“ဒေါ်အောင်ဆန်းစုကြည် သမ္မတဖြစ်ဖို့အတွက် ဖွဲ့စည်းပုံအခြေခံဥပဒေပြင်ရေးတောင် မလွယ်ဘူး”

ပြည်သူ့လွှတ်တော်ကိုယ်စားလှယ် ဦးရဲထွန်း ( သီပေါ ) နှင့် တွေ့ဆုံခြင်း

လွှတ်တော်ကိုယ်စားလှယ်တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းအား ယခုနှစ် သြဂုတ်လအတွင်း လွှတ်တော်ကိုယ်စားလှယ်များနှင့် တပ်မတော်သားလွှတ်တော် ကိုယ်စားလှယ်တို့ အပြန်အလှန် ဆွေးနွေးငြင်းခုံခဲ့ကြရင်း ဥပဒေကြမ်းကော်မတီ၏ တင်ပြချက်အရ အဆိုပါဥပဒေကြမ်းအား လွှတ်တော်က ဆိုင်းငံရန် ဆုံးဖြတ်ခဲ့သည်။ အဆိုပါ လွှတ်တော်က ဆိုင်းငံထားသည့် ဥပဒေကြမ်းကို ရွေးကောက်ပွဲကော်မရှင်က ဖွဲ့စည်းပုံအခြေခံဥပဒေပါ ပုဒ်မများကို ကိုးကား၍ ဆိုင်းငံရန် မသင့်ကြောင်း လွှတ်တော်သို့ သဝဏ်လွှာပေးပို့ခဲ့သည်။ ယင်းဥပဒေကြမ်းနှင့်စပ်လျဉ်း၍ လွှတ်တော်ကိုယ်စားလှယ် ဦးရဲထွန်း (သီပေါ) ကို Venus News Weekly မှ ဆက်သွယ်မေးမြန်းထားမှုများကို စာဖတ် ပရိတ်သတ်များအတွက် ပြန်လည်ကောက်နုတ်ဖော်ပြပေးလိုက်ပါသည်။

Venus: ရွေးကောက်ပွဲကော်မရှင်က တင်သွင်းလာတဲ့ လွှတ်တော် ကိုယ်စားလှယ် တာဝန်မှ ပြန်လည်ရုပ်သိမ်းခြင်းဆိုင်ရာ ဥပဒေကြမ်းနှင့် ပတ်သက်ပြီး အဲ့ဒီအပေါ်မှာ အန်ကယ်ရဲ့ သဘောထားအမြင်လေး သိပါရစေခင်ဗျ။

UYT: လွှတ်တော်ကိုယ်စားလှယ်ကို တာဝန်ကပြန်လည်ရုပ်သိမ်းတဲ့ ဥပဒေကလေ ကျွန်တော်တို့ ဖွဲ့စည်းပုံအခြေခံဥပဒေ ပုဒ်မ ၃၇၉ အရ ဆိုရင် လွှတ်တော်က ပြဋ္ဌာန်း ပေးရမှာပေါ့ဗျာ။ အဲ့ဒီဥပဒေမရှိဘူးဆိုရင် ပြည်သူ လူထုက သူတို့ ရွေးကောက် တင်မြှောက်လိုက်တဲ့ ကိုယ်စားလှယ်က သတ်မှတ်ထားတဲ့ စည်းကမ်းဥပဒေ ဖောက်ဖျက်မှုနဲ့ ပြန်လည်ရုပ်သိမ်းချင်တာ ရုပ်သိမ်းလို့မရဘူး ဖြစ်နေတယ်။ အဲ့ဒီတော့ ရွေးကောက်ပွဲ ကော်မရှင်က ဥပဒေပြဋ္ဌာန်းဖို့ ကြိုးစားတာပေါ့ဗျာ။ ဒါပေမယ့် လွှတ်တော်က ၁ ရာခိုင်နှုန်းဆို နည်းတယ်ဆိုတဲ့ အကြောင်းပြချက်နဲ့ ဒီဥပဒေကို ရပ်ဆိုင်းဖို့ ကြိုးစားတာ ပေါ့နော်။ အမှန်တော့ ၁ ရာခိုင်နှုန်းဆိုတာ တိုင်တဲ့အရေအတွက်ကိုပဲ သတ်မှတ် တာ ဖြစ်တာကိုး။ ကော်မရှင်က ထပ်ပြီးတော့ တင်ပြတဲ့ တင်ပြချက်က အကျိုးအကြောင်း ရှိပါတယ်။ အကျိုး အကြောင်းရှိပြီးတော့ မှန်ကန်တယ်ပေါ့ဗျာ။ အတိုချုပ်ပြောရရင်တော့ ရွေးကောက်ပွဲ ကော်မရှင်က တင်ပြချက်တွေဟာ မှန်ကန်တယ်လို့ ကျွန်တော်ထောက်ခံပါတယ်။

