ရွှေမှော်များတွင် KIA မှ ဆက်ကြေးငွေအစား ရိက္ခာများ လိုက်လံကောက်ခံ နေမှုကြောင့် တိုက်ပွဲများ ပြန်လည် ဖြစ်ပွားလာမှာကို ဒေသခံများ စိုးရိမ်ပူပန် လျက်ရှိ

ပူတာအိုခရိုင် မချမ်းဘောမြို့နယ် အင်ခါဂါးကျေးရွာ အနီးတွင် သြဂုတ်နောက် ဆုံးပတ်က နယ်မြေခံ အစိုးရ စစ်ကြောင်းနှင့် KIA တို့တိုက်ပွဲ ဖြစ်ပွားပြီး နောက်ပိုင်းတွင် စက်တင်ဘာ ပထမပတ်မှစ၍ KIA မှ ရွှေမှော်များတွင် ယခင် ကောက်ခံနေကြ ဆက်ကြေးငွေအစား ဆန်၊ဆီ၊ဆားများကို လိုက်လံ ကောက်ခံပြီး ရိက္ခာများ ကြိုတင်စုဆောင်းနေမှုကြောင့် အစိုးရတပ်များနှင့် တိုက်ပွဲများ ပြန်လည်ဖြစ်ပွားလာမှာကို ဒေသခံများ က စိုးရိမ်ပူပန်လျက်ရှိနေ ကြကြောင်း သတင်းရရှိသည်။

ဝိုင်းမော်မြို့ခံတစ်ဦးက “ ဒီတစ်ပတ် နှစ်ပတ်အတွင်း ရွှေမှော်ထဲက အဖွဲ့တွေ ဆန်တွေလာဝယ်တာတွေ့တယ်၊ အချို့ကလည်း ဆီပုံးလိုက်၊ ဆားအိတ်လိုက် ၀ယ်သွားကြတယ်၊ နန်ဆန်ယန်တစ်ဝိုက်မှာ ရွှေတူးနေတဲ့ ကုမ္ပဏီ တွေအများ ဆုံးလာဝယ်တာ၊ အခါတိုင်းဆို ဒီမြို့ပေါ်က ဈေးသည်တွေက အဲဒီမှော်ထဲကို သွားရောင်းတာလေ၊ ကြားရတဲ့သတင်းကတော့ KIA အဖွဲ့ကိုပေးရတာလို့ ပြောကြတာပဲ ” ဟု ပြောပြခဲ့ပါသည်။

မြစ်ကြီးနားနှင့် ၀ိုင်းမော်မြို့နယ်များတွင် ယခုရက်ပိုင်းအတွင်း ဆန်နှင့်ဆီ ဆိုင်များသို့ ပုံမှန်ထက် ရွာနှင့် မှော်ထဲမှ ဒေသခံများမှ လာရောက်ဝယ်ယူ နေကြကြောင်း၊ ၎င်းဆန်နှင့်ဆီများကို KIA အဖွဲ့အား ဆက်ကြေးငွေ အစား ပေးရခြင်းဖြစ်ကြောင်း၊ KIA မှ ရွှေလုပ်ငန်းရှင်များနှင့် ဒေသခံများဆီမှ ကောက်ခံရရှိသော ဆန်၊ ဆီ နှင့် ဆားများကို ဗဟိုဌာနချုပ် လိုင်ဇာနှင့် လိုင်စင်ပို့စ်စခန်းများသို့ သယ်ယူလျက်ရှိကြောင်း ယင်းနန်ဆန်ယန်ချောင်း တစ်ဝိုက်ရှိ ရွှေတူးဖော်နေသူ ဒေသခံများထံမှ သိရှိရသည်။

“ဟိုတစ်လောက KIA နဲ့အစိုးရတပ်တွေ တိုက်ပွဲဖြစ်ပြီး နောက်ပိုင်းမှာ အခုလို ဆန်နဲ့ဆီတွေ ချက်ချင်းဆိုသလို လိုက်လံစုဆောင်းနေတာ သာမန်သဘော တော့ မဟုတ်နိုင်ဘူး၊ KIA ကအစိုးရနဲ့ (၁၆) ရက်နေ့မှာ တွေ့ဆုံ ဆွေးနွေးပွဲ လုပ်မယ်လို့ကြားတယ်၊ တွေ့ဆုံဆွေးနွေးပွဲက ရလဒ်မကောင်းရင် အစိုးရ တပ်မတွေနဲ့ တိုက်ပွဲဖြစ်နိုင် တယ်လို့ ယူဆထားပုံရပါတယ်၊ ဟိုတလော ကလည်း ပန်ဝါဘက်မှာ ပြည်သူ့စစ်တွေနဲ့ တိုက်ပွဲဖြစ်ကြတယ်၊ မချမ်းဘော မှာဖြစ်တဲ့တိုက်ပွဲမှာ အစိုးရတပ်က အရာရှိတစ်ယောက်ကို KIA က ခေါင်းဖြတ် သတ်လို့ လိုင်ဇာကို (၄၈) နာရီအတွင်းတိုက်တော့မယ်ဆိုပြီး သတင်းတွေ ထွက်နေတာလည်းရှိတယ်၊ အဲဒီလို တိုက်ပွဲတွေ ပြန်ဖြစ်မှာကို စိုးရိမ်နေကြပြီး တကယ်လို့ ဖြစ်လာခဲ့ရင် ဒေသခံတိုင်းရင်းသားတွေ ခွေးပြေးဝက်ပြေးနဲ့ ဒုက္ခသည် စခန်းတွေဆီသွားကြရဦးမှာပေါ့ ” ဟု မြစ်ကြီးနားမြို့ခံ စီးပွားရေးလုပ်ငန်းရှင်တစ်ဦးက ပြောပြသွားသည်။

စက်တင်ဘာ (၁၂) ရက်နေ့တွင် နန်ဆန်ယန်ချောင်း အနီးတစ်ဝိုက်တွင် ရွှေတူးဖော်နေသော ကုမ္ပဏီနှင့် လုပ်ငန်းရှင်များထံမှ ဆန် (၁၄) အိတ်နှင့် ဆား (၂) အိတ် ကို KIA အဖွဲ့တစ်ဖွဲ့က လာရောက် တောင်းခံသွားခဲ့ကြောင်း သိရှိရသည်။


ခွန်နော်