ်းချမ်းရေး တရား ဟောပြောခဲ့ကြောင်း၊ ပဋိပက္ခများ မဖြစ်ပွားဘဲ ငြိမ်းချမ်းစွာ နေထိုင်ရန် မိန့်ကြားခဲ့ကြောင်း ဆရာတော် အရှင်ကောသလ္လက ပြန်လည် မိန့်ကြားသည်။ သံတွဲမြို့နယ်တွင် ပဋိပက္ခများ ဖြစ်ပွားခဲ့သည့် ကျေးရွာ များကို အောက်တိုဘာလ ၈ ရက်နေ့ နံနက်ပိုင်းတွင် ဆရာတော် အရှင်ဉာဏိဿရ ကြွရောက်မည် ဖြစ်ပြီး ပညာရေး၊ လူမှုရေး၊ ကျန်းမာရေး တို့တွင် လိုအပ်ချက်များကို ထောက်ပံ့ ကူညီရန် သွားရောက်မည် ဖြစ်ကြောင်း ဆရာတော် အရှင်ကောသလ္လက မိန့်ကြားသည်။

“ပဋိပက္ခနဲ့ ပတ်သက်ပြီး မေးမြန်း စုံစမ်းဖို့လာတာ မဟုတ်ဘူးလို့ ဆရာတော်က မိန့်တယ်” ဟု ၎င်းကပြန်လည် မိန့်ကြားသည်။ အကြမ်းဖက်မှုများ ဖြစ်ပွားခဲ့သည့် သဗြုချိုင် အပါအဝင် ကျေးရွာများ၌ သာသနာ့ အလံ ကြိုတင်လွှင့်ထူ ထားသည့် နေအိမ်များမှာ ဖျက်ဆီးမှုမှ လွတ်မြောက် ခဲ့ကြောင်း၊ အဆိုပါ သာသနာ့အလံ ကိစ္စသည် သြဂုတ်လ အတွင်းက ပြုလုပ်ခဲ့သည့် နိုင်ငံတော် ဗုဒ္ဓဘာသာနေ့တွင် ဗီနိုင်းများ၊ သာသနာ့ အလံများကို လမ်းများ၊ အိမ်များတွင် လွှင့်ထူမှုရှိခဲ့ပြီး အလံများကို အကြမ်းဖက်မှု များတွင် ဗုဒ္ဓဘာသာနှင့် အစ္စလာမ်ဘာသာ ကွဲပြားစေရန် အသုံးပြုခဲ့ကြောင်း အစိုးရက ထုတ်ပြန်ထားပြီး သံတွဲမြို့နယ် အမျိုးဘာသာ သာသနာ ထိန်းသိမ်းကာကွယ် စောင့်ရှောက်ရေး ရဟန်းတော်များ အဖွဲ့ ဗဟိုဌာနက ယင်းထုတ်ပြန်ချက်ကို ကန့်ကွက်ထားသည်။

သံတွဲမြို့နယ်တွင် ဖြစ်ပွားခဲ့သည့် ပဋိပက္ခများတွင် ပါဝင်ပတ်သက်ခဲ့သည်ဟု ဆိုကာ အမျိုးသား ၅၄ ဦး၊ အမျိုးသမီး ၂ ဦးကို ဖမ်းဆီးကာ စစ်ဆေးနေကြောင်း သံတွဲခရိုင် ရဲတပ်ဖွဲ့မှူး ရဲမှူးကြီး ကျော်တင့် က ပြောကြားသည်။ ပဋိပက္ခတွင် ပါဝင် ပတ်သက်သည်ဟုဆိုကာ ရခိုင်တိုင်းရင်းသားများ တိုးတက်ရေးပါတီ (RNDP) သံတွဲမြို့နယ် ဥက္ကဋ္ဌ အပါအဝင် ဒေသခံအချို့ကို အပြစ်မရှိဘဲ ဖမ်းဆီးခံ ထားရသည့် အကြောင်းအရင်း များကို စုံစမ်းရန်နှင့် ပဋိပက္ခ ဖြစ်ပွားသည့် နေရာများကို သွားရောက်ကာ အချက်အလက် စုဆောင်းရန် RNDP ဥက္ကဋ္ဌ ဒေါက်တာအေးမောင် အပါအဝင် ပါတီဝင် အချို့နှင့် လွှတ်တော် ကိုယ်စားလှယ် များသည် အောက်တိုဘာလ ၇ ရက်နေ့တွင် သံတွဲမြို့သို့ ရောက်ရှိနေကြောင်း RNDP ပါတီထံမှ သိရှိရသည်။

သံတွဲတွင် ဖြစ်ပွားခဲ့သည့် ပဋိပက္ခများကြောင့် လူငါးဦး သေဆုံးကာ နှစ်ဦးမှာ ပျောက်ဆုံးနေပြီး လေးဦး ဒဏ်ရာရရှိခဲ့ကြောင်း၊ လူပေါင်း ၅၀၀ ဝန်းကျင် အိုးမဲ့အိမ်မဲ့ ဒုက္ခရောက်ခဲ့ရကြောင်း သက်ဆိုင်ရာ ဒေသအာဏာပိုင်များထံမှ သိရှိရသည်။ 

Read more →