Venus: ဒီဥပဒေကို ဥပဒေကြမ်းကော်မတီက ဆိုင်းငံ့သင့်ကြောင်း လွှတ်တော်ကို တင်ပြချက်အပေါ်မှာရော အန်ကယ့်သဘောထား သိပါရစေ။

UYT: အဲ့ဒီမှာ တကယ့်တကယ်အကြောင်းပြတာက ၁ ရာခိုင်နှုန်း ဆိုတာက အခု ကျွန်တော်တို့ရဲ့ ပါတီစံ ဒီမိုကရေစီစနစ်နှင့် မညီတော့ဘူးလို့ အကြောင်းပြ တာပေါ့နော်။ တခြားနိုင်ငံတွေမှာလည်း လွှတ်တော်ကိုယ်စားလှယ်ကို တာဝန် က ရုပ်သိမ်းဖို့ ကော်မရှင်ကို တာဝန်ပေးမထားဘူး စသဖြင့်ပေါ့ဗျာ။ အဲလို အကြောင်းပြချက် ပေးတာပေါ့။ ဒါပေမယ့် တကယ့်တကယ်တော့ ဒီဟာတွေရဲ့ နောက်ကွယ်မှာ လုံလောက်တဲ့ အကြောင်းအရင်းတွေ ရှိလိမ့်မယ်ဗျ။ ဒါတွေ ကျွန်တော်မပြောချင်ဘူး။ သို့သော်လည်း ဖွဲ့စည်းပုံ အခြေခံဥပဒေ အရ ပြည်သူလူထုက ရွေးကောက်တင်မြှောက်ပေးလိုက်တဲ့ ကိုယ်စားလှယ်သည် တာဝန် မကျေဘူး။ နောက်ပြီး သတ်မှတ်ထားတဲ့ ဥပဒေကို ဖောက်ဖျက်တယ် ဆိုရင် သူတို့မှာ ရုပ်သိမ်းခွင့် ရှိတယ်ဆိုတာကို ပြည်သူလူထုနှင့် အုပ်ချုပ်သူ၊ ဥပဒေပြုသူတွေ ကြားမှာ အပြန်အလှန် Check and Balance အာမခံချက် ဖြစ်တာကို။ အဲဒါကို ကျွန်တော့်အနေနဲ့ အခြေခံဥပဒေမှာပါတဲ့ ပြဋ္ဌာန်းချက်ကို အကောင်အထည်ဖော်သင့်တယ်လို့ ယူဆတယ်။

Venus: အခုလို ဥပဒေကြမ်းကို လွှတ်တော်က ဆိုင်းငံ့တာဟာ ပြည်သူလူထုကို ဖွဲ့စည်းပုံအခြေခံဥပဒေက ပေးတဲ့ အခွင့်အရေးကို ဟန့်တားရာ ရောက်လား ခင်ဗျ။

UYT: ရောက်စေတယ်ဗျ။ အဲလို သက်ရောက်တာပေါ့။ ဒါပေမယ့် သူတို့က ဒါကို အမြဲဟန့်တားမှာ မဟုတ်ဘူး။ ဖွဲ့စည်းပုံအခြေခံဥပဒေပြင်ဖို့ ကော်မတီ ကလည်း ဖွဲ့စည်း ထားပြီးပြီဆိုတော့ ဖွဲ့စည်းပုံအခြေခံဥပဒေပြင်တဲ့ ကော်မတီကလည်း လေ့လာ သုံးသပ်မှု တွေ လုပ်နေတော့ အဲ့ဒါပြင်ပြီးမှ ဆက်လုပ်မယ်ပေါ့နော်။ သူတို့က နည်းနည်း ဆိုင်းထား ချင်တဲ့ သဘောပေါ့ ဗျာ။ အခုကော်မရှင်က ပြန်လည် တင်ပြတော့ ၁ ရာခိုင်နှုန်းဆိုတာ ဆုံးဖြတ်ခွင့် အာဏာကို ပြောတာမဟုတ်ဘူး။ တိုင်ကြားတဲ့ အရေအတွက်ကို ပြောတာပါ ပေါ့နော်။ ကျွန်တော်ပြန်စဉ်းစားကြည့်တယ်။ ကော်မရှင်က တင်ပြတာနဲ့ ပတ်သက်ပြီး ဒါဟာ မှန်တယ်လို့ ထင်တယ်။ လူတစ်ဦး တစ်ယောက်က တိုင်တယ်ဆိုတာကတော့ အရမ်း နည်းလွန်းတာပေါ့နော်။ လွှတ်တော် ကိုယ်စား လှယ်ကို မဲပေးလိုက်တဲ့ ပြည်သူလူထုရဲ့ ၁ ရာခိုင်နှုန်း ဆိုတာ ကတော့ မနည်းပါဘူး။ ဒီဥပဒေ ပြဋ္ဌာန်းတာ ကောင်းပါတယ်။

Venus: ဒီဥပဒေကြမ်းနဲ့ ပတ်သက်ပြီး လွှတ်တော်ကိုယ်စားလှယ်တွေနဲ့ တပ်မတော် လွှတ်တော်ကိုယ်စားလှယ်တွေကြားမှာ ပြင်းပြင်းထန်ထန် ဆွေးနွေးမှုတွေ ရှိခဲ့တယ်ပေါ့ နော်။ ဒါနဲ့ ပတ်သက်ပြီး လွှတ်တော်ထဲမှာ အခုလိုမျိုး ဆွေးနွေးတာဟာ ကောင်းတယ်ပေါ့ နော်။ တစ်ဖက်မှာလည်း ဒါဟာ လှည့်ကွက်တစ်ခုလို့ ပြောနေတယ်။ အဲ့ဒီအပေါ် အန်ကယ့် သဘောထား အမြင်လေး ပြောပေးပါ ခင်ဗျ။

UYT: လှည့်ကွက်မဟုတ်ဘူး။ ဒါဟာ အဖြစ်မှန်ပဲ။ သို့သော်လည်း ကျွန်တော်တို့ လွှတ်တော်က အတိုက်အခံပါတီနဲ့ လက်ရှိ အင်အားအကြီးဆုံး ပါတီကြားက ပဋိပက္ခ မဟုတ်ဘဲနဲ့ သူတို့ အင်အားအများဆုံးပါတီ အချင်းချင်းရဲ့ တိုက်ပွဲ တစ်ခု ဖြစ်တယ်။ တကယ့်ကို ပြင်းပြင်းထန်ထန် ဖြစ်နေတဲ့ သဘောပဲ။ ဒါနဲ့ ပတ်သက်ပြီးတောင် ကျွန်တော် ဖေ့ဘွတ်စာမျက်နှာမှာ ရေးထားတာလေး တောင် ရှိတယ်။ ဒေါ်အောင်ဆန်းစုကြည် သမ္မတ ဖြစ်ဖို့အတွက် ဖွဲ့စည်းပုံ အခြေခံဥပဒေ ပြင်ရေးတောင် မလွယ်ဘူး ဆိုတာကိုပေါ့။

Venus: ပြည်သူ့ မျှော်လင့်ချက် လွှတ်တော်က ဖော်ဆောင်ရွက်ဆိုတဲ့ ဆောင်ပုဒ်နဲ့အညီ အချို့ လွှတ်တော်အမတ်တွေက ပြည်သူ့အကျိုးနဲ့ မစပ်လျဉ်းတဲ့ မရေရာ၊ မသေချာတဲ့ ဆွေးနွေးမှုတွေ ပြုလုပ်နေတယ်လို့ ဆိုကြတယ် ခင်ဗျ။ အဲ့ဒီအပေါ်မှာ လွှတ်တော် ကိုယ်စာလှယ်တစ်ဦးအနေနဲ့ ဘာများ ပြောချင်လဲ ခင်ဗျ။

UYT: ဒီအပေါ်မှာ အပြစ်တင်ကြေးဆိုရင် ဖြတ်သန်းလာရတဲ့ ခေတ်စနစ်ကြီးကို အပြစ်တင်ရမှာပေါ့ဗျာ။ ယနေ့ခေတ် အခြေအနေမှာ နိုင်ငံရေးကို ကောင်းကောင်း နားလည်တယ်ဆိုတဲ့သူက နည်းတယ်လေ။ မျိုးဆက် တစ်ဆက် နှစ်ဆက်လောက်က နိုင်ငံရေးကို ဝေးဝေးရှောင်ဆိုတဲ့ လူ့အဖွဲ့ အစည်းနဲ့ သွားတိုးခဲ့တာကိုဗျ။ ကျွန်တော်တို့ တောင်မှ လက်ဖက်ရည်ဆိုင်တို့ ဘာတို့မှာ နိုင်ငံရေးစကားပြောမိရင် ဘေးက ထသွားကြတယ်။ နိုင်ငံရေးဆိုတဲ့ စကားလုံးကို အပြောမခံနိုင်အောင် လူ့အဖွဲ့အစည်းက ဖြစ်နေတာ။ လူ့အဖွဲ့ အစည်းဆိုတာ ကျွန်တော်တို့က ဖမ်းမယ့်ဆီးမယ့် အဖွဲ့အစည်းမျိုး မဟုတ်ဘူး။ ခင်တဲ့မင်တဲ့ သူတွေက အစ မပြောချင်ကြဘူး။ အခု လွှတ်တော်ကိုယ်စားလှယ် တွေက နိုင်ငံရေး သိပ်နားမလည်ဘူးဆိုတာတော့ သိပ်မဆန်းလှဘူးပေါ့ဗျာ။ အခု လွှတ်တော်ကိုယ်စားလှယ်တွေက ဘာတွေ လုပ်သင့်တယ်၊ ဘာတွေ လုပ်ထိုက်တယ် ဆိုတာကတော့ တဖြည်းဖြည်းတော့ တက်သွားမှာပေါ့နော်။

Venus News ဂျာနယ် အတွဲ(၅) အမှတ်(၆)မှ ကူးယူဖော်ပြသည်